= طب أقطعي ورقه.
قطعت ورقه ومديت ايدي ليها وقولت _ إمسكي اهو.
عده تقريباً دقيقه ولقيتها جيه ناحيتي وبتقول = بصي انا عملتها واديتها لمها وهبقي اعملك واحدة في الدرس.
_ أنا ملك.
= امممم،انتي عارفاني؟
_ اها،سندس،انتي بتمشي ازاي.
شاورت علي نفس الطريق اللي بمشي منه= كده،وانتي.
_ نفس الطريق.
وبكده ياساده بدأت صداقه جديده،بدأت بسبب ورقه وغياب مُدرسه.
يا اجمل ورقه في حياتي ،اجمل ورقه لأنه بسببها اتعرفت علي أجمل صديقه.
_ يلا يازفته هستني كتير انا؟
= بلبس الكوتش اهو.
عرفت مؤخراً أني بمتلك أجمل حظ في حياتي ،الحظ اللي جمعني بيها في المدرسه وفي المنطقه،مش بيفصل بينا غير شارع واحد بس .
= كلام رجاله.
_ إن شاء الله ،بس رنييي ياسننندسس كتتتيررر علشان اصحي ونتنيل المره دي وننزل نجيب العيش .
= طيب طيب.
_ مع إني مش بحب انزل اجيب العيش وبذات يوم الجمعه علشان الزحمه بس اهو هنزل معاكي اي خدمه.
بقيت أستغل العيش علشان اشوفها يوم الجمعه ،أي نعم ساعات كتير الموضوع بيبوظ ومش بننزل بس برضوا بقيت أستغل العيش علشان اشوفها .
_ سلام.
= سلام.
رحمه قالت = دي سندس؟
_ اها.
= انتم مش بتزهقوا،طول اليوم رغي رغي رغي.
_ عندك مانع!
مش مكتفين ب المقابلات لأ،احنا طول النهار مع بعض علي التلفون، لحد ما بقي كلامنا ف الفون شئ أساسي في يومي،بقيت أحس أن يومي فيه حاجه ناقصه لو متكلمناش.
_ خلاص اشطا هروح اعمله.
= طيب،هتسميه اي؟
_ كن ذا اثر.
أقرب جروب لقلبي لأني عملته بالمشاركة معاها،ببعت فيه وانا مبسوطه علشان هناخد الثواب مع بعض.
بعت لها تحت الصوره _ رأيك ؟
= جاممممددده.
بحب أخد رأيها في كل صوره بتصورها،وكل حاجه أجيبها،بحب اشاركها كل تفصيله في حياتي حتي لو ملهاش لازمه،وحقيقي انا معرفش ليه؟
او يمكن اعرف.
يمكن علشان هي سندس.
= وصلتي؟
_ اه الحمدلله.
سؤالها عندي بالدنيا ومافيها، رنتها عليا وانا ف الطريق دي عرفتني أن في حد بيحبني بجد وخايف عليا.
معرفش أمتي وفين وازاي بقت كل ماسكتي للفون كلام معاها
، معرفش أمتي وازاي بقيت اول ما اصحي ابعتلها وقبل ما انام بتكون اخر واحده كلمتها.
معرفش ليه قبل ما انزل وانا مسافره كلمتها هي ،وبعد ما وصلت بعتلها هي ، هي ازاي خطفت قلبي كده؟
= مالك؟
_ مليش.
= لا في حاجه.
عيطت _ مخنوقه اوي بجد.
= هرن.
فخوره بيها بجد،الصديقه الوحيده اللي فتحت قلبي ليها وحكيت لها عن حاجه مضيقاني، ف وقت لما مكنش حد معايا هي رنت، لما كان بينا مسافات عرفت تضحكني وتخليني أبطل عياط،انا بجد فخوره بيكي ياسندستي القمر.
وكأنها نور وسط ظُلمه تُحيطني من كل جانب،وكأنها شمس في ليل مليئ بالدموع المؤذيه،وكأنها ضحكه وسط جميع البؤس في الحياه،وكأنها صديقتيي الجميله .
أليكِ....ياركني اللطيف،ومخبئي الجميل من الحياه، إليك ياذات الغمازات، انــا أحـــبــك .
حبيتك اكتر مع كل مره عرفتي تضحكيني وانا زعلانه.
حبيتك اكتر لما ميزتيني عن غيري وشاركتيني حاجه في يومك حتي لو كانت تافهه .
حبيتك اكتر مع كل صباح الخير منك الصبح.
حبيتك اكتر مع كل كلمه قولتيها لي وفرحتني.
حبيتك اكتر مع كل يوم بيمر ومع كل رنه منك .
حبيتك اكتر لما لقيتك وانا زعلانه،ولقيتك وانا فرحانه.
دمـــتـــي لــي نعمه جميله،وصداقه لطيفه،وحياه أحلي بوجودك .
#من_نبع_خيالي.
#ملك_محمود
