كنت بجري وانا مش عارفه انا بجري لفين بجري من الخوف والقلق كان زياد بيجري ورايا وانا كنت بجري في نص الشارع وبعيط بطريقه هستيريه لحد ما..
_ ملاااااااااااااااااااااك
سمعت صوته من هنا والدنيا اسودت من هنا فوقت تاني يوم كنت في المستشفي محدش جنبي في الاوضه لوحدي وبما أن حطان الاوضه زجاج فكنت قادره اشوف شخص معرفهوش والدكتور..الدكتور دخل عليا
_ هاا يا آنسه ملك حاسه بتحسن
_ انت مين
_ انا الدكتور رامي
_ انا فين
_ في المستشفي
_ ليه
_ علشان حضرتك عاملتي حادثه امبارح
_ انا مين
_ لا بلا عليكي ما تقولي انك فقدتي الذاكره انا دكتور جديد ومليش خنق
_ انت اهبل
_ استاذ زياد يا استاذ زياد
_ نعم يادكتور في حاجه
_ الانسه فقدت الذاكره
_ نعم
_ فقدت الذاكره
كنت باصه عليهم وانا مش عارفه هما مين انا باصلهم زي الهبله وهما بيتكلموا عليا
الدكتور خرج والشخص اللي كان معاه جاب كرسي وقعد حنبي
_ انت مين؟
_ انا زياد
_ زياد مين تقربلي انا ايه
_ جوزك
_ والله اعيط انا مش متجوزه
_ امال انا ايه
_ هما فين اهلي
_ماتوا
_ متهزرش بقي ياعم
_ براحتك
_ انت بتتكلم بجد
_ ايون
_ طب فين قسيمة الجواز
قولتها بمكر فرد بارتباك
_ هاا في البيت
_ كنت لسه جايه اقوم بس حاسيت بدوغه ونمت علي السرير تاني وهو كان ساندني قعدت اسبوع في المستشفى وبعدها رجعت البيت بس مش بيتي اللي انا مش فاكراه اصلا دخلت البيت وانا بتأمله„بيت صغير اساسه بسيط تسكنه عائله صغيره،ام واب وزياد وهنا حسيت براحه لما شوفته شكله كان هادئ حلو" سلمت علي ام وابو زياد واللي المفروض حماتي وحمايا بس اشطا يعني عادي قعدنا شويه وبعدها خدني لشقه تانيه وقالي انها دي شقتنا اتقبلته زي كل حاجه قالهالي
_ زياد
_ همممممم
_ انا عاوزه انام
_ خشي في الاوضه دي
وشاور علي اوضه عل ايدي اليمين دخلت علشان انام شويه واهرب من كل الافكار اللي في دماغي صحيت بعد ساعتين كلت وخليت زياد يقعد معايا علشان يعرفني كل حاجه
_ بس ياملك الدكتور قال انه مينفعش دماغك هتوجعك
_ قول بس
_ ياملك
_ ياعم قول
_ اوكيه براحتك انتي اسمك „ملك محمود„عندك25 سنه ومتجوزاني زياد حمزه الدر...
قاطعته وانا بقول
_ اه صح عاوزه اشوف قسيمة الجواز
قال بارتباك وتوتر خوفت منه
_ حاضر
دخل اوضه تانيه وفعلا جاب قسيمة الجواز انا باصلها ومش قادره استوعب
_ ده بجد
_ مش واثقه فيا.
_ايون
باصلي بصدمه وهو فاتح عينيه الاتنين
_ اه معلش اكيد طبعا بثق فيك
قعد قدامي وبدأ يحكيلي عن نفسي اكتر وعرفت منه اني مهندسه ديكور دماغي وجعتني جامد ودوغت وفي مشاهد لناس معرفهمش عماله تيجي في بالي وفي ثانيه الا ثانيه وقعت علي ذراعه مغمه عليا فوقت ومحسبتش المده لاقيت نفسي في الاوضه اللي كنت نايمه فيها زياد كان قاعد جنبي علي السرير قومت شيلت ايدي بسرعه من ايد زياد وانا بقوله
_ انا جعانه
ضحك وهو بيقولي
_ ده منظر واحده تعبانه
_ أر بقي أر
ضحك اكتر وبعدها قالي
_ تاكلي ايه
_ هممممم بيتزا او برجر كده يعني
_ حاضر
_ ومتنساش البيبس
_ حاضر
_ كمل جميلك بقي وهاتلي شبيسي
_ حاضر
_ وشوكولاته يازياد اوعي تنسي
_ حاضر
_ وااا
_ ما خلاص
_ حاضر
نزل وانا قعدت افكر في اللي قاله بس دماغي وجعتني فروحت اللعب بالفون شويه وبعد كده افتكرت ان الدكتور قال انها مؤقته فرحت جداً بس زعلت لما افتكرت لما زياد قالي ان اهلي ماتو مكنتش مصدقه معرفش ليه بس اذ كان زياد هو اللي قالي يبقي اكيد صح سيبت الفون وقعدت اعيط جامد علي اهلي كنت عاوزه اشوفلهم صوره يمكن افتكرهم زياد جه ولما شافني بعيط بالطريقة دي سألني
_ مالك بتعيطي ليه
قولت بصوت متقطع
_ هو اهلي ماتو بجد
باصلي شويه وبعد كده قال
_ شوفتي جيبتلك ايه جيبتلك بيتزا بالفراخ و
_ زياد
_ قلبه
_ اهلي ماتو فعلا
الفون رن حسيته بيهرب لما طلع بسرعه علشان الفون قعدت افكر مع نفسي هو ليه بيعمل كده عيني راحت للشنطه اللي كان ماسكها خدتها وفتحتها وطلعت اللي فيها كان جايبلي شكولاتات كتير بانواع مختلف وازازتين بيبس وشيبسي كتير وجايب برجر وبيتزا دخل قومت بسرعه وانا فرحانه
_ قلباااااااااااااي
_ انا
_ مش انت اللي جبت الحاجات دي
_ ايون
_ يبقي قلباااااااااي
ضحك عليا وقعدت خد كيس شيبسي وفتحه وقعد ياكل فيه قعدت قدامه وخدت برضو كيس وقعدت اكل قدامه
_ انت بتحبني
_ انتي
_ ايون
_ اه بحبك وانتي
_ معرفش
_ متعرفيش ازاي
_ معرفش هو انا كنت بحبك
_ جدا
_ بجد
_ اه
_ معرفش
ضحك وضحكت معاه او ضحكت لانه ضحك ضحكته حلو اوي كده ليه يعم خلاص بطل ضحك هحرج نفسي واقوم احضنك
من غير ما اقصد سرحت في ضحكته اتعدل وقالي
_ انا وسيم اوي كده
_ يعم اتنيل
_ كاسرة الفرحه
_ مرسي.. هو انت مش بتشتغل
_ لا بشتغل بس كنت واخد اجازه من ساعت ماعاملتي الحادثه
_ ليه
_ علشان بحبك
لا لا بلا عليك متثبتنيش بالطريقه دي
ضحكت ضحكه خفيفه هو ذغذغني في بطني وقالي
_ بتتكسفي يابطه
_ هو انا مش بنت ولا ايه
_ لا بنت وست البنات كمان
_ مرسي
_ بس
_ يلا بقي علشان عاوزه انام
_ نعم
_ هنام يلا اتفضل
_ ياصبر ايوب حاضر
خرج قعد افكر فيه شويه هو مش وحش هو انا بحبه ولا لا؟ انا مش عارفه انا ايه مش عارفه اعمل ايه مش عارفه حاجه طلعت الاسكتش من الدرج اللي جيبتها امبارح مع القلم وقعد ارسمه وانا بسرح في ملامحه في وسط الرسمه غفلت ونمت علي الاسكتش ولما صحيت لاقيت نفسي علي السرير والاسكتش جمبي انا مكنتش مخلصاها بس هي جنبي وخلصت الرسمه خلصت ابتسمت لا ارادياً جيبت الفون وفتحت الفيس اقلبت شويه وبعدها جت في بالي جمله له قالهالي قبل كده قررت انزلها وانا قصداه هو
