دخلت عليها وانا بعيطت
_ شوفتي يا هنا الحج قريبك ده عمل ايه
_ عمل ايه
_ كَل الشكولاتة بتاعتي
_ أمشى يابت من هنا وقعتي قلبي
_ الاه انا الغلطانة اني بفضفض معاكي
_ فضفضه منيله
_ ماشي ياهنا مش هحكيلك حاجه تاني
_ تريحي
_ انتي عارفه انا قعدت قد ايه احاول اعمل نفسي بعيطت
_ مش عاوزه اعرف، اه صح قوليلي
_ مش هقول
_بت
_ اللللللللللللللللـ
_ اتهدي بقي
_ هديت عاوزه ايه
_ زياد عامل معاكي ايه
_ نيله
الفون رن
_ استني الفون بيرن
_ حاضر
••
_ الوو ياحبيبي كنا لسه جايبين في سيرتك في الخير طبعاً
_ملك
_ عيونها
_ تعالي البيت بسرعه
قلبي اتقبضت مش بحب نبره صوته دي
_ ليه في ايه
قولت بصوت مهزوز فقالي
_ تعالي بس
_ حاضر، حاضر سلام
_ سلام
••
سلام دلوقتي ياتوتا هاجيلك مره تانيه
_ مالك في حاجه حصلت ولا ايه
_ معرفش والله هروح اشوف ايه اللي حصل وارن عليكي
_ ماشي ياقلبي في رعاية الله
••
مش عارفه كنت خايفه اخبطت علي الباب يمكن مش مستعده لألم جديد بعد موت اهلي في حادثه عربيه خبطت علي الباب ببطء قابلتني الداده رحمه فسألتها
_ في ايه يارحمه ايه اللي حصل
_ معرفش ياهانم مفيش حاجه حصلت
استغربت جامد فسألتها
_ هو فين زياد طيب
_ فوق ياهانم في الاوضه
_ تمام شكرا يارحمه
سيبتها وطلعت فتحت الباب بسرعه من غير ما اخبطت لاقيته نايم علي السرير وقدامه اللابتوب منتبهش ليا علشان حاطت السماعه فنزلت تاني
_ رحمه يارحمه
_ نعم ياهانم اؤمري
_ هاتلي غطاين حله بسرعه
_ حاضر ياهانم
راحت رحمه وجابت الغطاين وطلعت تاني ببطء لافيت من ورا السرير وشيلت السماعه من علي ودانه وفي اللحظه اللي بعدها علي طول رزعت الغطاين في بعض
حط ايده علي ودنه واطنطت علي السرير وهو قاعد وقالي بغيظ
_ ااه يادوني حرام عليكي ياشيخه طب افرض لاقيتني جثه هامده دلوقتي هتعملي ايه
-ملكش فيه
_ طب علي فكره في مصيبه فعلاً
_ اشكيني
_ علبه السجاير بتاعتي خلصت وكنت عاوزك تيجي علشان اوركي شكلها علشان تجبلي غيرها.
_ وده يستدعي أني أجي؟
= الصراحه كنت عايزك تيجي وخلاص
..
_ ما تردي، ملك انتي موتي ولا ايه
سيبته ونزلت كنت مضايقه مش بسبب هزاره السخيف ده انا متعوده عليه اضايقت لاني افتكرت اسوء يوم في حياتي لما كلمني بنفس النبره دي بس المره دي كان جَدي ولما روحت شوفت عيلتي كلها علي الارض وعليهم قماشه بيضه مغضياهم من راسهم لحد رجليهم ولما شيلت القماش كان منظرهم يقطع القلب فوقت من شرودي لما سمعت صوته
_ انا اسف
_ علي؟
قعد جنبي وقال
_ علشان فكرتك
ابتسمت ابتسامه بهاته ونيمت علي ذراعه وقولت
« لا حياة بدون موت»
#اسكربتاتي
#من_نبع_خيالي
#ملك_محمود
