_ بكام الأجنده دي؟
= ب 35 ج.
_ طيب، هاخد النبيتي دي.
انا جيبت الأجنده دي لسبب واحد، هو اني اتكلم فيها، لأن مفيش طريقه غير دي ارتاح بيها، مش بتكلم، فهكتب، علشان متعبش اكتر من كده!!
هو انا تعبانه، وده بسببهم هما، انا بضحك، علشان كده هما مش حاسين باللي جوايا وفاكرين ان الدنيا حلوه.
= مرحتيش الجامعه ليه؟؟
_ بطني كانت وجعاني الصبح.
= ودلوقت؟!
_ مش وجعاني.
= طب ابقي قولي ان بطنك وجعاكي، علشان ميثبتش انك كدابه.
كدابه، كلمه اتعودت انها تتقالي، هو مش عارفه ليه واخدين فكره اني كدابه، وصلوني لمرحله اني مبقاش فارق معايا، مبقتش ابرر، لاني في النهايه، كدابه برضوا، فبلاها تبرير.
كانوا قاعدين برا بيتكلموا وانا في الاوضه بذاكر شويه، رجلي وجعتني من القاعده، قومت احركها شويه، لاقيت هدوم علي السرير خدتهم وبدأت اعلقهم، الباب اتفتح فاجأه.
قالت وهي بتدخل = بتعملي ايه؟
قالت قبل ما ارد = بتتصنطي؟؟؟
ضحكت وخدت اللي عايزاه وخرجت.
انا اتزمرت مكاني، لأ الكلمه تقيله لأ، مش تافهه لأ.
ولا تافهه، هي بتهزر صح، لأ مش بتهزر، هي قصداها، ياربي كلمه تعمل كده، كلمه؟؟
انا بسمع كلام كتيررر،مبقتش اثق في الكلام الهزار،بفكر فيها ميت مره،يمكن صح؟يمكن هي قصداها ومش بتهزر؟مع كل كلمه لازم دماغي توديني وتجبني!ليه بس ليه؟؟
_ ازيك؟
ردت بعدها بنص ساعه
= الحمدلله، وانتي؟
_ بخير.
خلصنا خلاص، مبعتتش حاجه ولا انا بعتت حاجه، دي اللي كنا من سنه بظبط بنخلق موضوع من لا موضوع علشان نتكلم بس، دلوقت بدايه كلامنا هو نهايته، انا عارفه ليه، هي صاحبة غيريي، علشان كده بعدتت، بعدت عني،بقي في بديل،فأكيد نسيتني، وانا دلوقت بقيت لوحدي تاني!!..
هما شايفين ان كلامهم وحتي تصرفاتهم شئ عادي، بس هما مش عارفين ان العادي بنسبه ليهم، بيدمرني.
صحيت س 3 اشرب ولما عديت من قدام الاوضه، سمعتهم بيتكلموا علينا، ياااه، احنا بناخد حسنات من غير اي مجهود، كتيررر اوي، ومن غير ما نعرف.
تجاهلت، مركزتش في الكلام، علشان انا مش عايزه اركز، علشان انا لو ركزت، هتعب، وهتعب جامد.
في الجامعه بقي انا محل تنمر وتهزيق بسبب حاجه مش بأيدي
= انتي رفيعه اووي.
= حطي كريمات يمكن تفتحي شويه.
=هه بتظبطي الطرحه عل ايه، تكونيش فكره ان حد هيبصلك.
امممم، بقيت بسمع كلامها، ومبقتش انزل من البيت اصلاً.
انا بقيت بكرهني، ايه لازمتي في الحياه يعني، شكلي وحش، ضعيفه، بقيت فاشله في الدراسه.
هو انا عايشه ليه؟؟
الحمل زاد وتقل لما عرفت ان احن قلب عليا مبقاش موجود، من 7 شهور بظبط كان معايا، كان بيهون عليا كل حاجه، انا مكنتش كده وهو موجود، انا كنت بطلع الاولي علي الدفعه، كتت فرفوشه، وبارده، مش بيهمني حاجه، لانه كان معايا، من ساعتها وانا ظهري محني، عمره ما هيرجع مستقيم تاني، لأن اللي كان سانده مشي خلاص.
انا بحلم بيه علي طول، وشه بيبقي منور زي البدر، بيبقي لابس جلبيه بيضه، وشال كده لفه علي رقبته ابيض، وشه كان ابيض، كان اجمل من كل مره اشوفه فيها.
انا اطفيت ياجدي، ليه مترجعش تاني.
ايوه جدي، الوحيد اللي كان بيفهمني.
الوحيد للي عمره ما زعلني في حاجه، انا بحبه، ليه ميرجعش تاني، ليهه.
اشتريت قطه علشان تملي الفراغ في خانه الصحاب، بقيت احكلها هي، واشتكي ليها هي، طبيعي يعني، علشان معنديش صحاب غيرها، ومعنديش اخوات.
ياربي حد الشخص اللي حبيته خطب وانا اللي نقيت له خاتم الخطوبه، علشان يلبسهولها هي، مش انا. حتي ده ضاع.
بقيت افكر في فكره استخدم بيها السكينه غير تقطيع اللحمه والخضار.
#من_نبع_خيالي.
#ملك_محمود.
