_ السلام عليكم ورحمة الله وبركاته
قالوا مع بعض = وعليكم السلام ورحمة الله وبركاته
_ حد جديد معانا
واحده رفعت ايديها وبعدها قامت وقالت = انا يا....
قاطعتها وقولت _ ملك احنا هنا كلنا صحاب ياريت تناديني بملك
ابتسمت وقالت = ماشي ياملك انا اسمي سجي
_ تمام ياسجي اتفضلي اقعدي
= ممكن سؤال
_ اتفضلي
= هو ليه الدروس في بيت والعدد قليل كده
= امممم طب بصي بعد الدرس هشرحلك كل حاجه بس نخلص
= خلاص تمام
قعدت مكانها وكان الكل قاعد علي الارض ومربع وانا قعدت قدامهم وربعت انا كمان وبدأت كلام وقولت
_ طب يابنات درسنا النهارده هيكون عن الاغاني وليه هي حرام ونقدر نسمعها امتي ومنسمعهاش امتي واي عقوبه اللي بيسمع اغاني هنبدأ بأول حاجه وهي هي ليه حرام ليه ربنا امرنا بعدم سماع الاغاني وليه الرسول نها عنها اولا كده نتأكد انها حرام من كلام ربنا واحاديث الرسول
قال تعالي (ومن الناس من يشتري لهو الحديث ليضل عن سبيل الله بغير علم )سورة لقمان الاية رقم 6
وجاء في البخاري ( ليكونن من امتي اقوام يستحلون الحر والحرير والخمر والمعازف )
وملحوظه يابنات المعازف هنا يعني الموسيقي وكمان الموسيقي كلها ها كلها حرام ماعدا الدف واللي هو الطبل جيبنا الادله من القرآن وحديث من الرسول يعني اتأكدتنا انها حرام تعالو بقي نعرف هي ليه حرام نرجع للايه قال تعالي ((ومن الناس من يشتري لهو الحديث ليضل عن سبيل الله بغير علم)) خدو بالكم من جمله ليضل عن سبيل الله بغير علم طب يعني ايه الكلام اقولك انا يعني ايه نشرح الآيه من البدايه علشان نوصل للي عاوزينه
هزوا راسهم كاجابه فابتسمت ابتسامه خفيفه وقولت_(ومن الناس من يشتري لهو الحديث) لهو الحديث زي ما عرفنا انها الاغاني او الموسيقي الاتنين واحد فمعني الجزئيه دي ان بعض الناس او في وقتنا ده انا كل الناس
ضحكت لما ضحكوا ورجعت تاني اتكلم واقول _ ان بعض الناس بيسمعوا اغاني الناس اللي بتسمع اغاني دول بيضلو عن سبيل الله يعني بيبعدوا عن ربنا اكتر من غير ما يعرفوا من غير ما يحسوا (( بغير علم)) ماهو انتي يعني معندكيش قلبين واحد للاغاني وواحد للقرآن القلب لا يجتمع فيه حاجتين يا الاغاني يا القرآن فلو انتي بستمعي اغاني مش هيبقي فيه مكان في قلبك للقرآن والعكس صحيح علشان كده ربنا امرنا اننا منسمعش اغاني أين كانت تركيه انجليزيه شعبيه رومانسي كله الاغاني والله اعلم واعلي
سجي قالت = ينفع اسأل سؤال
_ اتفضلي
= انا كالشخص بيحب الاغاني بيدمنها بالمعني الاصح يعمل ايه
_ طب ياسجي ده سؤال حلو بصي ياقمري حطي قدامك علي ايه حاجه عاوزه تسبيها لوجهه الله ان ((من ترك شيئا لله عوضه خيراً منها)) يعني انتي لو اتحديتي نفسك وخديه كتحدي هتكسبي وبرضوا خليكي عارفه انك مش من اول مطش هتبقي محمد صلاح يعني ايه يعني خديها بالتدريج شيطانك اتغلب عليكي في مره وسمعتي اغاني المره الجايه انتي اللي هتفوزي خليكي واثقه من ده وكوني عارفه وواثقه ان ربنا هيحضرلك مكافأه كبيره علشان بطلتي تسمعي اغاني وسمعتي كلامه واوامره وما ادراكي بقي مكافأة ربنا غير اي مكافأة دي بالدنيا كلها فهمتي ياسجي هتعملي ايه؟
= ايوه فهمت كملي
_ طيب نسمعها امتي؟ بشرطين وهما ميكونش فيها موسيقى يعني كلام بس ولكن الكلام ميكنش فيه كلام اباحي زي قلبي حياتي والمثل
