= تيتاااااا
فرت دراعتي وانا مبتسمه وزينب وليلي بيتسبقوا مين هيحضني الأول الاتنين وصلوا مع بعض قعدتهم علي رجلي ورجعت بظهري لورا وقولت _ عايزين أحكي حكايه مين النهارده..؟
حطوا صابعم علي ذقنهم بشكل مضحك.ابتسمت وقبل ما اتكلم ليلي قالت بعفويه = انتي احكلنا ازاي اتقابلتو انتي وجدو
زينب هزت راسها بسرعه وقالت = اه اه احكلنا حكايتك.
أبتسمت وانا بتعدل في قعدتي وقولت _ اتفقنا
حكايتنا أبتدت بكراسه وقلم
ضيقو عينهم بأستغراب فكملت وقولت _ جدكم زياد كان سيد زمانه كان بيحب كره القدم جدا وكان اكتر واحد شاطر فيها في الكليه وكان اكتر شخص مشهور برضوا في اللعبه دي كانت البنات تعمل فرح لو بصلهم بس جدكم ده كان مشهور بواسمته بشطارته في كره القدم
أبتسمت وقولت _ وبفشلانه في الدراسه
ضحكت علي ضحكهم وكملت وقولت _ اما انا فكنت البنت الضعيفه اللي متعرفش يمين من شمال اللي معروفه في دفعتها بذكائها وشطارتها في الدراسه وتفوقها في مجالات كتير واللي دايما بتطلع الاولي علي الدفعه ويشاء القدر ويكون جدكم زياد في دفعتي بس اش جاب لجاب ده نجم الكليه وانا البت الوحدانيه اللي ميفرقش معاها جو المراهقه ده وكل اللي همها مستقبلها ودراستها وبما اني اشطر واحده فبنات وصبيان الدفعه كانو بيتفكروني أمتي
قالو مع بعض بسخريه = الامتحانات
هزيت راسي وانا ببتسم _ آلله ينور عليكوا وزي ما قولت ان جدكم كان فاشل في كل حاجه
قبل ما اكمل سمعت صوته وهو بيقول = بتقولي للبنات ايه عني هتشوهي سمعتي قدامهم
رديت من غير ما ابصله _ بقول الحقيقه ولا هتنكر
جه قعد جنبي وقال وهي بيشيل زينب من علي رجلي = بس مش كده يعني
_ أن كان عجبك
ليلي قالت وهي حطه ايديها في وسطها = ايه جو المراهقه المتاخره ده شعركم شاب ولسه بتتخانقوا زي الأطفال
باصينا لبعض بصدمه وبعدها انفجرنا ضحك وهي وشها أحمر من العصبيه بوستها في خدها جامد وقولت _ ماشي ياست العقله يلا نكمل
باصت الناحيه التانيه وقالت = ياريت
زياد ضربها بخفه على وشها وقال = ايه التكبر ده
قاطعتها قبل ما تتكلم _ نكمل بقي ولا ايه
هزت رأسها وانا بدأت كلام وقولت _ وصلنا لحد فين؟
زينب قالت وهي بتضحك = ان جدو كان فاشل في كل حاجه
ضحكت علي طريقتها وقولت _ اممم تمام هو كان فاشل في الدراسه
= ما خلاص بقي عرفنا
_ اسكت انت خليني اكمل للعيال
= سكتت
_ ايوه كده..
بصتلهم وقولت _ وقت الامتحانات كان دايما بيقعد ياورايا يا في المقعد اللي جنبي علشان يخش بس الوضع اتطور لمعرفه اتعرفنا علي بعض ومع الوقت بقي هو صديقي الوحيد كنا بنخرج كتير مع بعض وانا كنت دايما بشجعه في كل مطش يدخله وبقيت علاقه المشهور والمتفوقه علي كل لسان وكأنها نهاية العالم زياد مكنش فارق معاه حاجه وعادي جدا ولكن الموضوع كان مأثر عليا انا لأني البنت اللي مكنش يعرفها حد غير عيلتها بقي اسمها زي اللبانه في بوء الطلبه..
انا اتعلقت اكتر بالكره وهو بقي بيذاكر وانا اللي بذاكرله بس وبما أن زياد مشهور الجامعه فالموضوع هيعدي كده تؤ لازم شعبنا الحبيب يجود من عنده ودول حبوا بعض ودول اتجوزا وكلام من ده سكتت شويه وانا بفتكر اليوم اللي عرفت فيه الحقيقه؟
