قولت بصوت مرهق- الو ياماما
= ايه اللي حصل يابنتي متسبنيش خايفه بالطريقه دي
- محصلش حاجه ياماما كسر بسيط في ذراعي
= وطب اللي خبطيه
- معرفش لسه في العمليات
= عمليات
عيني دمعت وقولتلها- أنا خايفه
سمعت صوت تنهيدتها وبعدها قالتلي= ثقي في الله يابنتي إن شاء خير مش انتي اللي دايما بتقولي بأن رب الخير لا يأتي الا بالخير
-ولكن
= اهدي يابنتي شوفيه حصله ايه وترجعي
- حاضر
قفلت معاها كنت قاعده علي كرسي قدام اوضه العمليات حاطيت أيدي الاتنين علي وشي بعد ما ماما قفلت وبدأت اعيطت بصوت مكتوم قعدت 5 دقايق علي الحال ده لحد ما الدكتور طلع قومت بسرعه وقولتله
- هاء يا دكتور عامل ايه
=حضرتك مراته
- ايه
= حضرتك مراته
-ايوه ايوه عامل ايه
= انا كويس والله بس
قولت بنرفزه- يا دكتور انا بسأل علي المريض اللي جوا
= اه المريض كان في فتح في رأسه وفي صدره وخيطناهم لأنهم كانو مفتوحين بسبب الازاز اللي دخل فيهم وكسر في مشط الرجل
- طب هو دلوقتي عامل ايه اقدر اشوفه
= لا يامدام لما يفوق من البنج تقدير تشوفي
- هيفوق امتي
= معرفش علي حسب
- يعني هضطر اقعدت
= بتقولي حاجه
- لا ولا حاجه
= تمام استائذنك
- اتفضل
مشي وقفت شويه وبعدها رجعت قعدت علي الكرسي سندت علي الحيطه وانا بعيطت انا السبب في اللي حصله ده كان ممكن يموت بسبب سرحانك مش بتعرفي تسوقي بتركبي عربيات ليه والعربيه التانيه اتكسرت اللي بابا شقي سنين علشان يجبهالك عيطت اكتر حطيت أيدي علي بوئي علشان اكتم صوت عياطي من كتر تعبي وبحكم اني منمتش غير ساعتين النهارده غفلت وانا قاعده علي الكرسي نص ساعه صحيت علي صوت تلفوني وهو بيرن رديت بنعس- الوو
سمعت صوت ماما بتقول= هااا يابنتي عامل ايه ايه اللي حصله
للحظه كنت ناسيه انا فين وبعمل ايه وايه اللي حصل من اساسه افتكرت اللي عملته فرجعت اعيط تاني وانا بقولها
- الحمد لله ياماما جت بسيطه المره دي كسر في مشط الرجل وفتح في رأسه وصدره بسبب الازاز اتكسر وطار عليه
= طب انتي بتعيطي ليه دلوقتي مانتي اللي بتقولي أنها جت بسيطه
حطيت أيدي علي بوئي وبحاول اهدي نفسي شيلت ايدي ورديت عليها قولتلها - حاسه بالذنب اووي ياماما
قبل ما ترد لاقيت ممرضه جايه علشان تقولي انه فاق
= طب سلام دلوقتي ياماما هو فاق هروح أشوفه
= ماشي يابنتي في رعايه الله
قفلت ودخلت لعنده فتحت الباب ببطء كنت خايفه من المواجهه دي مش عارفه هتبقي ردت فعله ايه هو ملمحنيش في العربيه مش عارفه هيعمل معايا ايه خدت نفس ودخلت أول ما شوفته عيطت عيطت غصب عني وقبل ما انطق اي حاجه قالي بصوت باين عليه التعب = انت..انتي اللي خبطتيني مش كده
بصيت في الأرض وعيطت اكتر
= طب ارفعي رأسك
رفعت راسي وقبل ما يقول حاجه سابقته بسرعه وقولت
- انا اسفه انا اسفه مكنتش أقصد والله والله ما هسوق تاني خالص بس بالله ما تحسسني بالذنب اكتر طب بص انا اللي هدفع مصاريف المستشفي واعملك اللي انت عايزه علشان اخلص من إحساس الذنب ده
حاول يتعدل فروحتله بسرعه وسنده
باصلي من فوق لتحت وبعدها قالي= هاتي الكرسي اللي هناك ده وتعالي اقعدي باين عليكي التعب
روحت فعلا وجيبت الكرسي وقعدت جنب السرير بتاعه وباصيت في الأرض مستنياه يتكلم
- اسمك ايه
= افندم
- أحمم لو مش عايزه خلاص بس علي العموم ياستي مش عايز منك حاجه وشكرا انك جبتيني المستشفي كفايه عليكي لحد كده
= شكرا
قولتها وبصيت في الأرض وبعدها رفعت راسي بسرعه وقولتله
- اه صح ارن علي اهلك يجيلك مش حافظ اي رقم اووبس تلوفنك اتشلفط في الحادثه
= مليش أهل
باصتله خمس ثواني وبعدها قولتله
- انا اسفه
= لا عادي
- طب ارن علي مين
= مش علي حد سيبك من الرن ده
اتنهدت وانا ببتسم وبعدها باصتله وقولتله
- اسمي ملك وانت
ابتسم وقالي = زياد
- ينفع نبقي صحاب يازياد علي الأقل اخد بالي منك في وقت تعبك واقدر أكفر عن ذنبي
= اوي اوي
- هسيبك دلوقتي علشان ترتاح ولو احتاجتني رن عليا وغيره أصلا انا هجيلك كل يوم لحد ما تخرج
= طب ممكن استفسار صغنن
- هممممم
= هرن عليكي منين
خبطت ايدي علي جبيني وقولت - نسيت اديك رقمي
ضحك عليا ولما ضحك افتكرت انه تلفونه اتكسر فضحكت معاه وقولت وانا بضحك
- اسفه
سرحت في ضحكته كانت منوره وشه كانت ضحكته حلوه انبسطت انه ضحك ده معناه انه بقي كويس نسبياً وده اللي فوقني من اللي كنت فيه كنت متوقعه ردت فعل غير دي انه مثلا يرفع عليا قاضيه بس بس ده بيضحك معايا عادي اتنهدت براحه وقولتله
- هجبلك بداله
= لا عادي انا هجيب كفايه عليكي مصاريف المستشفي
= لا انا هجبلك معلش علشان اقدر اقنع نفسي اني عوضتك
= ماشي ياستي
ايه ده ده موافق بسرعه دي فين الرجوله يابابا من اول مره كده
= بس بشرط
- هممممم
= متصرفيش حاجه تاني وكالرد لجميلك هدفعلك تصاليح العربيه
طول عمري بقول عليكي ابو الرجوله
= جميل ايه يازياد انا اللي بحاول أكفر عن ذنبي
ملحقش يرد علشان الدكتور دخل وطلب مني اخرج لانه هيكشف عليه يشوفه عامل ايه قولتله قبل ما أخرج اني همشي واجيله بكره مال برأسه كأجابه وخرجت
ارتحت لما قابلته ولاقيته كويس كنت ناويه فعلا اني اجيبله تلفون وخط جديد كلمت هنا وحكيتلها كل حاجه
= ده بجد
اتنهدت وقولتلها - ايون للأسف
= طب وهتعملي ايه
- حالياً مش عارفه ولكن هقول لماما علي الحوار بنا هشوفها هتقول ايه
= بس ده حرام
سكت ومتكلمتش كنت ناسيه الموضوع ده كده انا مش عارفه هعمل ايه بجد وانه معندوش حد يخلي باله منه والوعد اللي وعدته له انا توهت مش عارفه اعمل ايه بجد
= طب اعمل ايه
قالت بنبره حزينه - همم بصي خدي حازم معاكي بكره جبيله التلفون اللي قولتيله عليه وشويه فاكهه كده بس يكون حازم معاكي كل ما تروحيله وبالله خلي الكلام بينكم قليل جدا علي قد ما تقدري لحد ما يخرج
اتنهدت وقولتلها - حاضر شكرا ياهنا
= هتضربي
ضحكت وقولتلها
- خلاص مش شكرا
= يلا ياقلبي لما توصلي رني عليا
- حاضر
= سلام
- في رعايه الله
قفلت معاها ورنيت عل ماما علشان اقولها اني طلعت من المستشفي وهتمشي شويه كنت عايزه اخد بريك من ده كله
فضلت اتمشي لحد الكرنيش وقفت اتفرج علي النيل وانا بعيط عل كل الذنوب اللي خدتها النهارده قعدت نص ساعه وقررت اروح علشان ماما متقلقش عليا وصلت البيت طلبت من ماما أنها متخليش حد يدخل عليا الاوضه ولما اصحي هحكبلها كل حاجه فضلت صاحيه مع نفسي للسقف وانا بفكر في أحداث النهارده معرفتش انام لحد ما عدت ربع ساعه علي الحال ده واخيرا نمت وما صدقت نمت
