= أنتِ عاملة لي سحر صح، صح؟
_ لا واللهِ تخاطر بس.
= تخاطر!!
_ أه، جيبت صورتك وفضِلت أقول علشان خاطري علشان خاطري.
= ياجدع!
_ اه، يلا بقي أرن علي المأذون.
رفع أيديه لفوق = الصبر.....يارب.
مِشي خطوتين لقدام، جريت لحد ما بقيت قدامه _ ماهو انتَ قدامك حل من الأتنين، ياتتجوزني، ياتتجوزني.
= أمممم، أختيار صعب فعلًا.
_ شوفت، أختار بقي.
= أحنا هنحط أختيار تالت، واللي هو أمشي.
_ لا لا هما أتنين بس.
= أنتِ مجنونة صح، مجنونة؟
_ اه، مجنونة بـيك.
= يارااجل.
_ اه ياست.
= الله الله، هنغلط أهو يبقي مفيش جواز وأتكلِ علي الله.
_ بهزر يالمبي،مبتهزرش؟
= لا مبهزرش وأوعي بقي ورايا أم شغل.
_ اه ياااه لو بقيت أم لأبنك.
قعدّ علي الكنبه، قعدّ قدامه وهو بيقول = عليه العوض ومنه العوض.
_ عجبك عوض، خلاص ماشي نسمي أبننا عوض.
= والله العظيم هبله، والله العظيم هبله.
_ لينا بيت نتحاسب فيه مااشي.
صوته عِلِي = ياعمااااااي، ياعمي ألحقني بنتك بتتحرش بيا.
_ اه ياظالم.
= يعيني، لا لا مينفعش تتجوزِ واحد ظالم لا مرضهاش عليكِ لأ.
:بإبتسامة _ أنا أرضي.
= علشان أنتِ مهزقة.
_ أوبااا، ده لسانه طويل.
قومت وقولت وأنا بشوح بأيدي _ لا لا ده ميناسبنيش.
#من_نبع_خيالي"فاصل_ونواصل"
#ملك_محمود.
