من نبع خيالي..:')🦋

#2🦋

- اتفضل يا أستاذ زياد نورتنا.
- ده طرد بس بذوق
- سميه زي ما تسميه للمره المليون جواز مش هتجوز اتفضل
- طب بصي
- همممم
-المشكله مني انا ولا من الجواز عموماً
---
- ملك
- هاا نعم
- مجاوبتنيش
- مش عاوزه أجاوب واتفضل يلا وانا هرفضك زي الثلاث مرات اللي فاته

خرج من الاوضه دي للمره الرابعه وكل مره باحس بالذنب اكتر من ناحيته مش عارفه هو ليه مُصر علي الجوازه دي مع انه اترفض اربع مرات لحد دلوقتي وياعالم هيزيد ولا هيثبت خرجت وراه بس ملحقتهوش لاقيته مشي حسيت بيأس معرفش ليه إحساس غريب كده معرفتش اطلعله اسم

- لسه يابنتي برضوا،صدقيني زياد مش زيه
- يا ماما انا مش غبيه علشان اعيد نفس التجربه تاني
قعدت جنبي وهي بتقول
- انا مقدره شعورك ولكن ياحببتي صوابعك مش زي بعضها

اتعصبت جامد وقومت وانا حاسه أني بطلع دخان من وداني
- يا ماما جوااز مش هتجوز

دخلت الاوضه كان فيه ميت إحساس جوايا إحساس بالذنب إتجاه زياد وذنب إتجاه ماما لأني زعلتها دلوقتي وهي عاوزه مصلحتى وشعور بالغضب وقرف وتعب و،و......قومت لاقيتهم كلهم حواليا في اوضتي وانا علي السرير انا اخر حاجه فكراها اني كنت ماسكه الباب بأيدي وفجأه وقعت والباب اتفتح بعدها
- هو ايه اللي حصل
- انتي كويسه
-انا جعانه
سمعت صوت منه من ورايا وهي بتقول
- يبقي كويسه
ماما عملت لي شوربه خضار كنت تايهه بفكر في ميت حاجه وحاجه تعبت من التفكير هربت منه بالنوم نمت وكأني ميته مصحتش غير الساعه 6 الصبح كنت خايفه أروح الجامعه واقابل زياد كنت خايفه من المواجهة خدت قرار ولبست وروحت الجامعه

- احم احم،السلام عليكم
شرحت بكل هدوء المحاضره بتاعتي ومشيت كنت بعد ما خلصت بدعي اني مقبلهوش والحمد لله اليوم خلص في الجامعه من غير ما اقابله
لما روحت قبل ما اخبطت سمعت صوته اتعصبت جامد كنت هدخل اهزقه بس واقفني صوت ماما من جوا وهي وهي بتحكيله اتعصبت اكتر دخلت بكل عصبيه وانا بقول
- ايه هو انت فاكرها ملاهي رايح جاي عليها انت معندكش بيت اتفضل برا وياريت مشوفش وشك هنا تاني
وقفت قدامه بتحدي وانا مربعه أيدي خرج من غير ما يتكلم دخلت الاوضه متجاهله صوت ماما وهي بتناديني عده يوم اتنين تلاته أسبوع شهر ومشوفتهوش ولا في البيت ولا في الجامعه "وحشني" معقوله يكون وحشني تَوهت نفسي من الموضوع بالعب بالفون بعدها باسبوعين كنت قاعده قدام البحر في اسكندريه بعد ما قررت اني اغير جو شويه قعدت ارسمه وانا بفكر في"رامي"خطيبي الاولاني سرحت وانا برسم

- انت مجنون يارامي ايه اللي انت بتقوله ده
- انا بحبك
قفلت في وشه اضايقت اوي كنت قاعده لوحدي ماما وبابا مسافرين يحضروا عزا حد وأخواتي قرروا يخرجو بس انا مخارجتش معاهم

الباب خبطّ
- مين
- انا رامي ياملك افتحي
اتفاجئت مكنتش عاوزه افتحله بعد اللي قاله بس قولت افتح يمكن جاي يعتذر وفتحت

-اتفضل يارامي
دخل ونظراته مريحتنيش دخلت اعمله شاي جه ورايا بصلي من فوق لتحت لحد ما مشي خطوه اتنين وقف قدامي و......

رماااااي اوعااا يارامي ايه اللي بتعمله ده كنت بعيط وبصرخ وهو. ...بيحاول يعتدي عليا مسكت الكوبايه وخبطها علي راسه كنت عماله اعيد بطريقه هستيريه مش عارفه اعمل ايه اخواتي جم راحوا بيه المستشفي جاله فقدان ذاكره مؤقت اضطريت اقعد معاه شهرين علشان ترجعله الذاكره قعد معه شهرين لحد ما رجعتله الذاكره وبعتها اصريت ان احنا منكملش مع بعض

رجعت لأرض الواقع لما سمعت صوته وهو بيقول
- طب اذا كان انا واحشيك كده ما ترني
- انت بتعمل ايه هنا
- كيش دعوه
- زياد
- قلبه
- امشي
- تؤ
هزيت راسي بيأس وقولت
- همشي انا
اتجمدت مكاني لما شوفت رامي جاي ووشه متشلفط باين عليه مضروب جامد جه يعتذر للمره الألف

- ملك انا اسف بجد
باصتله ببرود ومشيت زياد جه ورايا
-شهر بدور عليه علشان بس تبصيله كده
- ليه
- ليه ايه
- ليه كل ده
- علشان بحبك
وقفت مكاني ف وقف هو كمان انا كنت عارفه انه بيحبني بس ميقولهاش قدامي هضعف اقسم بالله
.بصلي وقالي

- اجيب المأذون
باصتله ومتكلمتش سكت شويه بعدها قال
- كنت قرأت روايه قبل كده اسمها توبازيوس للكاتبه اسراء اسامه هقتابس جملتها اللي تليق علي حالك ده

باصتله فقال
- "فالأخطاء غير معلم "

#اسكربتاتي
#من_نبع_خيالي
#ملك_محمود