= آنسه آنسه
باصيت ورايا لاقيت بنت في عمري تقريباً ماشيه ورايا وقفت وقولتلها_ انا
= اه اه حضرتك
_ اتفضلي أؤمري
= معلش بس..
_ امممم
= اصل شعرك باين من ورا
ضيقت عيني بأستغراب وقولت بتريقه _ كل ده علشان شعري باين هه
باصتلي باصة ألم ومشيت من غير ما تتكلم فضلت باصه عليها وهي ماشيه هي حلوه اوي لابسه خمار اسود ودريس ابيض استغربت الأول من هيئتها قليل لما اشوف بنت لابسه كده اتنفست بهدوء وكملت طريقي وصلت البيت نفس الروتين كل يوم اكل انام اقوم العب بالتلفون وانزل ومحدش بيسأل علي حد كل واحد في دنيته ماما قدام التفلزيون ويوسف مع صحابه وفادي مع فونه اللي بيدمنه ونادر لما نتكلم ونضحك مع بعض مع أن الحال مش عاجبني بس الظروف مش سامحه اني اتكلم لازم اتأقلم مع الوضع علشان أبان روشين وجامدين.
_ هاي شباب
بصوا عليا الخمسه واتنين منهم قالوا = هاي ملك
جيبت الكرسي وقعدت عليه وقولت _ السهره فين النهارده
هنا قالت بخنقه = شكلنا مش هنسهر
_ ليه
= سيف
باصتله بعتاب وقولت وانا باصه عليه _ عمل ايه؟
بص الناحيه التانيه وبسمله قالت = مش موافق علي اي مكان نقوله وقالب وشه من الصبح وشكلها كده هتبقي ليله......
قولت بلامبلاه_ عادي نروح من غيره اي مكان
ياسين قال = لا ياستي ده هو اللي بيدفعلي حق التاكس
ضحكنا كلنا وانا قولت في وسط ضحكي _ يخربيتك يا ياسين راعي يابني الأوقات
= وانا مالي انتوا اللي بتتلككوا علشان تضحكوا
_ حصل والله
بسمله قالت = ها ياسي سيف هنسهر فين؟
سكت شويه وبعدها قال بسرعه = عرفت
قولنا في صوت واحد - فيين
=..............
_ يادماغك لا جامد انا موافقه
هنا قالت = وانا كمان
بسمله = وااو وانا موافقه
ياسين = موافق
احمد = كلكم وافقتم
بصناله وهزينا رأسنا باه فقال= يبقي توكلنا علي الله
------------
رجعت البيت الساعه 5 الفجر دايغه فتحت الباب من برا بمفتاحي اول ما دخلت لاقيت ماما قاعده علي الكنبه ونايمه كعادتها مبترتحش غير لما ارجع صاحيتها تدخل اوضتها وانا دخلت اوضتي ونمت صحيت تاني يوم
طلعت من الاوضه وشعري مكنوش وبفرك في عيني اليمين قولت بصوت عالي _ ماماااا الساعه كام
= تعالي ياملك عندنا ضيوف
ده مين السئايل اللي يجي في ساعه زي دي الساعه 7 الصبح ياجدعان
دخلت الحمام اغسل وشي خرجت وباصيت علي الساعه اللي متعلقه لاقتها 3 العصر ابتسمت مع نفسي ودخلت عند ماما في الريسبشن علشان اسلم علي الضيوف
كنت بسلم علي ناس معرفهمش شاب عريض لابس نظاره حفظ نظر وذقن خفيفه وكان لابس قميص بيش وبنطلون بني وكان مز الصراحه باللبس ده وست قد ماما تقريباً وراجل في عمر بابا ميلت علي ماما وقولتلها في ودنها _ مين دول
قالت وهي بتبتسم = ده عريس
_ اه ما..نعم عر..عريس لمين انا علي حسب معرفتي انك معندكيش بنات غيري
سمعت صوت شاب بيقول = ما تسمعونا معاكم
لفتله بغيظ_ وانت مالك انت
ماما قالت بحرج = بت اتلمي،معلش لسه صاحيه من النوم ومش فايقه،خشي ياملك اللبسي وتعالي
سيبتهم وانا بنفخ بغيظ دخلت اوضتي وقعدت علي السرير
طب والله لهلبس اوحش حاجه عندي ازاي تحدد معاد معاهم وانا معرفش رنيت علي هنا وحكيتلها وقالتلي = يلا اهو نخلص منك
_ انتي بتستهبلي انتي التانيه
= ياستي انتي مكبرها كده ليه طفشيه زي الباقي
_ صح انتي صح شكرا سلااام
قفلت في وشها وخرجت من الاوضه وانا بتسحب ودخلت اوضة يوسف خدت من عنده تيشيرت اسود وخرجت وانا بتسحب لأوضتي لبسته علي بنطلون جينز مقطع عند الركب وطرحه بيضه حطتها جوا التيشيرت وثبتها بدبابيس رجعت الطرحه لورا شويه علشا ابين شعري حطيت الفون في جيب التشيرت وخرجت
قعدت جنب ماما
شويه وقامت وهي بتقول = نسيبهم مع بعض شويه
= يلا
التلاته خرجوا وانا طلعت الفون من جيبي وقعدت اقلب علي الفيس وهو كان ساكت، شويه وقال = احمم
بصيت عليه بطرف عيني فقال = حلو التيشيرت ده
كمل وهو بيغمز = يلزمني بعد الجواز
كحيت واتعدلت في القعده وكملت تقليب فقال = أيفون ده
_...:
قال بتريقه = علي فكره شعرك مش باين كويس لازم تبيني أكتر
_...:
= وبعدين هو مش انتي خرجتي من شويه بشعرك افتكرتك مش محجبه
اتنفست جامد وركنت التلفون جنبي لاقيته بيبتسم فقولت بضيق _ أفندم
= احممم بصي ياستي اسمي زياد متولي عندي27 سنه شغلي مش هنا شغلي برا باجي هنا كل سنه سنتين بقعد 7 شهور بالكتير والفتره اللي بقعدها هنا بدي دروس بس دينيه وحاجه كمان يكون علي علمك اناراجل عارف ربنا كوي..
_ ايه ايه بلاعه اتفتحت ما تهدي علي نفسك شويه يابا شغال لكلكلك هتحكيلي قصة حياتك وبعدين أش ضمنك اني هوافق
= هتوافقي
_ لا وواثق من نفسك اوي
= ايوه
_ انت اهبل
ابتسم ابتسامه ساذجه فهزيت راسي وطلعت برا دخلت علي اوضتي علي طول وقفت ورا الباب اسمعهم بيقولوا ايه سمعت صوت ماما بتقوله = ضايقتك صح اكيد دي بنتي وانا عرفاها
= لا دي لطيفه خالص
= بجد يابني
= اه يا..حماتي
= ربنا يفرح قلبك يابني ويارب تتم علي خير
الصوت بِعد معرفتش اسمعهم قعدت علي السرير وانا مش طايقه نفسي،سم دمه سم يارب
رنيت علي هنا اقولها اللي حصل فقالت = شكله لذيذ
_ اووي...قصدي لا خالص ده دمه تقيل تقل
= ايوه ياعم
_ بس يابت غوري يلا
= ماشي ماشي س سس سلام انا
قعدت في الاوضه لحد ما مشيوا غيرت ولبست لبسي وطلعت قولت لماما اني هنزل روحت رنيت علي الشباب علشان نتجمع ونخرج وبالمره احكيلهم.
رجعت البيت الساعه 10 دخلت علي اوضتي كالعاده لعبت بالفون ونمت صحيت تاني يوم الساعه 1 غسلت وشي وخرجت لماما دخلتلها المطبخ فتحت التلاجه وخدت تفاحه ولفيت لماما وقولتلها _ عامله ايه علي الاكل ياست الكل
= ارن عليه
_ دليفري ليه معملتيش اكل
= انا قصدي علي زياد
_ ااه..ماش..زياد مين
= هنستهبل
_ اااه افتكرت الواد اللي جه امبارح ده
= ايوه
_ يووه ياماما انتي عارفه عني كده برضوا
= لا هرن عليه واقوله أنها موافقه لاني حبيته
خدت قطمه وبعدها قولت _ وانا مالي انا ماتتجوزيه انتي
= لا ياملك بقي اسمعيني ده دمه خفيف
_ سمعتك
= ابوكي راح وانا هيجيلي يوم واروح ومش هيبقالك حد بعدي انتي عارفه عمامك بعد موت ابوكي مبقوش يسألوا وانتي عرفاني مقطوعه من شجره وأكيد اخواتك هيتجوزا وكل واحد هيعيش لحياته محدش بيعيش لحد فانا عايزه اطمن عليكي قبل ما اروح للخلقني
سيبت التفاحه من ايدي مشيت الخطوتين اللي ما بنا لحد ما بقيت قدامها بظبط مسحت دمعتها اللي نزلت علي خدها وحضنتها وقولت _ خلاص ياماما اللي يريحك
طبطبت عليا وقالت = ربنا يبارلكلك يابنتي وتتهني بحياتك
_ يارب يا امي ويطولي في عمرك
= يلا بقي هروح ارن عليهم
_...:
سيبتها ودخلت اوضتي ورنيت علي هنا اول ما فتحت قولتلها _ انا وافقت
= بجد ليه
_ علشان أمي
= مالها طنط
قولت بتريقه _ حبيته
= لا ياشيخه
_ اااه ياستي انتي عارفه ماما بتعرف تثبتني بكلامها
= انتي هتقوليلي
_ طيب، استني في رقم غريب علي الويتنك
= ماشي،سلام
------------
رديت وقبل ما اتكلم شاب قال= مش قولتلك هتوافقي
اتنهدت وقولت _ بص يابتاع انت انا وافقت علشان خاطر امي وحاجه كمان هبقي معاك اه بس مش هغير اي حاجه فيا هفضل زي ما انا عجبك عجبك مش عجبك اتفلق
= لا عجبني خليك زي مانت مقولناش حاجه
قفلت الفون في وشه ورنيت علي هنا نكمل رغي.
عده اليوم زي باقي الأيام وتاني يوم جه صحيت غسلت وشي وانا بفطر ماما جت وقالتلي بفرحه = حددنا معاد الخطوبه
بصيتلها بصدمه وقولت _ ماما عايزه اقولك حاجه
= قولي
_ انا العروسه المفروض حد يعبرني وياخد رأي في اي حاجه
= يلا انا وانتي واحد
ضحكت وقولت _ لا والله
قالت وهي بتبتسم = ايوه
اتنهدت وقولت وانا مبتسمه _ واحد وماله،وهتبقي امتي بقي ان شاء الله ؟
= الخميس اللي جاي والفرح بعد سنه
_ لا والله
= اه والله
_ ماما
= ايه
_ النهارده ايه؟
= الأحد
_ يعني باقي 4 أيام
= ايون
_ ياصلاة النبي
