الذئاب

الفصل التاسع عشر

حين دخلت لي لي للغرفة صدمت من هيئتها ثم التفتت لياسين وقالت :- هي مالها ...مين عمل فيها كده 

ياسين :- كويسة متقلقيش ...تعالي عشان تنام ....

ذهبت معه وهي مازالت تلتفت لريان ...هناك لغز حول تلك الفتاة وياسين لا تعلمه 

نزلو بالأسفل فقال :' انتي عاملة ايه دلوقتي كويسة 

اومات بنعم فقال :- طب يلا عشان تفطري ....

في بيت زين 

استيقظت زينة ولم تجده بجوارها ....فقامت وبدلت ملابسها ونزلت فوجدته يقف في المطبخ وقد انتهي من اعداد الفطار ثم قال :- صحي النوم 

زينة :- صباح الخير 

زين :- صباح النور ...يلا افطري بسرعة وغيري هدومك عشان هنخرج 

زينة :- فين 

زين :- هتعرفي بعدين ...يلا 

تركها وصعد فجلست تتناول طعامها ثم صعدت خلفه وبدلت ملابسها ولحقت به في سيارته وانطلقو ....

توترت حين توقف عند الجامعة فقالت بحزن :- احنا جايين هنا ليه 

التفت لها بابتسامة وقال :- عشان واحدة صاحبتي نفسها تكمل تعليمها 

لم تفهم شيئا فقال :- انزلي 

نزلت من السيارة وهو خلفها وتوجه معها لمكتب شئون الطلبه وقام بدفع مصاريف الجامعة لها ...

صدمت زينة من دفعه لهذا المبلغ وحين خرجو قالت :- انت مش ملزم تدفع ده كله 

زين :- مش انتي مراتي يبقي ده واجب عليا ...

زينة :- بس انت مش عايزني اكمل الجامعة 

زين :- صح ....بس لو هقارن بين حاجة انا عايزها وحاجة هتخليكي سعيدة هتختار سعادتك ...خليكي فاكرة ده كويس 

ابتسمت بحب وركبت بجواره السيارة ...لاحظت انه يمشي في طريق اخر فقالت :- احنا رايحين فين 

زين :- مش عاوزة تشكريني ؟

ضحكت بشدة علي تلك الجملة القديمة بينهم والتي تعني انه يريدها أن تتناول الطعام معه فقالت :- لا ....

زي :- بجد ؟

زينة :- بجد ...انا عايزة ارجع البيت ...

زين :- ليه 

زينة ؛- حاسة اني لسه عايزة اكمل نوم 

زين :- ماشي ....يس كده...نرجع البيت ...

في قصر ياسين 

ذهب لغرفة مكتبه فتبعته لي لي وجلست امامه وقالت :- ياسين هي البنت دي تقربلك ايه ؟

ياسين:- انتي شاغلة نفسك بيها ليه 

لي لي :- عشان واضح انها غلبانة وفي مشكلة كبيرة ....كنت فاكراها بتشتغل عندك بس ايه اللي يجيب شغالة علي سريرك ...ياسين انتو في بينكم حاجة