#لـِ مريم نصر "ظلال خفية"
#نُسيبه.
#قصص جنان في جنان.
كانت تقف نُسيبه امام مريم التي توجد بجانبها على الأرضية شنطه سفر.
نُسيبه:يعني انتي عايزه اييه دلوقتي؟
مريم:خديني ابااات عندك.
نُسيبه:واقول لماما ايه يا اختي؟
مريم ببساطه:ولا حاجه هتقوليلها مريم هربت من البيت علشان مامتها مش سايباها في حالها من ترويق لغسيل مواعين لتنشير غسيل ل......
نُسيبه بمقاطعه:خلاص يا اما ايييه؟ وبعدين ده انا لو قولت لماما كده هتكرشني معاكي واحنا الاتنين هنقعد في الشارع.
مريم بتذمر:انا زهقت بقىىى، يعني انا بأخد الاجازه علشان استريح من الطلعه والنازله طوول النهار والليل تيجي ماما وتطلع عيني في البيت.
نُسيبه:ياا بت ارجعي قبل ما اهلك يرجعوا من عند خالتك ويعرفوا انك مش في البيت.
مريم بثبات:انا مش هرجع في كلامي وهفضل هنا.
وفجأه صدح صوت رنين هاتف مريم، فأخرجته مريم من حقيبتها.
مريم برعب:د.....دي ماماااا.
نُسيبه ببساطه:طب ما تردي.
مريم وهي تمد لها الهاتف:لا ردي انتي.
نُسيبه:ياااا بنتي بقى ردي.
مريم بجديه مضحكه:ايه ده؟ انا هربانه يعني المفروض اقفل التليفون.
وبالفعل اغلقت الهاتف.
مريم:مانا هبات عندك النهارده يعني هبات عندك النهارده.
نُسيبه بملل:يعني انتي عايزه ايييه دلوقتي؟
مريم بأبتسامه:ابات عندك.
نُسيبه:هنقول ايه لماما؟
مريم بتفكير:صاحبتك وجايه تبات عندك عااادي يعني.
نُسيبه بتوتر:ربنا يستر ومانبتش برررا انا وانتي النهارده.
بعد نصف ساعه كانت تقوم مريم بتنظيف الأواني ونُسيبه تقوم بنشر الملابس.
مريم بصوت مرتفع وبكاء مصطنع:يعني بهرب من مواعين لمواعين، ده ايه القرف دههه يا ربيييي؟
#لـِ مريم نصر "ظلال خفية"
