#لـِ مريم نصر "ظلال خفية"
#منى عبدالعزيز.
#قصص جنان في جنان.
ذهبت مريم إلى منزل منى لكي تذاكر لها مع ولدها ولكن لم يحدث ذلك حيث كانت تجلس مريم على الطاولة وامامها منى وكانت كلا منهم تنظر إلى الأخرى بتحدي.
منى بعند:طب أيامنا احنا كانت احسن.
مريم وهي تنظر لها بملل:بصي يا طنط اكيد لا طبعا.
منى وهي ترفع احد حاجبيها:ليه لا يا حبيبتي؟
مريم بتفكير:اممم، هقولك، ممكن علشان زمان كنتوا بتلبسوا مريله اما دلوقتي بنلبس تيشرتات وترينجات، ده غير اننا بنعمل اي حاجه عايزينها في المدرسة.
منى بأبتسامه:لا يا حبيبتي المريلة دي كانت أجمل حاجه، وعايزه اقولك ان دلوقتي مفيش اي نظام في المدارس ولا اهتمام حتى، زمان كان المدرس يدخل محدش كان بيفتح بقوا لكن دلوقتي اعتقد ان مفيش مدرس بيدخل اصلا، ده غير الطوابير احنا كنا بنقف بنظام في الطابور اما انتوا كلوا بيبقى على بعضوا.
مريم وهي تنهض وتجلس بجانب منى:طنط حبيبت قلبي.
منى برفعة حاجب:قولي عايزه ايه؟
مريم ببراءة مزيفة:عاملة اكل ايه النهاردة؟
منى بأبتسامه:عاملة مكرونة وبر........
ولكنها لم تكمل الجملة حيث وجدت مريم تركض إلى المطبخ فنهضت وذهبت خلفها فوجدت مريم قد وضعت بعض من المكرونه في صحن وأيضًا قد أخرجت بعض من قطع البرجر وبدأت في تناولهم.
منى بذهول:ايه ده؟ انتي طلعتي كل ده امتي؟ ده انتي ماكملتيش دقيقتين في المطبخ.
مريم بأبتسامه وهي تأكل:ايوه انا سريعه.
منى بغيظ:يالهوي منك، عيلة لمضه.
مريم بأبتسامه:لا بجد تسلم ايييدك ايه الجمال ده؟ اكلك فظيييع، هاجي اكل عندك كل يوم.
منى بأبتسامه:تنوري.
مريم وهي تشير إلى المبرد:معلش يا طنط ناوليني البيبسي اللي في التلاجه ابلع بيييه.
منى وهي تتجه إلى المبرد:يخربييييتك، اتهدي شوية.
مريم ببلاهه:ليه هو انا بعمل ايه؟ ده انا حتى بأكل.
منى وهي تناولها البيبسي:خدي يا اختي.
وبعد أن انتهت مريم من تناول الطعام تربعت على الأريكة امام التلفاز.
منى برفعة حاجب:حضرتك هتفضلي مشرفانا كتير؟
مريم بأبتسامه:ايوه، اصل مفيش حد في البيت وانا قولت لماما اني هبات في حضن طنط منى وهي وافقت.
منى بغيظ:هتباتي في حضن طنط منى؟!
مريم وهي تهز رأسها بالموافقه:ايوه هنام في حضن طنط منى.
منى وهي على وشك البكاء:يخربيت طنط منى.
مريم ببلاهه:طنط منى عندك لب؟
منى بصراخ:يالهووووووووووي.
#لـِ مريم نصر "ظلال خفية"
