#لـِ مريم نصر "ظلال خفية"
#مريم سيد"ام البنات"
#قصص جنان في جنان.
ذهبت مريم مع طنط مريم إلى سوق الخضار وكانت تسير بجانبها وتتمسك بيدها كالاطفال.
مريم بخوف:انا خايفة اوي يا طنط، هو ضروري اوي نيجي هنا؟
مريم سيد وهي تضغط على يدها:يا بت اهدي ماتبقيش هبله كده، اومال هتفتحي بيت ازااااي؟
مريم وهي تنظر حولها بتوتر:مش عايزه افتحه، مش عايزه افتح البيت.
مريم سيد وهي تجرها خلفها:بلا نيله، اومال بتصيحي على الفيس والواتس انك عايزه قرة عينك ليييه؟
مريم بتوتر:ده هزار يا طنط انتي بتصدقي الهزار؟
مريم سيد بعد أن توقفت امام احد بائعين الخضار:اقفى هنا واتعلمي.
مريم وهي تنظر لها بترقب:حااضر.
مريم سيد للبائع:بكام الطماطم؟
البائع:ب١٢ جنية.
مريم سيد بحده:ليييه؟
البائع:هي نازله كده في السوق.
مريم سيد بغضب:يعني ايه نازله كده في السوق؟ انا مش هأخدها غير ب٦ جنية.
البائع:ازاي عايزه تنزليها للنص؟
مريم بشفقه:حرام عليكي.
مريم سيد بغضب:اسكتي انتي يا هبله.
البائع:بس يا مدام ماينفعش كده.
مريم سيد وهي تستدير وتمسك يد مريم مره اخرى:خلاص مش عايزين منك حاجه.
البائع بنداء:خلاص يا مدام هتخديها زي مانتي عايزه.
مريم وهي تصفق لمريم سيد:لا بجد انتي هااايله ايه الجمال ده؟
مريم سيد بغرور مصطنع:اوومال يا بنتي انتي مفكرة اييه؟ يلا بقى دورك.
مريم بحماس:ماشي.
ثم اتجهوا إلى بائع اخر، ووقفت مريم أمامه بأبتسامه بلهاء.
مريم ببلاهه:ازيك يا عمو البياع؟
البائع:الحمدلله يا بنتي انا بخير.
مريم سيد وهي تنغزها في ذراعها:يخربيتك انتي جايه تتعرفي عليه؟ اسأليه على الفلفل يا مضروبه.
مريم وهي تشير إلى الفلفل:بكام الفلفل ده؟
البائع:بعشرة.
مريم وهي تقلد مريم سيد:ليييه؟
البائع:والله يا بنتي هي نزلت السوق بالسعر ده.
مريم بشفقه:خلاص حضرتك هشتريه منك ب٢٠ جنيه.
مريم سيد وهي تشعر بأنها ستصاب بسكته قلبيه:يخربييييتك انتي بتعملي اييييه؟
مريم ببراءه:بشتري.
مريم سيد بغضب:ماتشتريش.
ثم سحبتها من يدها بغضب.
مريم سيد وهي تجر مريم خلفها:ده انتي مش هتنفعي في اي حاااجه، لا جواز ولا بطيخ ولا نيلة.
مريم ببلاهه:كده احسن يا طنط، السنجلة جنتله.
مريم سيد وهي تضربها على رأسها من الخلف:اتكتمي يااا بت انتي.
#لـِ مريم نصر "ظلال خفية"
