#لـِ مريم نصر "ظلال خفية"
#اسماء عبدالهادي.
#قصص جنان في جنان.
كانت تقف اسماء لكي تقوم بضيافة واستقبال الضيوف من أجل سبوع ابنتها وأثناء ما هي منشغله وجدت احد يمسكها من ذراعها وعندما التفتت وجدتها مريم.
اسماء بإستغراب :
"في ايه؟"
مريم وهي تقوم بجذب اسماء من ذراعها :
" سمسم، انا ماختش حمص زي العيال دي."
اسماء وهي تحاول التماسك :
"وهو ده وقته يا مريم؟! روحي لطنط قوليلها تديكي."
مريم بإيماءه :
"ماشي."
وبعد قليل عادت مريم مرة أخرى وكانت اسماء تتحدث مع أحد النساء وقامت بأمساك اسماء من ذراعها.
اسماء بنفاذ صبر :
" في ايييه تاااني؟"
مريم وهي تشير إلى أحد الأطفال :
"بصي يا سمسم اخد لعبة وانا لا."
اسماء بأبتسامه صفراء :
" مريم امشيييي. "
مريم ببلاهه :
" ليه؟ "
اسماء بهدوء ما قبل العاصفه :
"روحي لطنط قوليلها تديكي."
مريم وهي تحرك يدها في الهواء :
"طنط تاني؟"
اسماء بإيماءه :
" ايوه طنط تاني."
فذهبت مريم لأخذ اللعبة وبعد قليل عادت لاسماء مرة أخرى.
اسماء وهي على وشك الانفجار :
" في ايه تاني؟"
مريم بأبتسامه بلهاء :
"عايزة كسكسي."
اسماء وهي تقترب من مريم بشر :
" ده انا اللي هعملك كسكسي."
مريم بقلق وهي تعود إلى الخلف :
"صلى على النبي مش كده. "
اسماء ومازالت تقترب منها :
"عليه افضل الصلاة والسلام."
مريم وهي تنظر حولها بقلق :
"انتي عايزة ايييه؟ "
اسماء بصوت مرتفع بعد أن توقفت :
" عايزاكي تسبيني في حالي."
مريم بأبتسامه بلهاء :
" بس كده؟"
اسماء بأبتسامه صفراء :
"ايوه."
مريم وهي تلوح لها :
" حاضر. "
ثم ابتعدت عن أسماء بينما اسماء عادت لتكمل ما كانت تفعله.
مريم من خلف اسماء :
"سمسم. "
اسماء بصراخ :
"يالهوووووووي."
#لـِ مريم نصر "ظلال خفية "
