#لـِ مريم نصر "ظلال خفية"
#يوأنا ارميا "انوش"
#قصص جنان في جنان.
كانت تجلس مريم بجانب يوأنا في احد الكافيهات.
مريم بابتسامه:بحبه اوووي يا انوش.
انوش بسعادة لصديقتها:طب وانتي عرفتيه ازاي؟ وهل هو كمان بيحبك ولا مايعرفش انك معاه على الكوكب اصلا؟
مريم وقد انمحت ابتسامتها:مايعرفش اني موجوده على الكوكب اصلا.
انوش بضحك:كنت حسه، ومين بقى حزين الحظ؟
مريم بغيظ:بطلي تسخري مني.
انوش وهي تضع يدها على فمها:اهو خلاص سكت قوليلي بقى هو مين وعرفتيه ازاي؟
مريم بحالمية:كنت في مطعم وخبط فيه راح بصصلي وقالي مش تحاسبي يا ابله، فأنا قولتله هاااه؟! راح قالي انتي عبييطه؟ مش عايزه اقولك يا انوش رومانسيته سحرتني وكلامه الرقيق شدني.
انوش وهي تشعر بأنها ستصاب بشلل:رومانسيته؟! وكلامه الرقيق؟! ربنا يعوض عليكي يا بنتي، ومين بقى الجحش ده؟
مريم بغضب:ماتقوليش عليه جحش.
انوش بسرعه:خلاص خلاص العسل ده يبقى مين؟
مريم بأبتسامه:تعالي اوريكي صووورته.
ثم أخرجت هاتفها وبدأت في البحث فيه بينما انوش كانت تنظر اليها بإستغراب.
انوش وهي تضرب كف على الاخر:ربنا يعوض عليكي يا بنتي الواحد مابقاش عارف انتي متعصبه ولا لا؟ وفرحانه ولا لا؟ الحب خلاها بلاستييك.
مريم بصوت مرتفع:اهوووووو.
ثم وضعت الهاتف امام وجه انوش التي تحول وجهها من الهدوء إلى غضب شديد.
مريم بقلق:مالك في ايه؟
انوش بغضب:انتي عارفه مييين ده؟
مريم بتوتر وسرعة في الكلام:ايهه ابوكي؟ والله ما كنت اعرف، يعني لو كنت اعرف كنت حبيته؟
انوش بصوت مرتفع:لا يااا اختي ده الكرااااش، مالقتيش غير الكرااااااااش بتاااعي وتحبيييه يا مريم والله حرااام عليكي.
مريم وهي تلطقت انفاسها:حرام عليكي يا شيييخه وقعتي قلبي، عادي يا ستي هتتنازلي عنه علشان مريومه حبيبتك.
انوش بغضب وهي ترفع اصبعها في وجه مريم:دهه بعييينك.
مريم برفعة حاجب:ايه صباااعك ده يا اختي؟ وبعدين هو يعني يعرف عنك حاااجه اتنيلي.
انوش بهدوء:تصدقي عندك حق خلينا انا وانتي نندب حظنا احسن ما نقعد نتخانق مع بعض.
ثم وضعت كلاهم يدها أسفل خدها ويفكران فيما سيحدث.
#لـِ مريم نصر "ظلال خفية"
