#لـِ مريم نصر"ظلال خفية"
#ريناد يوسف.
#قصص جنان في جنان.
ذهبت مريم إلى منزل صديقتها ندى للمبيت معها وظلت تطرق على الباب.
مريم بغناء وهي تطرق على الباب :
"ندى حبيبت بابا ردي عليا توووته، ندددددى يا نددددددى، ندى يا ندى يا ندى ندى."
ففتحت لها والدة صديقتها ريناد.
ريناد وهي تنظر لها بحاجب مرفوع :
"جايه فرح انتي؟"
مريم بإيماء بعد أن دلفت المنزل من أسفل ذراع ريناد :
"ايوه يا رينو، وبعدين انتي عارفه اني بحب اعمل دووشه. "
ريناد وهي تشير إلى الأريكة :
" اقعدي هنا اياكي تتحركي. "
مريم بعد أن جلست :
"ليه بس يا رينو؟ مش انتي اللي دايما بتقوليلي انتي زي بنتي يا مريم؟ ايه اللي اتغير؟"
ريناد وهي توجه لها نظرات نارية :
"اللي اتغير يا قلبي انك امبارح انتي وندى دخلتوا عملتوا اكل صح؟"
مريم بإيماء :
"فعلا عليكي نور. "
ريناد ومازالت على حالها :
"ولما دخلت انا المطبخ بعدكوا اكتشفت انكوا مكسرين عشرين بيضه، ماعرفش ليييه؟! والجبن اللي في التلاجه كلها مطالعينها على الرخامة، والحلل، حتى اللبن ماسلمش منكم. "
مريم وهي تشير إلى نفسها ببراءه مزيفة :
"احنا عملنا كده؟ "
ريناد بصدمه مصطنعه :
"اخس عليا، شكلي ظلمتكم. "
مريم بإيماء :
" ايوه فعلا، انتي ازاي يا رينو تعملي حاجه شنيعه زي دي؟ "
ريناد بصوت مرتفع :
" النهاردة بقى لو اتحركتي انتي او ندى هقتلكم."
مريم وهي تهز كتفيها بعدم مبالاة :
"كده كده انتي اللي هتتضري وهتتحبسي."
ريناد بغيظ من مريم :
"ندددددى، تعالي مريم جت. "
فخرجت ندى من غرفتها وجلست بجانب مريم وبعد قليل نهضت ريناد ودلفت إلى المطبخ.
مريم بهمس في اذن ندى :
" نودي يا حبيبت قلبي انا جبت معايا لب وشيبسي وشوية حلويات في الشنطة تعالي ننقنق."
ندى بموافقة :
" ماشي يلا. "
ثم أخرجت مريم الحلويات وبدأوا في تناول المقرمشات وهم يشاهدون أحد الأفلام وكانوا يقوموا بألقاء القشر على الأرضية وبعد قليل خرجت ريناد.
ريناد وهي تنظر إلى المكان بصدمه :
" يالهووووي ايه اللي انتوا هببتوه ده؟ "
فنهضت كلا من مريم وندى ووقفوا على الأريكة.
مريم وهي تشير لها بالهدوء :
"اهدي بس يا رينو، ده ولا حاجه كل الحوار كام قشرايه والبت ندى مش هتاخد دقيقتين وهي بتلمهم."
ندى وهي تنظر إلى مريم بشر :
"بتصدريني؟ "
مريم بأبتسامه باردة :
" ايوة. "
ريناد بغضب :
" هقتلكم."
فركضت مريم إلى غرفة ندى وكانت ندى خلفها وخلفهم ريناد، وبمجرد أن اقتربت ريناد من الفراش قفزت مريم عليها ثم ندى فأصبحت ريناد تستلقي على الفراش وبجانبها الأيمن مريم والايسر ندى وكانت تحتضنهم.
مريم وندى بأبتسامه :
" I love you rinoo."
ريناد بأبتسامه وهي تحتضنهم :
"I love you too."
وظلوا يلعبوا ويمرحوا كثيرًا مع بعضهم.
#لـِ مريم نصر "ظلال خفية"
