بين العالم والحُب.
part9:عِناق.
ولكِنك لا تعلم مدى صعوبة أن أحمِل كُل هذا الألم في قلبي وأتظاهَر أنني بخير .
_رؤى وليد.
ـــــــــــــــــــــــــــــــــــــــــــــــــــــــــــــــــــــــــــــــــ
"إلياس، أنت كويس؟".
أخذ يفتح عيونه ببطئ حتى تعتاد على الضوء نظر لوجه أخيه وهو لا يتذكر ماذا حدث أو أين هو.
" إيه اللي حصل؟ ".
" مش عارف رنيم أتصلت بيا وقالتلي إنك أُغمى عليك في الشركة فجيت بسرعة ونقلتك المُستشفىٰ".
تذكر الآن ما حدث وحديثه لرنيم وضعفه أمامها أخذ يُحدق بأخيه وهو يلعن غبائه.
"أيه يابني، إيه اللي حصل؟".
" فين رنيم؟ ".
" برا، مرضتش تروح غير لما تطمن عليك ".
" طيب دخلها ".
أؤم فريد برأسه وخرج لإستدعاء رنيم، دلفت للغرفة وهي تتنفس بتوتر فهي حتى الآن لا تنسىٰ كلامه قبل فُقدانه لوعيه.
" ألف سلامة عليك ".
" الله يسلمك، أقعدي ".
أعطته إبتسامة متوترة ثم جلست في المِقعَد أمامه.
" بُصي هو أنا مش عارف هحكيلك ليه، بس يمكن عشان مش لاقي اللي أحكيله، أو عندي اللي بحكيله بس بحس إنهم بيزهقوا كُل مرة من نفس الوجع ونفس المُشكلة، فممُكن تسمعيني؟ ".
" أكيد مُمُكن ".
" أنا ضحية أتنين مكانوش ينفعوا لبعض من الأول، ولا أبويا كان ينفع أمي ولا هي كانت تنفعه، أتنين مفيش بينهم تفاهم ولا حُب ولا مودة، ولا قادرين يفهموا بعض أصلًا ويقدروا بعض وقت حُزن حد فيهم، ولا حد كان قادر يحتوي التاني، لكن كانوا بيحاولوا قدامنا على الأقل لحد ما أمي زهقت وطلبت الطلاق وطبعًا والدي رحب جدًا وطلقها كُنا لسة في الكويت، سافرت مصر وكانت الأول بتتواصل معانا وبعد كدا بطلت، أختفت، مبقاش ليها وجود في حياتنا، لحد ما عرفنا إنها أتجوزت وخلفت بنت وعايشة مع جوزها في مصر وصباح الفُل أنتوا معاكوا أبوكوا خليني أبص لحياتي بقى، وبس ياستي الصدمة مكانتش كبيرة على فريد لأنه مكانش عايش معانا كتير، أنا اللي أخدت كُل الحُزن بقى وصدمة قد كدا ".
أزال دمعة كادت أن تنفلت من عيونه وهو يقُص لها حُزنه بسبب والدته.
" وبس ياستي هي اه مش دي حكايتي كُلها لكن دا كان أول وجع فيها ".
" مش عارفة أهون عليك يمكن عشان مريت بشئ شبه دا بس الفرق إن والدتي كانت ضعيفة ".
" لو حابة تحكي ي... "
أنت تقرأ
بين العالم والحُـب.
Romanceرنيم بدموع: تعالى نهرب يابكر، العالم مش سوي هنا، العالم مش قابل حُبنا، تعالى نمشي من هنا. بكر ببرود: حُـبنا؟. رنيم: آه حُبنا مش أنت بتحبني!. بكر: لا مش بحبك ومش فاهم مين اللي وصلك الفكرة دي، هو عشان ضحكت شوية وهزرت شوية أبقى بحبك؟، لا أنا مُـجرد...
