قصة : ( الحب مقامات ) ل سهيلة سعيد المنجي

الحلقة ١ و ٢

قصة : { #الحب_مقامات } 💔🕸️

الحلقة الأولى { ١ } 🍂

*( سنة 2008 )*

( جوة ڤيلا ، قاعدين ٣ ستات بيتكلموا ، يقرب عليهم ولد عنده حوالي ست سنين بيعيط )
هالة ب استغراب : ايه ي كيمو مالك ؟!
كريم بعياط : ابراهيم ضربنيييي !
هالة : يادي البلطجي دة ، م تلمي ابنك شوية ي خديجة !
خديجة : معلش ي كريم حقك عليا ، ي ابراهيم ، ولا ي ابراهيييييم !
( يقرب طفل تاني عنده عشر سنين وف ايده طفل تاني ، يزقه قدامهم )
هالة بخضة : هيييي ليه كدة ي ابراهيم !
ابراهيم بعصبية : ربي ابنك ماشي ، بدل م انا اربيهولك
خديجة : ولا عيب كدة ، هقوملك بالشبشب !
ابراهيم : بلا عيب بلا نيلة بقا
خديجة : شوفي الواااد !
ايمان : طب عملك ايه عشان تضربه ؟!
ابراهيم : بيتفق هو وعلي يضربوا چوري ، وابن الباردة دة راح كان هيضربها ف ضربته !
خديجة ب احراج : ي ولا عيب يخربيت لسانك الزفر !
هالة : بصي قلة ادبه ، طب تعالى قولي مش تضربهم كدة ، انا هقول ل ابوك بقا وهو يتصرف معاك
ابراهيم بعدم اهتمام : قوليله ي مرات عمي انا مبتهددش
الكل : ههههههه
هالة : شايفة الولا البجح بيرد ازاي !
ابراهيم وهو بيبص للولاد : ولو قربته من چوري تاني هضربكم تاني 
هالة : طب ابقا اعملها ي ابراهيم !
ابراهيم وهو بيضرب كريم بالقفا : هعملها
كريم بعصبية : اااه !
هالة ب انفعال وهي بتقلع الشبشب : لاااا دة انت ميتسكتلكش بقا
( تقوم تجري وراه بالشبشب )
خديجة : كل دة عشان الست چوري ، جنني بيها !
ايمان بغرور : انا بنتي مهرها غالي اوي ي حبيبتي
خديجة : طبعاً ست البنات كلهم حبيبة قلب خالتها
( يستخبى ابراهيم من هالة ، تقرب بنت من وراه عندها ٨ سنين )
جوري : ابراهيم !
ابراهيم بخضة : خضتيني !
جوري : بتعمل ايه ؟!
ابراهيم : مستخبي من مرات عمك هالة
جوري : ليه ؟!
ابراهيم : عاوزة تضربني عشان ضربت كريم وعلي عشان ضربوكي
جوري : اااه
ابراهيم : هاتي ايدك
جوري ب استغراب : ليه ؟!
ابراهيم : هاتيها بس
( تديله ايدها ، يلبسها دبلة صغيرة لونها دهبي )
جوري : دي دبلة زي بتاعة ماما ؟!
ابراهيم : اة م انا كلمت بابا إني عاوز اخطبك ، بس قالي اما نكبر ف انا جبتلك دبلة عشان محدش يخبطك غيري ، اوعي تقلعيها ⁦
جوري : حلوة مش هقلعها

*( بعد 14 سنة ، شهر 5 ، سنة 2022 )*

( ف اول يوم ف العيد الصغير ، ف منطقة شعبية ، ف شارع ، منصوب فراشة فرح ومليان شباب ورجالة ، ع الأستيدچ مغني ورقاصة وطبل وهيصة ، يدخل ٣ شباب مع بعض ، اول م يدخله الي بيرقصه عند الترابيزات يروحوا يحييوهم ويسلمه عليهم )
النبطشي : وصل وصل وصل ، هيما المغربي وولاد العااااااااااام
( يطلعوا الشباب ع الأستيدچ ويرقصه مع الرقاصة ويرموا عليها فلوس )
النبطشي : ي مغربييييي
( ينزل شاب منهم ويقرب ع ترابيزة ويقعد )
ابو العريس بترحيب : منورنا ي مغربي
ابراهيم : الله يخليك ي عم اباري