قصة : ( الحب مقامات ) ل سهيلة سعيد المنجي

الحلقة ٢١ و ٢٢

قصة : { #الحب_مقامات } 💔🕸️

الحلقة الواحد والعشرون { ٢١ } 🍂

ابراهيم : كنت محتار صراحة ، ف قلت اكيد دي هتعجبك
جوري : اويييييي
( تحضنه ، يتصدم ابراهيم م الحضن وميبقاش عارف يحضنها ولا ميلمسهاش )
جوري وهي بتبعد : شكراً ي ابراهيم
ابراهيم : العفو ، اناااا قلت تتسلي فيها يعني ، وترسمي زي اللوحات الي ورتهالي دي
جوري : هرسم اكيد ، تسلم والله إنك فكرت فيا ⁦
ابراهيم : لو عوزتي اي حاجة قوليلي هجيبهالك ع طول
جوري : هقولك طبعاً 
ابراهيم : ماشي ، همشي انا بقا عشان الحق الشغل ، سلام
جوري : بااااي
( يمشي ابراهيم ، تفضل چوري واقفة لحد م يمشي وبعدين تدخل البيت ، ابراهيم ماشي ف الشارع مش مركز مع خطواته وكل تفكيره ف الحضن الي كان بيتمنى لو يقدر هو كمان يحضنها بس من ربكته اتوتر وخاف إنها تخاف منه او تفهمه غلط مع إنها هي الي ابتدت ، يبتسم )

*( انتي يلي ، انتي يلي بنظرة واحدة غيرتيلي حالي .. 🍃🌍 )*

( يكمل مشي وهو باصص للأرض ، يخبط ف واحد )
ابراهيم : لامؤخذة ي جيها !
( يكمل طريقه ، عند چوري ، تاخد اللوحة اوضة الرسم وتحطها ع الأستاند بحماس وتبدأ تفرز ف الألوان ، تبص للوحة وتحط ايدها تحت خدها بتفكر هترسم ايه ، وفجأة ، تبتسم ، تلم شعرها ترفعه وتمسك الفورشة وتبدأ ترسم ، يعدي الوقت ، ف بيت عماد ، قاعد مع مراته )
اكرام : والله انا شايفة إن الي عاوز يعمل حاجة بيعملها ، مش بيقضيها كلام وبس
عماد : قصدك إني بتاع كلام يعني ؟!
اكرام : قعدت تقول هعمل واسوي وولا عملت حاجة !
عماد : م انا كنت ملهي ف الي جرالي وكنت تعبان !
اكرام : لا ي حبيبي انت خايف من هيما
عماد ب انفعال : انتي اتهبلتي ي ولية انتي ، هيما ايه الي خايف منه !
اكرام : والله دة الي انا شيفاه ، وإلا مكنتش سكت ع حقك لحد دلوقتي ، او اقلها بقا كنت قبلت اعتذاره لما جه اتأسفلك مدام كدة ولا كدة هتسكت
عماد بغيظ : ومين قالك إني هسكت ، كل شئ ب اوانه
اكرام بتنهيدة : طيب يخويا
( ابراهيم راكب متوسيكل الشغل بيوصل اوردر ، يركن قدام عمارة ، يمسك ورقة يقراها )
ابراهيم : الدور ال ١١ ، اكيد في اسانسير
( ياخد الأكل م البوكس ويدخل العمارة )
البواب : ايه ي اخينا رايح فين ؟
ابراهيم : في اوردر لشقة حسام شاهين
البواب : اة حسام باشا ، طيب اتفضل
( يقرب ابراهيم ع الأسانسير )
البواب : لا مش شغال يفندي
ابراهيم بخضة : نعم !
البواب : عطلان ، اطلع ع السلم من هنا
ابراهيم : اطلع ١١ دور ع رجلي ي عم !
البواب : وايه يعني ، انت مشاء الله صحتك باين حلوة ، اطلع
ابراهيم وهو بيمسك الفون : لا الباشا الي هينزلي ، الو
........... : الو
ابراهيم : معاك ابراهيم دليفري من مطعم *****
............ : ايوة انت وصلت ؟
ابراهيم : اة انا تحت العمارة والأسانسير عطلان !
............ : اة م انا عارف
ابراهيم : طب ايه ؟
............ : م تطلع ي بني خلص
ابرهيم : باشا بقولك الأسانسير مش شغال ، انزلي انت
......... : انزلك ايه اطلع انت
ابراهيم : طب م تنزلي السبت
......... : ي عم اطلع بقا متتعبنيش وانا هظبتك متقلقش
ابراهيم بتنهيدة : طيب
( يقفل ابراهيم )
البواب : م قلتلك اطلع م الأول
ابراهيم بغيظ : يابا اسكت بقا عشان ملبسكش الأكل دة ف وشك !
البواب : الله ، وانا مالي ي اخينا !
ابراهيم بصوت واطي : ابوا شكلك !
( يبص ابراهيم للسلم وبعدين يبدأ يطلع ، عند چوري ، لسة ف اوضة الرسم بترسم ف اللوحة ، يدخل بباها )
الاب : مساء الفل
جوري : حبيبي تعالى
الاب : ايه الحلاوة دي ، بترسمي ؟
جوري ب ابتسامة : ايه رأيك ؟
الاب : حلوة اوي ، بس لسة مكملتش صح ؟
جوري : اة ع بكرة كدة تكون كملت ، انا من بدري شغالة فيها
الاب : شاطرة ي حبيبي بالتوفيق
جوري : حياتي 
( عند ابراهيم ، واقف قدام شقة وبينهج جامد ، يرن الجرس ، يفتح شاب ف العشرينات )
........... : معلش ي معلم تعبناك 
ابراهيم وهو بيديله الاكل : ابوس ايدك صلحوا الأسانسير ي اما متطلبوش اكل من عندنا تاني
............ : ههههه ماشي
صوت : ااااه !
( يستغرب ابراهيم )
........ ب ارتباك : ااا الحساب كام ؟
ابراهيم بقلق : اة ٤٧٠ !
........ وهو بيدخل : لحظة
الصوت : امممممم !
( ابراهيم واقف هيموت ويدخل يعرف صوت ايه دة كأن حد عاوز صرخ ومش عارف او حد كاتم بؤه )
صوت : امممممم
( يسمع صوت حاجة اتكسرت ، يجيب اخره ويدخل ، يلاقي شابين تاني ماسكين بنت مكتفينها وكاتمين بؤها )
............. ب انفعال : انت اتهبلت يالا ازاي تدخل كدة ، اطلع برااا !
( يزق ابراهيم ف صدره )
ابراهيم ب استغراب : مكتفين البت كدة ليه ؟!
............. : وانت مال اهلك ، بقولك امشي ! 
البنت وهي بتزق ايد الشاب من ع بؤها : الحقني !
( يتخضوا ويكتموا بؤها اكتر )
............. : انت لو ممشيتش انا هوديك ف داهية !
ابراهيم : اممممم ، ماشي
( وفجأة ، يطلع ابراهيم ماطوته ، يتخضوا )
ابراهيم : سيبوها
( يبصوا لبعض بخوف )
ابراهيم بحدة : سيبوا البت بدل م اعيد تصنعكم عشان انتوا متنفعوش رجالة
( يسيبوها ، تجري البنت ع ابراهيم تقف وراه وتمسك فيه )
ابراهيم ب انفعال : لو حد منكم قرب منها تاني هشوه امه ، فاهميييين ؟
............. : خلاص ي معلم اهدى وخدها اهي معاك !
ابراهيم : حساب الأكل يالا
............ وهو بيحط ايده ف جيبه : اة ال ٤٧٠ حاضر
ابراهيم : ٧٠٠
( يبصله )
ابراهيم : مينقصوش جنيه
............ : ي معلم م انا .........................
ابراهيم : انجز عشان بدأت اتخنق وهزعلكم
............ : ماشي !
( يديله ٧٠٠ جنيه ، ياخدهم وياخد البنت وينزل )
ابراهيم وهو نازل السلم : هما كانوا خاطفينك ؟
البنت وهي نازلة قدام ابراهيم : حاجة زي كدة
ابراهيم : ازاي ؟!
البنت : كنت جاية لصاحب البيت ع اساس هيعرفني ع اخواته البنات ، بس طلعوا صحابه وعاملين عليا حفلة
ابراهيم : ربنا ستر
( يطلعوا م العمارة ، يبصلهم البواب ب استغراب )
ابراهيم : انا معرفش بيتك فين ، وكمان لازم ارجع الشغل ف مش هعرف اوصلك ، ف امسكي
( يديها ٢٠٠ جنيه م الفلوس )
ابراهيم : هوقفلك تاكسي يوصلك لحد باب البيت
البنت : انا مش عارفة اقولك ايه والله ، شكراً جداً
ابراهيم : العفو ، خلي بالك من نفسك
( تشاورله ب اة ، يوقفلها تاكسي )
البنت وهي بتركب : شكراً يااااا ؟
ابراهيم وهو بيقفلها الباب : هيما المغربي
البنت : شكراً ي مغربي
ابراهيم : العفو
( يمشي التاكسي ، يركب ابراهيم المتوسيكل ويرجع يكمل شغله ، بعد يومين ، البنات متجمعين ف بيت جدتهم ومعاهم چوري ، واقفين ف المطبخ بيعمله فشار )
انفال : جبنة ولا طماطم ؟
جوري ب استغراب : هو ايه ؟!
انفال : الفشار ي ولية
نسمة : جبنة
جوري : هو ليه طعم ؟!
انفال : اة توابل من عند العطار
جوري : اهاا
يارا : هيعجبك اوي
جوري بحماس : اشطاا
نسمة : هتعمله ايه ف عيد ميلاد هيما ؟
انفال : م تيجوا نحتفل السنادي
البنات : اشطا ماشي