قصة : ( الحب مقامات ) ل سهيلة سعيد المنجي

الحلقة ١١ و ١٢

قصة : { #الحب_مقامات } 💔🕸️

الحلقة الحادية عشر { ١١ } 🍂

الام : كداب ، اومال مش عاوز توافق ع فرحة ليه ؟!
ابراهيم : بقولك ايه
الام : ايه ؟
ابراهيم : هو مش انا كنت اجازة م الشغل انهاردة ؟
الام : ايوة
ابراهيم : لا انا رايح ، اطلعي يلا
الام : انت مش كنت ...........................
ابراهيم ب انفعال : ي ستي رايح يلا اطلعي
الام : ماشي !
( يمشي ابراهيم وتدخل مامته العمارة ، عند چوري ، قاعدة مع سيلين ف الأتيليه )
سيلين : ي بنتي بلاش نشفان دماغ ، الراجل كويس جداً ومناسب ليكي ، والأهم إنه بيحبك
جوري : بس انا مبحبوش ي سيلين !
سلين : طب وليه مش مديا لنفسك فرصة
جوري : بالعكس عملت كدة ، بس هو ب افعاله قفلني تاني !
سيلين بيأس : انتي صعبة اوي ي چوري !
جوري : لا والله انا مفيش اسهل مني ، بس هو معرفش يكسبني مش اكتر
سيلين : طب .........................
جوري : سيلين ، انتي متقبليش إن عمرو يبقاله صحاب بنات ويروح يسهر عندهم ف البيت وانتي متعرفيش حاجة ، ويقولك عادي ، يعني حتى مبيغلطش نفسه او يقولك مش هيبقا يروح تاني عشان يرضيكي !
( متردش سيلين )
جوري : ف متفرضوش عليا حاجة انتوا مش هتقبلوها ع نفسكم
( تتنهد سيلين وتضير وشها ، تتكلم چوري مع بباها وهو يتكلم مع ايمن ويفسخ الخطوبة ، تعدي الأيام ، الساعة سبعة المغرب ، ف بيت ابراهيم ، قاعد ابراهيم ف اوضته بيشرب سجاير وقاعد جنبه الكلب ، يقف الكلب وينتبه للباب ، يبصله ابراهيم ، يرن جرس الباب ، تقرب ام ابراهيم تفتح )
الام بترحيب : يادي النور يادي النور ، ايه الحلاوة دي !
جوري : ازيك ي خالتوا ، وحشتيني
الام : تعالي ي حبيبة خالتوا تعالي
( تدخل چوري تسلم عليها ، عند ابراهيم يقرب الكلب عند باب الأوضة ويقعد يزوم عاوز يخرج )
ابراهيم وهو ماسك الفون : تعالى هنا !
( يقرب عليه الكلب يقعد جنبه ، برة )
الام : عاملة ايه ي چوچو ؟
جوري : الحمدلله كله تمام
الام : فينك مش باينة ، مش قلتي هتيجي تقعدي معانا شوية ؟
جوري : معلش والله كنت ف حوارات اليومين الي فاتوا ومشاكل
الام بقلق : ليه كدة ي بنتي ، جرا ايه ؟!
جوري : كنت بفسخ خطوبتي
الام بزعل : لا اله إلا الله ، ليه كدة بس ؟!
جوري : نصيب بقا ي خالتوا
الام : الحمدلله ع اي حال ، اكيد ربنا شايلك حاجة احسن ، متزعليش
جوري : لا والله مش زعلانة ، لإن انا م الأول مكنتش مرتاحة ، فهماني ؟
الام بفهم : ايوة ي حبيبتي فهماكي
جوري : ف الحمدلله فعلاً ، اومال فين انفال ويارا ؟
الام : انفال بتتمشى مع خطيبها ويارا عند ستها فوق ، هقوم اندها
جوري : لا لأ خليها خلاص
الام وهي بتقوم : لا دي لو عرفت إنك هنا ومقلتلهاش هتزعل اوي ، هندها واجي ، البيت بيتك ي حبيبتي
جوري : تسلمي
( تمشي الأم ، عند ابراهيم ، واقف بيلبس التيشرت بتاعه ، يفتح الباب ، يجري الكلب ع برة ، تشوفه چوري تتخض وتقف ، يهوهو الكلب ويجري عليها ، تصرخ چوري وتجري ع المطبخ ، يتخض ابراهيم )
ابراهيم وهو بيجري ع الكلب : اقفي متجريش !
جوري بصريخ : امسكووووو !
( يدخلها الكلب تجري هي ع برة تمسك ف ابراهيم )
جوري وهي بتعيط وخوف : امسكوا بالله امسكووو !
( يمسك ابرهيم الكلب ويدخله الأوضة ويقفل عليه ، تقعد چوري تعيط ، يقرب عليها )
ابراهيم : معلش والله معرفش إنك هنا ! 
( تحط ايدها ع دماغها وتغمض عيونها )
ابراهيم بقلق : انتي كويسة طيب ؟!
( ترجع چوري دماغها لورا )
ابراهيم وهو بيقعد جنبها : چوري !
جوري بصوت ضعيف : دايخة !
ابراهيم : طيب اعملك ماية بسكر ؟
( تشاورله ب لأ )
ابراهيم : طب اعملك ايه ؟!
( متردش )
ابراهيم بقلق : چوري !
جوري : .........................
ابراهيم وهو بيطبطب ع خدها : بت يخربيت امك فوقي !
( يقوم يجري ع المطبخ ، تدخل مامته واخته ، يلمحه چوري ع الكنبة نايمة )
يارا ب استغراب : ايه دة هي نامت !
الام : لا ي بت مش معقول !
( يجري ابراهيم وف ايده كباية ماية )
الام : في ايه ؟!
ابراهيم : اغمى عليها
الام بخضة : يلهوي !
( تجري ام ابراهيم تقعد جنبها )
الام : چوري فوقي ي حبيبتي !
( يقرب ابراهيم يحط ف ايده ماية وينفضها ع وشها ، تبدأ تفوق )
يارا : انتي كويسة ؟!
جوري بتوهان : اة !
يارا ل ابراهيم : هي اغمى عليها ليه ؟!
ابراهيم : بويكا جرى وراها لففها البيت كله
الام : الله يخربيت كلابك دي ، م تلمه ي بني ! 
ابراهيم : مكنتش اعرف إنها برة ، اول م فتحت جري عليها
يارا : الحمدلله إنه معضهاش
ابراهيم : لا ملحقش
الام ل جوري : فوقتي ولا ننزل المستشفى ؟
جوري : لأ انا كويسة ي خالتوا
يارا وهي بتمسك ايدها : تعالي ارتاحي جوة وماما تعملك لمون
الام : اة ي حبيبتي قومي ارتاحي
( تقوم چوري مع يارا يدخلوا جوة )
الام ل ابراهيم : انت مش عندك شغل ؟
ابراهيم ب انتباه : ايه اة اة عندي !
الام : طب يلا اتوكل ع الله 
ابراهيم : ماشي ، عاوزة حاجة وانا جاي ؟
الام : لا سلامتك
ابراهيم : سلام
الام : سلام
( يمشي ابراهيم ، عند چوري ، قاعدة مع يارا )
جوري : انا غبية مش اثبت مكاني ، لا قمت جريت قام جاري ورايا !
يارا : هههههه ايوة صح ، لو كنتي وقفتي مكانش عملك حاجة
جوري : انا مبخافش م الكلاب وبحبهم ، بس هو شكله يخوف اوي ي يارا ، ضخم كدة وكان طالع مش ناويلي خير والله ، تقريباً كان شامم إن في حد غريب موجود !
يارا : لا انتي ف مرة هخلي ابراهيم يعرفك عليه ، هتحبيه والله
جوري بقلق : لا ي ستي شكراً مش عاوزة خالص !
يارا : هههههه
( تدخل الخالة بعصير )
الخالة : امسكي ي حبيبتي
جوري وهي بتاخده : ميرسي ي خالتوا تعبتي نفسك
الخالة وهي بتقعد : تعبك راحة ي چوچو
( بعد شوية ، يوصل ابراهيم الشغل ، يرن فونه ، يلاقيها سوما ، يكنسل ويكمل شغل )
سوما : ماشي ي ابراهيم ، من امتى بتسمع كلام امك ولا بتمشي ورا كلام حد اصلاً ، شكلك انت الي مصدقت والله ، ماشي !
( عند چوري ، قاعدة مع البنات )
انفال : ي بنتي دة نصيب والله وكله خير
جوري : اكيد طبعاً الحمدلله
يارا : هو انتوا عرفتوا بعض ازاي ؟!
نسمة : م قالتلك امها صاحبة امه
انفال : يعني اتقدملك من غير م تشوفيه ؟!
جوري : لا شوفته قبلها طبعاً
( قاعدة داليا باين عليها الملل وعمالة تهز ف رجليها )
يارا : م تهدي ي بنتي وترتينا !
داليا : اومال فين بويكا ؟
يارا : حابسينه ف الشقة فوق 
داليا : ليه ؟!
انفال : كان هيعض چوري
داليا : اممممم
جوري ل انفال : اتبسطي ف الفسحة ؟
انفال : اة ي حبيبي اوي
جوري : يارب دايماً
داليا وهي بتقوم : انا نازلة
انفال : م تقعدي ي بنتي !
داليا : لا زهقت ونازلة الوقت اتأخر اوي !
( تتحرج چوري )
نسمة : لسة بدري اترزعي !
داليا : تؤ ، تصبحوا ع خير
الكل : وانتي بخير
( تمشي داليا )
جوري : هو انا بحس إنها مش بتطقني ولا انا بيتهيقلي ؟!
انفال : اكيد لأ طبعاً ، هي بس مش واخدة عليكي ، اما احنا كنا بنتكلم ع النت وكدة
جوري بعدم اقتناع : امممم
يارا وهي بتقوم : هعملك شاي
جوري : لا لأ انا مروحة
نسمة : مروحة ايه لسة بدري !
جوري : بدري ايه دة الساعة داخلة ع عشرة !
انفال : طب م تباتي معانا