قصة : ( الحب مقامات ) ل سهيلة سعيد المنجي

الحلقة ٣٩ و الأخيرة

قصة : { #الحب_مقامات } 💔🕸️

الحلقة التاسعة والثلاثون { ٣٩ } 🍂

الام : برضو متظنش ف حد وخلاص ، المهم سلامتك دلوقتي
( برة ، قاعدة چوري ودموعها عمالة تنزل ، يخرج الي جوة ويدخل علي وكريم وحسن وبعدها يخرجه وتدخل انفال وداليا ويارا ونسمة وبعدها يخرجه )
الممرضة : خلاص كدة ؟
ابو علي : ايوة ي بنتي ، يلا ي علي خدهم وروح
علي : وانت هتعمل ايه ؟
ابو علي : هبات معاه
الممرضة : مفيش بيات ف العناية ي حاج ، لما يخرج منها ب اذن الله ، روحوا كلكم ، متخافوش عليه انا واخدة بالي منه
علي : ايوة يلا ونجيله بكرة ب اذن الله
ابو علي : طيب خدي رقمي ي بنتي ولو في اي حاجة بالله عليكي تتصلي بيا
الممرضة : حاضر ي حاج متقلقش 
( يديها الرقم ويدها فلوس )
ابو علي : يلا بينا
( چوري واقفة هتموت وتدخل ل ابراهيم بس محروجة تتكلم ، لسة هيمشوا ............................ )
انفال : استنوا چوري مشافتهوش !
( تبصلها چوري )
علي : ايوة صح ، تعالي طيب 
ابو علي : طب يلا احنا ننزل عبال م تيجي
الكل : يلا
( ينزل الكل ويقرب علي ب چوري ع الممرضة )
علي : معلش هي بس مشافتهوش
الممرضة : مش قلته خلاص ي جماعة !
علي وهو بيديها فلوس : معلش دقيقة بس مش هتطول ، دة كان فرحهم انهاردة انتي مش شايفة !
الممرضة وعي بتبص ل چوري بحزن : لا حول ولا قوة إلا بالله ، طيب تعالي
( تدخلها )
الممرضة : متطوليش بس احسن الدكتور قرب يمر
جوري : حاضر
( تخرج الممرضة ، ابراهيم نايم ومغمض عيونه ، تقرب عليه چوري تفضل بصاله )
جوري بصوت ضعيف : ابراهيم
( يفتح عيونه ، يشوفها قصاده ، يتخض )
جوري ودموعها بتنزل : حمدلله ع السلامة
( يفضل باصصلها ، يزيد عياطها وتقعد تمسح ف دموعها )
ابراهيم بخوف وضعف : اتجوزتي ؟!
( تشاورله ب لأ ، وفجأة ، تترمي عليه تحضنه وتعيط ، تنزل دموعه ويحضنها ويعيطوا هما الأتنين ، تبصلهم الممرضة بحزن من برة )
جوري بعياط : مقدرتش ، مقدرتش اكون مع حد غيرك انا اسفة ، اسفة ع كل حاجة وحشة حصلت مني او اي حاجة جرحتك
ابراهيم : انا الي اسف ، اسف إني ضيعتك من ايدي ، اسف
( تبصله )
جوري ودموعها بتنزل : متسبنيش تاني ، مهما عملت زعقلي اشتمني اضربني حتى بس متسبنيش تاني ، انا حياتي من غيرك سواد والله ، وحياة اغلى حاجة عندك وحياة ربك م تسيبني تاني ، اتمسك بيا انا الي بقولك اتمسك بيا انا استاهل والله استاهل تتمسك بيا ، وانا هخليك اسعد بني ادم ع وش الأرض دي
ابراهيم بحب : انا بقيت كدة والله من اول م لمحتك قصادي
( تمسك ايده وتبوس فيها وتسند دماغها عليها )
جوري بعياط : انا بحبك اوي ، وهفضل طول عمري احبك مهما الظروف بعدتنا ومهما حاولوا يفسده مابينا هفضل احبك ، كان ع عيني بعدك ي حبيبي كان ع عيني والله
ابراهيم وهو بيرفع وشها : متعيطيش ، غرقتيني !
( تضحك غصب عنها ، يمسح دموعها )
ابراهيم : انا مش هسيبك ليهم ، حتى لو اطريت إني اخطفك ومرجعكيش بيتكم تاني هعملها
جوري : معاك اول اسيرة موافقة ع اسرها
( يبتسم ويبوس دماغها )
جوري وهي بتبعد عنه : معلش وجعتك اكتر !
ابراهيم : طب تصدقي وتأمني ب ايه
جوري : لا اله إلا الله
ابراهيم : من وقت م فتحت عيني وشفتك وانا نسيت إني راقد ف السرير اصلاً !
( تبتسم چوري وتحضن ايده والممرضة واقفة ع جنب مراقبة ومبتسمة )
الممرضة : طب ايه !
( يتخضوا وينتبهوا لوجودها )
الممرضة : دة انا هتنفخك بسببكوا ، يلا ي حبيبة الدكتور بيمر !
جوري : محتاج حاجة اجيبهالك او اعملهالك قبل م امشي ؟
ابراهيم : متمشيش
جوري : يارييييت
ابراهيم : خلي بالك من نفسك
جوري : انا هفضل عندكم مش هروح
ابراهيم : ياريت ، انا هخرج بكرة  
جوري : هستناك تطلعلي
ابراهيم : ب اذن الله
جوري : باي
ابراهيم وهو بيبوس ايدها : باي
( تمشي چوري ، الكل مستنيها تحت )
نسمة : كل دة ي حجة !
جوري ب احراج : انا اسفة والله بس سرحت
ابو علي : يلا بينا
جوري : حد يركب معايا ، انا جاية بعربيتي
ابو علي : خلاص ركبي ستك والبنات
جوري : حاضر 
( يركبه ويروحوا البيت ، ف الأوتيل ، واقف ايمن مع اهل چوري )
ايمن ب انفعال : انا يتعمل فيا كدة ، انا اتحرج وسط الناس دي كلهااااا !
الام : م تهدى ي ايمن البنت اتخضت ع ابن خالتها وزمانها جاية !
ايمن : زمانها جاية ايه ، الناس مشيت والفرح اتلغى بسببها ، وبعدين هي رايحة عشان حبيب القلب مش عشان هو ابن خالتها !
الاب : طب مدام انت عارف كدة يبقا نفض الحوار دة
ايمن بفهم : ااااه ، لا ي بابا مش انا الي يتعمل فيا كدة ، وانا هعرف اجيب حقي ، وإذا كنتوا انتوا مش قادرين عليها انا هقدر
عمرو : يعني ايه بقا دة ؟!
ايمن : لا ولا حاجة
عمرو : لا فهمنا انت بتهددنا ولا ايه !
( يبصله ايمن بغيظ ويمشي )
الام بعصبية : شفت عمايل بنتك !
الاب : والله عملت الصح ، انا كنت خايف م الجوازة دي اصلاً !
( يمشي الأب )
الام بخضة : نعم ، استنى هنا !
( تروح وراه )
سيلين بغيظ : اختك دي مشفتش حد متخلف ادها !
عمرو : ايه الي بتقوليه دة !
سيلين : انا فهمتك قبل كدة إن لو حوار جوازها من ابن خالتها السرسجي دة تم علاقتنا هتبوظ ي عمرو ، وانت معملتش اي حاجة !
عمرو : معلش يعني هو ايه علاقة چوري ب ابراهيم بعلاقتنا احنا ؟!
سيلين : والله انا مش هقبل إن ابراهيم دة يكون جوز عمة ولادي مهما حصل ، عشان المفروض يكون بني ادم ليه قيمة عن كدة ويشرف إنه يدخل العيلة
عمرو : طب هو لو انا كنت مكان ابراهيم واتقدمتلك ، كنتي هترفضيني ؟
سيلين بدون تفكير : طبعاً
عمرو بفهم : ااااه ، دة انتي واخدة جيبي وشكلي بقا مش انا !
سيلين : انا واخدة الي هيشرفني واتباهى بيه وسط الناس ي عمرو مش فلوس ، متبقاش غبي !
عمرو : لا معلش بقا ، انا مش فرجة عشان تتباهي بيا وسط الناس ، انا مخدش واحدة مجزئة حالتي ، افرضي فلست ولا اتشوهت ، انتي متنفعنيش ي سيلين !
( تتخض سيلين )
سيلين : انت اتجننت بتقول ايه !
عمرو : انتي ينفعك واحد زي ايمن ، بجد خسارة فيكي كل السنين الي حبيتك فيها ، كنت غبي اوي ومفهمتكيش ، ربنا يهديكي بجد !
( يمشي عمرو ويسيب سيلين بتلف حوالين نفسها ، ف بيت ابراهيم ، ف اوضة انفال ، واقفة چوري بتقلع ف الفستان ويارا بتساعدها )
يارا : بس والله فستان تحفة
جوري : اعتبريه بتاعك
يارا بخضة : بتهزري ؟!
جوري : والله بجد
يارا بضحك : احييييه !
الكل : ههههههه
انفال : خدي ي قلبي
( تديها بيچامة ، تلبسها ويقعده )
انفال : انتي هتعملي ايه بقا ؟
جوري : ولا حاجة ، هفضل هنا معاكم لو مفيهاش رخامة يعني ، لحد م ابراهيم يخرج بالسلامة
يارا : رخامة ايه ي بنتي احنا مصدقنا اصلاً
جوري : حبيبتي
انفال : طب وخطيبك ؟
جوري : مش هرجعله تاني ي انفال خلاص بجد ، مش هكرر الغلطة دي تاني ، انا كنت بس تايهة والضغط خلاني اوافق ، لكن لما شفت ابراهيم كدة فوقت ، انا مستحيل اسيبه تاني ابداً مهما حصل
انفال : يارب يبعد عنكم الشر
( وفجأة ، يخبط الباب جامد ، يتخضه )
انفال بقلق وهي بتقوم : خير يارب !
ايمن بزعيق : افتحووووو