قصة : ( الحب مقامات ) ل سهيلة سعيد المنجي

الحلقة ١٧ و ١٨

قصة : { #الحب_مقامات } 💔🕸️

الحلقة السابعة عشر { ١٧ } 🍂

ابراهيم بتنهيدة : لأ شاي ي انفال مصدع اوي
انفال وهي بتقوم : طيب حاضر
( تطلع انفال م الأوضة ، يرن فون ابراهيم ، يمسكه ، يتخض اما يشوف الأسم ويعدل قعدته )
ابراهيم : الو !
جوري : ابراهيم ازيك ؟
ابراهيم : فل الحمدلله ، انتي عاملة ايه ؟
جوري : الحمدلله تمام
ابراهيم : عاملة ايه انهاردة ؟
جوري : احسن كتير الحمدلله
ابراهيم : الحمدلله ، انا كنت هكلمك بس قلت اكيد نايمة دلوقتي
جوري : لا انا صاحية من بدري كنت بذاكر ، عندي امتحان كمان شوية
ابراهيم : اة انتي م النوع الي بيذاكروا  ليلة الأمتحان ؟!
جوري : وحياتك يوم الأمتحان مش ليلته
ابراهيم : هههههه لا جدعة يختي
جوري بضحك : ههههه يختي بتاعتك دي عسل اوي
ابراهيم ب ابتسامة : ايه دة بتعاكسيني !
جوري ب احراج : لااااا مش قصدي كدة لأ !
ابراهيم : بهزر معاكي براحتك
جوري : خضتني !
ابراهيم : هههههه معلش
جوري : ماشي ي ابراهيم
ابراهيم : تعرفي إني بكره اسم ابراهيم دة اوي !
جوري : لا بجد !
ابراهيم : اة والله ، ومبحبش حد يقولهولي
جوري : احيه دة انا مبقولكش غيره !
ابراهيم : إلا انتي ، حبيته اما قلتيه وبقيت احب الي يناديني بيه
جوري ب احراج : بجد !
ابراهيم : اة والله
جوري : بس انت اسمك جميل ع فكرة
ابراهيم : لما سمعته منك بس
( تبتسم چوري )
ابراهيم : نازلة امتى للأمتحان ؟
جوري : ساعة كدة وهلبس
ابراهيم : طب ينفع اجي اوصلك ؟
جوري بتردد : م انااا معايا العربية بروح بيها
ابراهيم : اة ، ماشي
( تحس إنها حرجته )
جوري : بس لو هترجعني زي م اخدتني انا ممكن استغنى عنها يعني
ابراهيم : هرجعك طبعاً ولحد باب البيت كمان
جوري : بس مش هعطلك عن شغلك ؟
ابراهيم : لا انا اجازة انهاردة ، ماليش نفس اروح
جوري : طب خلاص لو كدة ابتدي اجهز بقا عشان هتاخد وقت عبال م توصل هنا
ابراهيم : طيب ماشي ، هلبس دلوقتي وانزل
جوري : اوك باي
ابراهيم : سلام
( يقفل ابراهيم ويفرح ، تدخل انفال بالشاي )
انفال : الشاي
ابراهبم : تسلم ايدك
انفال : لما تعوذ تفطر قولي
ابراهيم : ماشي
( تمشي انفال ، يشرب ابراهيم الشاي ويقوم يلبس احلى طقم ف دولابه ، يلبس تيشيرت ابيض وبنطلون چينز رمادي وكوتشي ابيض وساعة ويحط برفان ويسرح شعره ويطلع من اوضته ، يفتكر يارا ، يقرب ع اوضتها الباب مفتوح يدخل ، يارا قاعدة ع السرير وماسكة الفون ، تشوفه تقفل الفون )
يارا وهي بتقوم : ايه الحلاوة دي
ابراهيم : ايه رأيك ؟
يارا : جامد اوي ، اخويا قمر ف اي حاجة
ابراهيم : كنت جاي اقولك متزعليش مني ، انا بس امبارح كنت متضايق اوي وجت فيكي
يارا : لا انا مش زعلانة منك والله ، انا اة اتخضيت لكن مزعلتش منك عشان انا فعلاّ اتأخرت وكان عندك حق تزعقلي
ابراهيم : يعني صافي ي لبن ؟
يارا ب ابتسامة : حليب ي قشطة
( يمسك دماغها يبوسها ويحضنها ، تدخل انفال ، تبتسم )
انفال : ع فين الشياكة دي كلها بقا
ابراهيم وهو بيبصلها : حلو ولا ايه ؟
انفال : اوي يعني
ابراهيم : هشوف چوري
( انفال ويارا يبصوا لبعض ب استغراب وابتسامة )
انفال : چوري بنت خالتك ايمان ؟!
ابراهيم : اة ، عندها امتحان ف قلتلها اوصلها وكدة
انفال : ايدا ايدا ايدا دة الوضع اتطور خالص !
يارا : لا احكي بقا هو في ايه ؟
ابراهيم : والله مفي حاجة عادي ، هو اتكلمنا من شوية وعرفت بالصدفة إن عندها امتحان ، ف قلتلها اوصلها ووافقت ، دة كل الحوار
يارا : اممممم
انفال : تعرف ي هيما لو كنت مخبي عليا حاجة هجيب رقبتك
ابراهيم : مقدرش يابا اخبي عليك حاجة انت عارف
انفال : ايوة بحسب
يارا : طب يلا بقا انزل عشان متتأخرش
ابراهيم وهو بيبص ف ساعته : اة يادوب ، عاوزين حاجة ؟
البنات : لا سلامتك
ابراهيم : سلام
البنات : سلام
( ينزل ابراهيم م البيت )
يارا : يارب الي ف بالي يطلع صح
انفال : نفس الي ف بالي !
يارا : بس تفتكري چوري ممكن ترتبط ب هيما ؟!
انفال : هي تطول اصلاً ، اخوكي زي القمر وبنات الحتة كلهم هيموته عليه
يارا : ايوة هنا ف منطقتنا مش منطقة زي منطقة چوري ، ممكن يكونوا شايفنا اقل منهم ، او دة اكيد مش ممكن !
انفال : معرفش بقا
( يعدي الوقت ، ابراهيم ف الميكروباص ، يرن فونه )
ابراهيم : الو
جوري : ايه فينك ؟
ابراهيم : انا داخل ع الكومباوند اهو
جوري : طب هطلعلك برة اسهل
ابراهيم : اوك
( تقفل چوري وتاخد شنطتها وتنزل م الأوضة وتخرج م البيت وتمشي ع رجليها ، يقف الميكروباص قدام الكومباوند وينزل منه ابراهيم ، يقف ع جنب يستني چوري ، يلمحها جاية من بعيد ، يبتسم ، تقرب عليه )
جوري : صباح النووور
ابراهيم : صباح الفل
جوري : عامل ايه ؟
ابراهيم : كله تمام ، وانتي ؟
جوري : الحمدلله ، يلا بينا ؟
ابراهيم : يلا
( يقفوا ع الطريق ، يشاور ابراهيم لتاكسي ويركبه ، ف الطريق )
جوري : انت ملكش نفس للشغل ليه بقا ؟
ابراهيم ب انتباه : لا عادي بس مقفول كدة
جوري : طب دة ليه ؟!
ابراهيم : مش عارف ليه !
جوري : حصل حاجة ضايقتك طيب ؟
ابراهيم : اة
جوري : يبقا عشان كدة
ابراهيم : ف حاسس إني لو رحت وحد قالي ازيك ه‍***له
جوري : ههههههه !
ابراهيم بندم : معلش بقا
جوري : لا مترحش احسن بجد
ابراهيم : ايوة
جوري : ايه بقا الي ضايقك ؟
ابراهيم بتردد : ماااا هو .........................
جوري : لو مش عاوز تحكي بلاش !
ابراهيم : لا عادي ، هو كان في بنت اعرفها بس مش عاجبة خالتك ، كانت شيفاها مش كويسة
جوري بفهم : اممممم 
ابراهيم : ف انا فضلت معاها برضو ع إني الاقي حل اقنع بيه امي وكدة ، بس مكنتش بكلمها زي الأول او ارد عليها ، ف عرفت امبارح إنها بتخوني مع واحد اعرفه
جوري : مع صاحبك ؟!
ابراهيم : لا هو مش صاحبي هو معرفة
جوري : ايوة اة وعملت ايه طيب ؟
ابراهيم : بلاش اقولك عملت ايه احسن
جوري: حاجة بشعة ؟!
ابراهيم : جداً
جوري بقلق : قتلتهم ؟!
ابراهيم بضحك : ههههههه لا مش للدرجة لأ !
جوري : هههههه بس عشان تعرف قلب الأم بقا كانت حاسة
ابراهيم : كانت عارفة عنها الي انا يلي معاها معرفهوش ! 
جوري : وانت كنت بتحبها ؟
ابراهيم : زي م قلتي قبل كدة ، مكانتش قصة الحب الي هي يعني ، بس كنت شايفها مناسبة ليا
جوري : بس انت تستاهل حد احسن من كدة ي ابراهيم ، مدام خاينة يبقا مكانتش تناسبك !
ابراهيم : ف منطقتنا كل بيت فيه عارفني وعارف مشاكلي ولساني الطويل وعصبيتي ، محدش هيرضى يجوزني بنته ، بيخافوا مني !
جوري ب استغراب : انت يتخاف منك !
ابراهيم : اة والله بيخافوا مني
جوري : بس انت طيب اوي ، انا عمري م خفت منك ، انت ممكن عصبي اة ودة باين عليك ، والمشاكل بتيجي لحد عندنا اصلاً ، اكيد مش قاصد إنك انت الي تعملها يعني
ابراهيم : ايوة اكيد
جوري : الي يعرفك كويس بس هو الي هيفهمك صح ويحبك
( يبتسم ابراهيم )
ابراهيم : يعني لو واحد زيي اتقدملك هتوافقي عليه ؟
جوري : ا .........................
( يركن التاكسي )
جوري : وصلنا
ابراهيم : اة
( يدفع ابراهيم الأجرة وينزلوا ، يلمح ابراهيم رباط كوتشي چوري مفكوك )
ابراهيم : كوتشيكي مفكوك !