قصة : ( الحب مقامات ) ل سهيلة سعيد المنجي

الحلقة ٢٩ و ٣٠

قصة : { #الحب_مقامات } 💔🕸️

الحلقة التاسعة والعشرون { ٢٩ } 🍂

عمرو : عامل ايه ي شبح ؟
ابراهيم : فل الحمدلله ، الف مبروك
عمرو : الله يبارك فيك ، هستناك بكرة اكيد
ابراهيم : ب اذن الله
عمرو ل چوري : دااا شفته بعض فين ؟!
جوري : كنت عند تيتة وابراهيم كان نازل عنده شغل ف وصلني
عمرو : اها !
ابراهيم : انا هم ............................
( يلمح ايمن بيقرب عليهم ، يسكت )
ايمن : عمرو
عمرو : حبيبي عامل ايه ؟
( يسلمه ع بعض ، تتوتر چوري وتبص ل ابراهيم وابراهيم باصص ل ايمن )
ايمن وهو بيمد ايده ل چوري : عاملة ايه ؟
( ابراهيم يبص ل چوري ، تتوتر اكتر )
جوري وهي بتبص ف حتة تانية : كويسة
( يلم ايمن ايده ب احراج ، ابراهيم يفرح من جواه )
عمرو وهو بيغير الموضوع : اااا انت داخل ولا ايه ؟
ايمن : اة ، انتوا داخلين ؟
عمرو : اة يلا ، روح انت شغلك بقا ي ابراهيم عشان منعطلكش
ابراهيم وهو بيبص ل ايمن : لا م انا اجازة
( تبصله چوري ب استغراب )
عمرو : طب حلو تعالى بقا اقعد معانا
ابراهيم : اوك
( يدخله كلهم يقعده ع ترابيزة )
عمرو ل ايمن : كان عندك تمرين ولا ايه ؟
ايمن : اة في ماتش انا والشباب
عمرو : طب حلو يعني هنشجعك انهاردة
ايمن وهو بيبص ل جوري : اة
سيلين : بتلعب ايه ي ايمن ؟
ايمن : ڤولي بول
سيلين : اة بحبها اوي وبحب العبها
ابراهيم : مهي فعلاً لعبة حريم
( يبصوله كلهم )
ايمن : انت فاهم انا بتكلم عن ايه اصلاً ؟!
ابراهيم : حد قالك عليا خريج باب بيتكوا ؟
( چوري ماسكة نفسها هتموت وتضحك )
جوري : احم !
ايمن : يعني انت فاهم فيها بقا ع كدة ؟
ابراهيم : اة فاهم
ايمن : طب حلو اوي ، م تورينا بقا لعب الرجالة
ابراهيم : بلاش عشان متزعلش
ايمن : لا معلش احنا حابين نشوف ، مش كدة ولا ايه ؟
سيلين وعمرو بحماس : اة يلا
ايمن وهو بيقوم : هغير واجمع الشباب واجيلك
ابراهيم : مستنيك ي فنان
( يمشي ايمن )
چوري وهي بتهمس ل ابراهيم : انت بتعرف تلعب بجد ؟!
ابراهيم : سبيها ع الله
جوري : شغلك طيب !
ابراهيم : هبدله بشيفت تاني او انزل يوم الأجازة
جوري بقلق : طيب !
( بعد دقايق ، يقرب ايمن ومعاه ستة صحابه طول بعرض )
ايمن ل ابراهيم : يلا ؟
ابراهيم وهو بيقوم : يلا ي رايق
( يقوم الكل يروحوا لملعب الكرة الطايرة ، يقفوا اربعة قصاد اربعة من ضمنهم ابراهيم قصاد تيم ايمن وناس بتتفرج وچوري واخوها ، يتني ابراهيم كم قميصه )
ايمن : نجيبلك تيشيرت ، ل بس تتحجج إن القميص مكانش مريح ف اللعب 
ابراهيم : عندك حق
( يفك ابراهيم زراير القميص ويقلعه ويقرب ع چوري تاخده منه ، يتغاظ ايمن )
ابراهيم وهو بيرفع ايده : كدة ماليش حجة
ايمن : تمام !
( يبدؤا لعب وابراهيم بيحاول يندمج الكورة عمالة تخبط فيه وايمن فرحان )
ايمن بضحك : اهو دة بقا لعب حريم فعلاً
الكل : ههههههه
( يبتسم ابراهيم )
ابراهيم : خالصة يابا ، العب
( يكمله لعب ويبدأ ابراهيم يسخن ع الكل بيلعب بقوة وغيظ من ايمن مش لاحقين يبصوا الكورة جاية منين ، يوقفه لعب ياخده نفسهم )
ابراهيم : ايه ي نجم ، خسعت ليه !
( واقف ايمن موطي بياخد نفسه )
ايمن بنهجان : لأ ، مخسعتش ، كمله !
( يكمله وابراهيم طاحنهم وكاسب نقاط كتير )
جوري بحماس : هيماااا هيماااا هو هوووو
( تخلي الجمهور يشجع معاها )
الكل : وووووووو
( يتحمس ابراهيم اكتر واللعب يقوى )
............ : لا انا مش هكمل
ايمن بخضة : ايه ي بني انت !
............ وهو بيمشي : والله بجد مش قادر خلاص !
ايمن : ي سامح !
( وفجأة ، كورة ف وش ايمن )
ايمن بوجع وخضة : اااااه !
ابراهيم ب استهبال : ايه دة ، هو احنا موقفين لعب !
تيم ابراهيم : هههههه
( يقرب ابراهيم ع ايمن )
ابراهيم : ايه رأيك ف عشرة دومينو ، اصل دة اخرك
( يبصله ايمن بغيظ ، يقرب ابراهيم ع چوري )
عمرو : ايه ي عم اللعب الجامد دة !
ابراهيم : ايه رأيك ؟
عمرو : هديتهم
ابراهيم : هههههه
عمرو : خلي ابراهيم يروحك بقا ، انا رايح مشوار مع سيلين وجاي ع البيت 
جوري : اوك
عمرو : معلش ي هيما هتعبك
ابراهيم : لا يابا روح انت
عمرو : يلا باي
الكل : باي
( يمشي عمرو وسيلين )
جوري : انت بجد محتاج دش !
ابراهيم : شفتي المرمطة !
جوري وهي بتلبسه القميص : معلش ي حبيبي ، بس لعبك كان حلو اوي كأنك بتتمرن عليها !
ابراهيم وهو بيزرر القميص : مفيش لعبة ملعبنهاش واحنا صغيرين ، ف كنت فاكرها ، والبغل دة الي سخني
جوري : كويس إنك استنيت وممشيتش
ابراهيم : مكنتش همشي طبعاً واسيبك معاه
جوري : ايوة بس ضيعت شغلك !
ابراهيم : هتصرف انا متقلقيش
جوري : طب هتعمل ايه دلوقتي ؟
ابراهيم : هوصلك البيت 
جوري : طب يلا بينا
ابراهيم : يلا
( تمسك ف ايده بحب وفخر ويمشوا ، باصصلهم ايمن من بعيد بغيظ ، يقربه ع العربية يركبه ويمشوا ، ف بيت ابراهيم ، يرن فون يارا بمسچات ع الواتساب من رقم غريب )
: هتوافقي ع العريس ؟
: هتعملي ايه ؟
: ردي عليا !
‏: ردي !
: انا عارف إنك مش طيقاني بس وحياة اغلى حاجة عندك وحياة ربنا متضعيش من ايدي طيب
( تعرف إنه كريم ، تدمع عيونها ، يبعتلها ريكورد ، تفتحه )
كريم وهو بيعيط : انا اسف والله اسف ، انا عارف إني مستاهلكيش بلي انا عملته دة ، بس وحيات ربي دي غلطة ، غلطة ومش هتتكرر تاتي والله 
( بتسمعه يارا ودموعها بتنزل )
كريم : حقك عليا ي يارا حقك عليا ي قلبي ، بلاش كدة ورحمة ابوكي بلاش كدة ، انا مقدرش استغنى عنك متبعدنيش ورحمة ابوكي وحياة اي حاجة حلوة فكرهالي بلاش ، انا من وقت م سمعت حوار العريس وانا مش عارف اوقف دموعي كل م اتخيل إنك بعيدة كدة وهتكوني لغيري ، انا قلبي تعبني والله ، تعبت ، بس برضو هفضل وراكي لحد م تسامحيني ، مش همل ولا هستسلم ، حتى لو وصلت إني اقول لأخوكي هقوله والله والي يحصل يحصل ، خلاص انا مبقتش باقي ع حاجة غيرك ، حتى نفسي مش طايقها بسببك
( يزيد عياط يارا وتسيب الفون )
يارا بعياط : اعمل ايه ، مش عارفة اعمل اييييه !
( يعدي الوقت ، توصل چوري قرب بيتها بالعربية ، يرن فون ابراهيم ، يلاقيه رقم غريب )
ابراهيم : الو
سوما : الو هيما
( يتخض اما يسمع صوتها )
ابراهيم : الووو
سوما : ايوة ي هيما انت مش سامعني ؟!
ابراهيم : ي عم اقف ف حتة فيها شبكة !
( تبصله چوري ب استغراب لإن صوت فونه عالي وهي سامعة صوت سوما ف ازاي هو مش سامع )
ابراهيم : الووو
سوما : ايوة ي ...........................
( يقفل ابراهيم )
جوري : في حاجة ؟!
ابراهيم : لا الشبكة وحشة ، مش سامع منه حاجة
( تتخض چوري لإنه كمان بيوصف الي اتكلم انه راجل وهي سامعة صوت ست )
جوري بضيق : اة