قصة : ( الحب مقامات ) ل سهيلة سعيد المنجي

الحلقة ١٣ و ١٤

قصة : { #الحب_مقامات } 💔🕸️

الحلقة الثالثة عشر { ١٣ } 🍂

الجدة : ايه ي حبيبتي تعالي
جوري وهي بتدخل : معندكيش اي برشام مسكن او للمغص ؟
الجدة بقلق : ليه مالك ؟!
جوري : بطني وجعاني اوي ي تيتة
الجدة وهي بتمسك الفون : تلاقيه م الأكل الي اكلتيه ، استني هشوفلك عند البت انفال
جوري بوجع : اوكااااي !
الجدة : اقعدي طيب
( تقعد جنبها )
الجدة : الو
انفال : ايه ي ستو
الجدة : معندكيش برشام مغص ي بت ؟
انفال بقلق : مغص ليه انتي تعبانة ؟!
الجدة : لا دي چوري بطنها وجعاها
انفال : لا والله مش عندي ، استني هتصل ب هيما يجيبلها وهو جاي
الجدة : طيب بس استعجليه عشان البت تعبانة
انفال : حاضر والله هقوله حالاً اهو
الجدة : ماشي 
( تقفل انفال وتتصل ب ابراهيم )
ابراهيم : الو
انفال : ايه انت فين ؟
ابراهيم : بلبس وطالع م البنزينة 
انفال : طب انجز
ابراهيم ب استغراب : ليه في ايه ؟!
انفال : مفيش بس چوري بطنها وجعاها وانا معنديش دوا ينفعها ، ف شوفلها اي حاجة ف الصيدلية وانت جاي
ابراهيم بقلق : لا والله !
انفال : اة ستو لسة بتقولي
ابراهيم : طب بطنها وجعاها من ايه ، اقول ايه للصيدلية يعني ؟
انفال : هي شكلها كدة بسبب الفطار
ابراهيم : فطرتوها ايه ؟
انفال : بتنجان مقلي وبطاطس مقلية وفول وفلافل ومخلل وبيض
ابراهيم ب اندهاش : ينهار اسود يخربيت اهلك ، دي اكيد مش متعودة ع الكلام دة !
انفال : مهي تيتة قالتلها تجيبلها فطار تاني مرضيتش ، هي الي اطافست وكلت اوڤر اعملها ايه !
ابراهيم : طب انا جاي ، بس لو تعبانة اوي لازم ننزلها صيدلية ولا مستشفى
انفال : طيب ماشي ، بسرعة بس
ابراهيم : ماشي اقفلي سلام
انفال : سلام 
( تقفل انفال وتطلع ل چوري تلاقيها تعبانة جداً )
انفال بقلق : لا انتي لازم تنزلي لدكتور كدة !
چوري بوجع : مش قادرة بجد !
انفال : عشان خاطري انتي تعبانة اوي ، لازم يشوفك حتى الصيدلي !
الجدة : انزلي مع انفال ي چوري خلينا نطمن ي حبيبتي 
انفال : هيما زمانه جاي
جوري : ماشي
انفال وهي بتمسك الفون : هقوله 
( يرن فون ابراهيم )
ابراهيم : ايه ؟
انفال : بص استنانا تحت لإنها تعبانة اوي لازم يشوفها الدكتور
ابراهيم : طب خلاص هاجي وارن عليكي ، انا قربت 
انفال : طيب سلام
( تقفل انفال )
انفال ل چوري : خلاص هو قرب اهو
( تشاورلها ب اة ، بعد ربع ساعة ، يرن فون انفال )
انفال : الو
ابراهيم : انا تحت البيت انزلوا
انفال : طيب ماشي
( تقفل انفال )
أية : يلا هيما تحت
الجدة بقلق : طمنيني ي انفال ومتغيبوش 
انفال : متقلقيش بسيطة إن شاء الله
الجدة : يارب 
( تاخد چوري وينزلوا ، ابراهيم واقف تحت العمارة ساند ع عربية مستني ، يشوفهم نازلين ، يعدل وقفته ويبصلهم ، يقربه عليه )
ابراهيم بقلق ل چوري : لسة تعبانة ولا ايه ؟
( تشاورله ب اة وهي باصة للأرض وساندة ع انفال م الوجع )
ابراهيم : معلش استحملي هنروح الصيدلية الي ع الشارع
جوري : اوك
( يمشوا وماشية بيها انفال ، يبص ابراهيم ل چوري ويرجع يبص لطريقه وچوري نفس الوضع والي واخدة بالها انفال ، تبصلهم وتبتسم )
انفال وهي بتقف : احيه نسيت موبايلي !
ابراهيم : مش مهم بقا
انفال : لا لو يوسف رن ومردتش هتبقا مشكلة ، هجيبه بسرعة ، انتوا روحوا الصيدلية وانا هاجي وراكم
ابراهيم : طب اخلصي طيب
انفال وهي بتحط ايد چوري ع دراع ابراهيم : اسندها
( تسيبهم وتمشي ، تتحرج چوري وتشيل ايدها وتمشي ، يمشي جنبها )
ابراهيم : اسندي عليا لو حابة
جوري : تسلم ، هي بعيدة الصيدلية ؟
ابراهيم : لا الشارع الجاي دة خلاص
جوري ب احراج : اوك ، تعبتك وانت لسة جاي من شغلك معلش
ابراهيم : مفيش تعب ولا حاجة ، تعبك راحة
جوري وهي بتمسك بطنها وبتقف : ااااه
ابراهيم وهو بيقف بقلق : ايه !
جوري بتعب : وجعاني اوي
ابراهيم : خلاص قربنا اهو معلش
( يقرب عليها )
ابراهيم وهو بيمدلها دراعه : اسندي عليا
( تبصله وبعدين تبص لأيده )
ابراهيم بمرح : مش هاكلها والله ، مباكلش الحلوين
( تبتسم چوري وتسند ع ايده ويمشوا )
ابراهيم : انتي بتدرسي ايه ؟
جوري : فنون جميلة
ابراهيم : اممم دي حلوة ؟
جوىي : اة ، وانت ؟
ابراهيم : لا اتخرجت من ست سنين
جوري : ليه انت عندك كام سنة ؟
ابىاهيم : ٢٤
جوري ب استغراب : وازاي متخرج من ست سنين ؟!
ابراهيم : مكملتش انا ، طلعت من اخر سنة ف ثانوي
جوري : ليه كدة ؟!
ابراهيم : لما ابويا مات
جوري بفهم : امممم ، الله يرحمه
ابراهيم : يارب ، ف قعدت بقا وطلعت اشتغل عشان المصاريف وكدة
جوري : ربنا يعينك يارب
ابراهيم : يارب
جوري : بتشتغل ايه بقا ، لسة ف البنزينة ؟
ابراهيم : اة وبالليل دليفري ف مطعم 
جوري : بتحب شغلك ؟
ابراهيم وهو بيبص قدامه : مش عارف ، بس مش دة الي كنت عاوزه
جوري : كنت عاوز ايه ؟
ابراهيم : بحب الأكل ، بحب اعمله ، كان نفسي ادرس ف المجال دة وافتح مطعم او مشروع تبع كدة
جوري : فكرة حلوة اوي
ابراهيم : اة ، رسمك حلو ع كدة ؟
جوري وهي بتمسك فونها : هوريك
ابراهيم ب ابتسامة : ماشي
( يقفوا وتوريه صور اللوحات الي هي رسماها ع الفون )
جوري : دي اكتر واحدة بحبها
ابراهيم وهو باصص ل چوري : قمر اوي ⁦
( تستغرب چوري وتتحرج لإنه باصصلها هي مش للصور )
جوري : انت شايفها ؟!
ابراهيم ب ارتباك وهو بيبص للفون : اة اة جميلة 
جوري ب ابتسامة : تسلم ⁦
( تقفل الفون ، يبصوا حواليهم )
ابراهيم : الصيدلية عدت باين !
جوري : سرحنا !
ابراهيم : اة
( يلفوا ويرجعوا )
ابراهيم : عاملة ايه دلوقتي ؟
جوري : احسن شوية
ابراهيم : الحمدلله ، ممكن كنتي محتاجة تتمشي
جوري : اة ممكن
شاب وهو معدي : مغرباااااي
ابراهيم : حبيبي
( تبتسم چوري )
جوري : انت اسمك مغربي ؟
ابراهيم : لا دة اسم عيلة ابويا ف انا مشهور بيه هنا
جوري بفهم : ااااه ، حلو
( يبتسم ، يرن فونه ، يطلعه )
ابراهيم : الو
( تبصله چوري وهي ساندة ع دراعه )
ابراهيم : فاتتنا ، راجعين اهو خليكي واقفة ، دقيقة داخل عليكي ، ماشي سلام
( يقفل )
جوري : دي انفال ؟
ابراهيم : اة مستنيانا عند الصيدلية
جوري : اوك
ابراهيم : وصلنا اهو
( يقربوا ع انفال )
انفال : كل دة ، دة انا روحت ورجعت !
ابراهيم : فاتتنا قلتلك
انفال : طب يلا
( يدخلوا )
ابراهيم : مساؤؤ ابوا علي
حسن وهو بيسلم ع ابراهيم : حبيبي ي مغربي
( يحكيله ابراهيم ويشوفها )
حسن : هي بس لغبطت ف اكل هي مش متعودة عليه ، في علاج هتاخده وهتبقا زي الفل
ابراهيم : يعني منودهاش مستشفى ؟
حسن : لا لأ مش محتاجة مستشفى
ابراهيم : طب ماشي
( يجيبلها برشام )
حسن : والحقنة دي المفروض تاخديها دلوقتي ، بس انا معنديش بنات للأسف
انفال : انا بدي حقن هديهالها ف البيت
حسن : طب تمام
جوري بقلق : هو لازم حقن ؟!