قصة : ( الحب مقامات ) ل سهيلة سعيد المنجي

الحلقة ٧ و ٨

قصة : { #الحب_مقامات } 💔🕸️

الحلقة السابعة { ٧ } 🍂

عمرو : بقولك هيموت عليها ، وقابل اي حاجة منها ، لكن هي مش عاوزة تتجوز وخلاص
سيلين : طول عمرها عايشة ف دور قصة الحب والجواز عن حب ، ودة خلاص معادش موجود غير ف الروايات
عمرو : قصدك ايه بقا ، إننا يعني مش واخدين بعض عن حب ، يعني انتي مبتحبنيش ؟!
سيلين : لأ طبعاً مش دة قصدي ، ي حبيبي احنا داخلين ف خمس سنين مع بعض من اول م دخلنا الكلية ، انا اقصد الوقت الحالي مبقاش حد يدور ع حب ، كله بيدور ع الحياة المثالية والمظاهر وبس
عمرو بفهم : ايوة عندك حق ، بس چوري ليها دماغ ف حتة تانية انتي فاهمة
سيلين : انا لما اجي هبقا اتكلم معاها
عمرو : ياريت ي سيلين ، احسن دماغها ناشفة اوي وبابا مقويها وايمان تعبت معاها !
سيلين : لا هعمل كدة
( ف بيت ابراهيم ، قاعد ابراهيم ع سريره بيشرب سجاير وواقفة سوما بتلبس قدام المراية )
سوما وهي بتبصله ف المراية : هيما
ابراهيم : امممم ؟
سوما : هو انا وحشة ؟
ابراهيم : انت بطل
سوما : مش قصدي شكل ، اقصد كبني ادمة وحشة ، شمال يعني ؟
ابراهيم ب استغراب : ليه بتقولي كدة ؟!
( تلف تبصله )
سوما : انت عارف إنك الوحيد الي وافقت اكون معاه عشان عارفة إننا هنتجوز وإن محدش لمسني غيرك ، صح ؟
ابرهيم وهو بيقوم يقف بقلق : في ايه ي بت ؟!
سوما : مفيش والله ، انا بس خايفة ل ابدأ انزل من نظرك ، او إنك تفكر إني كدة مع حد غيرك
ابراهيم وهو بيقرب عليها : حد غيري ، انتي هبلة افكر ايه ، انا يوم م اشك بس إنك بتلعبي كدة ولا كدة هدفنك ف الأوضة دي حية تحت رجلي هنا
( تبصله سوما بخوف )
سوما : انت عارف إني مقدرش اكون مع غيرك !
ابراهيم : لا دة غصب عنك مش بمزاجك
سوما : ايوة !
( وفجأة ، يتفتح باب الأوضة )
الام بخضة : نهار ابوك اسود !
ابراهيم بخصة : اما !
الام وهي بتقلع الشبشب : ي بن الجزمة جايب حريم البيت ي بن الجزماااااا !
( تضرب فيه بالشبشب وهو يحوشها )
ابراهيم ل سوما : غوري
( تجري سوما بخوف ع برة الشقة ف دخول اخواته )
يارا ب استغراب : هو في ايه ؟!
انفال : مش عارفة !
( يسمعه صوت امهم بتزعق ، يجروا ع جوة )
ابراهيم : يما اهدي بقا هتسمعي بينا الناااس !
الام : خايف اوي ع الناس خايف يسمعه ، خليهم ييجوا يشوفه الي عاملي فيها راجل البيت جايب حريم ، جايب حري ........................
( يكتم بؤها )
الام وهي بتزقه : اوعاااا 
ابراهيم وهو بيبوس دماغها : حقك عليا طيب حقك عليا ، انا كنت عاوزها ف موضوع بس مكانش في حاجة
الام : انت فعلاً لازم تتجوز لازم تتلم ، انا من بكرة هدورلك ع عروسة
ابراهيم : اعملي الي انتي عيزاه بس اهدي بالله عليكي متلميش علينا الخلق !
( تقعد الأم ع الكرسي وتحط ايدها ع دماغها )
الام : حسبي الله ونعمة الوكيل فيك ي بن بطني
( يتنهد ابراهيم بضيق ، يبصوله اخواته ، يلمحهم )
ابراهيم بعصبية : غوروا من وشي
( يتخضوا ويجروا ع برة )
الام : بقا هي دي الي عاوز تتجوزها ، وربي ع جثتي ، عارف يعني ايه ع جثتي ، بنت الكلب الشمال دي تبقا مراتك وتشيل اسمك ازاي ، ازاي تقبلها ع نفسك واحدة تجيلك بيتك وتتجوزها ازاااااي !
( ميردش ابراهيم ، تقوم الأم تقف قصاده )
الام : البت دي لو مقطعتش علاقتك بيها انا هقول لعمك نبوي ، وربي ي هيما ل اقوله ، وهقوله إنها بتجيلك البيت ودي مش اول مرة ، انا شفتها قبل كدة ع سلمنا وانا طالعة وكدبت نفسي وقلت اكيد طالعة غلط ولا طالعة لحد من بنات عمك ، لكن يمين بالله تاني لهقول لعمك لو مبعدتش عنها
ابراهيم : تمام
( تسيبه وتمشي ، ف بيت چوري ، چوري ف اوضتها بتغير هدومها ، يرن فونها ، تقرب تمسكه )
جوري : الو
ايمن : ايه ي قلبي عاملة ايه ؟
جوري : تمام الحمدلله ، انت عامل ايه ؟
ايمن : الحمدلله ، عاوز اشوفك ، فاضية انهاردة ؟
جوري : اة مواريش حاجة
ايمن : طب حلو ، تحبي نتقابل فين ؟
جوري : اي مكان
ايمن : نروح النادي ؟
جوري : اوك
ايمن : تمام اقابلك هناك كمان ساعة كدة
جوري : اوك ، باي
ايمن : باي
( تقفل چوري وتكمل تغيير هدومها ، عند ابراهيم ، يخبط ع باب اوضة مامته ويدخل ، يلاقيها قاعدة ع السرير وساندة دماغها ع ايدها ودموعها بتنزل ، يتضايق من نفسه ، يقرب يقعد قصادها )
ابراهيم : اما !
( متردش ، يمسك ايدها )
ابراهيم : يما حقك عليا
( تبصله )
ابراهبم : حقك عليا والله مش هتتكرر تاني
الام : انت امتى هتتعدل هاا ، امتى هتبقا انسان نضيف وكويس ، بتح*ش وساكتة ومرضتش اقول لحد واقول مرحلة وهتعدي وهيتعدل لوحده قبل م يضيع صحته ويبعد عن ربه اكتر من كدة ، مصاحب عيال شمال وساكتة وبقول بكرة يتلدع منهم ويعرف إنهم مش كويسين ويبعد ، ومتصاحبلي ع بنت ستين كلب وس*ة م الشارع دايرة ع حل شعرها معاك ، ومتفرحش اوي إنها كدة معاك انت لوحدك ، الي تسلملك انهاردة بكرة تلاقيها ف حضن غيرك ، مش دي الي تفتح بيت ي بني مش دي الي تصونك ف غيابك مش دي الي تأمنها ع بيتك وعيالك ، والله م دي !
ابراهيم : خلاص والله هبعد عنها
الام : اما نشوف
ابراهيم : متزعليش بقا
الام : هتيجي معايا نتعرف ع بنت ناس محترمة نخطبهالك
ابراهيم : طب ........................
الام ب انفعال : ايه بقا اييييه ؟!
ابراهيم بقلة حيلة : طيب ماشي
( يعدي الوقت ، عند چوري ، قاعدة مع ايمن ف النادي )
جوري : ههههه لا والله
ايمن : تعرفي احلى حاجة فيكي ايه ؟
جوري : ايه ؟!
ايمن : ضحتك ، بس لما تكون معايا
( تتحرج چوري وترجع شعرها ورا ودنها )
ايمن : تقريباً من وقت م اتقرى فتحتنا وانا مشفتكيش ضحكتي معايا !
جوري : متزعلش بس انا مش قصدي اكشر طبعاً او يبقا دمي تقيل ، بس طريقة ارتباطنا انا محبتهاش !
ايمن بفهم : انا عارف وفاهم ، بس انا والله بحبك صدقيني ، واوعي تكوني مفكراه جواز صالونات ي چوري ، انتي عارفة إني من قبل م اخلي ماما تفاتح مامتك ف موضوعنا وانا كنت معجب بيكي جداً وبحاول اكلمك وانتي الي مدتنيش فرصة
جوري : ايوة عارفة
( تقرب عليهم بنت )
ياسمين : ايمن عامل ايه ؟
ايمن وهو بيقوم : ياسو ازيك ؟
ياسمين : انا تمام ، ايه محدش شايفك ي بني !
ايمن : موجود اهو
ياسمين : هتيجي عند رانيا بالليل ، احنا متجمعين
ايمن : هكلمها واشوف النظام
ياسمين : اشطاا هستناك اكيد
ايمن : إن شاء الله 
ياسمين : يلا باي
ايمن : باي
( تمشي ياسمين ويقعد ايمن )
جوري : رانيا مين ، ومين دي ؟!
ايمن : دول صحابي
جوري ب استغراب : صحابك بنات !
ايمن : اة عادي
جوري : امممم !
ايمن : كنا بنقول ايه ؟
جوري بضيق : بنقول إني عاوزة اروح
ايمن ب استغراب : تروحي !
جوري وهي بتقوم : ايوة
ايمن وهو بيقوم : اصبري طيب !
( تمشي چوري ، يروح وراها ايمن ، يطلعه م النادي يركبوا العربية ويمشوا ، ف الطريق ، ساندة چوري ع الشباك وباصة للطريق وايمن سايق مستغربها )
ايمن : هتفضلي ساكتة كدة ومبترديش عليا ؟!
( متردش )
ايمن : في ايه طيب ؟!