قصة : ( الحب مقامات ) ل سهيلة سعيد المنجي

الحلقة ٣٥ و ٣٦

قصة : { #الحب_مقامات } 💔🕸️

الحلقة الخامسة والثلاثون { ٣٥ } 🍂

ابراهيم : شاي تقيل
عمرو : شاي ايه ي عم اطلب براحتك ، متخافش انا الي هحاسب
ابراهيم : لا مدام كدة هات نص فرخة ي بني
الكل : هههههه
عمرو : بتكلم جد اطلب
ابراهيم للويتر : شاي تقيل
عمرو : برضو ، ماشي ي بني روح
( يمشي الويتر )
عمرو : ايه اخبار شغلك ؟
ابراهيم : ماشي حاله
سيلين : شغال ايه ي ابراهيم ؟
ابراهيم : ا ...........................
جوري : هيفتح مطعم قريب
( يبصلها ابراهيم )
سيلين : الله حلو دة ، يعني هنيجي ناكل عندك وتعملنا خصم
ابراهيم : من غير حاجة خالص 
سيلين : ميرسيييي
عمرو : هيكون ايه نوع الأكل ؟
ابراهيم : بيتزا وكريب والحاجات دي
عمرو : امممم ، اكل تيك اواي يعني
ابراهيم : اة
عمرو : بالتوفيق ي معلم
ابراهيم : يارب
سيلين ل چوري : امتى الخطوبة بقا ؟
جوري : لسة شوية
سيلين : هتعمليها فين ؟
جوري : لسة مش عارفين
سيلين : في حتة قاعة ي ابراهيم تحفة ، هبقا ابعت الديتيلز بتاعتها ل چوري ، هتعجبكم اوي
ابراهيم : اوك
( يقرب الويتر ينزل الطلبات ويمشي ، يعدي الوقت واكتره او كله تلقيح كلام ع ابراهيم والماديات وهو قاعد ماسك لسانه وچوري ع اخرها )
ابراهيم ل چوري : يلا بينا ؟
عمرو : لا يلا ايه احنا سهرانين سوا !
ابراهيم : معلش انا عندي شغل الصبح
سيلين : مش قلت هتفتح مطعم قريب ، يعني مواركش حاجة دلوقتي
ابراهيم : لا ورايا ، انا شغال ف بنزينة وبصحى بدري
( تبصله چوري )
سيلين : شغال ايه ف البنزينة ؟!
ابراهيم : اكيد مش شغال عربية يعني بملى العربيات
سيلين : اااه ، دة انت بتتعب اوي ي حرام !
ابراهيم : امممم بتعب اة !
عمرو : خلاص روح انت وانا هروح چوري معايا
( ابراهيم يبص ل چوري )
جوري : لا انا هروح مع ابراهيم
عمرو : بقولك اقعدي عاوزك
( تسكت چوري )
ابراهيم وهو بياخد سجايره وفونه من ع الترابيزة : طيب ، تصبحوا ع خير
( يقوم يقف )
الكل : وانت بخير
ابراهيم ل چوري : لما تروحي كلميني
جوري : اوك
عمرو : اة هيما اندهلي الويتر وانت ماشي
ابراهيم : ماشي 
( يمشي ابراهيم )
جوري : في ايه ي عمرو ؟!
عمرو : في ايه ؟!
جوري : عمال تقول كلام ملهوش لازمة م الصبح انت والهانم وتحرق ف دمه ، هو انت جايبنا عشان تنكد علينا ؟!
سيلين : ايه الهانم دي م تتكلمي كويس ي چوري !
جوري : مشفتش منك حاجة كويسة من ساعة م قعدنا عشان اكلمك كويس ي سيلين !
( يقرب الويتر )
سيلين : ان ...........................
عمرو : اهدوا !
( يسكته )
الويتر : أأمر يفندم ؟
عمرو : روح دلوقتي
الويتر : اوك !
( يمشي الويتر )
عمرو : ايه مالك متعصبة ع امنا ليه ؟!
جوري : جبتنا ليه ي عمرو ؟
عمرو : جبتكوا تترزعه معانا ، انا غلطان !
جوري : لا ي عمرو مش غلطان ، انا الي غلطانة إني جيت
( تقوم تقف )
عمرو : طب اقعدي
جوري : انا .........................
عمرو بعصبية : اقعدي
( تتخض چوري من طريقته ، تقعد )
عمرو : محموقة ليه اوي كدة ع الباشا ؟!
( متردش )
عمرو بزعيق : بكلمككك
سيلين ب احراج : حبيبي اهدى الناس !
( تدمع عيون چوري )
عمرو : م تردي !
جوري : انا عاوزة اروح
عمرو : غوري ي چوري ، غوري
( تقوم چوري تمشي ودموعها بتنزل ، يعدي الوقت ، يوصل ابراهيم شارعهم ، يقرب يقعد ع القهوة ويولع سيجارة )
ابراهيم : شاي ي حتاااا
القهوجي : عيوني ي مغربي
( توصل چوري بيتها ، تطلع اوضتها وتمسك الفون )
جوري : الو
ابراهيم : ايه وصلتي ؟
جوري : اة ، انت روحت ؟
ابراهيم : اة ع القهوة
جوري ب استغراب : فكرتك هتروح تنام زي م قلت !
ابراهيم : لأ
جوري : اومال مشيت ليه لما انت مش هتنام ؟!
ابراهيم : ي ستي عاوز امشي ف مشيت
جوري : ماشي براحتك
ابراهيم : براحتي !
جوري : اة براحتك ، كل واحد براحته
ابراهيم ب استغراب : انتي مالك بتتكلمي كدة ليه ؟!
جوري : كدة ليه ازاي يعني ، م بتكلم عادي
ابراهيم : لا مش عادي !
( تتنهد چوري )
جوري : انا هروح انام ، سلام
( تقفل چوري ، يتخض ابراهيم قفلت ف وشه ، يتصل بيها تاني )
جوري : ايوة ؟
ابراهيم : انتي بتقفلي ف وشي ؟!
جوري : انا قلتلك سلام
ابراهيم : وقفلتي ف وشي !
( متردش ، تلاقي مامتها بتتصل ، متردش )
ابراهيم : حلو اوي الكلام دة !
جوري ودموعها بتنزل : ابراهيم انا تعبانة وعاوزة انام
ابراهيم بعصبية : انتي بتعملي معايا كدة ليه ، يعني انا استحملت كلام اخوكي وخطيبته الي زي السم وخدت بعضي ومشيت محروق دمي بدل م اعمل معاهم مشكلة وانتي بتتعاملي مع امي كدة !
جوري بعياط : انا بجد تعبانة
ابراهيم بقلق : تعبانة مالك ؟!
جوري : دماغي
ابراهيم : طب اهدي طيب وبطلي عياط !
( تحاول تهدى )
ابراهيم : انا مش فاهم مين فينا الي المفروض يتضايق !
جوري ودموعها بتنزل : مش عارفة
ابراهيم : طب خلاص اهدي وقدري محصلش
جوري وهي بتمسح دموعها : ماشي
ابراهيم : خلاص بقا
جوري : خلاص 
( تعدي الأيام واي تجمع ب اهل چوري وابراهيم لازم يحصل فيه مشكلة بينهم ، ابراهيم ف اوضته بيتكلم ف الفون )
ابراهيم بعصبية : يما مش عاوز اجي ، قوليلهم تعبان ميت ومش متنيل م البيت
( تقرب انفال )
ابراهيم : لا مش هيزعله ، ي ستي انا مش ناقص حرقة دم بالله عليكي ، هتعرفي تتصرفي ، ايوة ، سلام
( يقفل ابراهيم )
انفال ب استغراب : في ايه ي بني ؟!
ابراهيم وهو بيقعد : مفيش
انفال : اومال بتزعق كدة ليه ، كنت بتكلم چوري ؟!
ابراهيم : اة
انفال : هي عزماك عندهم ولا ايه ؟
ابراهيم : ايوة  
انفال ب استغراب : ومش عاوز تروح ليه ؟!
ابراهيم ب انفعال وضيق : عشان بيتحرق دم الي جابوني من امها واخوها ، ويقعد يتفشخر بلي جابه لخطيبته والي هيعمله ف فرحه ، قاصد يقلل مني
انفال : معاش ولا كان الي يقلل منك !
ابراهيم : اهو عاش وكان وعملها وبيعملها
انفال : والله انا لو منك اروح
ابراهيم : اروح ايه بس انتي كمان ، انا ببقا قاعد ولا ليا لازمة ، وهي خنقت امي كل شوية خد بالك من كلامك اوعا تقول كذة ايه الي قلته دة لبسك شكلك اسلوبك ، لما بدأت اكره اليوم الي اتقدمتلها فيه !
انفال ب استغراب : يعني هي بدأت تعلق عليك ؟!
ابراهيم : حاسس إنها مبقتش تفرق عنهم !
انفال ب استغراب : بس چوري مش كدة !
ابراهيم : م دة الي هيجنن امي ، مش عارف مالها !
( يرن فونه )
ابراهيم وهو بيمسك الفون : مش هخلص انا م الزن دة وربنا م هخلص
انفال : معلش رد عليها بالراحة
ابراهيم : الو
جوري : ايه ي ابراهيم
ابراهيم : ايه ؟
جوري : عشان خاطري تعالى
ابراهيم بتنهيدة : استغفر الله العظيم يارب
جوري : دة انا الي عملالك الأكل والله ، كان نفسي تدوقه
ابراهيم : يعني يرضيكي اجي واروح محروق دمي ؟
جوري : لا طبعاً ميرضنيش !
ابراهيم : يبقا متزنيش عليا