قصة : ( الحب مقامات ) ل سهيلة سعيد المنجي

الحلقة ٥ و ٦

قصة : { #الحب_مقامات } 💔🕸️

الحلقة الخامسة { ٥ } 🍂

كريم ب ارتباك : ماااا مفيش !
ابراهيم بزعيق : في ايييييه ؟!
( يطلعوا البنات ع الصوت )
كريم : مفيش ي هيما ، خناقة بسيطة وروقتهم خلاص
علي : لا مهو باين ع وشك الترويق !
ابراهيم : خناقة مع مين ؟
كريم : مع عيل كدة فكك
ابراهيم بنفاذ صبر : استغفر الله العظيييييم !
علي ب انفعال : م تنطق يلا متبوظش ام اعصابنااا !
كريم : م قلتلكم روقته
ابراهيم : هتقول مين الي شلفط امك كدة ولا انزل اعرف انا ؟
كريم بتردد وخوف : لا ي عم ، عماد
( البنات يبصوا لبعض بخضة )
علي ب استغراب : عماد ابن اباري ؟!
كريم : ايوة
ابراهيم بغيظ : ابن الكلب !
علي : ليه انت عملتله ايه ؟!
ابراهيم ب انفعال : انت لسة هتسأله !
( يجري ابراهيم ع تحت ، يتخضوا )
علي ل كريم : الله يخربيتك ي شيخ وبيت مصايبك !
( يجري علي ورا ابراهيم ووراهم كريم )
انفال بخضة : يلهوي يلهوي !!
( يدخله البنات يجروا ع جوة )
الجدة ب استغراب : في ايه ي بت منك ليها ، بتجروا كدة ليه ؟!
يارا : مفيش ي ستو مفييييش
( يجروا يدخله اوضة ويقفوا ف البلكونة ، ابراهيم ف الشارع ماشي )
كريم : ي ابراهيم م انا معوره خلصنا !
( ميردش )
علي : فينه ي زفت ؟
كريم : م ...................
( يلمحه ابراهيم ع القهوة مع صحابه ، يقرب عليه ، يشوفه عماد ، يتخض ويقوم يقف )
ابراهيم ب غضب : انت مش عاوز تلايمها صح !
( يديله بالبوكس يوقعه ف الأرض ، يتخضوا الناس ويقوموا يقفوا ، ينزل ابراهيم ضرب ف عماد ، ف شارع تاني ، ف محل ميكانيكي ، يجري شاب يدخله )
........... : الحق ي عم اباري ابراهيم بيتخانق مع عماد ابنك !
ابو عماد وهو بيقوم : ابراهيم مين ؟!
............ : ابراهيم المغربي
ابو عماد بخضة : ينهار اسود !
( يجري الأب ، عند ابراهيم ، ماسك عماد ف نص الشارع من هدومه ومعوره ف وشه وماسك ماطوة ف ايده ، قاعد عماد ع ركبته ف الأرض والناس واقفين بعيد خايفين )
ابراهيم بزعيق : ورحمة امك المرة الجاية الي هتتنطط فيها ع حد يخصني هجيب فيها رقبتك مش بس هعلم عليك ، فاهممممم !
( يزقه يوقعه ع الأرض ويقفل ماطوته ويمشي ، يجري ابوا عماد عليه هو والناس يقوموه وياخدوه ع المستشفى ، يعدي الوقت ، ف بيت ابراهيم ، قاعد هو وولاد عمه وعمه )
ابو كريم : ايوة انت عملتله ايه بقا عشان يتخانق معاك ؟!
كريم : عادي يعني ، كنا بنتكلم وشدينا
ابراهيم : وتتكلم معاه ليه اصلاً ، احنا مش من اخر مرة والي حصل قلنالك تقطع معاه ، واخدتك انت وعلي وحضرنا فرحه عشان نصفي الي بينكم وخلصنا ، تقف تتكلم معاه ليييه ؟!
كريم بتوتر : مش معاه هو يعني مع صحابي ، بس هو كان واقف معانا واتحشر ف الكلام
ابو كريم ب استغراب : يقوم يفتحلك دماغك كدة !
كريم : الي حصل بقا
( ف الأوضة ، قاعدة انفال مع يارا )
انفال : هو الولا دة مش هيبطل يجيبلنا ام مصايب !
يارا : معرفش بيعمل كدة ليه !
انفال : عقليه ي يارا ، دي تاني مرة ابراهيم يعمل مشكلة بسببه ، المرة الجاية هيدخلهولنا السجن والله !
يارا : لا هكلمه
( يخبط باب الشقة ، يقوم علي يفتح )
ابو عماد : سلاموا عليكم
علي ب استغراب : عليكم السلام !
ابو عماد : ابوك هنا ي علي ؟
علي : ايوة ، يابا عم اباري 
ابو كريم : دخله ي بني ، اتفضل ي حاج
( يتنهد ابراهيم ويضير وشه ، يدخل ابوا عماد )
ابو عماد : سلامو عليكم
ابو كريم : عليكم السلام ، اتفصل ي حاج اباري
ابو عماد وهو بيقعد : كويس إن كلكم هنا ، انت كبيرهم ي حاج نبوي انا جاي اشهدك والي هتأمر بيه هيتنفذ ، بس قبل اي شئ انا وابني لينا عندكوا حق
ابراهيم ب انفعال : حق ايه ونيلة ايه ، انا حذرت ابنك قبل كدة وهو الي ....................
ابو كريم : استنى ي هيما !
( يسكت ابراهيم )
ابو كريم : حق ايه ي حاج اباري ، إذا كان ابنك هو الي فاتح دماغ كريم !
ابوا عماد : ابني لما اتخانق مع كريم كان له عنده حق ، حتى بعد الي عمله فيه ، وبدل م هيما يجيبهوله ويأدب ابن عمه لا راح اطاول ع ابني وفتحله وشه !
كريم بعصبية : انا مؤدب غصب عن .....................
ابو كريم بزعيق : كرييييم ، ي تقعد ب ادبك وسط الكبار ي تنزل تحت !
( يسكت كريم ويضير وشه بتوتر )
ابوا كريم : ايه الي خلى ابنك يضرب كريم اصلاً ي حاج اباري ؟!
ابوا عماد : كريم اتعدى ع اهل بيتي
( يتخض كريم ويبصوا لبعض ب استغراب )
ابو كريم ب استغراب : ازاي يعني ي حاج ؟!
ابوا عماد : انت عارف إني ماليش غير عماد واخته الصغيرة نهلة
ابو كريم : ايوة !
ابوا عماد : ابنكم خلاها ماشية ف الشارع وعاكسها
( يارا تبص ل انفال بخضة )
ابو عماد : ولما البت حذرته إنها هتقول ل ابوه لو مسبهاش ف حالها لإنها مش اول مرة يعمل معاها كدة ، قام موقفها ف الشارع وهددها إنها لو كلمت حد من اهله هيرمي ع وشها ماية نار
( يبصوا ل كريم ، يبص للأرض ب احراج ، تنزل دموع يارا )
انفال بصوت واطي : اهدي اكيد في حاجة غلط !
( تشاورلها ب لأ )
ابو عماد : البت خافت وراحت اشتكت ل اخوها وهي منهارة م العياط ، وجه عماد وقالي ، وانا بحسن نية قلتله يتكلم مع كريم ويقوله ميصحش كدة ولو عاوز البت ييجي البيت من بابه وإننا مش عاوزين ندخل ف مشاكل ، احنا مصدقنا الأمور اتحلت وهديت
ابو كريم : ايوة !
ابو عماد : قام شاتم عماد ومتخانق معاه ، جه عماد قالي ، وانا قلتله إني هخلص شغلي واطلع ل ابوا كريم واتفاهم معاه بس ملحقتش ، بعدها سمعت إن هيما ماسك ف خناق عماد وجيت لقيت ابني الي لسة عريس سايح ف دمه ، يبقا لينا حق عندكم ولا ملناش ي حاج نبوي ؟
( يبصوا لبعض ب احراج )
ابو كريم : ليكوا حق ي حاج !
ابو عماد : وانا بقا عاوز حق ابني ، انا مرضتش اعمل محضر وتقرير واودي ابن اخوك ف داهية عشان عندي زيوا وقلت نحلها ودي
ابو كريم : حقك علينا ي ابوا عماد
ابو عماد : مش كفاية ، ولادكوا الي غلطوا يروحوا لحد ابني ويعتذروله ، ولو سامح كان بها ، مسامحش يبقا الي عاوزه ربنا هيكون
( يقوم يقف )
ابو عماد : ومن غير سلام ، عشان معادتش في بينا سلام ي بيت المغربي
( يمشي ابوا عماد )
ابو كريم : الكلام دة حصل يالا ؟!
( ميردش )
ابو كريم بزعيق : م تنطق
ابراهيم : انت مش شايفه قاعد زي الولايا ازاي ، يبقا حصل !
كريم بتوتر : انا .......................
ابراهيم : انت عارف انت عملت ايه ، انت ودتني ف داهية وكنت مكمل كدب ومصدق نفسك عادي !
كريم : والله انا كنت بهزر ومكنتش هعمل فيها حاجة
ابو كريم وهو بيقوم : وتعاكس بنات الناس ليه اصلاً ، مالك ومال البت بتضايقها ليه ، بقا هو دة الي ربيتكوا عليه ي ابن ستين كلب انت
( يقرب عاوز يضربه يمسكه علي )
ابو كريم : ورحمة امك لهربيك من اول وجديد ي كريم !
علي ل ابراهيم : انت هتعمل ايه ؟
ابراهيم وهو بيقوم : هروحله
علي وهو بيقوم : هتروح ل عماد ؟!
ابراهيم : ايوة
كريم : تروح ليه م يولع !
ابراهيم ب انفعال : عشان مش ع اخر الزمن عيل بش*ة زيك يخلي واحد زي دة يركبني غلط !
( يسكت كريم )
ابو كريم : ايوة لازم تروح وتطيب خاطره ، بس يارب يقبل
علي : مظنش هيسامح بسهولة كدة !
ابو كريم : اهي مصايب بتتحدف علينا ، يارب نهدى بقاااا
علي ل ابراهيم : هاجي معاك
( يمشي ابراهيم ووراه علي ، ف بيت چوري ، قاعدة ع السفرة هي واهلها بيتعشوا )
كنان ل چوري : مدام انا عايش محدش يتحكم فيكي ، فاهمة ؟
جوري : قول لماما الكلام دة ، هي الي بتسمح ل ايمن يقولي رايحة فين وجاية منين !
كنان ل ايمان : اظن كلامي واضح