قصة : ( الحب مقامات ) ل سهيلة سعيد المنجي

الحلقة ٣٣ و ٣٤

قصة : { #الحب_مقامات } 💔🕸️

الحلقة الثالثة والثلاثون { ٣٣ } 🍂

ابراهيم : ع العموم انا لسة عند كلمتي ، لو الشقة معجبتهاش نغيرها ، وربنا يقدرني واجيبهالها ف المكان الي هي تحبه وتختاره
الاب : دي حاجة تخصك انت وهي ي ابراهيم ، كمل
ابراهيم : دة بالنسبة للشقة ، اما الشغل ف انا شغال الصبح ف بنزينة وبالليل دليفري ف مطعم
الاب : بس انت عارف إن دة مش شغل ثابت وصعب يفتح بيت يعني خلينا واقعيين
ابراهيم : ايوة عارف عندك حق ، انا اصلاً مكنتش معتمد ع كدة ، كان بيجيلي اي شغل برة بروح برضو ، بس عمتاً انا وعلي ابن عمي هنفتح مطعم قريب ، احنا اجرنا المكان امبارح وهنبدأ نوضبه ونجيب العدة
الاب : طب دي حاجة كويسة جداً
ابراهيم : اة ، ف ب اذن الله يعني هنقرا فاتحة والخطوبة بعد سنة والجواز بعدها ب ٣ سنين
الام : ايه دة كتير اوي ، انت هتخللها جنبي !
جوري من فوق بصوت واطي : م تناديني ي بابا بقا ناديني !
الاب : مش كتير اربع سنين ي ابراهيم !
ابراهيم : بص ي عم كنان ، انا عاوز القاعدة الي قاعدها معاكوا دلوقتي دي متتكررش تاني ، انا لما بقول كلمة بحب التزم بيها عشان كدة مدي نفسي الوقت الي انا شايف إني هقدر اصد ع جواز فيه ، دة لسة عفش واجهزة وبيت يتوضب ، دة الشقة ع الطوبة ، واكون استقريت ف شغلي الجديد عشان اقدر اعمل كل دة ، ف ممكن جداً اقولك الخطوبة بعد شهرين تلاتة والجواز بعد سنة ولا اتنين بس مضمنلكش إني التزم بدة ، ف عشان انا عمري م هطلع كلمة مش ادها ف بقولكوا اربع سنين
الاب ب اقتناع : كلامك صح ي بني ، انا كمان احب الي يلتزم معايا بكلمته ، وبعدين انا مش عاوز كروتة بقا ، چوري دي البنت الوحيدة وعارف إنك هتعيشها عيشة كويسة تريحها
ابراهيم : والله ي عم كنان چوري ف عنيا والي تأمر بيه هفحت ف الأرض عشان اعملهولها ، ربنا العالم
( تبتسم چوري بفرحة وتدمع عيونها )
الاب وهي بيطبطب ع رجل ابراهيم : عارف ي هيما
( يبتسم ابراهيم وتبصله خالته بغيظ )
الاب : جيسكاااا
( تقرب الشغالة )
الشغالة : Yes sir
الاب : اندهي چوري
الشغالة : ok 
( تطلع الشغالة فوق )
الشغالة : ا ........................
جوري بفرحة : سمعته سمعته
( تنزل چوري ، يشوفها ابراهيم ، يقوم يقف ، چوري لابسة فستان زيتي طويل واخد وضع جسمها نص كم سادة ورافعة شعرها هورس تيل )
جوري بكسوف : ازيك ؟
ابراهيم وهو بيسلم عليها : الحمدلله
( تقعد چوري جنب باباها )
الام بخباثة : اومال فين خديجة ، مجاتش معاك ليه ؟!
ابراهيم : هتبقا تيجي ف اري الفاتحة ب اذن الله
الام : امممم
الاب : ب اذن الله
( ييجي الليل ، عمرو واقف بيتكلم مع ابوه )
عمرو ب انفعال : هو ايه الي وانا مالي ، اقول ايه لنسايبي ، اقولهم اختي اتجوزت دليڤري ف مطعم ! 
الاب : برضو ميخصكش ، دي حياة اختك وهي حرة فيها
عمرو : اختي حمارة ومش فاهمة حاجة !
الاب : اختك كبيرة وفاهمة هي بتعمل ايه كويس
عمرو بغيظ : تمام
( يطلع عمرو ع اخره ، يقرب ع اوضته يقابل چوري ع ف وشه )
جوري ب استغراب : انت ليه متضايق ي عمرو ؟!
عمرو بتحذير : عشان بس تكوني عارفة ، لو حوارك دة هيخرب بيني وبين سيلين هخربها عليكوا انتوا الأتنين
جوري : ايه علاقتك انت وخطيبتك ب ابراهيم مش فاهمة ! 
عمرو وهو بيقرب عليها : انتي عاملة مش واخدة بالك ولا بتستهبلي ، انتي ملاحظة حضرتك هتتخطبي لمين ؟!
جوري : الماديات مش كل حاجة ي عمرو ، محدش بيموت من قلة لبس السواريه والبراندات !
عمرو وهو بيطبطب ع خدها : طب ابقي خلي بقا الحب يأكلك ويشربك ، وبالمرة يدفيكي ف الشتا ويخلي شكلك حلو قدام الناس
( يسيبها ويمشي ، تضايق چوري من كلامه ، تعدي الأيام ، بعد اربع ايام ، ف بيت چوري ، اهلها واهل ابراهيم القريبين واتنين صحابها وزغاريط واغاني وابراهيم بيلبس چوري الخاتم وامها واقفة مش طايقة نفسها ، تقرب عليها ام ابراهيم )
خديجة : مبروك يختي ، العيال كبرتنا
ايمان بغرور : اتكلمي عن نفسك ي حبيبتي ، انا الي يشوفني ميدنيش تلاتين سنة
خديجة : ايوة صح ، النوم برضو ع ريش النعام بيفرد الضهر !
ايمان : عندك حق ، هبقا اخليكي تجربيه ف مرة
خديجة : لا شكراً يختي لحسن اتعود عليه !
( عمرو ف جنينة البيت بيتكلم ف الفون )
عمرو : يعني ايه ي سيلين !
سيلين : يعني تحلوا المصيبة الي انتوا اتحطيته فيها دي !
عمرو : بابا ف صفها ومقويها
سيلين : وانت ملكش كلمة عليها خالص ، وبعدين فين مامتها ، هي ازاي طنط موافقة !
عمرو : لا طبعاً ايمي مش موافقة ، بس انتي عارفة چوري لما تحط حاجة ف دماغها بتعرف تسيطر ع بابا
سيلين : انا مقلتش لأهلي لحد دلوقتي ، دول لو عرفه مش بعيد يقولولي ابعد عنك
عمرو بخضة : نعم !
سيلين : ايوة طبعاً ، دة اجتماعياً رايح ف داهية ، دة رافع ماطوة ع ايمن واهلي عارفين الكلام دة ، انت لازم تبعده عنها وإلا حياتنا سوا هتدمر ي عمرو
( يتنهد عمرو بضيق مش عارف يعمل ايه )
عمرو : ماشي ي سيلين ، انا هتصرف
( يقفل عمرو ويرجع يدخل البيت ، يبص ل ابراهيم وچوري بغيظ ويطلع ع اوضته ، يعدي الوقت ويخلص اليوم ، ابراهيم قاعد ف اوضته مع مامته )
الأم : مبروك ي حبيبي ، عقبال الليلة الكبيرة ب اذن الله
ابراهيم : متحرمش منك يما
الأم : چوري بنت حلال وطيبة اوي ، حافظ عليها
ابراهيم : ف عنيا والله ⁦
الأم : عليا برضو دي ف القلب ي ولا
ابراهيم : هههههه عندك حق
الأم : ربنا يسعدكوا ي بني يارب
ابراهيم : امين يارب
( يرن فون ابراهيم )
ابراهيم : دة هي ، بتيجي ع السيرة
الأم وهي بتقوم : طيب سلملي عليها
ابراهيم : عنيا 
( تخرج الأم م الأوضة )
ابراهيم : الو
جوري : ازيك ؟
ابراهيم : الحمدلله ، كان يوم جميل انهاردة
جوري بفرحة : اوي اوي
ابراهيم : عقبال يوم فرحنا إن شاء الله
جوري : امين يارب ⁦
ابراهيم : لا بس انت كنت بطل انهاردة ي عم
جوري بكسوف : ههههه تسلم
ابراهيم : حبيبي
جوري : متغيبش بكرة
ابراهيم : حاضر
جوري : قولي بقا اعملك ايه اكل بتحبه ؟
ابراهيم : هنبتدي نهبد بقا ، هو انتي بتعرفي تطبخي اصلاً !
جوري : ايه دة ايه دة ايه دة ليه الأحراج دة ، ع فكرة انا استاذة ف الحلويات
ابراهيم : يعني اعمل حسابي ع السكر قريب ؟!
جوري : انت رخم اوي والله
ابراهيم : وانا بحبك اوي والله
جوري بكسوف : ماشي ، هتلبس ايه ؟
ابراهيم : مش عارف لسة
جوري : طب قوم وريني كدة
( تاني يوم ، ف بيت چوري ، قاعد ابراهيم مع ابوا چوري )
الاب : ومامتك واخواتك عاملين ايه ؟
ابراهيم : كويسين والله الحمدلله
الاب : ايه اخبار المحل الجديد ؟
ابراهيم : الصنايعية شغالين فيه اهو ، اول م يخلصه هننزل نجيب العدة
الاب : ب اذن الله يكون فاتحة خير عليك
ابراهيم : امين يارب
( تقرب چوري )
جوري ب ابتسامة : انا حضرت
ابراهيم : السكر ؟
جوري بضحك : ي بني بقااا
الاب وهو بيقوم : هههههه انتي لازم تقعدي مع خالتك خديجة كام يوم تعلمك الطبخ ، ابراهيم اكيد مبيحبش الأكل التيك اواي دة
ابراهيم : اة والله ي عم كنان
جوري : ايوة خالتوا حبيبتي هتعلمني كل حاجة
( يقوموا يقعده ع السفرة ياكله )
الاب ل چوري : ماما مردتش ؟
جوري : لأ
( يفهم ابراهيم ، يكمله اكل ، يرن جرس الباب ، تفتح الشغالة ، تدخل ام چوري )
الام : ازيكم ؟
الكل : الحمدلله
الام وهي بتقعد معاهم : ازيك ي ابراهيم ؟
ابراهيم : الحمدلله
الام : منورنا