قصة : ( الحب مقامات ) ل سهيلة سعيد المنجي

الحلقة ٣١ و ٣٢

قصة : { #الحب_مقامات } 💔🕸️

الحلقة الواحد والثلاثون { ٣١ } 🍂

( يشاورلها ابراهيم إنها تفتح المايك ، تشاورله ب إنه يسكت وتفتحه )
انفال : كويسة الحمدلله ، انتي كويسة ؟!
جوري : اة
انفال ب استغراب : اصلك مبترديش ع هيما من بدري وقلقان عليكي اوي
جوري : انا كويسة ميقلقش
انفال : طب انتي مش بتردي عليه ليه ؟!
جوري : ولا هرد ي انفال
( يتخض ابراهيم )
انفال ب استغراب : يوه ليه كدة ؟!
جوري : كدة ، ف قوليله ميتعبش نفسه ويتصل تاني
انفال : طب حصل ايه ي بنتي ، احكيلي عملك ايه ؟!
جوري : يعني هو مش عارف !
انفال : والله م يعرف حاجة ، دة قلقان عليكي اوي !
جوري ودموعها بتنزل : لا يوفر قلقه ع الي كان بيكلمها ف الفون وانا جنبه وعمال يقول الشبكة وحشة وهي عمالة بتنده عليه وانا سمعاها
( يتخض ابراهيم ويفهم )
جوري بعياط : من اولها كدة ي انفال ، من اولها بيخوني ، دة احنا لسة بنقول ي هادي ، ليه الأذية دي طيب ، ليه !
ابراهيم وهو بياخد الفون من انفال : قسماً بالله م بخونك
( تتخض چوري اما يتكلم ، تمشي انفال )
ابراهيم : وحيات ربنا م بخونك ، دي البت الي انا حكيتلك عنها الي كنت اعرفها ، ووالله سيبتها من قبل م اكون معاكي والي بينا انتهى
جوري : اومال ليه عملت إن الشبكة قاطعة وكدبت ومردتش عليها ؟!
ابراهيم : انا اتكلمت كدة عشان انا فعلاً مش عاوز اكلمها وكانت متصلة من رقم غريب ، واتصلت تاني لما وصلت الشارع وكلمتها وبهدلتها إنها متتصلش بيا تاني
( يزيد عياط چوري )
جوري : انا مش عارفة اصدقك !
ابراهيم : وحياتك عندي مفي بينا حاجة ، واصلاً كانت متصلة عشان انا لما سيبتها قلت للراجل الي مأجرلها الشقة إنه يمشيهم عشان كان معرفتي ، ف كانت عاوزة ترجع الشقة تاني وانا رفضت وبهدلتها وقفلت والله ، قسماً بالله م بخونك ي چوري
جوري ودموعها بتنزل : حسيت إنك هديت كل حاجة فجأة !
ابراهيم : والله لأ ، والله مبحبش غيرك صدقيني
جوري وهي بتمسح دموعها : خلاص
ابراهيم : والله انا م خاين ، والله م خنتك ولا هخونك ، دة مش هيحصل والله م هيحصل
جوري : خلاص والله ، انا بس اتخضيت لما فضلت تقول الشبكة وحشة وانا كنت سامعة صوتها بتتكلم !
ابراهيم : لا والله ، دة حتى بقولك كلمتني عشان الشقة يعني مش ع حاجة بينا كمان ، لإنها عارفة إني مستحيل ارجعلها خلاص
جوري : مصدقاك
( يتنهد ابراهيم ب ارتياح )
ابراهيم : بلاش تعملي كدة تاني طيب
جوري : هو ايه ؟!
ابراهيم : بلاش تكوني زعلانة وتبعدي كدة وخلاص ، انا طول اليوم هتجنن عشان تردي عليا ومش عارف اعمل ايه ، ومفيش حد تبعك ليا كلام معاه او حتى معايا رقمه عشان اطمن عليكي ، انا كنت بلف حوالين نفسي عشان اوصلك ، متعمليش كدة تاني بجد وإلا المرة الجاية هتلاقيني ف بيتكوا والله
جوري : يارب ميكونش في مرة جاية بس ، وانت بالله عليك متخبيش عليا حاجة حتى لو تخص البنت دي ، مدام انتوا انفصلته بتخبي ليه ؟!
ابراهيم : مش عارف دة الي حصل ، انا غلطان فعلاً ، انا عكيتها اكتر معلش
جوري : ماشي
كوكي : سلمي عليه
جوري : كوكي بتسلم عليك
ابراهيم : كوكي مين ؟!
جوري : كوكي صاحبتي
ابراهيم : فهميها ي كوكي إني بحبها ، وإني عمر م حبيت حد قد م حبيتها ، وإني عمري م هخونها عشان هي قمر وقلبها ابيض وتملى عين اجدعها راجل وانا بعرف اصون اوي ، قوليلها لو كررت بُعدها دة تاني هتلاقيني فوق دماغها ، وبجد هزعل منها اوي ، قوليلها متدلعش علينا عشان قلبنا ضعيف من ناحيتها !
( تبتسم چوري )
جوري بحب : انا بحبك اوي ي ابراهيم
ابراهيم : مش اكتر مني ي قلب ابراهيم
جوري : هشوفك بكرة ف الفرح ؟
ابراهيم : ب اذن الله
جوري : اوك
ابراهيم : روحي اقعدي مع صاحبتك ولما تمشي كلميني
جوري : حاضر ، باي
ابراهيم : سلام
( يقفل ابراهيم )
كوكي : اتصالحته ؟
جوري ب ارتياح : ااااه
كوكي : كان في ايه بقا ؟
( عند ابراهيم ، تدخل انفال )
انفال : خلصت ؟
ابراهيم : اة
انفال : هي سوما كلمتك وانت معاها ؟!
ابراهيم : اة الخرة اتصلت وچوري سمعتها
انفال ب استغراب : وبتتصل ليه الزفتة دي ، هو مش سيبته بعض ؟!
ابراهيم : عشان ام الشقة ، مش لاقين حتة يقعده فيها
انفال بفهم : اااه ، طب المهم انكوا بقيته كويسين
ابراهيم بضيق : اة
انفال : اومال مالك ؟!
ابراهيم : خفت
انفال : من ايه ؟!
ابراهيم : خفت من نفسي
انفال بعدم فهم : مش فاهمة !
ابراهيم : انا عمري م كنت كدة مع بت ، عمري م اهتميت تبعد ولا تقرب ردت ولا مردتش اتكلمت ولا متكلمتش ، عمري م اهتميت بحد ، مع چوري والي حصل انهاردة اكتشفت إنها مش زي اي بنت عرفتها ، هي فرقت ، فرقت عنهم ، هي بهتم بيها وبكلامها وبتعبها وبكل تفاصيلها ، البعد الي حصل انهاردة دة خلاني لفيت حوالين نفسي وكنت مش ع بعضي ، لدرجة إنها لو مكانتش ردت عليا كنت هروحلها البيت ، يمكن إنك تهتمي بقرب حد دي حاجة حلوة ، بس المشكلة لو ملقتيش القرب دة تاني ، انا كام ساعة قلبوا يومي ، اومال لو افترقنا بجد هيحصل فيا ايه ؟!
انفال : طب وانت ليه تفكر ف الوحش بس !
ابراهيم : مفيش اوحش م الي حصل فيا انهاردة !
انفال : انت خلي بالك طيب ومتخبيش عليها حاجة تاني
ابراهيم : والله جت كدة بقا غصب عني
انفال : عارفة ، المهم إنها عدت ع خير ف الحمدلله يعني
ابراهيم بتنهيدة : الحمدلله
( يعدي اليوم ، تاني يوم ، تدق الساعة سبعة ، چوري ف الأوتيل الي فيه القاعة ، ف سويت العروسة معاها ، يرن فونها )
جوري : الو
ابراهيم : ايه ي قمري خلصت ؟
جوري : اة ي حبيبي ، هلبس الفستان بس
ابراهيم : عقبال فستان فرحنا
جوري بحب : يارببببب
ابراهيم : انا بلبس البدلة اهو
جوري : ماشي ي قلبي ، هخلص واكلمك
ابراهيم : ماشي ، سلام
جوري : باي
( تقفل چوري )
جوري : سيلين هدخل البس عبال م تخلصي
سيلين : اة يلا البسي
جوري : اوك
( تدخل چوري ، تلبس فستان رمادي طويل واخد وضع جسمها اوف شولدر ب كم طويل منفوش الكم وضيق من عند معصم ايدها ، تقعد ع السرير تلبس الصندل ، تقف قدام المراية تظبط شعرها ، فرداه ليس ولماه ببروش الماس من ع الجنب وميكب روچ احمر ، ف بيت ابراهيم ، لابس بدلة سودة عادية بجرافتة سودة ، ينزل م البيت ، علي واقف جنب عربيته )
علي : جامدة البدلة
ابراهيم : بجد ؟
علي : اة والله ، ومظبوطة عليك
ابراهيم : طب فل
علي : ماشي حالاً ؟
ابراهيم : لما چوري ترن عليا عشان عاوز اروح تكون تحت عشان انا معرفش حد هناك
علي بفهم : ايوة اة
( بعد دقايق ، تخلص چوري وتخرج م الأوضة )
جوري : ايه رأيك ؟
سيلين : حلو اوي بجد
جوري : زوق العروسة القمر
سيلين : انت القمر
جوري : حبيبي
( يخبط الباب )
سيلين : ادخل
( يدخل عمرو )
عمرو وهو بيبصلهم ب اعجاب : ايه ي جدعان الحلاوة دي !
سيلين : ههههه
جوري : اخويا القمر
عمرو : حياتي ، خلصته ؟
جوري : اة يلا انزلهوا وانا هحصلكم
عمرو : ماشي ، يلا بينا
سيلين : يلا
( تمشي سيلين مع عمرو ، تمسك چوري الفون ، عند ابراهيم ، راكب ميكروباص ، يرن فونه )
ابراهيم : ايه يابا
جوري : ايه ي حبيبي فينك ؟
ابراهيم : انا راكب اهو وجاي ف السكة
جوري : اوك انا تحت ، لما توصل قدام الأوتيل كلمني اطلعلك
ابراهيم : تمام