قصة : ( الحب مقامات ) ل سهيلة سعيد المنجي

الحلقة ٣٧ و ٣٨

قصة : { #الحب_مقامات } 💔🕸️

الحلقة السابعة والثلاثون { ٣٧ } 🍂

علي : ايه ي جيها عامل ايه ؟
ابراهيم : فل يابا ، انت عامل ايه ؟
علي : الحمدلله ، العدة وصلت من شوية هي والبضاعة ، قلت اقولك
ابراهيم : ماشي
علي بقلق : انت فيك حاجة ولا ايه ؟!
ابراهيم : لا كان ورايا كام طالعة بعيدة انهاردة ف جسمي مكسر بس
علي : الف سلامة يابا
ابراهيم : الله يسلمك
علي : كلها يومين ونفتح المحل وتحلك م الشغل الي يجيب الغضروف دة
ابراهيم : ب اذن الله
( يعدي الوقت ، ف المستشفى ، نايمة چوري ع سرير واهلها حواليها ، تعدي الأيام ، چوري ف اوضتها ماسكة الفون ، تلاقي بوست من صفحة انفال اعلان لأفتتاح مطعم ابراهيم ، تفرح چوري وتبتسم وتحفظ صورة الأعلان عندها ، تنزل دموعها ، تمسحها ، ف بيت ابراهيم ، يارا ف اوضتها ، يرن فونها بمسچ ع الواتساب ، تمسكه وتفتح المسچ ، تتخض ، تقفله وتتصل )
يارا : الو
كريم : كنت عارف إنك هتتصلي
يارا بصوت واطي : ايه الي انت باعته دة ي حيوااان !!
كريم : الي بعته دة هيكون ع موبايل اخوكي بعد ساعة لو متصلتيش بيه انتي وقلتيله إنك مش عاوزة حسن
يارا بخضة : ايه الي انت بتقوله دة !
كريم : زي م سمعتي كدة ، صورك معايا والمحادثات الي بينا والمكالمات كل دة هوريه ل هيما
يارا : والله هيموتك لو عملت كدة !
كريم : مين قالك إني هبعتهم من تليفوني
يارا ودموعها بتنزل : انت عاوز مني ايه ، مش كفاية الي عملته فيا ، م انا كنت ف ايدك وضيعتني !
كريم : كنت غبي
يارا : ومازلت غبي عشان انا مش هرجعلك ي كريم لو اتنطت
كريم : برضو هديكي الساعة وبراحتك
( يقفل كريم ، يزيد عياط يارا ، تطلع من اوضتها وتقرب ع اوضة انفال وتدخل )
انفال بخضة : في ايه ي بت الهبلة فجعتيني !
يارا ودموعها بتنزل : في مصيبة !
( بعد شوية ، كريم ف اوضته نايم ع السرير وماسك الفون ، يخبط باب البيت ، تفتح ام كريم )
الام : تعالي ي حبيبتي
انفال وهي بتدخل : عاملة ايه ي ابلة هالة ؟
الام : الحمدلله ، انتي عاملة ايه وامك واخواتك ؟
انفال : كويسين ، اومال فين الولا كريم ؟
الام : جوة ف اوضته
انفال : طب انا هدخله عشان عوزاه يعملي سوفت وير للموبايل ، اعمليلي كباية شاي الله يكرمك 
الام : عنيا ي حبيبتي
( نايم كريم ع السرير بيدندن ف اغاني وماسك الفون ، يتفتح باب اوضته مرة واحدة ، يتخض ويقوم يقف )
كريم ب استغراب : انفال !
( تدخل انفال وتقفل الباب بالترباس )
كريم : في ايه ؟!
انفال وهي بتقلع شبشبها : في ايه ي ابن ال ***** !
( تنزل فيه ضرب بالشبشب )
كريم بخضة : ي انفال في ايه ي انفااااال
انفال : بتهدد البت ي روح امك ، بتهددها ي سيد الرجالة ، انت مين يالا الي كتبك دكر ف البطاقة ، ميييييين !
كريم وهو بيمسك ايدها : اهدي طيب واسمعيني !
انفال : دة انا هسمعك م المنقي ي خيار ، هسمعك الي عمرك م سمعته ، فين تليفونك يالا ؟
كريم بقلق : ليه ؟!
انفال : هتمسح دلوقتي قدامي كل الي عليه يخص البت ، وإلا ورحمة ابويا ف تربته لصوت حالاً والم عليك رجالة وستات البيت واقول إنك قفلت الباب علينا وكنت بتتحرش بيا ، ولما ييجي هيما هخليه يجيب رقبتك او اقلها هيعيشك لا منك ست ولا منك راجل ، هخليك تقعد جنب امك الكام سنة الي فاضلينلك ع م تموت م الحسرة
كريم بخضة : الله يخربيتك ، دمرتي مستقبلي ف تلاتين ثانية !
انفال : هااااا اخلص
( يطلع كريم الفون ويديهولها )
كريم : الحاجة اهي ، انا والله م كنت هبعت ل هيما حاجة ، انا كنت بس بقولها كدة عشان تسيب حسن
( تمسح انفال الفون كله تعمله إعادة ضبط مصنع )
انفال : وليه ليه الأذية ، ليه تخليها تسيب بني ادم محترم زي دة والف بت تتمناه وصاينها ومحافظ عليها ي ابن المؤذية لييييه !
كريم وعيونه بتدمع : عشان بحبها
انفال بتريقة : هيهيييي بتحبها ، يخي ملعون ابوك ع ابو دة حب ي صايع ي نسو**جي ، وحياااااة ربي لو قربت منها تاني لهعمل الي قلت عليه ي كريم وعليا وع اعدائي ، استرجل بقاااا
( ترميله الفون ع السرير وتقرب تفتح الباب وتمشي ، يتنهد كريم ويقعد ع طرف السرير ، ف النادي ، چوري ف الچيم بتتمرن ، يدخل ايمن ، يلمحها من بعيد ، يقرب عليها )
ايمن : چوري
( تشوفه ، توقف تمرين وتنزل تقف قصاده )
ايمن : عاملة ايه ؟
جوري : الحمدلله
ايمن : سمعت إنك فسختي خطوبتك
جوري : اة
ايمن : ب اذن الله ربنا يعوضك
جوري وهي بتضير وشها : ب اذن الله
ايمن : ممكن لما تخلصي نتغدى سوا ؟
( تبصله )
ايمن : لو مش هيضايقك 😕
( متردش ، بعد شوية ، قاعدة چوري مع ايمن ف مطعم )
ايمن : ف والله هو مكانش ين ........................
جوري بضيق : ايمن ، انا تعبت ، تعبت م الكلام ، م المناهدة وم العتاب ، من إن الناس تلومني إن قلنالك مكانش مناسب واولهم ماما ، كلامها صح او غلط خلاص مش فارق ، كل حاجة انتهت ، ف كفاية بقا ، كفاية كدة !
ايمن : عشان كدة ي چوري انا عاوز نرجع ، عاوز اعوضك عن كل الي فات دة ، عارف إن في حاجات اتصرفت فيها غلط معاكي بس اوعدك إن كل دة هيتغير وهنبدأ صفحة جديدة ، حتى ابراهيم هنسيهولك 
( تبتسم چوري بسخرية وتضير وشها )
ايمن : صدقيني
( تبصله ، تعدي الأيام ، يوم افتتاح محل ابراهيم الصبح ، واقف ابراهيم قدام المحل وباصص لليافطة )