قصة : ( الحب مقامات ) ل سهيلة سعيد المنجي

الحلقة ٣ و ٤

قصة : { #الحب_مقامات } 💔🕸️

الحلقة الثالثة { ٣ } 🍂

( تمشي انفال ، يفتح ابراهيم الفيس ، يوصله اشعار إن چوري غيرت صورتها الشخصية ، يفتحوا يشوف الصورة ، يبتسم ويعمل عليها لاڤ ويقفل الفون ويشرب الشاي ، بعد شوية ، ابراهيم ف الشارع ، يقرب عليه ابن عمه )
علي بصوت عالي : الف مبروك يسطااااا ، عقبااالك
ابراهيم ب انزعاج : ي عم بس ي عم !
علي : هههههه ايه مالك ع الصبح ؟!
ابراهيم : جاي فاصل من امبارح والبنات صحوني !
علي : اة عشان الخطوبة
ابراهيم : قمت لقيت كمية بنااااات ، مكنتش عاوز انزل م البيت والنعمة !
علي بضحك : ههههه فلتوا منك ازاي بس !
ابراهيم : هيروحوا مني فين ، طالعلهم بعد قليل
علي : لا تنسى اخااااك
ابراهيم : ولا اعرفك
علي : واطي !
ابراهيم : فين الولا كريم ؟
علي : ف الكلية
ابراهيم : امممم
( عند چوري ، قاعدين ف المطعم مع مامتها وايمن )
ايمان وهي بتقوم : هقوم اغسل ايدي
( تمشي ايمان )
ايمن ل چوري : مالك ؟!
جوري وهي بتبصله : مالي ؟!
ايمن : شكلك متضايق !
جوري بضيق وهي بتضير وشها : لا تعبانة وعاوزة اروح
ايمن : چوري
( تبصله )
ايمن : انتي ليه رفضتي جوازي منك ف الأول ؟!
جوري : عادي ، وجهه نظر
ايمن ب استغراب : وايه الي غيرها دلوقتي ؟!
جوري : عشان مزعلش ماما
ايمن : اممممم ، يعني وافقتي عليا عشان ماما ؟!
جوري : لا مش قصدي ، بس اتكلمنا وقلت اجرب
ايمن : مش هتندمي ع التجربة دي صدقيني
جوري بتنهيدة : اتمنى
( ترجع مامة چوري تقعد )
جوري : ماما
ايمان : نعم ؟
جوري : هتروحي الخطوبة بالليل ؟
ايمان ب استغراب : خطوبة مين ؟!
جوري : انفال ي ماما ، اري فاتحتها انهاردة !
ايمان بتذكير : اااه ، لا مش فاضية انا
جوري : ازاي مش هتروحي ، خالتوا هتزعل منك كدة !
ايمان بعدم اهتمام : قلتلك مش فاضية ي چوري ، وخالتك مش هتزعل عادي ، وبعدين دي عائلية ف البيت ، يعني وجودنا ملهوش لازمة
جوري : لأ ليه لازمة طبعاً ، م احنا م العيلة دي وانتي خالتها !
ايمان بزهق : انا مش رايحة اوك
جوري : طيب براحتك ، انا هروح
ايمان بخضة : لأ طبعاً مش هتروحي المكان دة لوحدك ، دول يكلوكي هناك !
ايمن ب استغراب : مين دول الي ياكلوها ؟!
( تبصلها چوريضيق )
ايمان : المكان شعبي جداً ي ايمن مينفعش تروحه لوحدها بمنظرها دة !
ايمن بفهم : ااااه ، صح !
جوري بضيق : هو ايه الي صح ، انا مش صغيرة ع فكرة !
ايمان : افرضي حد عاكسك ولا ضايقك ، هتتصرفي ازاي وهما مبيشوفوش ناس زيك كدة غير ف ال tv !
جوري : خلاص تعالي معايا قلتلك
ايمان : وانا قلتلك مش فاضية
ايمن : خلاص انا هاجي معاكي
( تبصله چوري )
ايمان : والله فكرة صح ، خدي خطيبك معاكي
جوري : بس .......................
ايمان : چوريييي ، ي تروحي مع ايمن ي مفيش مرواح ، انا مش هوديكي لوحدك واقعد انا ميتة م القلق عليكي هنا !
( تتنهد چوري بضيق وتضير وشها ، ف بيت ابراهيم ، تاخد يارا فونها وتدخل البلكونة )
يارا : معلش والله م سامعة م الأغاني
كريم : عقبال فرحنا ي مزتي
يارا بكسوف : يارب ي حبيبي ، ايه فينك ، جيت ؟
كريم : ف السكة اهو ، قلت اشوفك لو عاوزين حاجة اجيبهالكم وانا جاي
يارا : لا عاوزين سلامتك ، ماما اصتادت ابراهيم وجابلها الي هي عوزاه
كريم : طب فل ، لو في حاجة رنيلي
يارا : ماشي ي روحي ، باي
كريم : باي
( يعدي الوقت وييجي الليل ، ف بيت ابراهيم ، يوصل العريس واهله ويلبس العروسة الخاتم والكل مبسوط بيغنوا وبيهزره )
الام وهي بتحضن ابراهيم : عقبالك ي قلبيييي
ابراهيم : حبيبتي ي ست الكل
داليا : ايوة واحنا لأ يعني ي مرات عمي ؟!
الام : وانتوا كمان ي عين مرات عمك
داليا بتحايل : خلاص جوزيني هيما ابوس اطرافك
الام : هييييي شوفي البت البجحة !
ابراهيم : انا اتجوزك انتي ي سودة !
داليا : ي عم بس قلبي ابيض والله ومسيقة بديتول بس انت سمي وادخله
الكل : ههههههه
ابراهيم : لا انا عروستي إذا مكانتش بيضة كدة ومربربة متجوزش
داليا : عارف ي هيما بتاع الفراخ الي ع الشارع دة ؟
ابراهيم : اة ماله ؟!
داليا : هتلاقي طلبك ف القفص عنده
ابراهيم بغيظ : اة ي بنت ال ....................
( يجري وراها )
داليا بضحك : خلااااااص !
( تطلع برة الشقة تخبط ف چوري كانت داخلة )
داليا : احيه اسفة !
جوري : داليا عاملة ايه ؟
داليا ب انتباه : چوري ازيك ؟!
جوري : الحمدلله ، هي الخطوبة خلصت ولا ايه ؟
داليا : يعني تقريباً ، بس لسة العريس جوة !
جوري : طب الحمدلله
( تدخل چوري ، يبصولها )
البنات بفرحة : چوري 😃
( يجروا يسلموا عليها ، يبصلها ابراهيم ، تسلم ع الكل واحد واحد ويرحبه بيها جداً ، تقرب ع ابراهيم )
جوري وهي بتمدله ايدها : ازيك ي ابراهيم ؟
ابراهيم وهو بيسلم : ازيك ؟
الجدة ب استغراب : انتي جاية لوحدك السعادي ي بت !
جوري : لا ي ستو معايا خطيبي بس بيحاول يلاقي مكان يركن فيه
ابوا علي : ايوة كويس إنه معاكي مينفعش تمشي لوحدك السعادي
جوري : ايوة ، معلش بقا ي قلبي ملحقتش الخطوبة من اولها
انفال : مقلتيش ليه إنك جاية طيب كنا اتفقنا معاكي وجتيلي بدري ، احنا البنات كانوا عندي م الصبح
جوري : هنعوضها ب اذن الله ، انهاردة اليوم كان صعب شوية ومكركب
انفال : ولا يهمك ي قلبي
( يدخل ايمن )
ايمن : سلاموا عليكم
( يبصوله )
الكل : عليكم السلام !
جوري ل ايمن : عرفت تركن ؟
ايمن : اة بس ف شارع تاني
جوري : اة ، دة ايمن خطيبي
الرجالة بترحيب : اهلاً وسهلاً ي بني نورتنا
ايمن : شكراً 
( بعد عشر دقايق ، چوري واقفة مع البنات بيتكلمه وابراهيم واقف بعيد بس مش شايل عيونه من عليها وهي ساعات بتلمحه ودة بيحرجها ، تقرب الخالة عليهم )
الخالة : منورانا ي حبيبتي
جوري: تسلميلي ي خالتوا
الخالة : امك مجتش ليه ي چوري ؟!
جوري ب ارتباك : ااا مشغولة والله
الخالة بفهم : اة ، ربنا يعينها !
جوري : متزعليش ، هي قالت هتجيلك يوم تباركلك
الخالة بضيق : إن شاء الله ، ابقي سلمي عليها
جوري : حاضر
( تمشي الخالة ، يقرب ايمن ع چوري )
ايمن : چوري
جوري وهي بتبصله : نعم ؟
ايمن : الخطوبة خلصت من بدري ، مش يلا بينا بقا ؟
جوري : ا ..........................
يارا بخضة : لأ يلا ايه هي لحقت !
نسمة : اصبر شوية بس احنا بنشوفها كل فين وفين ي عم !
( يقرب عليهم ابراهيم وعلي )
جوري للبنات : معلش هجيلكم يوم تاني من اوله والله
يارا : لا انفال هتزعل لو مشيتي والله
جوري : ليه بس لا متزعلش ، بس دقايق كمان وهمشي
ايمن : چوري هتتأخري ع البيت !
ابراهيم ل ايمن : هي ف بيت خالتها ع فكرة ، يعني دة كمان بيتها ، ف ريح انت ومتقلقش