قصة : ( الحب مقامات ) ل سهيلة سعيد المنجي

الحلقة ٩ و ١٠

قصة : { #الحب_مقامات } 💔🕸️

الحلقة التاسعة { ٩ } 🍂

جوري : اة والله دة مشروبي المفضل
انفال ل يارا : طب قومي ي بت اعمليلها
جوري وهي بتقوم : لا لأ انا خلاص ماشية
يارا : م تقعدي لسة بدري !
چوري : معلش هبقا اجي تاني والله ، دة القاعدة معاكم جميلة
انفال ل يارا بصوت واطي : معانا احنا برضو
جوري بعدم فهم : ايه !
انفال : لا ي حبيبتي سلامتك ، بس مينفعش تيجي كدة من غير م تشربي حاجة عيب
جوري وهي بتمسك كباية الشاي : هاخد حبة شاي اهو
( تشرب منه وتحطه تاني ع الترابيزة )
جوري : اشوفكم قريب ب اذن الله
انفال : ماشي ي حبيبتي ابقي طمنيني عليكي اما توصلي
چوري : حاضر ، باي ي ابراهيم
ابراهيم وهو بيسلم عليها : استني انا هاجي اوصلك
جوري : مش مهم انا هطلب اوبر
انفال : هتطلبي ايه ؟!
جوري : اوبر
انفال : يخراشي ع اوبر الي طالعة منها زي العسل !
الكل : ههههههه
جوري ل انفال : والله انتي الي عسل
انفال : حبيبتي
جوري ل ابراهيم : خليك بقا
ابراهيم : قلت هوصلك مش هسيبك انا تركبي مع حد غريب السعادي
جوري : والله عادي ي بني !
ابراهيم : لا مش عادي ، يلا قدامي
جوري : اوك ، باي
البنات : بااااي
( تنزل چوري قدامه ، يمسك ابراهيم الفون )
ابراهيم : ايه ي علي ، تونايتك هنا ولا برة ، طب فل محتاجها ، لا مفيش حاجة هتهالي عند البيت ، اة بسرعة بس ، باي
( يقفل ابراهيم ، ينزلوا يقفوا قدام البيت )
ابراهيم : علي هيجيب عربيته دلوقتي
جوري : مش عارفة انت تاعب نفسك ليه بس !
ابراهيم : مفيش تعب ولا حاجة
جوري : هو علي الي هيوصلني ؟!
ابراهيم : لا انا الي هوصلك ، هاخد منه العربية بس
جوري : انت بتعرف تسوق ؟
ابراهيم : اة بعرف
جوري : اوك
( شابين واقفين سوا قريبين منهم ، يبصلها شاب فيهم ، يلاحظ ابراهيم )
ابراهيم : بص قدامك ي نون بدل م اجي اخزقهالك !
( تتخض چوري وتبصله )
........... ب احراج : لامؤخذة اهيما !
ابراهيم : لامؤخذتك معاك يابا
( يمشي الشباب ، يقرب عليهم علي ب العربية وينزل )
علي ب استغراب : ايه دة چوري !
جوري : عامل ايه ؟
علي : الحمدلله ، هو في حاجة ولا ايه ؟!
جوري : لا لأ انا كنت جاية اشوف البنات بس
علي ب ارتياح : اة خضتوني ، امسك
( ياخد ابراهيم المفتاح )
علي : لو اتأخرت وانا نمت اركنها بقا
ابراهيم : ماشي
علي : تصبحوا ع خير
ابراهيم وجوري : وانت بخير
( يمشي علي ، يفتح ابراهيم باب العربية ل چوري ، تركب چوري ، يلف ابراهيم يركب ويسوق ويمشوا ، ف الطريق )
ابراهيم : معلش بقا دة اوبر الغلابة 
جوري : ههههه لا والله دي جميلة ، دة حتى مدلعها خالص
ابراهيم : اة علي بيحب العربية دي اكتر من امه
جوري : ههههه ربنا يحميهاله
ابراهيم : يارب
( يرن فون چوري ، تلاقيه ايمن ، تعمله سايلنت وتتنهد ، يلاحظ عليها ابراهيم )
ابراهيم : خدي الأمور ابسط من كدة
( تبصله )
ابراهيم : هونيها ع نفسك ، الدنيا مش مستاهلة يعني ، لسة متقلالي جملة عمالة ترن ف وداني ، اختار صح ، وانا نويت اختار صح ، اختاري انتي كمان صح ، او اقلها شوفي الي اختاروهولك دة يناسبك ولا لأ ، وملكيش دعوة بكلام حد
جوري : عندك حق ، انا هعمل كدة ، انا هقعد معاه ونتكلم ومش هغصب نفسي ع حاجة عشان حد
ابراهيم : ايوة ي عم هو دة الكلام
جوري : ع فكرة الكلام معاك ريحني
ابراهيم : وانا موجود اهو منين م تعوزي تتكلمي كلميني
جوري وهي بتمسك فونها : طب قولي رقمك بقا
ابراهيم : عيوني ، 012********
جوري : هسجله
ابراهيم : اشطاا ، تابعي معايا الطريق عشان انا مش عارف الوصف بالظبط
جوري : لا انت ماشي صح
ابراهيم : تمام
( يرن فونه ، يمسكه ، يلاقيها سوما )
ابراهيم وهو بيوري الفون ل چوري : اهو نفس الأختيار المعفن
جوري بضحك : هههههه احنا موعودين ي بني ولا ايه !
ابراهيم وهو بيرمي الفون ع التابلوه : اة والله يختي
جوري : هههههه
ابراهيم : معلش يعني لو بيفلت مني كلام يختي وبت وكدة بس انا بحاول امسك لساني معاكي ع اد م اقدر
جوري : لا خليك براحتك ، انا مش متضايقة
ابراهيم : ماشي
( بعد شوية ، يوصله عند الكومباوند ، يوقفهم الأمن )
الامن : داخل لمين ؟!
جوري : عندنا ي مصطفى
الامن : اة انسة چوري اتفضلوا !
( يدخلوا بالعربية الكومباوند )
چوري : الڤيلا الجاية دي
ابراهيم : اوك
( يركن ابراهيم ، يلاقوا ايمن واقف مع اخوها ، تنزل چوري وابراهيم )
عمرو ب استغراب : ابراهيم !
جوري : اتأخرت ف ابراهيم وصلني
عمرو وهو بيسلم عليه : ازيك عامل ايه
ابراهيم : الحمدلله
عمرو : شكراً ي معلم
ابراهيم وهو بيبص ل ايمن : ع ايه يعني ، سلام
جوري : باي
( يركب ابراهيم العربية ويمشي )
جوري ل عمرو : مش كنت تعزم عليه يدخل !
( يبصلها ايمن )
عمرو : مجاش ف بالي استغربت وجوده ، انتي كنتي فين ؟!
جوري : عند خالتوا
ايمن : مبترديش عليا ليه ؟!
جوري ب استغراب : انت ايه الي جايبك دلوقتي ؟!
ايمن : مبترديش عليا من بدري ف قلقت عليكي !
جوري : لا متقلقش
ايمن : وايه الي وداكي عند خالتك السعادي ، مش قلنا .......................
جوري : وانت مالك ؟
ايمن ب انفعال : هو ايه الي وانا مالي انا خطيبك !
جوري : انت ......................
عمرو : اهدوا ي جماعة في ايه مش كدة !
ايمن : احنا لينا قاعدة مع بعض ي چوري !
جوري : ياريت دلوقتي ي ايمن
عمرو : چوري الوقت اتأخر وانتوا الأتنين باين اعصابكم مشدودة خليها بكرة !
جوري بتنهيدة : ماشي
( تدخل چوري البيت )
عمرو : معلش ي ايمن متزعلش
ايمن بضيق : لا مفيش حاجة ي عمرو ، تصبح ع خير
عمرو : وانت بخير
( يمشي ايمن ، يدخل عمرو البيت ، چوري ف اوضتها ، يخبط الباب )
جوري : ادخل
( يدخل عمرو )
عمرو : ايه ي بنتي في ايه مع ايمن ؟!
جوري : في إني مش عوزاه بجد انا مش هكمل مع البني ادم دة !
عمرو : طب اهدي بس واحكيلي الي حصل !
( تحكيله )
عمرو : بصي سيبك م الي فات دة تافه واكيد هو متعود ع كدة وصحاب ، انتي بقا ايه الي وداكي عند خالتك متأخر كدة ؟!
جوري : كنت مخنوقة ورحت
عمرو : خلاص ضاقت بيكي الدنيا يعني ملقتيش إلا البيت دة الي تروحيه !
جوري ب انفعال : انت هتعمل زي ماما انت كمان ي عمرو !
عمرو : مهي عندها حق بصراحة ، يعني بيت لبش ومنطقة لبش وابراهيم دة نفسه باين عليه شمال ورجعالي معاه كمان ، افرضي كان عملك حاجة !
جوري : ع فكرة ابراهيم بني ادم محترم جداً ، ولو انا مش متأكدة من دة مكنتش رجعت معاه ، ومكنتش راجعة معاه اصلاً انا كنت هطلب اوبر وهو الي صمم يوصلني عشان الوقت اتأخر ، ومتنساش إنه ابن خالتي ي عمرو !