Unicode
"ကိုမာန် လာပြီလား "
မင်းစစ်အဖိုးကြီးရဲ့ အစီအစဉ်ကြောင့် ခြိန်းမှာ သုဝဒီ၏ မွေးနေ့ပွဲကို ကြိုရောက်နေရသည် ။ ဟိုလူကတော့ လက်ဆောင်ပြင်စရာရှိသေးလို့နောက်မှ လိုက်လာခဲ့မယ်တဲ့ ။ သူ့မှာတော့ မွေးနေ့ရှင်ရဲ့ အာရုံစားခြင်းကို ခံရပေအုံးမည် ။ တွေးရင်းတောင် စိတ်ရှုပ်လာရ၏ ။
အခုလည်း လူကိုလက်အတင်းချိတ်ပြီး ကပ်တွယ်လွန်းနေပြန်သည် ။ တွန်းထုတ်လိုက်ချင်ပေမဲ့ လူတွေနဲ့မို့ မလုပ်ချင်ပေ ။
"သုအတွက် လက်ဆောင်"
"အို့! ကိုမာန်ပေးတာဆိုတော့ တို့သေချာလေး တန်ဖိုးထားရမှာပေါ့ "
"ကိုယ်ပေးတာ မင်းအခုသုံးနေတာတွေလောက် တန်ဖိုးမရှိပါဘူး "
"ဒါပေမဲ့ တို့ကြိုက်တယ်လေ "
"အင်း မင်းကြိုက်တော့ ကောင်းပါတယ် "
"ကိုမင်းစစ်ရောက်လာပြီလား "
သုဝဒီနဲ့ စကားပြောနေတုန်း ဟိုလူ့ရဲ့ နာမည်ကိုကြားလိုက်တာကြောင့် လှည့်ကြည့်မိသည် ။ မွေးနေ့ပွဲကိုလာတဲ့ မင်းစစ်က လုံးဝကို ကျော့မော့ခန့်ညားနေပြီး အားလုံးအမြင်မှာ ထင်းကတည်းဖြစ်နေသည် ။ ခြိန်းမှာလည်း ဘေးကိုတောင် မေ့လို့ မင်းစစ်ကိုသာ ငေးနေမိသည် ။
မင်းစစ်ကလည်း သူ့အားကြည့်လို့ လှောင်ပြုံးပြုံးပြနေသယောင် ။ ခြိန်း ထိုလူ့၏ ဘေးကိုကြည့်မိတော့ စိုင်းတခေတ်ဆိုတဲ့ကောင်ရော ပါလာတာဖြစ်သည် ။ ခြိန်း၏ နားထင်ကြောများမှာ ထင်းထလာချေပြီ ။
ဒီလူ အဲ့ကောင်နဲ့အတူလာတာလား ။ သူ့ရဲ့ မနာလိုစိတ်များကြောင့်ရော ဒေါသတွေကြောင့်ပါ မျက်လုံးများ နီရဲလာတော့သည် ။
"ကိုမာန် သူတို့နှစ်ယောက်က ဘာတွေလဲ မသိဘူးနော် အမြဲတစ်ပူးပူးနဲ့ "
"ဘာ! "
"ဟုတ်တယ် ကိုမာန်ရဲ့ သုဟိုတစ်နေ့က သူငယ်ချင်းတွေနဲ့ စားသောက်ဆိုင်ထိုင်နေတုန်းကလဲ သူတို့ VIP ခန်းထဲဝင်သွားတာ တွေ့လိုက်သေးတယ် အဟင်း! "
သူပြောတာကို ကိုမာန်ယုံသွားပုံပေါ်သည် လက်သီးတောင် ဆုပ်ထားပြီး မျက်ခုံးတွေပင် တွန့်ကျိုးနေတော့ သည် ။ ဟက်! လွယ်လိုက်တာ ။
YOU ARE READING
𝙈𝙮 𝙝𝙪𝙨𝙗𝙖𝙣𝙙 𝙞𝙨 𝙫𝙚𝙧𝙮 𝙢𝙚𝙖𝙣 𝙩𝙤 𝙢𝙚 (Complete)
Romance"အချစ်ကို မသိခင်တုန်းကတော့ ငွေကိုဘဲ ကိုးကွယ်ခဲ့ဖူးတယ်!!!" "အခုတော့...ခင်ဗျားကိုဘဲ ကျုပ်ကိုးကွယ်နေမိပြီ"
