Unicode
"မင်းစစ်.....''
"ဘာလဲ....စိုင်း''
"မင်းအိမ်ပြန်နားရင်နားလေကွာ ငါအန်ကယ့်ကို ကြည့်ထားပေးမယ်''
"ရပါတယ် စိုင်းရယ် ''
"မင်းပုံစံကြည့်ရတာ ငါအားမရဘူး မင်းစစ်ရာ အစားလဲမမှန် ၊ အလုပ်နဲ့ဒီလဲ ပြေးနေရသေးတယ် ကြာရင်မင်းပါလဲလိမ့်မယ်ကွ!''
"ဟင့်အင်း ငါမလဲပါဘူး''
"မင်းသူ့ကို လွမ်းနေတာလား''
"မဟုတ်ပါဘူး ငါကဘာလို့သူ့ကို လွမ်းရမှာလဲ စိုင်း ၊ ငါ့အပေါ်လှည့်စားသွားတဲ့ကောင်ကို ငါကဘာလို့လွမ်းနေရမှာလဲ''
"အဲ့ကောင်ကို ငါကြည့်မရတာ မှန်ပေမဲ့ သူကလဲမင်းကို တကယ်ချစ်ရှာပါတယ်''
"ဟက်!''
ဒေါက်.....ဒေါက်.....ဒေါက်......
နောက်ကတံခါးခေါက်သည့်အသံကြောင့် မင်းစစ်ကစိုင်းကို ဖွင့်ပေးဖို့ အချက်ပြလိုက်သည် ။ စိုင်းတံခါးဖွင့်လိုက်တော့ ရှေ့မှာရပ်နေသူက မင်းစစ်အား နားထင်ကြောများ ထောင်ထလာစေသည် ။
"ခင်ဗျား!!!''
"ငါတို့ စကားနည်းနည်းလောက် ပြောရအောင် မင်းစစ်ကုဋေ''
"ခင်ဗျားနဲ့ ဘာစကားကမပြောချင်ဘူး ဒေါ်ထိပ်ထားစံရဲ့ ဒီကိုတောင်ခင်ဗျားက အရှက်မရှိလာရဲသေးတယ်!''
"မင်းမပြောချင်လဲနေလေ မင်းအဖေနိုးလာမှဘဲ ပြောရတော့မှာပေါ့ ''
"ခင်ဗျား!!!''
"အဟက်!''
"ကျစ်! စိုင်းငါ့အဖေကို ကြည့်ထားပေး''
"အေးအေး... ကြည့်ထားပေးမယ်''
ထို့နောက် ထိုမိန်းမခေါ်သွားသော ကော်ဖီဆိုင်ကို မင်းစစ်လိုက်သွားဖြစ်သည် ။ ဘာကိစ္စမှ မင်းစစ်မပြောချင်ပေမဲ့ သူမမျက်နှာမြင်ရင် ဆွဲထိုးချင်စိတ်က အတော်လေးဆိုးရှာနေပြီ ။
ဆိုင်ထဲတွင် ဂျောင်ကျကျနေရာတစ်ခုကို ရှာပြီး ထိုင်ဖြစ်ကြသည် ။ မင်းစစ်က သူမ၏ မျက်နှာကိုမမြင်ချင်တာကြောင့် ဘေးသို့မျက်နှာ လှည့်ထား၏ ။ သူမကတော့ အိတ်ထဲက စာရွက်ကို မင်းစစ်ထံတိုးပေးလိုက်ပြီး စကားလမ်းစ၏ ။
YOU ARE READING
𝙈𝙮 𝙝𝙪𝙨𝙗𝙖𝙣𝙙 𝙞𝙨 𝙫𝙚𝙧𝙮 𝙢𝙚𝙖𝙣 𝙩𝙤 𝙢𝙚 (Complete)
Romance"အချစ်ကို မသိခင်တုန်းကတော့ ငွေကိုဘဲ ကိုးကွယ်ခဲ့ဖူးတယ်!!!" "အခုတော့...ခင်ဗျားကိုဘဲ ကျုပ်ကိုးကွယ်နေမိပြီ"
