Unicode
ခွပ်......
စိုင်း၏လက်သီးချက်မှာ ခြိန်းပါးအားလှမ်းမိတ်ဆက်လိုက်တော့သည် ။ နှုတ်ခမ်းပေါက်သွားကာ စီးကျလာသော သွေးစတစ်ချို့ကို ဖိသုပ်ရင်း ဘာမှပြန်မလုပ်မိ ။ ငြိမ်ရျ်သာ လူနာကုတင်ပေါ်မှာ ဆေးချိတ်လျက်မေ့မျောနေသော မင်းစစ်ကိုဘဲ စိတ်ပူပန်နေရသည် ။
"မင်းစစ်သာ တစ်ခုခုဖြစ်ရင် ငါမင်းကိုသတ်မှာ မာန်ဝဏ္ဏခြိန်း!''
ထပ်ထိုးဖို့ရာ လက်ရွယ်ပြန်တော့ မြူဒေါင်းက ငိုယိုတားမြစ်လာသည် ။ ခြိန်းကတော့ ဘာမှမပြော အထိုးခံမည့်ပုံသာ ရှိသည် ။
"ဖယ်စမ်းပါကလေးရာ ဒီကောင့်ကို သတ်ပစ်ချင်လွန်းလို့ပါကွာ!''
"တော်ပါတော့ ကိုကိုရယ် ဆရာဝန်ကလဲ ကိုမင်းစစ်အတွက် မစိုးရိမ်ရတော့ဘူးလို့ ပြောသွားပြီးဘဲဟာ!''
"ဒီမှာ မာန်ဝဏ္ဏခြိန်း! မင်းကြောင့် ငါ့သူငယ်ချင်းဘယ်လောက်ထိ ဝေဒနာတွေ ခံစားခဲ့ရလဲ သိလား ဟိတ်ကောင်!''
"ဒါဆိုဘာလို့ ငါ့ကိုထွက်သွားခိုင်းသေးလဲ ဟမ်! ငါ့ကိုမမေ့နိုင်ဘဲ ဘာလို့မုန်းတယ်ပြောခဲ့သေးလဲ သူဘဲခံစားခဲ့ရတာလို့ ခင်ဗျားထင်နေတာလား ကျုပ်လဲလူဗျ''
"သူအထင်လွဲပြီး ပြောခဲ့တာတစ်ခုအတွက်နဲ့ မင်းပေးတဲ့အပြစ်က စိတ်ကျရောဂါနဲ့ ဆေးရုံမှာလနဲ့ချီပြီး နေခိုင်းရက်တယ်ပေါ့လေ ဟုတ်လား မာန်ဝဏ္ဏခြိန်း!
"ခင်ဗျား ဘာပြောလိုက်တယ် စိတ်ကျရောဂါ ဟုတ်လား? "
"အေး! ဟုတ်တယ် မင်းထွက်သွားပြီး မင်းစစ်ကအရက်နဲ့ဘဲ နေနေခဲ့တာ တစ်ချိန်လုံး မင်းကိုဘဲ သတိရလွမ်းဆွတ်နေခဲ့တာ အအိပ်ပျက်၊ အစားပျက်နဲ့ စိတ်ကျရောဂါဖြစ်ပြီးဆေးရုံမှာ အကြာကြီး နေခဲ့ရတာကွ!''
"အချိန်အကြာကြီးနေမှ အခုလိုပြန်ကောင်းခါစဘဲရှိသေးတယ် မင်းကပြန်ပေါ်လာပြီး သူ့ကိုထပ်ဒုက္ခပေးရဲသေးတယ် ဒီတစ်ခါတော့ ငါမင်းကို အသေသတ်မှာနော် မာန်ဝဏ္ဏခြိန်း!''
စိုင်းက ခြိန်းအိင်္ကျီကော်လံကိုဆွဲပြီး ဒေါသတကြီး အော်ဟစ်ကြိမ်းမောင်းနေခဲ့သည် ။ ခြိန်းမှာတော့ ကျောက်ရုပ်ကြီးပမာငြိမ်သက်လျက် ။ ခြေမခိုင်တော့ဘဲ ကြမ်းပြင်ထက် ဒူးထောက်လဲကျသွားရ၏ ။
YOU ARE READING
𝙈𝙮 𝙝𝙪𝙨𝙗𝙖𝙣𝙙 𝙞𝙨 𝙫𝙚𝙧𝙮 𝙢𝙚𝙖𝙣 𝙩𝙤 𝙢𝙚 (Complete)
Romance"အချစ်ကို မသိခင်တုန်းကတော့ ငွေကိုဘဲ ကိုးကွယ်ခဲ့ဖူးတယ်!!!" "အခုတော့...ခင်ဗျားကိုဘဲ ကျုပ်ကိုးကွယ်နေမိပြီ"
