Unicode...
မင်းထွဋ် ကြောင်တောင်တောင်နဲ့ ညို့ကိုတင်းတင်းကြပ်ကြပ်ပြန်ဖက်ထားလိုက်တယ်။ ဒါ ညို့ဆီကနေ လှတပတပြန်ရလိုက်တဲ့ အဖြေ...။ ညိုမြကလေးက နောက်ဆုံးတော့ ဟန်မဆောင်နိုင်တော့လို့ မင်းထွဋ်အပေါ် ပုံအပ်လိုက်ပါပြီကော။
မင်းထွဋ်ရင်ထဲ သီချင်းသံတွေ ညံစီလို့။ ချောတိုင်တက်ပြိုင်ပွဲမှာ အနိုင်ရရှိသွားတဲ့အဖွဲ့ဟာ မင်းထွဋ်လောက် ပျော်နိုင်ပါ့မလား။ ချောပြောင်နေတဲ့တိုင်ပေါ် ခဲရာခဲဆစ်တက်ခဲ့ရတဲ့ ယောက်ျားသားများလို မင်းထွဋ်ဟာ ကိုယ့်နှလုံးသားကိုရော ညို့နှလုံးသားကိုပါ ခဲရာခဲဆစ် ရှာဖွေပြီးမှ အောင်လံကိုလှမ်းကိုင်နိုင်ခဲ့တဲ့လူ...။
မင်းထွဋ် ရင်ခွင်ထဲကညို့ကို အသာအယာဆွဲထုတ်ပြီး နှစ်နှစ်ခြိုက်ခြိုက် ပြုံးနေလေတယ်။ ညိုကလည်း ရွှန်းရွှန်းစားစားစိုက်ကြည့်ပြီး ကြည်ကြည်နူးနူး ပြန်ပြုံးပြတယ်။
"ကိုယ် မင်းကို လက်မလွှတ်ဘူး ညို... ဘယ်လိုအခက်အခဲတွေပဲရှိရှိ လက်မလွှတ်ဘူး... ကိုယ့်အချစ်နဲ့ မေတ္တာရိပ်ဟာ မင်းအတွက် လုံခြုံမှုကိုပဲ ပေးနိုင်ဖို့ ကိုယ်ကြိုးစားပါ့မယ် ညို"
"ညို ကတိတွေမလိုပါဘူး ကိုမင်းထွဋ်... ညိုတို့ ချစ်နိုင်တဲ့အထိ ချစ်သွားကြမယ်... ညို ဘာမှမတွေးချင်ဘူး... ညို့ဘဝတစ်လျှောက်လုံး ကိုယ်မလိုချင်တဲ့ဘဝမှာနေပြီး ရင်ဆိုင်ရမဲ့အခက်အခဲတွေကို တွေးပူနေရတာ ပင်ပန်းလာပြီ ကိုမင်းထွဋ်... ဒါကြောင့် ညိုဘာမှမတွေးဘဲ ကိုမင်းထွဋ်ကိုချစ်ချင်တယ်... အကျိုးအမြတ်တွေ၊ ဆုံးရှုံးမှုတွေ ဘာဆိုဘာမှ ဂရုမစိုက်ချင်ဘူးကွယ်... ညို အချစ်ပဲခံချင်တယ်... ညို ချစ်ပဲချစ်ချင်တယ်... ညို ဒါပဲသိတယ်"
ညို့စကားတွေဆုံးတော့ ကိုမင်းထွဋ်ရဲ့ လက်ချောင်းများဟာ ညို့လက်များဆီရောက်လာတယ်။ ကိုမင်းထွဋ်က ညို့လက်နှစ်ဖက်ကိုဆွဲယူပြီး ဖျတ်ခနဲနမ်းလိုက်သတဲ့။
"ကိုမင်းထွဋ်... လူတွေအများကြီးကိုနော်... အခုမှအဖြေပေးထားတာကို သိပ်ကဲတာပဲ"
YOU ARE READING
ခြံစည်းရိုးတစ်ဖက်က ယုဇနပန်းငယ်
General Fictionယုဇနပန်းရနံ့ကိုရှူရှိုက်ပါ။ သံစဉ်ထဲမှာစီးမြောပြီး လခြမ်းကွေးလို အလှတရားနဲ့ မင်းသမီးကလေးကို ရှုစားပါတဲ့...။ ဪ မင်းသမီးလေးရယ်... မဖြစ်နိုင်ဘူးဆိုတာသိပေမဲ့ မိန်းကလေးစစ်စစ်သာ ဖြစ်လိုက်ပါလားကွယ်...။ ယုဇနပန္းရနံ႕ကိုရႉရွိုက္ပါ။ သံစဥ္ထဲမွာစီးေျမာ...