عشقتك وعشقي لك مرجله وعناد وقلبي اسير لك في الحب والشوق

الجزء العشرون

سعود ولد خال فهد مسك فهد عند موقف السيارات قال سعود فهد وش بلاك انهبلت قال والله ي سعود اذا عيال عمها فكرو فيها ولا يلمسون شعره من راسها لقتله وهم يعاينون ولا يرف لي جفن قال سعود فهد هذا الشي اذا بغوه غصب عنا ولا في يدنا شي قال فهد لا انا بيدي قال سعود وش في يدك مالك في العناد ي فهد ترا ماهو بس انت الي تتأذى من عنادك حتى ذوق ترا تتأذى معك قال فهد مستحيل اخليها تتاذى ي سعود انت ماشفت دموعها والله انها طعن ب قلبي ولا تقول ي فهد لاتخليني وانا وش سويت خليتها اخ ي القهر والله ياخوي مقهور 💔قال سعود يحلها ربك ياخوي انت بس اصبر ولا تتهور سكت فهد نرجع عند ورد وفجر قالت ورد اخ على مارضها وانتف شعرها قالت فجر اي سويها اذن سلطان ينتف شعرك انتي وهو وش قال لنا نسوي معها صحبه قالت ورد ماقدر مابلعها بعد الي سوته قالت فجر اخ ي ذوق كيف حالها هالحين اكيد مثل حال فهد قالت ورد اخ اي والله فهد وذوق مايستاهلون الي صار لهم والله هالاثنين مدري قدرهم وش كاتب لهم بعد قالت فجر صعب انك تبعدين عن الي تحبينهم وتعصب آنك تعيشين بدونه دقيقه 😔قالت ورد انا ماعرف في هالحب شي بس اعرف ان مثل حب ذوق وفهد مستحيل اعيشه حتى بحلمي لو انا بدال ذوق كان مافكر حتى بقبيلتي ولا بهلي وروح معه ابيع كل شي على شانه قالت فجر ان جربتي هالحب وقتها نشوفك قالت ورد تعرفيني صح ضحكت فجر قالت تعلميني لو بيدك تحرقين هالقبيله على شان الي تبينه ماهو على شان حب ضحكت ورد قالت اكيد ☺️نرجع لذوق واقفه على الشباك تلعب بشعرها وتضحك قالت معقول فهد ينساني مستحيل فهد ينساك يالذوق هذا فهد وانا عندي فيه ثقه كامله ان ماراح يخليني يبي يرجع بس انا لازم انتظره حتى لو طول ابي ابقى انتظره لين يجي وياخذني من هنا 💔😔جتها ام الجوهره قالت ذوق تعالي تقهوي معنا قالت لا مابي قالت ام الجوهره ليه ي بنيتي عمك ماهو فيه واذا رجع ترجعين لغرفتك قالت ذوق كيف مسجون يطلع من سجنه ي عمه حتى اليل مانام الا الباب يتقفل علي  وكاني بسوي جريمه او مسويه شي جريمه وانا مادري وش جريمتي سكتت ام الجوهره قالت عاد وش نسوي بعمك مايسوي الا الي براسه قالت ذوق اخ ي عمه لو عمي معاذ موجود كان عمي مايقدر يسوي لي شي قالت عمك مشغول بعلاج وليده قالت يبي يرجع ويطلعني من هالسجن قالت آن شاءالله ورجعت ام الجوهره وذوق تكت براسها على الشباك قالت يمه اشتقت لك ولحضنك اذا تضايقت تحتويني فيه وينك يمه تعالي شوفي بنيتك وش صار فيها ذوق حزينه وتشكي لنجوم اليل عن حالها واشواقها لحبابها 💔عند الجده ام ذوق تعبانه قالت امها اكلي ي ام الذوق قالت يمه ماني مشتهيه بس جيبو لي بنيتي حرام عليكم تبعدونها عني من بقالي راح بندر ثم هالحين الذوق ياناس من اشكي لي حالي احرموني من قطعه من روحي جيبو لي ذوق قالت ام محمد فهده والي يهديك عاد وش نسوي حنا وش بيدينا انتي كذا تعذبين نفسك والله عطاك هالروح ماهو تعذبينها قالت ام ذوق ماجربتي الفقد ي ام محمد انا فقدتت بندر وذبحني الويل عليه وهالحين فقدتت بنيتي وابعدوها عن حضني قالت ام سلطان بسم الله عليها بنيتك تترجع لك بس انتي اصبري قالت ام ذوق وين الصبر الي تهرجوني عنه مالقيته ومن بقى لي جاء اخوها ابو سلطان قال انا ي فهده انا وانا اخوك ابشري بعزك وانا اخو فهده قالت فهده جب لي بنيتي ياخوي تقدر سكت ابو سلطان قال ياليت اقدر كان هالحين ولدي معي هالحين ماهو بس انتي حتى انا فقدتت اول شي عتاب وهالحين ولدها يعني من بقى لي منها قالت فهده ام ذوق وين فهد قال هج لخواله وخلانا والله يسامح الي كان السبب قالت فهده وش الذنب الي سويناه ياخوي انا بنيتي وانت وليدك وش قال ابو سلطان هذا ذبنا ان ماحافظنا عليهم واهمل ناهم ولا كان ماصار هذا كله قالت ام سلطان ليه وش ذنبهمهم ذنبهم انهم حبو الحب ماهو جريمه ي ناصر ولا هو شي محرم لو محرم كان لقيناه موجود بالقران الكريم وان كان جريمه امدي هالحين نصف الشعب معاقب عليه قال ابو سلطان وهذا هي عقوبتهم انهم حبو بعض شوفي هو وين وهي وين بين قسوه وظلم هالحياه الحياه تقسى على المحبين قالت حصه ذوق وفهد بيون يتزوجون واذكركم قال ابو سلطان لاتثقين في عمانها وانا اخوك عمها ماظن يسكت ويبي يزوجها واحد من عياله على شان فهد ماياخذها ويبي يقهره على ذوق وهدد فيها انا بفهم وشلون وصل له الخبر وشلون قال بنتنا تتمعشق مع ولدكم وحنا ماندري يغافلين لكم الله من وين جاء بهالسالفه ان ذوق وفهد يتمعشقون مع بعض  وحنا ماشفناهم وحنا الي معهم كيف هو عرف وشاف ولا يهدد بعد قالت ام محمد اكيد احد موصل له خبر او جايهم كذبه بهالخصوص وعلى شان كذا مارضى وجاء واخذها قال ابو سلطان اخ لو امسك الي كان السبب والله لذبحه سحر تناظر فيهم وخافت انها تنكشف وخافت اكثر من تهديد عمها ابو سلطان قالت يمه بروح للبيت قالت امها روحي ي قلبي وراحت سحر ناظر عمها ابو سلطان فيها قال ليه سحر توترت وخافت قالو هاه قال لا انسو يلا ي عين اخوك اكلي قالت فهده مالي نفس وماني مشتهيه قال على شاني قالت زين اكلت ام ذوق شوي على شان اخوها ضحك ابو سلطان وباس راسها قال الله يقر عينك بشوفت بنيتك قالت امين يارب 🥺💔المهم نامو واصبح الصبح يوم جديد لهم سطام جاء ومبسوطين فيه ضحك سطام قال قلتو فهد فيه وين سكتو جده وعمانه والكل سكت ضحك قال علامكم ورد روحي ناديه قولي سطام يبيك موجود عند جدي هو يتصل ويقول متى اجي طولت عاني جيت قالت ورد سطام فهد ماهو فيه خلاص ماعاد نشوفه حسبي الله انصدم سطام قال كيف ماعاد نشوفه وين فهد وعصب صاير له شي وماتبون تقولون لي قال جده اجلس يولد واخفض صوتك قال سطام جدي يبه عمي وين اخوي قال ابوه ابوسلطان اهدى ي ولد وين يبي يروح اخوك راح لخواله قال سطام لخوله كيف وهو يوم اتصل علي قال استقريت هنيا وهالحين تقولون راح لخوله ولا ماعد نشوفه وش صاير قالت ورد لسطام كل شي انصدم سطام من الي صار قال كل هذا صار وانتم وينكم قال مسلط وين حنا نتفرج بس تصدق نويت لعمها الموت لو اني موجود وقتها 😖 قال سطام ليه ماجبتو الذوق غصب عنهم كلهم وزوجتوها له غصب عن الي يرضى والي مايرضى 😡سطام حيل يغلي فهد ويحبه وكنه ولده يهتم فيه وكانه توم له صعب جده قال وين عايشين تجيبونها غصب وتزوجونها اخوكم بعد انتم انهبلتو مثله قال مسلط جدي لو بيدي زوجته ذوق بس وش السواه هاه صعب ابوهم عليهم قال لا اخوكم انهبل وراح وانتم جيتو هالحين وانهبلتو بعده عندي قال سلطان والله يبه لو مانبي بهالحال ولا اذا فهد قال لي اروح وازوجه ذوق لزوجهياه غصب عن اعمهاها وعيال اعمامها بعد قال جده لا ي ناصر حشى ماجبت ريجيل وش هال سكت جدهم قال سلطان جدي لاتغلط على ابوي قال ابو محمد لا جاء الخراب وخرب يقصد سطام 😭 ناظر فيه سطام قال وين فهد هالحين قال سلطان عند خواله كلمته قال سطام وشلونه سكت سلطان قال لاتسال عن لونه حاله ماهو زي حاله الي انت خابره قال سطام بكره نروح له ولا لا هالحين ماهو جالسين مكتفين واخونا وحيد حنا يد وحده وقفتنا مع اخونا وقفه جبل وراح نروح له ونسنده بعد حنا له عزوه مانبيه يحس انه وحيد وعاجز وخوانه ثلاثه وريجيل بعد ومعصب حيل من الي صار ويعاتبهم ضحك جدهم اعجبوه بنخوتهم لخوهم وفزعتهم له بعد ماسمعو بالي صار له سكت الجد ابو ناصر قال بعصبيه لا ماحد منكم يروح قال سطام انا رايح من منكم ياخويني قال سلطان انا معك قال مسلط معكم ماخليكم ضحك سطام قال يلا هالحين نمشي قال الجد انا اروح معكم ( لان الجد يعرفهم مستحيل يسكتون اذا فهد بغى يروح للمدينه لذوق وقال لهم يروحون معه ويبيعون ارواحهم على شانه ويروحون وتكبر المشكله ويروحون فيها بسبب تهورهم ) قال سلطان لا تكفى قال جده ليش لا سكت سلطان قال مسلط يلا خلونا نروح ومشو لخوال فهد الجد وبنيخيه وعياله سلطان و سطام و مسلط وابو محمد ابو سلطان كلهم راحو معهم جاهم فيصل قال على وين قالو لم الدوم نبي نروح لفهد قال بخاويكم وفهد طلب مني شغل وبروح على شانه قال مسلط بحصانك تروح قال لا بخليه هنيا قال سلطان خله عند ورد وفجر يهتمون فيه قال زين ورد قالت عندي ضحك قال امانه عندك حصاني ( عساف )قالت ولا يهمك بعيوني ضحك وركب معهم وعلى ام الدوم قالت الجده الله يعدي المشكلة على خير استودعكم الله والله هالسطام مجنون قيمهم وشعبهم معه وتضحك قالت ام سلطان الله يحفظهم ولا يفرقهم يارب حبهم لخوهم ماخلهم يسكتون ويارب تستر من سطام مجنون والله مثل ماخذهم لم الدوم لفهد لياخذهم للمدينه لذوق ضحكو قالو يسويها اذا جت براسه قالت ام محمد تربيتك تسلم هاليدين عليها قالت ام سلطان الله يسلمك هذا الي ابيه انهم مايخلون اخوهم وحيد ويقفون معه على السرى والضرى ضحكو ويدعون لهم انه يسر امرهم 😔