عشقتك وعشقي لك مرجله وعناد وقلبي اسير لك في الحب والشوق

84

سعود حطو له بخار وصفو له ادويه قال فهد طيب دكتور نقدر نطلعه قال الدكتور لا يومين ونخرجه قال نادر ماهو تقول بخير طمنا علاه تكفى قال الدكتور انصحكم كادكتور ان المريض يبقى بالمستشفى يومين لان حالته وهز براسه الدكتور وراح قال فيصل زين زين يقعد لمتى مايطلع وحنا معه سكتو جاء نادر معصب لسعود قال بنيه ي سعود توصلك لهنيا وش انت انت مانت بجبل وشلون ماتقول لي انتم تتجننوني ولا مفكرين ماتخلونا نرجع لديره الا وانا مامعي عقل مايلام فيكم سلطان قال سعود ي نادر شي ماتحس بشعوره لاتحكم علاه بالكلام الكلام سهل لاكن الشعور هو الاصعب سكت نادر قال مسلط بسم الله هالحين حنا وش سوينا ولا شي وشوله تهاوش قال نادر جدي ان درى مايسامحنا صدقوني يارب مايدريبنا بس قال فيصل ههه اجل تاخرت درى وهو هالحين جاي وكلمني وقلت بالمستشفى وترا قلت جايين ندور علاج لسعود وان جبنا مختصين ومن هالكلام مثل ماقلت يقصد فهد وسكتو قال فهد كفو ماقصرت وكلنا على هالراي سامعين قالو اي زين ونادر ناوي يبسطهم بالارض ويرض فيهم بس ماش ضحك سطام قال وين الضحكه اضحك ياخي وانت تضحك وش زينك وانت معصب ماتنقرب وين نادر البشوش ووسيع الصدر ابتسم نادر قال قدامي انت وياه ضحكو وراحو نرجع عند عزام راح لديرت ابو ناصر  لسعود نزل مافيه احد تلفت ماموجود احد الجده وام ذوق وسحر ورموس ودلع وفجر وذوق رايحين لم سلطان العزيمه عندها قالت ام ذوق هذه من قالت الجده اضاهر ضيف ولا عندنا احد قالت فجر لا سلطان بالديوان وتتروح لسلطان تقوله قالت للجده تعالي وراحو له قالت الجده هلا ي ولدي دنكك عزام قال وشلونتس ي خاله قالت ام ناصر الحمد الله ضيف قال عزام الله الله قالت ذوق حياك الله بس لحظه قيد شفت هالوجه ابتسم عزام قال وين قالت لحظه بفرحه عزام ناظر عزام باستغراب قال وشلون قالت اي انت عزام ولد عمي رفع راسه عزام وناظر فيها قال من انتي وشلون ولد عمتس قالت ذوق انا الذوق ي عزام اخيراً جيت وشلونك ووشلونها الجوهره وعمتي ابتسم وتنهد عزام اخيراً طلع يعرف احد موجود قال كلهم بخير ي خيه والله ي ذوق وكبرتي ضحكت ذوق قالت اي ماني بعلى خبرك صرت كبيره ومتزوجه هالحين يعني صرت كبيره ومبسوطه بشوفت عزام ضحك عزام قال مبروك وتتهني اجل ضحكت ذوق قالت دلع واو وطلعتو تعرفون بعض ويضحكون البنات ناظر عزام فيها وضحك وناظر بالجده ودنك ونزل عيونه بالارض قال اجل اترخص يخيه قالت ذوق وين قال عزام الواضح مافيه احد وانا جاي ابي سعود وعلى ماظن ماهو بموجود قالت ذوق سعود عندكم كيف جاي تدوره قال لا جاكم قالت ذوق وشلون ماجاء احد وش السالفه ي عزام قال عزام ولا يهمك يخيتي ماصار الا كل خير بعدين اسولفتس كل السالفه قالت فجر حياك الله روح لديوان وبتلقى سلطان فيه قالت الجده يالله انك تحيه ابتسم عزام وناظر بذوق ببتسامه خفيفه قال يلا انا رايح ضحكت ذوق قالت بحفظ الله عزام لاتروح ابيك بموضوع امانه لاتروح قبل ماشوفك ضحك عزام قال ابشري ماطلبتي شي وراح يم الديوان قالت دلع اوف صاروخ حتى بكلامه يهلك هلك ناظرو فيها قالت الجده والله اجل يلا وتشر بيدها روحي معه ضحكو البنات قالت سحر مامداك توه يبنت مسرع يهلكك حتى بكلامه ويضحكون قالت وين راح تفكيركم لاتبعدون فيه قلت هالكلام بدون حتى افكر وش اقول وراحت ضحكت ام ذوق قالت وش فيكم علاها ماقالت شي وهي صادقه عزام كبر ماهو بطفل الي كان مشاغب ماشاءالله عليه هيبه ورزه وانتم وش فيكم كليتوه بعيونكم وهو استحى خنت حيلي حتى عيونه مارفعها من الارض مرجج ماتطمعون تشوفون رجال وكانكم اول مره تشوفون قالت سحر عمتي وش فيتس ماعمى عيونا الا شوفت هالرجال كل شوي نشوف واحد وصراحه وتضحك احلى من الثاني وهجت عن جدتتها قالت الجده وهد حيلي ماعاد بنات هالوقت يستحون وضحك وراحو صوب بيت ام سلطان عند عزام دخل قال سلام قال سلطان يالله انك تحيه حياك الله ناظر فيه عزام سلطان جالس ولا قام ورحب فيه وهو واقف قال كاني جيت بوقت غلط فهم سلطان قال اعذرني ي ضيف بس مافيني حيله اقوم ناظر عزام بالعربيه و جاء عزام ومسكه وباس راسه قال البقى ولا تتحرك اعذرني ماكان عندي علم يشهد علي الله ضحك سلطان قال ولا يهمك معلاك معذور تفضل ومسك يد عزام وجلس عزام بجنبه ( عزام حيل مختلف طيب وحنون وقلبه اطيب مافيه ) قال طمني عنك قال سلطان ابشرك بخير الحمد لله قال عزام الله جعله دوم وتقهوى ومرت سوالفت بسيطه عزام مستعجل يبي يرجع للمدينه قال ياخوي بس ماقلتي لي وين القاء سعود والله اني مستعجل قال سلطان سعود راح لربع له بالمدينه ابتسم عزام قال بس هو راح من يم ربعه ورجع لديرته قال سلطان وشلون قال عزام انا عزام ***** قال سلطان من اي القبايل لانه شك انه يقرب لبو عزام قال عزام عتيبي قال سلطان انت من العتبان قال عزام الله الله عتيبي سلطان ونعم والله فيك وفي العتبان كلبوهم ابتسم عزام قال معليك زود تسلم عينك هنا سلطان عرف انه ولد ابو عزام ماغيره وسكت قال وينهم العيال كانو عندكم قال عزام جاي ادورهم ابي سعود ابيه بموضوع مهم قال سلطان وشهو موضوعك قال عزام ادري ابوي  جرحه بس الجرهره مالها ذنب بالي يسويه ابوي ناظر فيه سلطان قال اي دريت قالو لي بس ان جاء سعود تقوله الي تبيه قال عزام يعني مايتاخر قال سلطان العلم عند الله وسكت عزام نرجع عند ابو ناصر وصل المستشفى ونزل وراح صوبهم قال نادر خلونا طبعيين قال فهد معلاك وانت تحكم باعصابك يقصد سطام قال سطام باحاول ماقول متاكد ترا تنهدو منه وحاوكوه بعيونهم ولف وجهه عنهم جاء ابو ناصر وابو ضاحي قالو هلا جدي وسلمو عليه قال فهد جدي وشلونك مارد ابو ناصر قال سطام بضحكه جدي بسم الله وش صاير وشلونك وشلون الاهل وراك عمي وشلونك قال ابو ضاحي الحمد لله وش جابكم هنيا قال فيصل قلنا لك وش لنا هنيا قال ابو ناصر مدري ليش ي فيصل انك مانت بصادق قال مسلط افا قال فيصل تمون ي عمي بس الله اني صادق ضحكو العيال قال سطام الله حنا ندري انه الله جبت شي جديد بالله علاك قال فيصل اسكتو لاتفضحوني اسكتو ونعمه بالله قال نادر السموحه ي جدي جينا بدون نقولك بس كنا نبيهًا مفاجأة بس هاه خربتوها قال ابو ضاحي بس الي جانا عكس الي قلتوه ناظرو ببعض قالو وشلون عكس الي قلنه وانتم وش دراكم ومن قال لكم ان حنا هنيا سكتو ابو ضاحي وابو ناصر قال ابو ناصر عيني لاتشوفكم ولا تهرجوني حتى وهو زعلان لانه يدري انهم رايحين وكل هالاربع الايام هذي كانو عند ابو عزام وخوانه قال نادر افا لاوالله مايزعل علينا طويل العمر اعتبرها اخر مره وبعدها كل شي نقوله لك خلاص ولا تزعل المهم عندنا خاطرك مايتكدر والسبب حنا عيالك ناظر ابو ناصر بنادر بحنيه قال وانا وشلون اقدر ازعل منك وانا جدك ادريبك ماتسويها بس هم الي لعبو علاك وخذوك معهم ابتسم نادر قال تسلم ي جدي انصدمو فيصل وسطام ومسلط وفهد قال فيصل اوف ابك قويه قال مسلط افا ي جدي قال سطام انت والي يسلمك كل شي بروسنا وشلون نادر مايسويها وبشرك هو القايد ناظر فيه نادر وده يموته وسطام يضحك عرف انه احرق كبد نادر قال نادر اصبر لين جدي وعمي يروحون وتعيد كلامك لي ضحك سطام قال فهد جدي سكت ابو ناصر التفت لجده ابو ضاحي قال جدي مايهون علي زعلكم يهون علي زعل هالدنيا ولا يهون علي زعلكم ماكان باليد حيله فار دمنا ولا قدرنا نمسك روحنا وانا حر ووعد الحر دين وهذه انا اوفيت بوعدي وباقي للوعد واوفيه لنهايه وهذه الي علمتنا علاه نكون يد وحده والي يصير على واحد يصير علانا كلنا واليوم تجي وتقول انك زعلان علانا ومن متى الزعل ي جدي بس على شان وقفتنا مع اخونا لان فهد فهم على جده سكت ابو ناصر وطلع هز راسه ابو ضاحي وطلع ورا ابو ناصر التفت نادر لسطام قال سطام شوف ماني برايق لك يلا فر مناك قال نادر والله لعلمك وشلون تتفشلني عند جدي ماطمعت انه ماهو بزعلان علي تجي وتقول انا قائدكم اجل شف قايدك وش بيسوي لك ومسكه وشوي مناقرات بينهم وضحك علاهم نرجع عند البنات البنات قالو لورد الي صار ورد جوها هالاشياء قالت ذوق يوه عاد ورد نعرف وش جوها قالت ورد وانتي صادقه بس ماني بموجودة عصبت دلع قالت مثل ماهي عطتت رايها بمشاري ومثل هذي الثانيه عطتت رايها بنادر وانتي مثل ماعطيتي رايك بفيصل وش دعوه ماقلت شي بس من باب صفحات الكلام قلت وعيه تف علاكم وقامت من جمعتهم وراحت بحضن عمتها ام ذوق وخزتهم بعيونها ضحكو قالت ذوق حرام علاكم ماقالت شي هي ترا بس انتم تحبون الدراما قالت ورد شوفي جونا كلنا هالدراما وانتي معنا ترا واتركي عنك ضحكت ذوق قالت يارب صبرك نرجع عند الجوهره طلعت من غرفتها وهي متضايقه وراحت لحمد وابوها وعمها ابو عمر بالديوان شافت ابوها ورجعت ورا الباب وتبكي ذكرت سواته فيها وشلون خانها بكلامه شافها عمها ابو عمر قال تعالي ي عمي التفت احمد وفز لها وراح قال هلا ي روح اخوتس وش فيتس وش محتاجه قالت الجوهره احمد وينه عزام قال عزام يومين ثلاث وبيجي ان شاءالله قالت مدري وكنها ماهي طبعية مسكها احمد قال علامتس ي عين جدي قالت لا مافيني شي ورجعت راح احمد لعمه وابوه قال اترخص بروح للجوهره وراح مسكها التفت له وابتسمت قالت احمد قال احمد اي احمد جاي بجلس معتس ولا ماتبيني وبقولتس خبر زين قالت الجوهره لا بس يوم مسكتني خفت وش هالخبر والله محتاجه هالخبر اذا هو زين قال احمد ابشريبه هالحين بس من نوصل قالت طيب وسكتت وبعد ماوصلو البيت دخل احمد والجوهره معه قال وين قالت الغرفه وترا اميره موجوده قال اي اي معلاه وهذه الي ابيه ويضحك وراحو لغرفتها وجلست الجوهره فزت اميره كانت منسدحه بالطرف الثاني من سرير الجوهره وناظرت فيهم قالت الجوهره تعال وش عندك قال احمد تقدرين تباركين لي خطبت ويناظر باميره ويضحك ناظرت فيه اميره قالت شنو وهي يدها على قلبها ضحك قال لاتموتين شوي شوي على قلبك دنكت اميره ضحكت الجوهره وقالت منهي سعيدة الحظ وتناظر باميره قال احمد الي مغيرها بهالغرفه وجالسه حولتس ويناظر باميره ضحكت الجوهره وفزت وحضنت اميره قالت مبروك ومبروك ي اخوي تتهنو وهي مبسوطه لهم ضحك احمد اميره وجهها احمر قال احمد لها وش مافيه مبروك لنا قامت اميره تتهج التف يمها ومسكها بيدها احمد قال وين خلاص انا خطيبتس دنكت اميره قالت تقولها ببرود بعد قال احمد وشلون اقولها اجل ويسحبها ويوقفها قدامه قال يسعدي ويهناي وانا معتس شوي وقلبي بيطيح قبل عمي لايعطي موافقته لي ولبوي بسكوته شفت الدنيا اسودتت بوجهي استحت اميره الجوهره طلعت من الغرفه اميره جوهره يويلك مني تعالي الجوهره امي تناديني غمضت اميره قالت بصوت خافت كذابه ضحك احمد قال مبروك ي نظر عيني سكتت اميره وهي كل شعورها فرحه حلوه وبسعاده بس التوترلابد منه قالت يبارك فيك وانت وتتهج قال لا ماشبعت من عيونتس وهو ماسك يدها لفت وجهها اميره عنه قالت احمد والي يسلمك خلني اروح قال احمد اخاف ان خليتس ماعاد اشوفتس مثل قبل لان بعدها بصفت خطيبتس ماراح تخليني اشوفتس وارتوي وشبع بشوفتس رجعت اميره وهي اول مره تحط نظرها بنظره بدون اي خجل قالت الي تحمل سنين يتحمل لين نعرس بس خلني اروح ابتسم احمد وده يدخلها جواه قال بخليتس بس ابي عوض منتس قالت وقتها اعوضك قال زين وتركها وقفت على الباب اميره قالت اتمنى صبرك طويل لان بخليك تشتاق لي التفت لها احمد قال وانا بكل ثانيه اشتاق لتس فرقت هالمره يويلتس مني والله ي اميره اعاقبتس على كل شي تسوينه فيني هالحين بعد ماتصيرين ببيتي دنكت اميره قالت ماهو بيدي والله وهجت ضحك احمد وطلع ينادي الجوهره جت الجوهره قالت وش فيك موجوده ضحك وحظنها احمد قال يروح اخوتس تديمين فوق راسي ي خيتي ضحكت الجوهره قالت وش قلت لها وش قالت لك وليش احس شوي واشوفك بالسماء من فرحتك قال احمد وش بقولتس يالله يالله تحط عيونها بعيوني منه لين نعرس بتلقيني منها ميت وبخبر كان ضحكت الجوهره قالت بسم الله علاك ياخوي تعال معي ورجعو للغرفه احمد عنده فضول بالي صار ذاك اليوم قال الجوهره هي بحضنه قالت هاه قال احمد وش قايلتس ابوي قالت الجوهره اخ ياخوي لو تدري وشلون وثقت فيه وخاني جلس احمد وقامت الجوهره من حضنه قال وش وشلون خانتس قالت الجوهره ابوي خذيت منه وعد مايذي سعود ولا يذي فيه شعره ووعدني انه ليجيب لي سعود وخذ مني وعد بس ماحدد لي كان وعد فاضي ماحدد لي وش كان مقابل هالوعد على شان كذا وقبل مايروح سعود ذكرني فيه وخفت على سعود من ابوي ومدري تربطتت يديني ورجليني بالله ي اخوي ابوي ليش يكرهني هالكثر وش انا مسويه له الي يشوف الي يسويه معي ولا او وحده غيري قالت انها مو بنتكم قال احمد استغفر الله بنتنا وبنيت قلبي اذكرتس يوم جيتي كنتي هالقد قالت بسالك ي احمد واحلف لي تقول لي قال احمد والله اقولتس الي تبينه وش قالت اول ماجيت ابوي خذاني بحضنه واول من خذني من سكت احمد قال ارتاحي وقام بيروح قالت الجوهره حلفت لي لاتخلف بحلفك خاف من ربك ي اخوي انت حلفت بالله قال احمد بعصبيه اي بحياته مخذاك بحضنه ولا مره وحده واول من خذاك بحضنه هو قالت بلهفه من قال احمد عزام عزام خذاك من اول ماجيتي بحضنه وكنتي تبكين ماتسكتين الا معه عزام صار لنا اب بعمري انا ماحسيته اخوي الاكبر مني حسيت ان هو فعلًا ابوي كل شي هو معي فيه مرضي وقت امرض يخاف علي ابوي ولا درى عني كل وقته مع اشغاله منشغل ووقت اطيح بالمدرسه بمشاكل يرفض يروح معي اذا ادعوه للمدرسه يرجع ويروح معي عزام ومشاكلي مايطلعني منها غير عزام قالت الجوهره ربي عوضنا عن حنان ابوي بعزام صار ابو لنا عزام بحياتي ماحسيت انه اخوي وبس لا ولله حسيته ابوي واخوي وصديقي وكل شي ابتسم احمد وحضنها قال الي قلتيه لي قوليه لعزام ويضحك مسحت دموعها الجوهره قالت وهالحين لو تخيروني بين ابوي وسعود صدقوني بختار سعود ابوهم وأمهم واقفين على الباب ناظرت ام الجوهره بابو عزام قالت بدال متتقرب من بنتك وتحتمي فيك بنتك راحت بتحتمي بغيرك لاتسال ليش لين سعود يخاف علاها اكثر من نفسه يرضى يوجع نفسه بس ميرضى ان الجوهره تتوجع وهذه الشي شفته يوم سالفت طليقها من عرف انه يضربها ولا تنسى من اشترى حريتها ولا اذكرك وراحت وتركته ناظر ابو عزام بغرفه الجوهره قال حتى مانسلم من هالعايله وشلون اقول لكم مابي اجوز بنتي من هالعائله وطلع متضايق احمد حضن الجوهره قال ارتاحي خلاص ماضي وزال ان شاءالله المهم ومر يومين سعود طلع من المستشفى ورجعو لديره راسلت ذوق فهد وينك قال فهد باقي ماجينا ويضحك سكتت ذوق قالت سحر انتي اشغلتيه معلاه وانا اختس اصبري بيجي إن شاءالله سكتت ذوق قالت بس هو وعدني يجي وماجاء ماراح اهرجه ان جاء ضحكت سحر قالت ماتهرجينه اجل بنشوف يلا ان جاء نشوفتس تصبرين قالت ذوق نشوف وهي تفكر متى يجي اليوم قال لا وبكره وش يبيقول لا بعد مر الوقت عادي مافيه احداث جديده المغرب جاء الجد واحفاده والكل مبسوط بجيتهم وراحو يم الديوان بالاول دخلو عند سلطان قال ابو ناصر سلام وناظر بعزام قال ي مرحبا ويناظر بسلطان قال سلطان جاء ضيف العيال يضحكون دخلو ناظرو ببعض ورجعو ناظرو بعزام قال سعود عزام ابتسم عزام قال اي عزام وش تتوقع لي يومين انتظرك قال سعود ي هلا ربحت الغوالي ضحك عزام وحضن سعود استغربو من سعود وعزام قالو العيال ي هلا والله نورت الديره قال عزام بوجودكم ناظر بسعود قال سلامتك ماتشوف شر وش فيك قال فهد تعب قبل يومين ودخلناه المستشفى قال عزام سلامتك قال سعود الله يسلمك ابو ناصر عرفه وسكت لانه ضيف عنده وكان الجو هادي 😞فهد قال استاذن منكم بروح اشوف الاهل قالو كلنا معك وقامو معه خوانه مسلط وسطام وراحو لجدتتهم