عشقتك وعشقي لك مرجله وعناد وقلبي اسير لك في الحب والشوق

104

الجوهره الي تبكي وتندب حظها قالت يحظ مانت ناوي تزين ولا باقي تود بموتي يارب ادري كل هالشي مكتوب لي وتتعطيني الافضل بالاخر عندي بك قوه وايمان بس يارب هونها علي طلبتك ومسحت دموعها ونامت اخذت غطه وهي تبكي جاء ابوها من عرف انها طلعت من البيت بدون اذنه بغضب وبصوت حاد قال وين العار عاري وين  وسع عيونه معاذ وفز  يشد يد اخوه الكبير بغضب ونسى انه اخوه وبحده صوته قال انت صاحي من تقول عنها عار هاذي بنتك ي مهبول هاذي عرضك وشرفك  وشلون تقول عنها عار وعيونه تقادح شرار وحمرا قال ابو عزام هاذي وطت راسي ماتشرف فيها بنت لي قال معاذ لاتخليني اغلط عليك ولا ماراح يصير شي طيب عشان شنو وطت راسك هالبنت صلحت الغلط الي كنت تتسويه انت غلطان ولا انت معترف بغلطك مالك ومال الناس بتقنعني عشان الي سواه فيك ابو ناصر وتقول تحب ولا نسيت المرحومه راحت لربها وانت جالس تصنع مشاكل لهلها لو عايشه ماهي براضيه تسوي الي تسويه بهلها كان كرهتك بسبب سواياك هاذا ماهو بحب ي مجنون ناظر ابو عزام فيه قال بسوي كل شي عشان ادمر حياة ابو ناصر حلفت لنتقم لها عصب معاذ قال ماراح تفهم لو نفهمك منه لبكره حصه خافت اول مره تشوف معاذ بكل هالعصبيه وراحت تصحي الجوهره قالت الجوهره قومي ابوك فيه وعمك معصب قومي فزت الجوهره من سمعت باسم ابوها قالت يعني مو حلم يويلي بيذبحني قالت حصه لا عمك معاذ ماراح يسمح له واشتداد الكلام بينهم وراحو حصه والجوهره يركضون الا معاذ ناوي يمد يده عليه ويذبحه صاحت الجوهره قالت عمي لا ابوي وقف معاذ والتفت بالجوهره قال ابوك انجن ي الجوهره قالت يبقى ابوي ي عمي تنهد معاذ قال اخ ي عمي لو بيدي شي واعينك على الي يصير معك  قالت الجوهره شي مقدر لي ومكتوب هاذا حظي ي عمي وش بيغيره دامه مرافقني من صغري ماعاد باليد حيله ي عمي قلت استسلم له ايام واطلع من المدينه وافتك ضحك ابوها قال ماتطلعين منها الا على جثتي قالت الجوهره باي صفه ؟ قال ابوك ضحكت الجوهره بستهزاء قالت ابوي من متى ابوي ابوي مايشوفني  غير عار عليه ؟ وناظرت بعمها قالت ي تاج راسي انت ماقصرت احتويتني ببيتك ولا اعترضت وانا مابي يصير خلاف بينك وابينه ومشت لحقها ابوها قال وين قالت لقبري قال ابوها أن شاء الله تنهدت الجوهره وجت وجلست بصاله قالت امها وين كنتي ي بنت ؟ ماردتت الجوهره على امها قالت انشدك تنهدت الجوهره قالت وينك ي عزام ياخوي ويابوي اختك بحاجتك ضاقت علي ياخوي احمد سمعها قال انا موجود صدتت عنه الجوهره قالت مالي بهالدنياء غير عزام كان لي احمد بعد واحمد صار علي بدال مايصير معي جاء احمد وجلس قدامها وحط يدينه على ركبها قال اسف ادري اعتذاري مايسوي شي بس الي اقدر عليه ويعطيها وجهه ولف لخده قال رديها لي ناظرت الجوهره فيه وحست بالندم الي بعيون اخوها قالت وعيونها دموع قالت اكثر ماوجعني كفك لي اما الباقي صار عندي عادي الا انت ي احمد ماتوقعتها منك وصارت المشكله ياخوي ان بدال ماتصف جنبي صرت علي قال احمد وهو يشد على يدينها قال سوي فيني الي تبينه بس لاتزعلين مني مخنوق وضيقتي ذبحتني من يومً مديت يدي عليك بس خفت عليك من ابوي يذبحك كانت ردت فعلي بسبب خوفي عليك والله لفت وجهها الجوهره عنه ومسحت دمعها الا فيه اصوت جايه من برا قال احمد وش صاير قالت سمعت صوت سعود قال احمد لا مستحيل وش يجيب صوت سعود وقامو الا ابو ضاحي وسعود والعيال جايين وابو عزام يتهاوش معهم قالت الجوهره يبه قال ادخلي ي بنت لاتردين علي الكلام بكت الجوهره وعيونها بعيون سعود وهزت براسها وبتدخل مسك يدها احمد وقفها جنبه قال لا الجوهره بتبقى معي قال تعصاني ي ولد قال احمد محشوم يبه بس ماراح اعيد غلطتي وراح اقف معها هالمره ناظرت فيه الجوهره وعيونها دموع ابتسم لها احمد قال دامي معك طالبك لايتضايق خاطرك هزت راسها الجوهره وقلبها متقطع من الي يسويه ابوها معها ومع سعود واهله اي قال سعود الجوهره طمنيني ي بعد حيي وشلون خاطرك قالت الجوهره خاطري ي سعود متدمر بغيابك قال سعود ماعاش راسي ان ماصرت لخاطرك الدوا والجبر قالت ضربني ي سعود ولا رحمني وانا بنته هلكني ضرب وتشكي له غمض سعود عيونه بقهر قال بروحي ولا فيك ومسك ابوها من ثوبه وبعصبيه على ابوها وبيخنقه مسكه جده وفيصل شد يده سلطان قال اهدى لف سعود وعيونه بها غضب قال وشلون اهدى وانت ماسمعت صوتها مبحوح من البكي وشلون عيونها وهي تشكي لي من الضيم الي جاها بغيابي قلي وشلون تقول اهدى ويهف ابوها قال وش انت من ابو ي الردي قال فيصل لاتزيد الطين بله اسكت قال ابو عزام تتمد يدك علي وجاي تبي بنتي قال سعود ان مخدتها بالطيب اخذتها بالغصب قال تتحداني قال الشرع يجيبها لي والله ثم والله لولا سواد عيونها كان ساجنك من زمان بس ماذبحني الا الوعد الي قطعته لها ان مارفع عليك لاقضيه ولا نسجنك بس شوف عينها انك ماتستاهل قالت ام الجوهره ي رجال اقصر الشر تقصد زوجها قال ابوعزام هالبنت مايجيني من وراها الا المصايب قالت الجوهره يبه عشاني خلاص اهدو وراحت تركض داخل تبكي قال سعود اسمع كلمة ولا اني بمكررها مره ثانيه ان جتني تشكي لي منك والله والي رفع سابع سماء لدفنك قدام باب بيتك وانت تشوف لخليك عبره لمن يحاول ينزل دمعه من عيونها واشتد الكلام قال ابو ضاحي الله يهديك يولدي اقصر الشر ماجينا نبي مشاكل جينا نتطمن على بنتنا ونمشي قال ابوها مالكم عندي بنت يلا تسهلو قال سعود ماروح وناظر بالجوهره واقفه ورا الباب وعيونها بعيون سعود هزت براسها سكت سعود فهم وش بخاطرها قال لا اله الا الله مشينا ي جدي ودخل بيته ابو عزام  وسحبها معه قال سلطان اهدى وانا اخوك ماراح نستفيد شي كثر الكلام مايجيب فايده اسكت وبنحلها ان شاءالله تنهد سعود ويضرب بالسياره بعصبيه وقهر قال متى متى ي سلطان قال قريب اوعدك سكت سعود وهو مخنوق نرجع للجوهره جاء ابوها مسكها من ذراعها قال سعود تنسينه ناظرت الجوهره قالت وش امرتني ؟ قال ابوها الي سمعتيه قالت مستحيل قال ابوها غصب عنك ناظرت الجوهره بامها قالت دقيقه وراحت المطبخ وجابت سكين قالت اخذ ناظر ابوها باستغراب قال وش ذا قالت الجوهره مانسى سعود لو تقطع شراييني بهالسكين سعود هو دمي الي يمشي بهالشرايين فيالله وتمد السكين عليه نسيني سعود تقدر سعود هو حياتي وهو مماتي ان عشت انا لسعود وان مت انا لسعود لو تذبحني وتموتني مانساه قالت امها لاتنهبلين وش قاعده تقولين قالت الجوهره الي سمعتوه اموت ولا اتخلى عن سعود زواجي الاول اخترته لي انت وش شفت منه الضرب والقهر وتعد على اصابعها من حماني منه ووقف بجنبي سعود الي هنته ورفضته اكثر من مره وهالمره اختياري هو سعود ولا راح اتخلى عنه لو مقابل نسيانه موتي فانا جيت وقلت لك قراري وانت حر تتذبحني ولا تدفني انت حر بس انسى ان بتخلى عن سعود وكان الباب مفتوح وسمعو الي دار بينها وبين ابوها ابتسم سعود من سمع كلامها وازدادت شجاعته وعشقه لها ناظر ابوها فيها قال زين تعالي واخذها بيدها نرجع لحمد يتعذر من سعود وابو ضاحي والعيال ويناظر ببيتهم لانه سمع مثلهم قال ابو ضاحي الغلط ماهو بغلطك ابوك الله يهديه وانا عمك يلا ي عيال وركبو سعود كان بيركب فاتح الباب الا ابو عزام طالع من باب بيته وبيده الجوهره قال وين رايحين نزل سعود ويناظر بابو عزام وبالجوهره الي ماسكها من يدها قال نسيتو ذي هنا ويدفها على سعود ( هفرها وكانت بتطيح) وسع عيونه سعود ومسكها بيدينه وشدها على صدره قال مجنون انت الجوهره تبكي وبعدتت عنه قالت يبه لاتسوي فيني كذا قال البنت الي تختار زوجها على ابوها قطعت علاقتي فيها احمد مسك ابوه قال يبه وش تسوي هاذي الجوهره قال ابوه من الجوهره ماعندي بنت بهالاسم قال احمد مستحيل ان بتتخلى وتتبرا منها ماتخلى عنها انا هاذي اختنا و حيدتنا قال ابو ضاحي لا اله الا الله يلا ي بنيتي ارواح الجوهره واقفه ماتبي تروح ناظر فيها سعود فهم عليها قال وش قرارك تبقين ولا تروحين معي اسمعي ماراح الومك ولا احط الحق عليك ولا اني مخيرك مثل ابوك بيني وبينه هذولي اهلك ولو تبين تبقين معهم هاذا حقك وانا بنتظرك طول العمر طول ماني عايش بهالدنيا سعود حلالك وملكك فكري لا تتسرعين بقرارك نقطه مهمه اهلك مالك غنى عنهم مايبي يحطها بين نارين هو واهلها وبيلف يروح مسكته بيده الجوهره وناظرت ببوها الي رماها للمره الثانيه ولا فكر وقال هاذي بنتي قالت توقعت منك كل شي الا هالشي لاكن بحياتك لاتجي وتقول بنتي بوقتها ماراح اعترف فيك وان جاء عزام لاتقولون اختارت تروح مع الغريب على قولتكم قولو الغريب حماها من ابوها الي جابها لهدنيا بدال لاتحتمي فيه وتشوفه لها سند وذرى احتمت بالغريب الي احتواها ياحمد قل الجوهره خابت ضنونها فينا حنا خذلناها ياخوي جرحناها واذيناها بوقت طيش ناظرت بسعود قالت اوعدني تسندني طول عمري وتبقى سندي وعزوتي تبقى الظل الي احتمي فيه اوعدني تصير لي النور الي احتويه بوقت الظلام وتصير لي الدوا وقت المرض وتصير لي الدفاء بوقت البرد قال سعود اوعدك ماتشكين مني بيوم لصير ظلالك لو تبين ماملك الا هالروح وهي من الاساس لتس بكت وغمضت عيونها الجوهره قالت ظلالك علينا كلنا مو انا وبس جت اميره تركض قالت الجوهره بكت الجوهره وراحت تحضن اميره قالت ابوي تخلى عني قالت اميره ابوك معصب مايسويها قالت الجوهره سواها ي اميره كسروني بكت اميره وتناظر باحمد قالت وش فيك واقف هاذي اختك قالت الجوهره انسي الموضوع وتناظر باحمد صد احمد مخنوق وعيونه مغاوره بالدموع مايقدر يخسر اخته ولا يعصى ابوه ان عصى ابوه امه الضحيه وماراح يحميها احد بعده بيحط ابوه حرته فيها قالت يلا ي سعود وركبت ركب سعود بينها وبين سلطان وناظر فيها قال انتي بخير ؟ ناظرت فيه الجوهره وبجده وبسلطان وفيصل قالت خلها على الله ولفت وجهها عنه ومشو لديره وكاتمه بكاها وكانت شهقتها صدى بالسياره التفت سعود صوبها ومسك يدها قال ي بعد روحي وشبك ؟ ناظرت الجوهره ودموعها غاسله وجهه قالت تخلى عني بسبب عدم فهم مني ناظر فيها سعود وتنهد قال كله بسببي انا الي المفروض اتحمل كل شي صار ناظرت فيه الجوهره وشافت الزعل بعيونه قالت لا انا مو ندمانه على الي سويته عشانك  انت طير حر ومايناسبك السجن مكانك هي الحريه انت قلت ماملك الا الحريه ومستحيل اشوف حريتك مقيده بسبب واحد من اهلي وماسوي شي ابتسم سعود وسكت مايقدر يقول شي قدام جده والعيال المهم مر الوقت وصلو مابين العصر والمغرب الجوهره نزلت وراحت ركض على بيت ذوق قال سعود الجوهره وين رايحه ماردتت عليه مسكه سلطان قال اهدى خلها تهدى اول شي سكت سعود قال ماقدر اشوفها بهالحال وانا مكتف الايداي قال فيصل علامك انت مهبول خلها تروح لذوق يمكن بتفضفض لبنت عمها خلها على راحتها لا تكتمها ناظر سعود فيه قال جده ابو ضاحي صادقين اهدى لاتصير خبل البنت تبي راحتها لا تحرجها سكت سعود قال اي انا المهبول وانا الخبل وانا المجنون لاتخلون شي الا و قلتوه دموعها بصدري سكاكين مخنوق لان مابيدي شي اسويه عشانها قال سلطان و مصروع قال سعود كملتوها سلطان يضحك اصبر بكره تنسى كل شي ابتسم سعود قال ماظنتي والي جاها من اهلها ماهو بهين وراح اتصل بفهد قال وينك قال ببيتي قال وشلون ببيتك الجوهره جتكم قال مدري ماشفتها قال تعال ابيك ضروري قال فهد زين نرجع الجوهره طقت الباب قال فهد ذوق الجوهره على الباب اطلعي لها قالت ذوق بسم الله الجوهره وشلون وقامت فتحت الباب قالت ذوق الجوهره بكت الجوهره وحضنت ذوق قالت تعبانه ي ذوق وميته من التعب وانهد حيلي من ضيقت صدري ي خيتي ذوق حضنتها قالت بسم الله عليك من التعب والضيقه وش صاير معك قالت ابوي قاطعها فهد قال انا طالع ويناظر بذوق وطلع راح لسعود قالت ذوق بحفظ الله تعالي معي قولي لي الجوهره بكت وحضنت ذوق قالت ابوي تبرى مني وقال ماعاد انا بنته قالت نعم !!! قالت الجوهره اي واحمد ضربني بعذر انه خايف علي من ابوي يذبحني وامي ماوقفت معي ليش هم معي كذا حضنتها ذوق  قالت ولا يهمك ي روحي انتي وين عزام مستحيل كل ذا صاير معك ويسكت مسحت دموعها الجوهره قالت مداوم مو موجود لو كان موجود ماصار معي كل ذا وماحد قال له قالو مشغول وسكت قالت الجوهره  ولا يهمك بيجي ان شاءالله وياخذ حقك اسمعي البنات يعزمون على القهوه ببيت جده خلينا نروح وتوسعين عن صدرك قالت الجوهره لا روحي انتي انا بنام راسي يوجعني قالت ذوق لا ماقدر وين وانتي ببيتي قالت الجوهره خوات ولا بينا هالشي روحي مو ناقصه انا ابي لحالي احسن تكفين ذوق قالت ذوق اجل اعتبري البيت بيتك وانا مو مطوله قالت الجوهره طيب قالت ذوق ارتاحي وان صحيتي تقولين لي كل شي بتفصيل هزت الجوهره راسها اي ابتسمت ذوق وطلعت الا تشوف سعود واقف مع فهد ومتوتر  نرجع لسعود قال فهد وش صاير روعتني صاير معك شي قال سعود اي ابو عزام النذل جرح الجوهره وتبرى منها وقال ماعد هي بنته قال فهد وشلون بنته معقول قال سعود كل شي توقعه منه ماقهرني الا اني مادست ببطنه وفقعت وجهه هو وجهه الاسود الي كنه كفره مبينشره ضحك فهد قال ويومنها بخاطرك وراك مابردتت خاطرك فيه قال جدي وسلطان ذبحوني ان رحت مكان لاتاخذهم معك انصحك ضحك فهد قال وش بتسوي هالحين قال سعود محتار ي اخوي قال فهد تبي رايي ناظر فيه سعود قال وشهو قال تزوجو وريح هالمسكينه ابتسم سعود قال وشلون وهي زعلانه وموجوعه لا ي فهد مانبسط وهي بصدرها نار شاعله ومقهوره مابني سعادتي على حزنها مو وقته ابد قال فهد اخذ رايها وشوف بعدها ماقول انبسط انا بس جت ذوق قالت سعود فز وقال سعود وين الجوهره قالت بالبيت اذا بتروح روحو قال اي بروح ويناظر بفهد قال فهد روح عادي تناظر فيني وكنك تاخذ اذن مني ويضحك قال سعود اقول انثبر اقصد بيتك عادي اروح له ولا من انت حتى اخذ الاذن منك اذلف عن وجهي قال فهد بيت اخوك مايبي تاخذ اذن عشان تروح له ضحك سعود قال اجل رايح وراح لبيت فهد للجوهره ناظر فهد بذوق قال وش صاير معها قالت ذوق تقنعني ان سعود ماقال لك شي ضحك فهد قال مو كذا بس بتطمن ضحكت ذوق قالت تطمن انا بروح للبنات وانت وين بتروح قال فهد بضحكه افكر ارجع البيت قالت ذوق نعم اخوي !!!! وسع عيونه فهد قال وش قلتي اخوك انا قلتي لي اخوك ضحكت ذوق وماسكة ضحكتها قالت اي بتروح تخرب عليهم خلهم على راحتهم اشوف بعيون سعود كلام كثير لاتروح قال والله وصايره تفهمين بالعيون انتي وجهك قالت ذوق اكيد مو مثلك بدرعم على وجهي اوف وتقلده برجع البيت قال هالكلمة بتتحاسبين عليها بعدين وانا بروح لجدي يلا ضحكت ذوق قالت طيب اخوي قالت فهد بعصبيه ذوق ضحكت وهجت ذوق قالت اهدى لاتعصب امزح ضحك فهد ومابين لها ضحكته وراح لديوانيه لجدانه نرجع لسعود طق الباب الجوهره من على بالها ذوق نست شي وفتحت الباب قال انا سعود ناظرت فيه الجوهره ولفت وجهها عنه قالت هلا سعود وش بغيت !! قال ابيك منشغل بالي عليك قالت لاتخاف مافيني شي وتسوي نفسها قويه قرب سعود ومسكها بذراعها ومسح بيدينه عيونها قال بس الي اشوفه هالعيون تقولي غير الي يقوله لي لسانك تغاورت عيونها دموع قال سعود تعالي وجلسو بصاله مسك يدها سعود وجلسها بجنبه ورجع حضن يدينها بيدينه قال لاتاخذين بخاطرك ي مال الغناه ماعاش من يزعلك لو انه انا ابتسمت قالت يخليك لي ي عوض قلبي انت وفرحت سنينه ابتسم سعود قال قومي تسبحي وارتاحي واي شي تطلبينه على هالخشم يصير لو بين هالروح اطلعها واحطها بين يدينك ها وشتبين بعد ضحكت الجوهره قالت بسم الله على هالروح وراعيها طيب الي تشوفه وقامت تنهد سعود مر الوقت سعود راح بعد نامت الجوهره  نرجع للجد ابو ضاحي شار للعيال يسوي العرس دام مجهزين من قبل قال سلطان شور طيب قال ابو ناصر وانا اشوف زين نسويه ومنه نسوي عرس مشاري وسطام قال سطام جدي وش دخلني انا عرسي ابيه لحاله قال سلطان ليه لحال دام مسوي عرس نجمعكم بعرس واحد ونوفر المصاريف قال ابو سلطان اشوفه راي زين سكت سطام لان مايرد لبوه كلمه انتبه قال طيب مشاري ! من متى ماقال لنا بيعرس ضحك الجد ابو ناصر وناظر بولده ابو محمد قال اذا عمك ماعنده مانع ابي ريماس لمشاري ضحكو فهد وسلطان وفيصل وسطام قالو والله اكلها قال ابو محمد البنت بنتك يبه ولا تشاورني فيها قال حمدلله بفرح بعيالي على بركة الله اجل سطام توتر ضحكو فيصل وسلطان وفهد قالو علامك خايف من الزواج ويضحكون قال سطام وش يخوف هاه مستحيل يخوفني العرس ترا عرس ماهو حرب ومسوي مو متوتر قدامهم قالو نشوف بكره مر الوقت فهد نام مع العيال بديوانيه وحمدلله تحدد العرس