عشقتك وعشقي لك مرجله وعناد وقلبي اسير لك في الحب والشوق

69

سلام عليكم
معليش حبايبي كانت عندي ضروف وضيق الوقت على شان انزل لكم فيه ونزلت لكم بالصفحه اعتذر عن تكمله الروايه مواقتاً وهالحين رجعت لكم 🥺♥️
نبد بروايتنا
المهم الجده خذت علاجها وسرت لبيتها واخذت لبدرية عشاء ام سلطان وين ي عمه ام مشاري على الاقل يوم تتروحين  اخذي لتس ولبدريه عشاء واخذت الجده عشاء لها ولبدريه قامت ورد قالت بنات شوي وجايه وراحت مع جدتتها قالت الجده على وين قالت ورد بخاويتس ي جده ناظرت فيها جدتتها قالت تخاويني ولا براسك شي ضحكت ورد قالت سمعت الي صار بينك وبين سطام وبشوف بدريـه وارجع قالت الجده يويلك يطلع من وراك شي قالت ورد وعد ماقول سكتت الجده وراحو للبيت عند بدريـه زعلانه على سطام ليه سوى لها كذا وش يهمه فيني عساء مانام ابد وش دخله اوريك وتتوعد بسطام مسلط جاء يبي يرجع اوراق جده لقاء الباب مقفل ورد دخلت بدريه بدريه وتنادي بدريه سمعت صوت ورد ومسلط و سكتت خافت على سطام يوصلون الكلام لبوها ولجدها وعمها ابو سلطان جت الجده قالت لمسلط وش تسوي هنيا قال مسلط جده ليه الغرفه مقفله برجع اوراق جدي بشنطه قالت الجده جبها انا احطها وانت روح قال مسلط وش فيه وش صاير وماسك يد الباب يهزها يبي يفتحه ناظرت ورد فيه قالت مسلط تقدر تقوطر من قدامي ولا انادي لك سطام وقتها اساله ليه الباب مايفتح معك مسلط خلاص سكري فمك مهتم يعني بس ابي ارجع اوراق جدي وروح الجده قلت لك هاتها قال زين بقول لجدي ان عطيتكيها قالت الجده زين قله جده اخذتها سكت مسلط وعطى الاوراق جدتته ورجع اخذها قال جدي بيقول مانت قد الامانه وراح الجده يهب صدق  وماتسدك ورد ضحكت قالت اوف بغيت اموت لو درى قال لسلطان ثم سلطان وش بيسوي بسطام  قالت الجده حمدلله سترها ربك قالت ورد تعالي لجدتتها وطقت الباب على بدريه قالت ورد بدريـه بدريه ماترد قالت الجده ندري بك هنيا وقال لنا سطام نجيتس قالت بدريـه جده وين سطام ضحكت ورد والجده قالت الجده راح لجدك والعيال  قالت بدريـه والله اموته بس امسكه انا قالت ورد هالمره بسمح لتس موتيه عاد الي سواه ماهو ببليه سكتت بدريه قالت افتحو الباب قالت ورد مانقدر الوقت المحدد لنا الساعه وحده نفتح لتس ليه ي بدريه تعاندينه ماقلتي زين وسكتتي قالت بدريه لان ماله وليه علي انا تحت وليه ابو محمد هو ماله دخل فيني قالت الجده ي بنيه اسمعي من جدتتس لاترفسين النعمه قليل الي تشوفينه مصمل على وحده رغم رفضها له مصمل ياخذها ولا فكر بنفسه وبكرمته كل الي يبيه انتي ولا فكر بالي صار حلو سطام لو يبا قال لمه تخطب له ورغم بنات خالاته وخواله وش كثرهن غض عنهم نظره والفت لتس شافك بكل مافيه وكتفى نظره فيك ومشاعره ماتغيرت يمتس وحاجرتس عن الزواج لاترفسين سطام ي بدريه نصيحيتي لك ي بنيتي سكتت بدريه قالت بس ي جده سطام عصبي ذكريني متى اخر مره ضحك فيها ومتى سمعتي منه حلو الكلام كل كلامه هبد ويوجع سطام جايب اوراق جده واقف على الباب ضحك بعد سمعها تقول عنه هالكلام  التفتو الجده ورد فيه قالت ورد انت هز براسه اي اشش خليها تكمل الي عندها ابتسم الجده وهزت راسها زين قالت الجده  ي بنيتي لو شاف منك الجانب الزين والي يسعده كان ماقصر بس انتي كله تتهاوشين معه قالت بدريه بعيد عن هوشاتي معه هو جارحني ومانسى ضربته لي للحين اذكرها واذكر وجعها قالت ورد يعني ماعندك معه مشكله المشكله بطبعه وتصرفاته قالت بدريه وهذي هي مشكلتي معه ابيه انسان ودود وبشوش مو معقد حواجبه ومعصب طول الوقت وغصب ضحكه يضحكها ضحك سطام قال وخرو وقف على الباب ومد يده لجدتته قال هاتيه الجده عطته المفتاح واخذه سطام وفتح الباب فزت بدريه تتطلع حط يده على الباب ورجله على شان ماتطلع قال ارجعي وراك قالت بدريه انت قال اي انا وش تبين تبين اضحك ابشري ماطلبتي مني شي وضحك لها قال هاه وش رايك فيها قالت بدريه ماهي زينه يع خلاص وخر عني ضحك سطام قال مع نفسك تطلعين من هنيا تجلسين ولا توعديني ماترقدين ببيت عمي ابو مشاري والخيار لك قالت بدريه تعال انت وش همك بحياتي هذي لي انا اتحكم فيها ماهو انت قال سطام حياتك ماهي لك لحالك غصب عنك لي فيها مثل مالك حق بحياتي اعرف انك عديمه احساس بس الشكوى لله القلب واحاسيسه غلابه تغلب من ينويه الخاطر عليك الله لاتعنيني وتعنين روحك معي الجده سحبت ورد ولفو ورا الحيط ويتنصتون قالت ورد يارب تحنن قلبها على وخيي قالت الجده يسمع منتس ربتس قالت بدريه ابي صفه وحده فيك تقنعني انك تتغير مابيك عصبي ولا متسلط على كل شي ابيك انسان عادي طيب وحنون مو متكبر وعصبي تنهد سطام قال طبع ي بدريه من يقدر يغير طبعه قالت بدريه ان بغيب ي سطام تغيرت تغيرت ماتنتظر احد يغيرك سكت سطام قال واي اذا على ضربي لك سامحيني ماكنت ناويها الك وانتي خابره من كنت ناويه وقتها قالت بدريه وش يضمن لي بكره ان عصبت ماتحط حرتك فيني قال تنكسر يدي ان مديتها مره ثانيه علاك قالت بدريه ماعاد مهتمه تمدها ولا لا قال سطام يعني وش افهم منك قالت بدريه الي تتفهمه افهمه تنهد سطام قال يعني لو اتزوج ماتتضايقين قالت بدريه لا ليش الا  بفرح لك قال سطام والله قالت بدريه  اي والله وتناظر فيه بخوف وكنها تقول اموتك ان فكرت تتزوج وحده ثانيه وتنتظره يقول امزح علاك ناظر فيها سطام قال زين اسمعي بس بتزوج على ذوقكك اختاري لي البنت الي تعجبك وانا اتزوجها ذوقكك يعجبني وسعت بدريه عيونها فيه قالت وشلون تتزوج 😳؟! قال سطام اي ماهو مانتي مهتمه فيني ولا تبيني حتى خلاص سويت الي علي هذي جت ست سنين وانا احاول معك واحاول واحاول بس انتي حتى ماحاولتي لو مره ولف وراح فتح صندوق جده وحط اوراق جده بشنطه وقفله وبيطلع بدريه ماهي مستوعبه الي قاله وعيونها دموع قالت الله لايوفقك ان سويتها وقف سطام ابتسم ومسك ابتسامته وعقد حواجبه ولف يمها قال كيف وش قلتي عيدي ماسمعت وش قلتي دعيتي علي ماهو المفروض تفرحين لي وتدعين لي ماهو تدعين علي دنكت بدريه قالت فارق لاعاد عيوني تشوفك قال سطام زين لاكن لاتنسين تعجلين علي دوري لي حرمه ماعاد عندي صبر ابي اعرس  حمدلله ماراح احس بذنب ان رضيتي وخطبتي لي بنفسك لاني بسوي كل شي برضاك وعلى ذوقكك قالت بدريه سطام ورمت علاه المخده قالت فارقني لاذبحك هالحين ولا احد يدريبك ضحك سطام وطلع شاف ورد وجدتته وقف حط يده على فمه وضحك وطلع وراح قالت ورد جده سطام انجن ولأ يتهيئ لي سمعتي الي سمعته مستحيل يسويها بعد كل هالسنين  قالت الجده والله مادري وانا جدتتك اخوك انهبل وبنت عمك انهبلت معه وانا اشوفها صعبه نجوزهم ان بقو على هالحال جلست بدريه ويدها على صدرها قالت ليه ضاق صدري بعد الي قاله دخلت ورد قالت وش قلتي بالي قاله لاتنهبلين ي بدريه تسوين الي قاله لك كان بيغثك بس قالت الجده اشوف معه حق صبر صبر ولا عاد فيه يصبر زياده كم عمره وهو ينتظرك وانتي راسك يابس خلاص ماعاد يشوف منك امل ويبي يشوف حياته قالت بدريه بس جده ماهو يحبني ويبيني وشلون يفكر يبدل مكانتي بقلبه بغيري طلع حبه ضعيف وهذي البدايات  مل مني وقال ادور غيرها وشلون لو تزوجنا واخذنا فتره مفكره ماراح يفكر يتزوج مره ثانيه خليه يتزوج وانسدحت وتغطتت ضحكت ورد وناظرت بجدتتها ويضربون كفوف 🙌🏻😭قالت بدريه بنام سكرو الباب وراكم قالت الجده تعشي قالت سد نفسي بناخيك الله يسد نفسه عن الي يفكر فيه ضحكو ورد والجده قالت ورد تخيلي يقول لمي وتاخذ له شجون فزت بدريه قالت تعقب وتخسى تاخذه والله ادفنها حيه ولا تاخذ منه كل الي كان لي الله يعميه ان فكر فيها ولا خطرت بباله حتى ضحكت ورد قالت زين سوال واضح تبينه اجل وشوله هالسوالف الي تسوينها قولي له وخلاص قالت اموت ولا اقوله وقتها يعرف نقطه ضعفي بعدين يقوى علي ابها اقولكم روحو بنام ضحكت الجده قالت ورد تعالي وطلعو
قامت بدريه جلست قالت جعلك للموت ان سويتها لحظه وانتي ي بدريه وش يهمك فيه ان تزوج ولا ماتزوج اخر همي وانسدحت وتغطتت
نرجع عند سطام قال الجد ابو ناصر هاه رجعت الاوراق قال سطام اي ويضحك انصدمو منه نادراً يشوفون ضحكته قال فيصل هيه وش سر هالضحكة قال سطام عادي مبسوط البلا ان ماضحكت قلتو ماتضحك وان ضحكت تسالون ليش اضحك قال مسلط وش سببها طيب بنضحك معك وتعال ليش مقفل غرفه جدي انا يوم رحت لقيتها مقفله وقالت ورد اسال سطام قل وش عندك فيها قال سطام طير خايف يطير مني وقفلت علاه قال سلطان عساء هالطير ماطار وخلاك ضحك سطام قال ياخوي كسرت جناحه على شان مايطير واتمنى مع الايام يحس بنفس الشعور الي حسسني فيه ويحن قلبه على صياده الي اشغله حتى عن ذاته استغربو منه العيال ومن كلامه وماهمم فاهمين منه شي قام يضحك قال الجده ابو ضاحي يابو ناصر سطام متى اخر مره ضحك فيها قال سلطان اخر مره شفته يضحك فيها يوم سجننا عند ابو عزام ضحك ابو ناصر قال يسعد يومي ان شفتهم مبسوطين ويضحكون وكملو سوالف عن سطام ،،،،،
عند حصه رجعو للبيت بعد ليلتهم الحلوه تمشيه وتسوق وكل شي بخاطرها سواه جاء معاذ تعبان وانسدح قالت حصه تترقد قام معاذ وتكى على يده قال ليه قالت لا خلاص وراحت لغرفتها ونزلت سامي نايم على السرير وتفكر تبي تعرف سالفه ابو عزام مع ابوها قامت ماجاها نوم وراحت لمعاذ جلست عند راسه قالت معاذ قال معاذ همم قالت ماجاني نوم فتح معاذ عيونه وناظر فيها قال وش المطلوب تترقدين  بحضني تعالي ويفتح يده لها ضربته حصه على يده قالت بحلمك ارقد بحضنك بس بسالك ضحك معاذ قال وش عندك قالت حصه آسفه بس سمعت الي صار بينك وبين اخوك ابو عزام اليوم ابي اعرف وش بينه وبين ابوي ومن ذيك البنت الي ابوي احرمه منها وزوجها غيره  ودفنها قدام عيونه وسع معاذ فيها عيونه قال عارفه السالفه ليه تسالين هزت حصه راسها قالت لا ماسمعتها ولا اعرفها حتى ابوي ماطرى لنا هالسالفه وجيت بعرف منك ليه ابو عزام مايحب ابوي وش مسوي ابوي له قال معاذ اسمعي انسي الي صار سامعه مسكت يده حصه قالت من حقي اعرف وش سوى ابوي وش سبب هالعداوة كلها الي بينهم من وراها اعاني ناظر فيها معاذ قال برقد  ماني بفاضي لهالسوالف قالت حصه زين ارقد قال معاذ اجل روحي لولدك وارقدي  معه قالت حصه ولدي راقد  وجالسه تناظر بسقف ضحك معاذ قال يعني تتجلسين طول اليل عند راسي قالت حصه اي اوعدني تقول لي قال على وش اوعدك انهبلتي قالت حصه وهو فيه احد يعيش معكم ماينهبل من عاشر القوم اربعين يوم اصبح منهم خلاص شهر ونص عايشه معكم فطبيعي الي صار ضحك معاذ قال زين اوعدك خلاص خليني ارقد والله مصدع ضحكت حصه قالت هذي اول مره اثق بوعدك ويويلك تخلف فيه قال معاذ زين تصبحين على خير ضحكت قالت وانت من اهله وراحت لغرفتها
ومر الوقت الكل سرى لبيته ونام عند البنات سامرين ضحك وسوالف
سحر : نفسنا بحفله بنات نبي نغير جو قالت ورد انا الي محتفله بدونكم ناظرو فيها البنات قالت أفنان عفوا مع من ليكون من صاحب السواره وتضحك وسعت ورد عيونها قالت منهو وتناظر بالبنات قالت سحر الي خطف قلبك ناظرت فيها ورد قالت صمه تصمك وعمى يلمك صاحت سحر حسبي الله وش هالدعوه يالي ماتخافين الله استغفري لدوسك قالت ورد تقدرين تعالي والله اعطيك بوكس يطيرك بحضن امك وابوك ضحكو البنات قالو قويه قالت سحر خفي علانا يالي عندك القوه السحريه ماعندك غير ماعند جدتتي صدق وش صار علاه الي خطف قلبك قالت ورد مادري عنه وانتي الي تهاوشتي معه الصبح مافيه امل بوضوعه قالت سحر الله يغثك معصبه منه حدي غثيث هالادمي قالت ريماس ورد الا بكره تتجي خالتك قالت ورد اي ومعها بناتها ريماس تضحك قالت تخيلي تاخذين ولدها بدر قالت ورد يعقب اخذه قيد تملكني غيره وعيوني قفت بنظرها عن غيره وتلف وتحوم تدوره حولها قالت دلع امانه اكبر منك وش متخيله فرق العمر الي بينكم قالت ورد العمر عندي مجرد رقم اما الحب اعظم من شي اسمه عمر الحب يحدد العمر ماهو العمر يحدد الحب ضحكت سحر قالت كفو وسوالف ومرت ليلتهم حلوه وسهرتهم سوالف ومزح وضحك وحش نادى مشاري سحر جت سحر قالت هلا قال جيبي لي بطانيه ومخده وفراش قالت سحر ليش قال مالك شغل ولا بنادي امي تجيب لي قالت لا زين مهبول امي بحضن ابوي تخيل تجي على شانك بجيب لك قال اقول اعقبي وخلصيني وراحت سحر واخذت له بطانيه ومخده  وعطته مشاري قبل يروح قال مالتسن بالناس الي تحشون فيهم مع هاليل خافن ربتسن سحر مشاري شوف مايخصك اذلف تتعلمنا نخاف ربنا مابقي الا هي تعلمنا وشلون نخاف ربنا هبدها مشاري وهج قالت والله لوريك عند جدي وابوي بس الصبح يصبح ضحك مشاري بس يحب يحارشها وراح لنادر بالمجلس
عند فهد ماجاه نوم وارسل لسطام قال انا رايح للمدينه قال سطام ليش بهالوقت وش عندك الساعه ١:٣٠ وان تتسري قال فهد بشفي غليلي بالي مايتسمى ماجاني نوم مقهور على الي سواه بذوق  قال سطام مستحيل تسويها انا امنعك من الي براسك قال فهد ماطلبت منك اذن لاكن اول شي ابي يكون عندك خبر اني رايح للمدينه وان سالوك قل مداوم وثاني شي ماوصيك على ذوق  لايحوفها  ضيم ولا ضرر من بعدي طالبك ي اخوي  فز سطام قال انت وان قال بمشي هالحين بس اتاكد الكل رقد واسري لاتخاف الامور طيبه سطام اتصل علاه مارد فهد على اتصاله قام سطام وعلم مسلط وسعود وقامو اتصل بنادر وفيصل وسلطان قامو كلهم ووراحو لفهد مالقوه سلطان اتصل بجده وقال له ان فهد سرى لبو عزام عصبو علاه العيال ليه علم علاه كانو بيلحقونه فازعين معه قال سلطان ماراح يسمع منا معصب علانا بالي سوانه قال سعود حتى لو معصب حنا معه يد وحده ابو عزام هذه ماهو فاكنا من شره هي من ثنتين يانذبحه ونفتك منه ولا ندفنه حي عصب علاهم سلطان وهاوشهم قال لاتتعاملون مع هالامور ببساطه قبل ماحسبنا حساب الي سوانه وبعدها وش استفدنا من الي سوانه الندم وكسر اهلنا فينا وبسبب تهورنا قال مسلط خلاص فكونا سيارته موجوده هو وين قال نادر ماندري واضح ماراح للحين خلونا ندوره قال مشاري الديوان للحين شغاله انواره تتوقعون رايح له ي عيال سلاح جدي وش يفكر فيه هالمجنون قال سطام اي والله ارواح وكلهم راحو ركض لديوان وقفو على الباب فهد جالس وابو ضاحي واقف قال حياكم الله وش تسىوون بهالوقت قال مسلط اعوذ بالله عمي  قال ابو ضاحي عوذ بالله منك اي عمك قال مسلط انت ماترقد قال ابو ضاحي لا مارقد وانا وراي واحدين مايفهمون ولا يفكرون بعقلوهم صغار قال سعود جدي فهد وش يسوي عندك دخل ابو ناصر قال اسالوه وانتم وش تسوون كلكم معه قال مشاري فازعين له معه معه اخونا بعيد عن كل شي ناظرو العيال فيه سكت مشاري قال نادر جدي عمي حنا كنا بنسمر نلعب باصره بس فاجأتونا قال ابو ضاحي والله تعالو تعالو ضحكو ودخلو قال سطام مافيه مانع ان سمرتو معنا ويغمز للعيال قال سعود  اي مافيه مانع بس لازم تعرفون لهالعبه ويناظرون بفهد فهد معصب قال لاتحاولون ترقعون لشي ماني بخايف وقلت لهم بذبحه وابرد حرتي فيه التفتو له جدانه قال ابو ضاحي ماتتوب انت انت وش جايك ترا برقبتك حرمه خاف علاها من بعدك قال فهد حرمتي ماني بخايف علاها موصي علاها واحد قد الامانه وامين ويناظر بسطام قال سطام بوجهي مايلحقها ضيم لاكن ياخوي هذا ان رجعت ابشربي قال فهد وان تتروح  قال سعود رجلنا على رجلك عدوك عدونا تهند فهد قال مالكم دخل وقام بيطلع قال ابو ناصر فهد ارجع فهد وقف والتفت لجده قال اموت واعرف ليه خايف على ابو عزام ليه تحميه منا قال ابو ناصر ماني بخايف علاه اخاف علاكم واحميكم منه ابو عزام ي عيال ماهو بلاحق بي ضرر يبي يعاقبني بعيالي يبي يحرق روحي علاكم لاتعطونه فرصه يحرقني فيها ابكم قال مسلط جدي تكفى وش سبب هالعداوة الي مالها ساس ولا يندرى عن سببها قام علانا بدون سبب وعذب فهد وذوق من غير حق قال ابو ضاحي لا ماكان يبي يعذب ذوق كان العذاب لفهد وفعلًا عذب فهد بذوق وذوق هي الشاره لعذاب فهد ان اذى ذوق اذى فهد واحرق روحه علاها ناظر فهد بجدانه قال يعني انا اسبب في كل الي يصير مع ذوق كله بسببي ذوقي كل عناها مني انا الي المفروض اكون لها الدرع الي تحتمي فيه اطلع انا الي اذيها وتتاذى روحها معي قال ابو ناصر اي يولدي ذوق هي نقطه ضعفنا ونقطه ضعفك وهو يمسكنا ويمسكك بيدك الي توجعك وتوجعنا وانا وانا جدك ابي حمايتكم بكل الي اقدر علاه احميكم لاكن لاتكسروني فيكم ولا تعطونه فرصه فهد فار دمه قال لا هذه وقتك ي ابو عزام احترني وانا اخوتس ي ورد وطلع قال جده ابو ناصر الحقوه وعقلوه وجيبوه قال سطام لا والله الا حنا معه والي يقوله سمعاً وطاعه قال ابو ناصر والله الي يخطي خطوه اني غاضب علاه ليوم الدين والله غاضب علاكم  ان تعديتو خطوه وقفو العيال عند السيارات صاح فهد قال يوجعاه ي جدي لاتحرق قلبي ي جدي هذا حق ذوق انا الي اوعدتتها مايضيع لها حق ولا تتوجع وانا لها الدواء لاكن طلعت لها انا الوجع وكل الي يصير لها بسببي ماهو ابو عزام ألي يذيها انا الي اذيها قال سطام خلاص ي اخوي وكل امرك لله وتنحل سكت فهد قال ذوق ماراح ترتاح الا بعد مايموت الا ابو عزام صدقني ي اخوي عصب ابو ناصر قال كلكم قدامي واخذهم ورجعهم  لديوان قال ماتطلعون منه وقفل الباب وانت ي فهد تعال واخذ فهد معه قال فهد جدي لا بقعد مع العيال اذا فيها روحه معك   قال ابو ناصر لا قدامي وناظر فهد  بالعيال قال وشلون برقد هالحين مسلط ميت ضحك قال اخذ معك مخدتتين احتياط وحده تحت راسك والثانيه فوق راسك رمى فهد علاه المخده قال اعقب ضحكو العيال قال مشاري جدي انا بسري انا ونادر ضحك ابو ضاحي قال لا وشلون تبون نثق فيكم بعد فزعتكم اولا مع هالمجنون ان لقينا احد رايح بدون اذن منا لايلوم الا نفسه وعقابكم الصبح قال سعود فيها عقاب قال ابو ناصر اي مع صباح الله خير ابشركم ضحك سلطان قال جدي مالها داعي خلاص خل الكل
يروح و يرجع لمرقده تهورو بقرارهم حنا ريجيل ماحنا بورعان تقفل علانا الباب قال فهد ماتهورت الا بقناعه بسوي الي براسي لو بعد حين سكته الجد ابو ناصر ومر الوقت عند فهد يتقلب ماجاه نوم وساد اذانيه قال فهدد كنت بحضن ذوق ومرتاح بين يدينها  وهالحين بشخيرهم وشلون برقد هالحين صدق الحضن الناعم فرق مع الحضن الخشن وصوت انفاسها يفرق مع الصوت الي يصدع الراس انلقب جده وناظر فيه قال علامك قال فهد تسالني علامي عزي لحالي بس يكبر الفرق بس ضحك جده وحط يده على وجهه وانسدح مسلط وسعود ونادر ومشاري وسطام وفيصل مع فتحه الباب ميتين ضحك على فهد فهد شافهم قال بصوت خافت وش تسوون تضحكون علي قال مسلط وضعك بعد ذاك المكان وشلونه قال فهد تنشدني ضيم وضلايم وانا اخوك وضحكو ضحك فهد معهم قال سعود تعال امدي رقدو حرك ابو ضاحي رجله قال سطام كسر هبده سعود قال جدي ترضى ادعي على جدك من بقي لي قال سطام زين لاتبتسي استغفر الله اخذك الله ضحك فهد قال فهد طفو النور طيب معكم مد يده نادر وطفى الانوار قام فهد شغل الانوار ابو ناصر فهد شاف جده و جلس فتح الباب الجد ابو ناصر قال لاتشغلوني بسوالفكم هذي الوقت راح مامرحنا ولا رقدنا علامكم انتم ورعان نطرد فيكم سطام ومشاري وسعود هجو ومسلط ونادر وفيصل اكلوها فهد مات ضحك علاهم جو وجلسو فيصل رفس فهد برجله قال لاتضحك كله بسببك قال وش دخلني امانه ماهو متعه بس يخساره الي اباه ماحصل قال فيصل كلنا ناظر  نادر في فهد وفي فيصل ومسلط قال وشلون بنرقد ضحك فهد قال ارقد ماحد سوى لك شي قال نادر والله وانا وشلون برقد بشخير جدك انت وياه كنت راقد ببطانيتي ومرتاح وهالحين عيال السموحه على الي بقوله مايحتاج منبه يكفي شخير جدي وعمي ناظرو فيه فيصل ومسلط وفهد قال خلاص كنا نمزح ضحك ابو ضاحي جت ذوق خايفه مالقت فهد قالت جدي قام جدها قال علامتسن قالت فجر سلطان مالقيته قالت ذوق وانا البنات قالو عند جدي وش صاير وش كانت الاصوات قال ابو ناصر جايه تدورين رجلك قالت ذوق اي ضحك فهد قال قلبي انا هنيا لاتخافين سامرين عند جدي ويضحكون قال ابو ناصر ارجعن لبيوتكن وش طلعكن بهالوقت قالت ذوق ابي رجلي قال ابو ناصر مزريات تصبرن هاليله ترا كلها ليله ماراح يطيرون لاتستعلجن ليله ماتضرتكن ان غابو رجالكن عنكن استحت ذوق من كلام جدها وناظرت بفجروهجت ذوق ضحك فهد قالت فجر شوف جدي مستعجله ولا ماني مستعجله تعرف الوضع ماتحرك منه الا بسلطان ضحك جدها قال روحي خذيه ناظر فهد بجده قال وانا قال ابو ضاحي ارقد قال فهد وشلون ارقد بشخيركم الي فجر راسي وليش سمحت لسلطان وانا لا قال ابو ناصر ي ولد انا ماشخر يمكن جدك ابو ضاحي قال ابو ضاحي لا والله انت ضحك فهد مسلط ونادر وفيصل فصلو ضحك على فهد ويطقطقون علاه جايه تدورك ويشرون يم الباب ضحك فهد قال اي خايفه على رجلها لاكن يجدي غلط ترخص لسلطان وانا تمنعني الذنب برقبتك قال ابو ناصر اي برقبتي ارقدو وخلاص قال فهد جدي ماحولي صبر وقام ولبس حذيانه وهج ضحك ابو ضاحي قال خله يروح لبيته وانتم ارقدو ناظر مسلط بفيصل ونادر قال عزالله اكلنها غيرنا نفذو وحنا اكلنها قال نادر انا اشهد يارب صبرك ومر الوقت عند فهد جاء قال قلبي وين جت ذوق ركض قالت فهد وشلون جدي سمح لك قال اي ي عيوني ونظرها وفديت الي جايه تدور رجلها ويحضنها ضحكت ذوق قالت تبي الصدق خفت علاك قال فهد افا قلبي لايخاف علي دامه معي ومحتويني ابتسمت ذوق قالت وش صاير معك قال احبك ي بنت وطاير عقلي فيك ناظرت فيه ذوق قالت فهود وش صاير معك قال قلت احبك هذا الي يصير معي دايم احبك اكثر من امس كل يوم حبك يزيد ويزيد صدي بينفجر من الحب خافي ربك فيني  استحت ذوق قالت فهد خلاص ضحك فهد قال وش خلاص اعبر عن الي تحس فيه روحي وتقولين خلاص تنهدتت ذوق قالت ماهو اكثر مني انت ان حبيتني مره لاتنسى انا عكسك احبك الف مره ومره بكل لحظه اشوفك فيها يزيد هالحب ويضايقني قال فهد افا حبك لي يضايقكك قالت ذوق لا من كثر ماحبك انغمت على قلبي لان كل مره يزيد واحس حبك اكبر مني ضحك فهد وسحبها على صدره قال المهم تحبيني قالت ذوق اوه عاد لو تدري ناظر فيها فهد قال بوشو ضحكت ذوق قالت بحبك ي عنيد ابتسم فهد وتنهد وحضنها على صدره ونام اصبح الصبح صلاه الفجر ابو ناصر وابو ضاحي يصحونهم لصلاه نادر فارقوني انا مارقدتت من البارح من الشخيركم الله يعين جدتتي على النومه معك هبده ابو ناصر بالعصاء على رجوله قال انا اشخر مسلط وفيصل فزو من شافو العصاء قال ابو ضاحي الصلاه بسرعه وخلو عنكم هالسوالف وقامو يصلون وجت الساعه ٦:٣٩ ابو ناصر اخذهم معه بالسياره قال نادر هذي والله البلشى وان بيودينا مع هالصبح قال مسلط عزالله مارقدتت زين قالو كلنا هو يجينا نوم من ورا جدك انت وياه خزوه ابو ناصر وابو ضاحي السواق سعود قال عمي فهد طول قال قلت لذوق تصحيه بشوفه نزل الجد ابو ناصر ودخل البيت ذوق تحاول بفهد تصحيه فهد راقد قالت ذوق فهود جدي يباك قوم لايعصب علاك فهدد قال ذوق قلبي وش جاك مع هالصبح الوقت بدري تعالي خلينا نكمل نومنا ويسحبها على صدره ذوق وسعت عيونها وتناظر بجدها وتسحب يدينها منه فهد خلاص انسدحي وانتي ساكته لاتصيرين زي جدي الباب مارقدتت من شخيره شهقت ذوق وناظر بجدها بطه جده بالعصاء قال اتركها فز فهد ودف ذوق ذوق طاحت وناظرت في جدها وفيه قالت جدي الجد افا قدامي تدفها ويضربه على رجوله فهد عرض العصاء يدينه قال انت وشلون جيت المفروض تستحي جاي داخل علي انا وحرمتي بغرفتنا لاسمح الله افرض بوضع ماهو مسموح انك تدخل علانا فيه قال ابو ناصر انا اعرف الوقت الي ماهو مسموح لي فيه الدخول قم جهز نفسك وقدامي ذوق استحت من كلام فهد وجدها وهجت للمطبخ قالت وش هالمجنون الي مايحتسب للكلام الي يقوله قام فهد ولبس قالت ذوق جدي مافطر قال جدها سوي لهم فطور واجي اخذه من عندك شوي والحقه لهم قال فهد وان تتودينا قال اعملكم وان قال زين وابتسم فهد لذوق قال انتبهي لنفسك وشوي روحي لعمتي لاتقعدين لحالك بالبيت قالت ذوق امر من هالعيون ضحك فهد وطلع مع جده وقف فهد قال بسم الله كلكم قال سطام هذا بلا ابوك ي عقاب الا ابتلانا ولا احد سمى علانا قال ابو ناصر الي بيسوق فهد قال فهد تفكى ي جدي قال فهد قلت لك لاتخليني اعيد كلامي ضحك سعود قال حمدلله ونط مع العيال ورا فهد ركب قال فوق انك مدرعم علانا بغرفتنا تخليني اسوق حلوه هذي قال مسلط وان مدرعم كيف دخل علاكم الجد استحى قال فهد اي مدرعم علي بغرفتي قال سعود تكفى عسى الوضع مافيه احراج قال فهد ستر ربك ماوصلت لشي ثاني ولا مدري وان اودي وجهيي ويناظر بجده قال فيصل اجل حمدلله الامور تحت السيطره ناظر نادر قال لبو ناصر جدي ماتوقعتها منك البيت له خصوصيات عاد الا غرفت النوم ناظر فيهم الجد ابو ناصر قال ماترجعون للبيت الا المغرب  انصدمو قالو وان رايحين قال ترعون بالبل العامل عطيته اجازه اليوم وانتم تقومون بامور البل بداله فيصل اخس وش هالعقاب ماشوف شي يستاهله قال فهد والله لو سجنتني احسن من آنك تاخذني من بيتي وتجيبني للبل قال الجد اشوفك تعودتت على السجن قال فهد اي والله مرتاح اكل واشرب وش ابي قال الجد اسكتو ونزلهم عند البل ورجع لديره 😭