عشقتك وعشقي لك مرجله وعناد وقلبي اسير لك في الحب والشوق

89

قام احمد ولحق اميره قال وينك اميره تعالي ويضحك طلعت ام الجوهره قالت راحت طلعت هالحين ضحك احمد قال اخ ي يمه من هالبنت تذبحني بخجلها اتمناها بيوم تصير زي الجوهره قالت ام الجوهره اختك ملسونه وكل شي عندها عادي انتم خوانها وعادي بس اميره تفرق ي احمد يمك ماهي بزي بنات هالجيل اخذه حياها من امها ضحك احمد قال بكل حالاتها يبختي فيها داعيه لي امي وتنهد ورجع للجوهره جاء اليوم الموعود الي الكل ينتظره ابو ضاحي اخذ معه سعود وفهد ونادر وفيصل وسطام وابو سلطان وابو محمد وراحو يخطبون لسعود سعود اخذ معه الذوق قال بمقام اختي ولها دور الفضل بهالعلاقه وراحت معهم الذوق مر الوقت ورجع وجاء عزام قال احمد تعال قام احمد قال عزام اسمع ابوي راح وعنده شغل وابو ضاحي وسعود جو ياجيين يخطبون اختك هذي وقتها ياخوي انا قررت املك لسعود على الجوهره وقتها فرصه لنا بغياب ابوي ابوي مايقدر يفتح فمه لانها خلاص برقبت رجال وكذا نوصل لهدفنا واسعاد اختنا مشتاق لضحكة الجوهره ابوي ماخلى لي طريقه الا هالطريقه ضحك احمد قال ي عزام انا قلت لك كل شي تقوله انا بنسبه لي راضي فيه لان ابوي الله يهديه ماخلا لنا اي فرصه ودرب نتوجهه فيه الا هالدرب وكل شي سهل وحلو قال عزام بس البلا يطلبون ابوي قال احمد معليك ودام الجوهره بسمك انت ابوها وان طلبو معلومات انا موجود ومعك حق تملك لها لانك بالبطاقة ابوها ولك الحق تزوجها لمن تبا وتشوفه مناسب لها تنهد عزام قال يلا يلا زين هنا الجوهره عرفت انها ماهي بسم ابوها الي تناديه ابوها وتتمنى يحسسها بالابوه الي فاقده طعمها مسجله بسم اخوها قالت ياربي وشلون انا يقولون انتي بنته اجل وشلون اطلع بسم عزام ورجعت تفكر جلست قالت عايله كلها كذابه ومخادعه ماعاد ابيها خلاص كل مره يكذبون فيها علي ودنكت براسها على سريرها تبكي قالت وش ذنبي ي هالحياه تعذبيني ليش انا الي اخترتيه اول ذوق وهالحين انا من بعد ماحطيتيه براسك من ناويه عليه المره الجايه ياربي انا قلبي يوجعني جت راجعه اميره بعد شافت احمد طلع من بيت عمها قالت الجوهره وقفت قالت بسم الله عروس وتبكي معقوله قالت الجوهره اي عروس ي اميره اي عروس حتى بخطبتي من الي احبه مانكتبت لي الضحكه والفرحه ليش ي اميره سعود حب حياتي واليوم جاي يخطبني بس وش قولتس بالي سمعته ان عقلي شتتني وشتتوه معهم مدري بنت من انا مدري الصدق من الكذب أحيانًا يقولون انتي بنت محمد واليوم اسمع اني بسم عزام ماني بسم محمد بسم اخوي تخيلي وش ذا ياربي انصدمت اميره قالت وشلون وش قاعده تقولين دخلت ام الجوهره تتغير الموضوع قالت ابوتس واخوتس واحد وانتي اليوم عروس مالازم اشوف هالدموع يلا قومي البسي وخلي اشوف هالوجهه مشرق بالضحكه والفرحه سكتت الجوهره وبخاطرها الي صار والي سمعته هزت راسها ام الجوهره لاحول وقامت طلعت لبنتها ملابس ولبستها وكشختها وطلعت الجوهره تاخذ العقل حيل الحلوت زياده ضحكت امها وحضنتها قالت مطولين ماشفنا هالجمال ابتسمت الجوهره لمها بس كانت بضحكتها وجع اميره تزغرت وحيل مبسوطين معها جت حصه قالت هاه خلصت العروس قالت اميره اي ي حصه بذمتك ماطلعت تاخذ العقل اكيد ان شافها سعود بيطير عقله فيها ضحكت حصه قالت وشلون ماتاخذ العقل وهي الجوهره واكيد وماهي غريبه دايم  وصفها سابق حلاها ضحكت الجوهره لحصه واضح مالها نفس تبي بس تمسك عزام او احمد تتسالهم عن الي سمعته تتستفسر بس خوانها منشغلين وبنفس الوقت خايفين ابوهم يجي شويات جت ذوق قالت سلام صاحو من شافو ذوق قالت جيت بصفتي اخت العريس وتضحك وتناظر بالجوهره ابتسمت ابتسامه خفيفه الجوهره وعيونها دمعت ذوق استغربت قالت عاد سعود ماراح يقاوم ان شاف هالجمال كله وحضنتها قالت وش فيك مانتي مبسوطه تخافت بذن الجوهره قالت الجوهره لا وش دخل اكيد مبسوطه وينه سعود جاء الجوهره تتاكد ان سعود جاء قالت ذوق اكيد اول واحد ومبسوط بعد قالت الجوهره احلفي قالت ذوق والله ضحكت وسكتت الجوهره وحضنت ذوق بقوه ذوق حست فيها شي قالت ي روحي وش فيك قالت الجوهره بس مشتاقه ولا مالي حق اشتاق لختي قالت ذوق لا لك الحق كله بس يخوف قلبي كل الشوق لسعود وانا بس وسيله لشوق وتضحك ابتسمت الجوهره وهزت براسها لا قالت ذوق خلاص ولا يهمك ام الجوهره مكسور خاطرها على بنيتها ودمعت عيونها لفت لورا ومسحت دموعها وحضنت بنيتها قالت انسي كل شي يمك ولا تفكرين فيه هالحين هذه حلمك من مده طويله ماشفت بنيتي مبسوطه ولا حتى لمحت بوجهها الفرح سكتت الجوهره ودنكت وتفركك بصابعها متوتره عند سعود متضايق من الي صار وان جده اجبره يوافق غصب عنه واحترم جده وقرار جده وساكت هم مبسوطين ان اخيراً لبعض بس ماهو بهالطريقه ابد المهم جاء المملك وملك لهم نبدا اول شي جاء المملك وسال الجوهره وين ولي امرك قالت الجوهره عزام قال ومن توكلين ومن هالكلام وقالت عزام وانا موافقه وبكل ارادتي وفيها غصه قال المملك زين ي بنيتي على البركه مبروك ورجع مكانه وطلب شهود جاء ابو عمر قال انا واحد من الشهود ضحكو احمد وعزام ومعاذ قال عزام عمي قال ابو عمر اي عمك ماعزمتني ي ولد هذي بنيتي بعد قال معاذ بعدين بعدين خلنا هالحين نملك لهم وسكتووهذه الي صار بختصار عند سعود 💔 سمع غصتها وغمض عيونه بقوه ولف وجهه قال اخخ ناظرو فيه العيال هز له فهد براسه وسكت والحمدلله ملكو قال عزام حمدلله وناظر بخوه احمد قال تمت فرحتنا ي عضدي بوحيدتنا ضحك احمد وحط يده على كتف عزام قال حمدلله وحضن اخوه عزام بعد ولف عزام لسعود قال مبروك ضحك سعود قال الله يبارك فيك وعقبالك قال عزام امين وانت اول الحاضرين أن شاءالله واسمع ي سعود انا عطيتك قطعه من روحي لاتشوف عيني دموعها وان جاء يوم وشكت لي والله لنسى كل هالعالم واذبحك مارحمك واشهد علي ي عمي قال احمد الجوهره جوهره ثمينه عند خوانها وقتها ماراح تشوف عزام وبس بتشوفني دافنك وحافر قبرك بعد قال ابو ضاحي اهدو ي عيال اعاهدكم ان اختكم بمكان بنتي والي مرضاه على بنتي مارضاه علاها ولا يهمكم بوجهي ضحكو احمد وعزام قالو اجل امنى على اختنا قال ابو ضاحي بس ي عزام ابوك قال عزام الجوهره بنتي وبكيفي ازوجها لمن ومن من ارتاح ي عمي انا أحلها وسكت ابو ضاحي  المهم مر الوقت بهالوقت العروس خلاص تشوف عريسها قال معاذ يلا سعود مايبي يروح قال سطام يلا وهو حاد صوته بسعود وراح لها سعود  دخل سعود الجوهره شهقت ودنكت ارتبكت ضحك سعود وناظر بذوق قالت ذوق ي هلا باخوي تفضل هذي عروستك قال هلابتس ي خيتي قالت تفضل سكت سعود ودخل وباس راس ام الجوهره وجاء قالت ام الجوهره بنت قومي قامت الجوهره باس راسها سعود غمضت الجوهره عيونها قال سعود مبروك اخيرا صرتي لي وحلالي ماردتت الجوهر واستغرب سعود ماعطتت ردتت فعل او تكلمت ورفع وجهها يمه وسع عيونه سعود الجوهره دموعها شلاله قال وشوله هالدموع سكتت ام الجوهره قالت بخاطرها الله يهديتس يالجوهره هذي وقتها غمض سعود وناظر فيها قال لا يالجوهره خلاص هالدموع ماعاد اشوفها اوعديني ماعاد ينزل لتس دمعه بوجودي قالت الجوهره غصب عني ماهو بيدي ماكنت احلم ان نتزوج بهالطريقه كيف وصلنا لهنيا وصوتها مبحوح تعرف ودنكت وغمضت عيونها الجوهره تنهد سعود وبيطلع ماتحمل وقفت بوجهه ذوق قالت عادي وش فيك دموع فرح وهي كان حلمها فيه ماهو قال سعود لا اعرفها من عيونها ي ذوق دموعها هذي دموع الوجع واللم والسبب انا قالت ام الجوهره يولدي الجوهره تتدلع من شافتك بس ولا هي مبسوطه وقبل شوي تنط وترقص ضحك سعود قال خالتي اعرف الجوهره لو مبسوطه اشوفها بعيونها قالت الجوهره طيب بعد كل ذا تتخليني مره ثانيه موجوعه بدونك التفت فيها سعود هز براسه لا ماخليتس قالت الجوهره بس خليتني ومامداك هالحين تتخليني مره ثانيه نسيت كم مره خليتني فيها وهالحين بعد ماصرت لي وصرت لك ولال احد وليه علينا ولايقدر يفرقنا تتخليني ي سعود طيب فيه شي هالحين يربطك فيني بعد ذا تتخليني قلها قل ماراح اخليتس عطني وعد وقل ماراح اخليتس خلني احس بهالامان منك رجع سعود لها طلعت ام الجوهره واخذت معها البنات وخلتهم قال ماخليتس ي الجوهره انتي الي خليتيني قالت لا كل الي سويته على شانك مابي اخسرك تباني ابكيك حسره طول عمري والوم نفسي انا ي سعود ماخترت نفسي اخترتك انت على نفسي وسعادتتي ابوي مايرحمك لو رفضت طلبه مني واخترتك ذاك الوقت قلت وقتها اشوفك قدام عيوني حي ولا ابكيك حسره بس مابعتك اخترت انهم يدمرون حياتي ولا اخترت موتك وابكيك طول عمري رضيت اتعذب والتعنا لدرجه اكل حبوب منومه على شان انسى ومهديات ادمنتها ي سعود بس على شانك كل ذا وخليتك وشلون بعد كل ذا تجي وتعاتبني اقسم لك بالله ماخليتك ولا نسيتك انا طول عمري احلم فيك وابيك ماخليت اي شخص يغير مكانتك بقلبي بعد حتى رضى ابوي على شانك وجيتك مندفعه واليوم انا حرمتك وعلى سنة رسول الله خلاص لاعاد توجعني ماعاد هالجسم يتحمل هلك وقسم بالله انه هلك ماعاد عندي القدره اتحمل سكت سعود وخمها وحضنها قال ماجيتس اعاتبس جيت ولهان وفرحان بشوفت حبيبي بس حبيبي استقبلني بدموعه وحسسني اني مذنب بحقه قالت لا مالك دخل بالي يصير معي من صغيره وحياتي تعيسه انت جيت معجزه بحياتي واتمنى انك سعاده لي سعاده لطفله ماحست بهتمام واحتوى من احد شفت فيك شي ماشفته من اقرب الناس لي وحضنته بقوه ضحك ضحكه خفيفه سعود بعد عنها قال اجلسي ضحكت الجوهره وتتجلس وداخت بيده مسكها سعود قال الجوهره  الجوهره وهي دايخه حطتت يدها على فم سعود قالت اششش مافيني شي بس  ابي علاجي بغرفتي روح اميره تعطيكياه نسيته ماكليته راح سعود ولقاء اميره وذوق بالمطبخ وقال اميره قالت اميره سعود قال تعالي ابي علاج الجوهره قالت قل لميره اميره وش ذا العلاج عرفت اميره وراحت وعطتته العلاج ومنعهم يدخلون وقفو ورا الباب اميره وذوق على احر من الجمر انصدم سعود قال هذه العلاج لتس هزت الجوهره اي وتمد يدها وكلها منه سعود قال الجوهره العلاج ذا حق وش قالت الجوهره ولا شي وخذته من يده ضحك سعود بكسرة خاطر عليها قال تضحكين علي هذه علاج نفسيه وشلون من متى تاكليه قالت مو علاج نفسيه قال سعود الجوهره مو بعلي واحد من خوياي يصرف له الدكتور بمثله قالت سعود خلاص خلنا مبسوطين قال بسببي وصلتي لهنا قالت لا مو بسببك انا بخير لاتخاف تعال وسحبته بيده قالت قلت لك مافيني شي وش فيك قال الجوهره قلبي ماهو مرتاح خلينا نروح للمستشفى بتطمن بنفسي قالت الجوهره ي مجنون تعال وين نروح للمستشفى هذي خطبتنا انا بخير لاني بين يديك انتبه سعود انها بحضنه ضحك ورفعها وتكى ابها على صدره قال خوفتيني عليك ابتسمت الجوهره قالت ريحتك نفسها ماتغيرت قال اي نفسها لان كل شي فيني يذكرني بجوهرتي ضحكت الجوهره ومدتت يدها على وجهه سعود قالت سعود ليه فيه تعب بعيونك وش صاير معك قلي قال سعود بدونتس شفت الموت خلاص ماعاد اباتس تفارقيني لو لحظه وباخذتس معي ضحكت الجوهره قالت ياليت لان ماعاد احب هالمدينه بدونك مالها لا طعم ولا روح انت الروح الي بدون هالروح اموت والله اني ماعاد اقدر اتحمل شفت بعيونك حبك وان وداني وش سوى فيني قال سعود اسف ي روح سعود الي سحيتي فيه حست فيه روح سعود اضعاف بس ماعاد اخليتس ولا عاد تفارقيني يلا تاخرنا جاء معاذ واحمد وعزام قالو وين الجوهره نطتت حصه قالت وين وين عيب يفضحي تتدخلون ماعاد فيه حياء قال عزام بصوت عصبي وخافت وش نص ساعه ماصار شوفه هذي قالت ذوق مالكم شغل لو مايخلصون الا المغرب قال عزام لا والله يعقب قولي له يطلع لدخل علاه واجطه برقبته 😭قالت حصه يويلي منكم شوي بس قال معاذ ولا لحظه يلا بعدي عني قالت حصه معاذ ي عيوني انت بس شوي على شان خاطري ابتسم معاذ وتنهد قال هذي تتشيبني صدق ضحكو اميره وذوق ضحكت حصه وناظرت بالبنات قالت خلاص اخذ بنيخيك ويلا فارقو من هنيا قال عزام عمه وش فيتس بعقلتس انتي وش بيقولون عنا هالحين طلعيه امس انا لحالي الي قريب من وخيتي واليوم يجي واحد يشاركني فيها ضحكت ذوق قالت هالواحد ماهو غريب زوجها اقرب لها منكم ويلا قدامي ي الغيورين قال عزام ذوق قالت ذوق ولا حرف محسوبي اختكم يلا وقف عزام ضحك احمد قال ي بنات مو عاجز لايصبر لين تجيه ببيته قالت حصه والله قال معلي بدخل واحمد بيدخل قالت حصه وذوق اميره تعالي نطتت اميره قدام احمد قالت ماحد قاله لك هالكلام مدوخني كل شوي على الروحه والجيه وهالحين من جلسو سعود والجوهره مع بعض اشوف عندك راي ثاني اما معي عادي وسع عيونه معاذ قال وشهو غمزت لعمها اميره وسكت عمها معاذ ضحك عزام على احمد قال القم قال احمد اوف وينفخ عليها كل ذا ي بنت ارحمي احمد عاد وقفت اميره وتناظر فيه وتناظر بعمها معاذ وعزام ورجعت ناظرت بحصه وذوق ودنكت ابتسم احمد ابتسامه خفيفه قال وش خلاني اتعلق بهالوجهه السمح انا اشوف اني الرجال الي محظوظ بهالبنت خدعتي قلبي بحلاوتك وين مخبيه عني هالحلا من زمان ويناظر بعمه معاذ وعزام عزام موسع عيونه ومعقد حواجبه قال هئه ويناظر بعمه معاذ قال احمد اي ويبي يمسك يدها اميره ماتحملت كلامه وقربها منه من خجلها هجت وتركتهم 😭شهقو ذوق وحصه قالت حقير كنت ناوي تخجلها على شان كذا قلت هالكلام ضحك احمد بصوت عالي قال ماهو بيدي احب هالخجل الي محتويها حتى ان حطتت عيونها بعيوني اشوف خجلها يشدني لها اكثر واكثر مسكه معاذ من رقبته وعزام ماسك عمه معاذ قال معاذ  بوجهي تقول هالكلام قال احمد ماحد منعك ي عمي كل شوي تتغزل بحصه واميره حلالي ويضحك فتح الباب سعود قال مالقيت غير عند هالباب تتغزل فيها روح لها تغزل قدامها ماهو قدامنا عزام ماسك اعصابه يبي يذبح احمد قهره قال ي معاذ فكني علاه تكفى بذبحه اجيبه فزعه ويجيني ويصرعني هالمصروع قال احمد ماغلطت اجل كلامك صيحيح اذا انا مصروع اخذ الصرع منك ولا انا كنت صاحي بس من جيت انصرعت على قولتك ضحكو حصه وذوق والجوهره قالت لا عاد ابوي ماهو مصروع ضحك عزام وحضنها قال ي روح ابوتس انتي ابتسمت الجوهره قال سعود وش تسوون هنيا ليش كلكم متجمعين قال عزام انشد نفسك ماشفت طولت هنيا ويشر بالغرفه الي كان فيها هو والجوهره قالت حصه قاتلين المتعه ماصبرو قال سعود اعذرونا خذانا الكلام وماحسينا على الوقت ويناظر بساعته ورجع ناظر بالجوهره ببتسامه ناظرت بخوانها الجوهره ودنكت وتفرك بصابعها مسح على راسها عزام قال معلاه يخيتي المهم انشرح صدرتس ناظرت فيه الجوهره قالت وينك من ثلاث سنين ي عزام امدي هالسعاده حسيت فيها من ذاك الوقت بس عندي احساس ي اخوي ماراح تكمل هالسعاده والله الا صوت ابو عزام شهقت والتفت صوب الصوت ورجعت ناظرت فيهم وهلت دموعها قالت صارت ي سعود قلت لك ابوي ماراح يخلي هالسعاده تكمل وش قلت لكم اكيد بيذبحني وطاحت على ركبها جت حصه وذوق ورفعوها من الارض قالو استهدي بالله تتنحل على خير آن شاءالله دخل راحو صوب المجلس الا ابو عزام معصب وحيل وطلع الي موصل له الخبر عائله فواد الله لايسامحهم ماخلو تكمل فرحتها وكسرو خاطرها قال ابو ضاحي استهدي بالله حنا جينا نخطب وهم عطونا وماخذنا البنت الا بموافقتها ناظر ابو عزام بالجوهره واخذ العصاء بيمد يده عليها الجوهره تركت خوانها وعمانها واحتمت بسعود لفت ورا سعود ومسكت ذراعه ترجف من خوفها تنهد سعود ومد يده دونها يعني ماراح احد يقرب منها وهي وراه وضربت العصاء بكتف سعود قال ابو عزام شفتو شفتو يقوله لعياله تحتمي فيه بدال ماتحتمي فينا حنا الي ربانها وصرفنا علاها قلت لكم لاتثقون بالبنات البنات وجع الراس قالت ذوق عمر البنات ماصارو وجع لراس ي عمي تحجركم وعقولكم المتحجره على بناتكم وهو الي يوجع روسكم ومنها توجعون قلوب البنات ماهو حرام تدري ي عمي البنات هم سبب دخولك للجنه وكذا تعاملهم وش ذنبها بنيتك وحيده ماحست بهتمامك وقربك منها بدال لاتحتمي فيك أحتمت بزوجها لانها شافت بزوجها شي مالقته عند ابوها حسسها بالابوه والحب والاهتمام الي فاقدتته من اهلها البنت تختار لنفسها الرجل الي تقلى عنده الحب والاهتمام بس انت بسبب كرهك لجدي كرهت سعود وجدي ابو ضاحي وش ذنبهم بالي بينك وبين جدي هذه بينكم وحلوه بينكم لاتذبحون عيالكم بسبب شي مالهم ذنب فيهم كبرتو وكبرت بينكم الكره والعداوه الي مالها ساس اصلن وانت ي عمي صح جدي خانك وزوج خالتي مزون بس خالتي وقتها شافت نصيبها وراحت معه وانت بعد شفت نصيبك وتزوجت عمه ام عزام وبعدها تزوجت عمه ام الجوهره وجابت لك بنوته مثل القمر شوف بدال ماتحتويها وتزفها بيدينك للي تحبه قال ابو عزام ههه يضحك بستهزاء قال مافيه حب الحب كذبه وكلاً صدقها كذب الحب الي تقولونه بس كلام ينضحك ابه بين الناس بس ماش حب قال سعود حنا وش ذنبا اذا حبك تكنسل من اوله واندفن ليش تبا حبنا يندفن مثل ماندفن حبك بس صدقني الحب الصادق ماراح يندفن كل ماجيت تحرق هالحب كل ماقوى هالحب وشوف وشلون حبيت بنتك واوفيت ابه جيت مثل الرجال وخذيتها وتزوجتها بسنة الله ورسوله قال عزام اي يبه الجوهره زوجت سعود عصب ابو عزام قال وشلون تزوجت بدون موافقه ابوها انا ماوفقت ولا راح يتم هالزواج وسعت عيونها الجوهره وشدتت على يد سعود ناظر سعود فيها وغمض عيونه لها وسكتت الجوهره قال عزام بس انا زوجتها للي شفت الحب بعيونها وهي تسولف لي عنه شفت بعيونها سعاده ولمعه ماشفتها من وعت على الدنيا وقتها صدقت ان الحب لابد يدوم بين ثنين صادقين فيه ويحاربون على شان بعض وانا شفت ثقت سعود بالحب الي يشيله بقلبه للجوهره وقتها قرررت ازوجهم وهاه زوجتهم ضربه ابوه على وجهه قدام الكل وقتها حزت بخاطر عزام سكت ودنك ونزل عيونه بخذلان بالارض صاحت الجوهره قالت لا يبه لاتضرب اخوي قال ابوها اضربه واكسر راسه الي يسوي شي بدون مشورتي ماله الا الضرب ماضربته من صغره بس هالحين شفت يستاهل الضرب الولد الي يسوي شي بدون علمي ماهو بولدي انا متبري منه وغاضب عليه ليوم الدين التفت عزام ببوه موسع عيونه وحمرا قال لا يبه كل شي الا تغضب علي قال ابو عزام انت اخترتها وغضبتني قال احمد يبه ماهو عزام لحاله انا معه قال ابو عزام لاتحاول حتى لاحد يناديني ابو عزام ماعندي ولد اسمه عزام انا ابو احمد تنهد عزام قال ابو عزام بشوف اختك تنفعك الي بعت رضاي على شانها كل شي سويته لها وش رد الجميل تزوجت بدون علمي ضحك عزام بستهزاء ببوه قال عزام يبه ماشفت سويت شي تنتظر الجوهره ترد جميلك علاه انا ماسويت شي بس ضحيت  على شان الجوهره هذي اختي يبه وشلون ماتباني اشري سعادتتها وقدمها بين يديها الجوهره نسيتها مانتظرت منك شي لها بعد نسيت الجوهره الي رميتها بعز الشتاء مع امها يوم عرفت انها بنت ماهي بولد مالها يومين طالعه من المستشفى حتى بنتك كرهتها ماتقولي وشلون ماتباني بعد ماكبرت وشفت الي صار معها وهالوقت وقت انها تفرح تتذكر يوم جدها ابو امها رماها مايبيها وخير امها بينها وبين ضناها وقتها جلست خالتي ام الجوهره بالبرد على شان بنيتها البنت الي ماحد رضى فيها لاجدها وخوالها ولا انت ومارضيت انها تنكتب بسمك اذكرك بهذي بعد ماظن تنسى قاطعتهم ام الجوهره قالت خلاص لاتفتحون مواضيع وشي بالماضي وتناظر بالجوهره الجوهره منهاره وموسعه عيونها ببوها ودموعها شلاله على خدها قالت بعرف وش انا مسويه لك وش سويت انا بس علموني وش غلطي اني بنت بس طيب انا ماخلقت نفسي وش ذنبي اني بنت بفهم بس ابو ضاحي كسرت خاطره الجوهره وقرب منها قال ي بنيتي كلنا اهلتس وصدورنا مفتوحه لتس وابشري والله لتعيشين معززه مكرمه مثلتس مثل بناتي واسوي لتس عرس ماصار ولا استوى وانا مثل ابوتس والي مرضاه لبناتي مارضاه علاتس ضحكت ذوق وجت وحضنت الجوهره قالت وكلنا اهلتس وربعتس وكل شي فقدتيه سعود بيعوضتس عنه مثل ماعوضوني عن الي فقدتته بعد ابوي وتناظر بفهد ابتسم فهد قال بعون الله يخيتي حنا خوانتس ولا تفكرين بالماضي الماضي مايجيب الا وجع الراس الجوهره عيونها على ابوها الي كان حلمها انه يزفها بيدينه وتسمع منه مبروك مع الي تحبه وتختاره ويتعهد بالي يزعلها بس ابوها ماهو راضي بعرسها قال عزام متى تبون العرس حددوه والجوهره تتبقى عندنا تنزف من بيت ابوها لبيت زوجها وانا الي بزفها بالثوب الابيض مثلها مثل البنات عصب ابوهم وطلع ضحكو الا الجوهره قال ابو ضاحي الشهر الجاي شهقو البنات قالو مايمدي نجهز قال ابو ضاحي على الخفيف جهزو والباقي بعد الزواج تكمله مع زوجها سكتو بس الجوهره مالها نفس وتناظر ورا ابوها تمنت يرجع بس مارجع لها ورجعت ناظرت بسعود ضحك سعود ومسك يدها قال علامتس ي روحي قالت الجوهره فرحتي ناقصه ي سعود صح اني فرحانه بس ماتكمل الا ببوي صح مانسيت الي سواه معي بس يبقى ابوي غمض لها سعود قال خليها على ربك وأن شاءالله عرسنا يبي يحضره ابوتس اذا هذه الي تبينه سكتت الجوهرة وناظرت باخوها عزام قالت وصرت السبب بزعل ابوي واخوي بس عزام حلفني بغلاته وش اسوي قال سعود محظوظه ان عندك هالاخوان ماراح انسى وقفتهم معي الي يحققو حلمي مع الي احبها سكتت الجرهره ومكسور خاطرها من الي صار ماكانت تتمنى الي صار يصير بس من طرف ابوها واخوها ومن الطرف الثاني سعود الي ماتقدر بدونه والي عجزت تنساه قالت بروح قال سعود روحي ويشر لها تروح راحت الجوهره لغرفتها وراحت ركض لشباك حق غرفتها تشوف ابوها وهي تبكي قالت آسفه يبه كل شي اتوقعه الا انك تكرهني بعمري ماسمعت ابو يكره بنته بس انت كرهتني ابوها تحت برا يكلم ورجعت انسدحت ونزلت راسها وحضنت مخدتتها وتبكي عند ابو ضاحي استاذن يبي يمشون قال سعود جدي هالحين قال ابو ضاحي اي اكيد الاهل رجعو لديره خلونا نرجع يلا ي عيال سعود مايبي يبي يودع الجوهره وناظر بسطام وفهد غمز سطام لا احمد واشر بسعود فهم احمد قال عن اذنكم وقام وراح احمد الجوهره عند الجوهره حاطه راسها بحضن اميره قالت اميره اخذتي حلم حياتك ليش الزعل ي الجوهره المفروض تفرحين قالت الجوهره وين الفرح ي اميره بس ابي منتس وعد ماتتركين احمد صدقيني احمد يحبتس وحيل عليتس الله قلب اخوي احمد قلبه مستحيل تلقين مثله وتحصلين غيره وصعب تلقين مثله فرصه وجتك بالعمر مره لاتفرطين فيها قالت اميره احمد بعيوني قبل قلبي صرت ماشوف الا هو اناس انواع الا هو واحد مافيه مثله ثنين صدقيني حتى لو هو يتخلى عني انا ماراح اتخلى عنه هو بكيفه بس انا مستحيل احمد واقف على الباب قال والله اذا انتي ماتتخلي عن انا مستحيل اتخلى عنتس ويضحك استحت اميره قالت يعني تتنصت علينا قال احمد ابد والله ماتنصتت قالت اميره لاتكذب برا وتتطلعه برا قال احمد ي بنت الحلال جيت اقول للجوهره سعود يبي يرجع لديرته ويبي يودعها قبل يروح ويناظر بالجوهره فزت الجوهره قالت يمه وراحت صوب المجلس وقفت على الباب الكل طالع يودعهم بس سعود الي بالمجلس يم دخلت الجوهره سعود واقف يفرك يدينه ويتلفت للباب قالت الجوهره بصوت خافت وحزين سعود التفت سعود ناظر فيها وتنهد ببتسامه قال روح سعود تعالي ي بعد زولي جت الجوهره وقفت قدامه قالت تتروح وتخليني ي سعود قرب بسرعه ومسكها من يدها وسكر فمها قال ان راح سعود وابعد عنك ذاك الوقت سعود تحت التراب ان غطوني بالتراب ذاك الحين قولي لسعود تتخليني لان روحي بوقتها بيد الله مو بيدي غوؤرت عيونها دموع قالت جعل يومي قبل يومك اسمع ي سعود عطيتني امل بهالحياه لاتاخذ هالامل مني خلني اعيش على هالامل طول ماني معك ي غلا روحي وفوادي لاتروح سعود خلك معي ضحك سعود قال بروح ي روحي وباذن الله بعد شهر اشوفتس اخوتس عزام قال لي بتجون لنا بعد شهر وانا بنتظرتس وبنتظر هالشهر يخلص بسرعه على شان اشوفتس ابتسمت الجوهره قرب سعود بيبوسها بخدها وبعدتت عنه الجوهره ناظر فيها سعود بتعجب قال علامتس قالت الجوهره الي خلاك تنتظرني سنين يخليك تنتظرني شهر بعد ماصير ببيتك وقتها كلي حلالك هالحين على شان خاطري بلاها تنهد سعود وباسها من راسها وطلع متضايق قالت الجوهره سعود سعود تناديه سعود مارد وراح بكت وجلست على ركبها قالت ليش طيب جت ذوق واميره وحصه قالو بسم الله علامتس قالت الجوهره سعود يمكن تضايق مني قالت ذوق ليه وش مسويه استحت الجوهره قالت ماسويت شي قالت حصه ابد وتهز براسها قالت اي قالت اميره الجوهره اعرفك عشرت عمر وباصمتك بصم قولي قالت الجوهره كان بيبوسني وسعو عيونهم فيها انتبهت لهن الجوهره وناظرت فيهم شهقت قالت لا مو زي مافهمتو بوسه عفويه من هني وتشر على خدها ودنكت قالو اه اشوى ماعاد يمنا نيه عفويه شطحنا ولله بس يارب عفوك حمدلله قالت ذوق طيب عادي لو باسك وش بيصير قالت الجوهره ماراح يصير شي بس خفت مو بيدي ضحكو قالو زين ولا يهمك اذا ذا الشي البسيط ماراح يزعل اكيد قالت الجوهر يارب مازعل مني شفته تضايق قالت الجوهره يلا تعالي ودعي جدي ابو ضاحي قالت الجوهره استحي قالت ذوق تعالي معي معليك وراحو للاهل برا قالت ذوق جدي الجوهره بتودعك ضحك الجد ابو ضاحي قال تعالي ي بنيتي جت الجوهره لجدها ابو ضاحي عيونها على سعود ابتسم الجد ابو ضاحي قال هاه وانا جدك محتاجه شي قبل مانروح ناظرت الجوهرة بجدها ورجعت ناظرت بسعود قالت لا ي جدي مابي الا سلامتك وسلامت الي حولك ابتسم سعود ولف لورا فهمها تقصده تنهد قال جدي نمشي قال ابو ضاحي يلا وراحو بكت الجوهره قال عمها معاذ علامك ي الجوهره قالت لا ي عمي بس ذوق بشتاق لها والله ولا هالبنت ماتغيرت على حلاوتها للحين ضحكت حصه قالت الذوق ماتتغير ي الجوهره نفس هالملاك الي مايتمنى لنفسه الا يتمنى لغيره واخذه حلاوتها من خولها وتناظر بمعاذ قال معاذ والله قالت حصه اي عندك شك قال لا ابد وش سويتي فيني انتي مافتني الا هالعيون دنكت حصه ضحك معاذ قال تعالي خلينا نروح للبيت قالت حصه طيب بجيب سامي واجيك روح انت وانا الحقك قال معاذ يلا روحي وقلبي معتس ضحكت حصه وراحت تجيب سامي من عند ام الجوهره نايم عند ورد تخطط على سحر وبدريه بس 😭السحر ينقلب على الساحر

جار الكتابه ............،،،،،،،،،