عشقتك وعشقي لك مرجله وعناد وقلبي اسير لك في الحب والشوق

91

خلونا نرجع عند سحر رايحه بيت ابوها نادر نايم لان نادر ينام عند مشاري من جاء عندهم لديره قالت اوف ذا دايم نايم مفكرته مشاري وراحت للقسم الثاني قالت اوف وش اسوي طفش وان راحت هناك يكثرون اساله وش اقول اقول ايه احبه واموت عليه ويجيني شعور مافههمه ان طولت ماشفته بس وش ينفعني فيه هالحب وبكت ومسكت عبرتها قالت اوف لازم الهي نفسي بشي على شان مافكر فيه مالي خلقه وتهف بيدينها على عيونها على شان ماتنزل دموعها وقامت ولفت شعرها وفصخت وبدتت تنفظف وحاطه السماعات وتغني على شان ماتفكر وتلهي نفسها بالشغل:.......
إن غاب صوتك أنا أناجي الليل و أوني و أتخيلك و أتذكر هامة بلادي

مديون لك بالغلا و الحب مشقني يا مستحل الفؤاد العاشق الغادي

من يشبك في البشر يا ذوقي و فني يا راحتي و بسمتي و موتي و ميلادي

لاتخاف مني و من قلبي إذا وني أكيد مشتاق لك يا غاية مرادي

ما بتعب القلب غير الشوق لكني أصبره القصيد و صوتك الشادي

أنا أحبك و أحبك من صغر سني ما أبالغ إن قلت لك من يوم ميلادي

أكبر و الكبر غلاك اللي مجنني غصبن على عيون حسادك و حسادي

ما ودي يجرح شعورك كلمة مني و أنت حياتي وعمري و مهجة فؤادي

و ودي تعيش العمر راضي و متهني مرفوعه راسك راضي عليك العز متبادي

لا توصي القلب ليه بالشوق متعني ما دمت أحبك عتَباه ما هو بعادي

عتباك قلبك على حبك يطمني خله يعاتب أنا سلمته فؤادي

يا شوق روحي و قلبي و قطعة مني عتابك ألطف من النسمة على فؤادي ورايحه بخيالها وتغني
وكان صوتها خلاب فيه احساس يخبل يذوب من صدره صخر وهنا صحى نادر قال ياربي بكل مكان ازعاج مارتاح وقام سحر تنظف عند راسه تمسح وقف نادروشافها سحر قال هالبنت تموت ان مازعجتني مصيبتي هيه وان قالو وش مصيبتك قلت هي سحر ماغيرها بحياتي ماردتت لانها ماتسمعه قال نادر لا عاد فوق ازعاجك ماتردين علي وتطنشيني قويه ويضرب بيده على الباب 😭ونفس الشي ماسمعته مسكها بيدها ولفها يمه قال لا عاد مانتي صما ولا طرشىا شهقت سحر قالت اعوذ بالله اللهم ان كان جن فابعده بسم الله الرحمن وش فيني صرت مجنونه فيك هذه حوف من كثر مافكر فيك حتى افكاري ماخليتها وسع عيونه نادر قال عفوا جني جن والله الي فوق راسك والي بذونك وش فيك وبلحظه انتبه نادر لاخر كلامها وابتسم مع تعابير اعجاب قال لحظه ماسمعت وش قلتي ويشر على سموعه دنكت سحر وتفرك بيدينها قال نادر علامك هزت سحر براسها لا قال نادر ارفعي راسك ماردتت عليه سحروظلعت منزله راسها قال وش فيك والتفت وراه بيشوف احد جاه ماجاء قرب نادر قال سحر علامك فيك شي قوليلي اسمعك هالايام مانتي عاجبتني قالت سحر مافيني شي بس ليش بكل مكان لازم اشوفك فيه ونظراتها حزينه نادر حس انها متضايقه منه قال ليه ماتبين شوفتي مثل مانا ادور شوفتك كل لحظه وكل مره ادور فرصه لو صدفه اشوفك فيها لو من بعيد المهم اسقي ظما عيوني الي ماتشوف غير وقطع كلامه وسكت سكتت سحر وهزت براسها لا قال نادر لايكون مضايقكك وجودي قوليلي قالت سحر اي مضايقني وش تتسوي يعني وش تتغير تتروح روح اصلن هذه الي خايفه منه من الاول انك تروح بلحظه غير متوقعه قال نادر مراح اسوي شي بس بسوي كل شي لرضى هالعيون ابي اشوف ضحكت هالعيون ابي كل مالد فيها اشوف السعاده فيها وابي لمعة الفرح والحب والاهتمام فيها قالت سحر اوف منك ولفت بوجهها عنه ابتسم نادر قال ولا تكدرين خاطرك لان خاطري يتكدر معك ارحميني و اسمعيني ي بنيه لاتضايقين روحك لفت وجهها سحر عنه قالت اخخ اطلع من راسي تكفى روح عني تعبت والله تعبت منك وتعبت من افكاري والله ماعاد اتمنى اشوفك حتى تعبت قال نادر طيب انا وش مسوي لك وش م ضايقك فيه ماتقولين لي ابي تفسير لزعلك مني مزعلك بدون اقصد ؟ قالت سحر بصوت عالي ماسويت شي هالمشكله مشكلتي انا مالك شغل فيها مشكلتي تدري خلني اقولك اخاف اتعلق فيك وتكسرني ارتحت هالحين خلاص روح قال نادر بضحكه هذه شي حلو قالت سحر نادر قال نادر انا اكسرك ي سحر ان ماجبرتك ماكسرتك لاتضلميني دخيلتس قالت سحر نادر ان كان لي غلا عندك ولو شوي لي معزه بقلبك روح عني خلاص قلبي تعب حيل خايفه مالي ذنب لاتلومني قال نادر بدال ماتطلبين مني قربك تطلبين ابعد عنك وش هذه انتي الي تكسرين قلبي هالحين وتظلميني بكسر قلبك ناظرت فيه سحر وعيونها دموع وتنزل تنهد قال نادر لا لا وقرب ومسح دموعها قال اوعدك ان كان وجودي هو الي موجعك هالكثر وينزل هالدموع اروح هالحين ولا عاد تشوفيني وعد بس قوليها لي وعيونك بعيوني لاتقولينها وعيونك تصدين بها عن عيوني مسكت يدينه سحر وكنها تقول لا تروح بس اخاف اتعلق فيك آكثر وتخليني ماعندي ثقه بضروفنا الي كل ضرف بدرب جاء نادر اتصال وسحب يدينه منها وناظر فيها قال لحظه ورد على الاتصال غمض نادر عيونه قآل اوف مو وقتها ناظرت فيه سحر قالت وش فيه طلع نادر عند الباب وقف وشاف سيارت الشرطه عند الديوانيه والعيال بيدينهم ☹️ ضحك نادر قال هالحين اقولك انبسطي ماعاد تشوفيني طول عمرك امنيتك تحققت لو تمنيتي نتزوج بدال ماتتمنين ابعد عنك كان تحققت وتصيرين لي وقريبه علي سحر شافت الشرطه قالت نادر لاتروح دخليك لا تروح ضحك نادر قال لازم اروح مقدم بلاغ علي تو وصل لي اتصال ضروري اروح على شان ماتكبر قالت سحر وش مسوي لاتقول قاتل او غيره قلبي مايتحمل خلقه قال نادر لا ي رويحتي انتي بس قولي خالفت القانون شوي بس خلينا نقول كذا ويبتسم لها قالت من متى قال هالسالفه من عرس فهد وذوق قصه طويله انسي يلا بروح مبسوط لان اخر وجهه شفته هالوجه الحلو لو ماطلعت مرتاح وبيطلع مسكت يده سحر قالت نادر لاتروح خلك تنهد نادر وناظر فيها قالت سحر طيب خلك معي طيب خلك عندي اوعدك مايشوفونك ولا اهرب روح المهم ماياخذونك ضحك نادر قال ماكنتي تتمنين فرقاي هذه وقته انبسطي فيه واحتفلي بعد قالت سحر لا خلاص ابيك بس ماهو بيدي ماتحمل خلني على الاقل احتفل بقربك ولا احتفل ببعدك خلك هنيا امانه فلت يده من يدها نادر قال ماهو بيدي انا هذه القانون لو بسابع ارض يلقوني ي سحر ولا عاد اشوف هالدموع فاهمه خليني اروح مرتاح قالت سحر لا تخليني وتبكي ضحك نادر وطلع وسحر لفت وتكت بظهرها على الجدار حاطه يدينها على فمها وتبكي ماتحمل نادر تنهد وغمض عيونه ومسح بيدينه على وجهه ورجع لها دخل قال سحر سحر ي عُمري يتلفت يدورها شهقت سحر ناظر نادر وشافها جالسه تبكي وحاطه يدينها على وجهها على شان مايطلع صوتها ابتسم وناظر فيها قال لا لا قومي معي وقيمها وقامت معه قالت سحر وجهها دموع يعني مانت رايح رجعت قال نادر ماقلت ماني رايح بس ماقدرت بدون اودعك مادري اطلع منها ولا لا المهم انتبهي لي على نفسك تراها امانه عندك ومسح دموعها بيدينه وباسها من جبينها بقوه مع شمه لريحتها شهقت وسعت عيونها سحر مصدومه من الي سواه ناظر فيها نادر وضحك قال رجعت اقولك يويلك تتزوجين غيري ان طالت معي مارحمك اذبحك واذبحه معك وابتسم وشد يدها بيده وراح سحر لسى بصدمتها وقامت تناظر فيه وهو رايح لديوانيه ومسحت وجهه ولبست وراحت لبيت جدها تتفهم وش صاير نرجع عند الاهل قبل نص ساعه كانو جالسين يسولفون ويضحكون من شوي الا الشرطه جايه قال ابو ناصر بسم الله يالله جعله خير ويناظر في العيال قال مسوين شي قال فهد ابد وش بنسوي داهموتهم الشرطه وكان القائد مشاري وغمض عيونه وصد عن جده وعيال عمه قال ابو ضاحي وش صاير قال مشاري اعذروني بس مقدم بلاغ باحتيال معلومات وانتساب اسم وهويه و معلومات ويناظر في فهد وسعود وسطام المطلوب سلطان ***** ال**** و غمض عيونه قال فهد برا مسافر علاج مو موجود حنا موجودين قال مشاري وانتم تفضلو معنا للقسم هناك نتفاهم مطلوبين تقدمون افادتتكم يلا وهو مغبون على الشباب عيال عمه اخذهم بيده لسجن قال مشاري وين نادر قال ابو ناصر ماهو موجود رجع لديرته وش تبون فيه وابو ناصر خايف عليهم دخل نادر قال موجود ي جدي ويناظر بجده غمض ابو ناصر قال عيالي ي ابو ضاحي قال ابو سلطان ي ابوي خلنا نفهم وش صاير وش مسوين ويناظر بالعيال قال مشاري عمي بالمركز نتفاهم بالموضوع يلا واخذهم معه بسياره الشرطه ذوق وصل لها كلام مو مزبوط وانهارت بعد الي سمعته انهم اخذو فهد ماتحملت من صدمتها وماسكه بطنها وتصيح حست بمغص واغمى عليها صاحت ام ذوق يويلي بنيتي وخمتها بحضنها جاء ابو محمد واخذها واخذ امها معها وورد راحت معهم للمستشفى مر الوقت ست ساعات العيال انسجنو الي مبلغ طلع هو ابو عزام عشان زورو له اوراق واستخدموها لصالحهم خانهم الي متفقين معه وقال له 😔 نرجع لذوق بالمستشفى 💔💔💔وكانت الصدمه الكبرى على ذوق والاهل 💔😥سقطتت ذوق طفلها 😔ذوق لسى مخدره ولا تعرف ان كان ببطنها طفل صغير مابعد كبر بس خسرته ولا كانت تعرف عنه ولا حست فيه مثل كل ام عند ام ذوق تبكي منقهره على بنيتها منى بنيتها ومنى حفيدها وكيف تتواجه فهد وذوق وتقول انهم خسرو قطعه من روحهم وكيف موقف ذوق بالموضوع شايله هم قالت ورد عمه ذوق ان عرفت انها خسرت ولدها والله تموت قهر مسكينه ولا اخوي فهد فوق مصيبته خسر ولده وش فيهم هالاثنين ي عمه ليش حياتهم تعيسه لهدرجه وش هم مسوين بحياتهم على شان يتعاقبون كل شوي قال عمها ابو محمد الله يعوضهم وهذه ماكتب لهم الله ي عمي مقدر ومكتوب يلا قومو خلونا نروح البيت قالت ام ذوق لا بنيتي ماخليها وين فهد ي اخوي سكت ابو محمد قال بعدين بعدين يلا خلونا نروح قالت ورد لا مو رايحه بجلس عند ذوق عمي ذوق هالحين بحاجة فهد ماراح تتحمل صدقني جت الممرضه قالت دكتوره وتنادي لدكتور المريضه صحت جاء الدكتور وكانو بيدخلون قال الدكتور لو سمحتو اتركونا نعرف نشتغل شغلنا قال ابو محمد خذ راحتك ومسك اخته فهده وجلسها عند ذوق تفتح عيونها وتغمضها قالت وين انا قال الدكتور بالمشفى حمدلله على سلامتك ماتشوفين شر قالت ذوق دكتور ليش احس اني تعبانه ماقدر اتحرك هني يوجعني وتشر لدكتور بيدها الوجع الي تحس فيه ببطنها هنا ذوق حست فاقده شي بس وشهو ماتدري جت الدكتوره لنساء والولاده سعوديه قالت الله يعوضك بالاحسن انتي خسرتي الجنين بسبب صدمه تعرضتي لها وسعت عيونها ذوق وهي مصدومه قالت بصدمه ورجفه بكلامها وصوت باكي انا خسرت جنين يعني كنت حامل كان هني طفل صغير قالت الدكتوره للاسف اي بس خسرتيه هنا 💔 انهارت ذوق وصيح لا تكفين ي دكتوره ابيه رجعيه لي مو انتي دكتوره رجعيه ببطني انا وش من ام ماحسيت في ظناي ببطني وتلطم بخدها امها وعمها ابو محمد سمعو صوت ذوق تبكي وتصيح جو ودخلو الا ذوق وضعها يحزن وكيف مكسوره لخسارت جنينها جت ام ذوق وحظنتها قالت حمد الله على كل حال ي بنيتي ربي عطاك واخذه طير بالجنه ذوق تهز راسها لا لا لا اكيد لسى ببطني تسحب الدكتوره بيدها شوفيه اكيد موجود تكفين شوفيه وتبكي ورد تبكي وتناظر بذوق قالت ذوق خلاص راح طير من طيور الجنة لاتبكين لسى انتي تعبانه ارتاحي ولا تبكين خلاص وش كل هالدموع والصياح بيرجع الي راح لا استهدي بالله ناظرت ذوق بورد وكن خسرت كل شي بحياتها وعيونها تذرف دموع وجع وقهر ام خسرت ظناها الي مابعد شافته ولا حطته بحظنها مثل كل ام وتشم بريحته قالت ذوق ورد اكيد انا مو ام تستاهل ان يصير عندها عيال شفتي كيف ماتهنيت فيه راح امي كانت تقول الام تحس بظناها بس انا ماحسيت فيه وش بيقول فهد اني ماقدرت احافظ على وليده وينه فهد وتتلفت تدور فهد سكتو فهد وينه يمه ورد وينه فهد اذكر الشرطه اخذته بس وينه ماجاني وش صار في فهد يمه فهد بيتركني لاني خليته يخسر ولده وتلطم بوجهها وتتنهد قالت خالي وينه فهد وش بقول له اقول ماستاهل اصير ام لعيالك هذه اول ولد لك ماحافظت عليه كان يقول ابي بنت تشبهك وين هالحين راح حلم كنا نحلم فيه يمه تكفين رجعيه لي راح ارتاح بس رجعوه ليي وداخت جاء ابو محمد وهو ماسك عبرته وحظنها قال يامي انتي مقدر ومكتوب وش بيدك انتي فهد اكيد ماهو من هالنوع فهد يحبتس ويلغيتس ماراح يلومتس على الي صار قالت الدكتوره اتركوها ترتاح توها طالعه من صدمه ودخلت صدمه ثانيه وحطو لها ابر مهديات هزت الدكتوره راسها وطلعت ام ذوق باست بنتها من جبينها قالت ياليت كل وجع تحسين فيه اقدر اخذه عنتس قالت ورد عمتي انا بجلس عند ذوق روحي انتي مع عمي قال ابو محمد يلا ي فهده وبعد اصرار راحت ام ذوق مع اخوها ابو محمد وجلست ورد وراحت لذوق لغرفتها وقفت عندها قالت اخخ ي ذوق وش بيصير فيك ان عرفتي ان فهد بعد مسجون وفوقها خسارت وليدك ليش انتي منحوسه وتعيسه لهدرجه ما قدر الله وشاء بس ماتستاهلين الي صار لك وجلست جنبها وتمسح على راسها نرجع عند فهد والشباب قال نادر عيال وشلون عرف ابو عزام وكيف وصلت له الاوراق الي ماحد يدري عنها حتى قال سطام اكيد النذل اشتراهم نجس وش تتوقع منه بعد قال فهد اخخخ ي كبر همي ويقو ضيقتي التفت له سعود وقرب من فهد قال علامك ي عين اخوك ناظر فهد بسعود قال مدري ياخوي حجر على صدري وضرب بيده على صدره ويتنهد حط سعود يده على رجل فهد قال تفكر بالذوق ي فهد قال فهد ومن مشغل بالي غيرها ي سعود عندي احساس يقوه ضايق صدري منه احس احس بتنهيده ياخوي الذوق محتاجتني ماهو غريب هالاحساس ي سعود ابي اطلع ولا بشوف الذوق وفز من ضيقته فهد التفتو سطام ونادر قالو وش فيه ويناظرون بسعود هز سعود براسه لاحول قام سطام قال علامك ي ظلع اخوك قال فهد طلعني ي سطام ماقدر اقعد لبكره ي سطام ابي اطلع جاء مشاري قال العشاء اخذوه فهد راح وصد عنهم لان ماحد فاهمه قال سطام ي فهد تعال وانا اخوك تعش قال فهد مالي نفس تعشو انتم قال سعود ي فهد تعال اخذ لك لو لقمه عصب فهد قال قلت تعشو وانتم ساكتين ماتسمعون انتم غمض نادر لهم وسكتو تنهد فهد وانسدح ويتقلب ويتقلب وتنهد وقام جلس قال سعود وهو مغموت على نفسه فزو له مسكه نادر قال بسم الله عليك فهد علامك ي فهد قال فهد مدري احس روحي تتطلع ي اخوي مدري احس الذوق الذوق ويسعل عصب سطام وطلع ينادي قال مشاري مشاري تسمعون تعال احد يجي ولتفت اخوه فهد جاء مشاري يركض ومعه ثنين قال مشاري وش فيكم قال سعود فهد ي مشاري مشاري شاف وجهه فهد محمر ويسعل قال للحارس افتح الباب فتحوه دخل مشاري مسك فهد من كتوفه قال فهد علامك بسم الله عليك قال نادر ماهو وقته ي مشاري لازم نطلعه برا يشم هواء الرجال ضايق ناظر مشاري بالعسكر الي معه قال مشاري مانقدر ويناظر فيهم قال صاحبه عبدالله نطلعه ي مشاري قال مشاري بس ي عبدالله قال ماجد نطلعه ماحد داري بينا واللي فيها فيها الرجال بيموت وشلوه وخذوه ناظر فهد بمشاري قال ي مشاري الذوق الذوق ي مشاري ابي اشوفها صد وقال مشاري لا ممنوع سامحني ماقدر وقام ولف وعطاهم ظهره فهد تفلت منهم بينحاش مسكوه ورجعوه مكانه بالسجن قال ماجد ي مجنون وش جاك انهبلت ماعاد عندك عقل تفكر قال فهد من خلى فيني عقل هاه ماتقولون لي سكتو وراحو عنه عنيد وش يفيد معه
وفهد مغبون وبنفس والوقت مقهور وجلسو يعذلون عليه العيال وسكت وهو خانقته العبره ابو ناصر وابو ضاحي وعيال ابو ناصر جو للقسم حق الشرطه وفهمو الي سووه عيالهم راح ابو ناصر وقف قال ي عيال وش سويتو ماتوبون ولا عاجبتكم جلست السجن وريحته على الرايحه والجايه متربعين فيه ضحك سعود قال ي عمي عريس وبالسجن ويضحك قال نادر معليه ي جدي تكفى ابوي لايدري يذبحني على اخر عمره ولده خريج سجون ولا جالس هنيا ضحكو العيال سعود وسطام قال سطام حنا متعودين لو فيه شهايد كان عندنا شنطه مليانه ويشر بيدينه ضحك نادر قال ميد ماتعرف ابوي اسمع ي جدي قال ابو ناصر وش حادكم تسوون هالسواه قال سطام هوايه ي جدي هوايه وقفت اخوان مع اخوهم ماسوينا شي شرينا سعاده اخونا وراضين بهالثمين ويبتسم هز ابو ناصر راسه قال هوايه لو جيتك علمتك وشهي الهوايه ابتسم فهد وسكت ناظر ابو ناصر بفهد واضح تعبان ومغبون تنهد فهد ولف وجهه عن جده قال ابو ناصر تعال ي فهد ي ابوك مسح فهد بيدينه على وجهه وقام لجده قال فهد امر وش بغيت ي جدي قال ابو ناصر اخخ ي فهد يكبر مصيبتي كبراه قال فهد جدي وش صاير وجهك واضح عليه الحزن لاتحزن اذا علينا حنا رجال ونتحمل الصعوبات معليك تربيت يدينك ابو ضاحي خنقته العبره وراح مايبي يشوف فهد مسجون ولا يدري انه خسر وليده ولا حرمته الي تصارع الموت بعيد عنه فهد هنا حس فيه شي مسك يد جده ابو ناصر قال جدي فيه شي الذوق طمني عنها فيها شي ليش جدي ابو ضاحي تغيرت ملامحه يوم شافني ابو ناصر قال معليه ي ولدي اسمع وانت رجال وقلبك مليان ايمان بربك وترضى بالمقسوم اسمع ي ابوك الذوق كانت حامل ضحك فهد قال احلف ي جدي يبي يصير عندي ولد وابو انا هالحين وبيجي العنيد وانتبه لكلام جده قال لحظه لحظه جدي قلت كانت حامل وشلون كانت ماهو حامل هالحين قال ابو ناصر ابيك تتمالك نفسك وانا جدك الله يعوضكم بالاحسن منه نظرات فهد بجده والعيال باستغراب قال وشهو جاء قاطعه ابو سلطان قال يبه ووسع عيونه ببوه قال ماهو وقته لاتزيدها بعد عليه قال ابو ناصر ان ماعرف اليوم يعرف بكره قال فهد جدي التفت جده ابو ناصر قال هاه يابوك قال فهد ابي الذوق قال سطام لاحول ولاقوة الا بالله من امس وانت مدوخنا في هالذوق الحرمه ببيتها وانت خلك هنيا لين ربك يفرجها ناظر فيهم فهد وناظر بجده قال فهد اسمع ابو سلطان مايبي يزودها على ولده خسر ولده وعليها سجنه قال فهد اسمعك ي جدي قال ابو ناصر الله يعوضك بالاحسن منه الذوق بالمستشفى من امس وخسرت ولدها وسع عيونه فهد بصدمه بجده وتعجب باستغراب بكلام جده وفقد توازنه مسكه سعود غمضو عيونهم العيال قال نادر لاحول ولاقوة الا بالله يجاهد البلا
فهد مصدوم الذوق كانت حامل ولا ادري انها حامل واليوم فوق مصيبتي يجيني خبر اني خسرت ولدي الي مادري عنه وطاح على الارض قال سطام العوض على الله ياخوي وباس راس فهد فهد ناظر بجده وفز وقف وقرب لجده قال جدي الذوق طمني عنها كيف حالها اكيد موجوعه لاتقول صار لها شي بعد قال ابو سلطان لا ابشرك بخير وصحه وسلامه والله يعوضك بس تنتظر جيتك سكت فهد مايبي ينكسر قدامهم وصد عنهم ناظرو فيه وسعود وسطام ونادر مكسور خاطرهم من حالة فهد فوق مصيبته مصيبةً ثانيه قال سعود جدي روحو خلوه لحاله شوي وراحو عند فهد راح وجلس لحاله عنهم وصد بوجهه وبكى من قلبه فهد وجعه شق ظلوعه الي المفروض يساند الذوق بحزنها معاً يبي من يسانده بحزنه كان يفكر بالذوق 💔😔

جار الكتابه ......... تابع
اسفه على التاخير العوض بالجاي 💞