عشقتك وعشقي لك مرجله وعناد وقلبي اسير لك في الحب والشوق

الثامن والاربعون

خلصت الجمعه والكل رجع لبيته يصلي ومرت الايام نفس الاحداث ونفس الروتين عند ذوق اتصلت بالجوهره قالت ي ذوق لازم تطبقين بالحرف ويارب انجح يويلك مني ي فهد ان صار شي  ردتت الجوهره ... ذوق بعد سوالف مع الجوهره قالت للجوهره سعود  تعبان ولان صار له شي انتي السبب والذنب برقبتك حرام عليك الي تسوينه فيه الجوهره قالت كيف وش قصدك وش فيه سعود والله ماتحمل ترا لاتحمليني فوق حملي هالحمل ثقيل ويهد الحيل صدق قالت ذوق وربي متت من خوفي عليه على بالي خلاص مات قلبي بغى يوقف وقتها خوفني مايتحرك واصحيه ماييصحي شهقت الجوهره قالت بسم الله عليه ذوق امانه صادقه ذوق : ليه بكذب عليك قالت الجوهره بشوفه بس بدون علمه تكفين مدري ليه ماني بمصدقه ذوق ضحكت زين بروح له لحظه اوريك اذا صدق ولا كذب الجوهره يلا انتظرك بسرعه قبل احد يجي قالت ذوق زين اصبري ذوق وصلت للمجالس وفتحت الكيمره قالت شفتي الجوهره : ماهو بواضح قربي شوي ذوق : مافيه اكثر من كذا يبي يحس علينا الجوهره : لا تكفين ذوق على شاني بتطمن بس قربي شوي ذوق :زين تحملي الي يبي يصير الا لحظه والله خايفه عليه انتي و ليه تكابرين عليه الجوهره ~ ذوق حسي فيني ماقدر والله ابوي والله لان عرف بيزوجني غصب تتذكرين يوم عرف عنك انتي وفهد فخليني بعيش هالحب بصمت وخفى عن الكل مابي يعرف غيرك من بعد الله اوعديني  ذوق اي سعود صدق مرنا عابربطريقه بس خطف قلبي معه وراح ولا جاء ولا عاد شفته حتى من بعد ذاك اليوم وللحين ماجاء ولا سال حتى فاتمنى له الخير دوم واتمنى يعيش سعيد ضحكت ذوق ناظر فيها سعود قالت ذوق اص لاتهرج اسمعي الجوهره لاكن سمعت ان جدي ابو ضاحي يبي يزوج سعود وسع سعود عيونه فيها قالت بصوت خافي وش تهبدين انتي ذوق اص وسكرت السماعه اسمع مالك شغل اسمع وانت ساكت الجوهره قالت كيف قالت ذوق اي وماكنت بقولك بس مدري زل لساني يارب سامحني  الجوهره : ماهو على كيفه يجي وياخذ كل شي فيني قلبي نومي وعقلي حتى شوقه مارحمني واخذ كل شي وراح وسامحته على عدم جيته لنا وهالحين يبي يتزوج الله لايوفقه ان سواها صدق ضحكت ذوق قالت افا اخذ سعود الجوال من ذوق قال يلا واشر لها تروح قامت ذوق وهي تضحك وطلعت قال سعود لا ماحبيتها منك تدعين علي بدال ماتتمنين لي السعاده وتباركين لي  انصدمت الجوهره وتجمدتت وبس تناظر فيه قال سعود علامك قبل شوي لسانك وش طوله وهالحين ماقلتي ولا حرف وماسمع منك شي ويضحك قال بس تطمني ماراح اتزوج ان ماتزوجتك ولا بلاها من زواج وزيجه اكمل ديني معك مع غيرك مستحيل يكمل ديني والي تحسين فيه انا بعد احس فيه بس ماهو متعمد ماجيك الا والله ميت على ماجيك لاكن خايف عليك من ابوك وهذا السبب الي مقيدني ابتسمت الجوهره : يعني مانت متزوج ضحك سعود  قال اي كذبه هالملقوفه تهبد من عندها لاكن ماراح اتزوج وقلت لك انتي ولا بلاها كلها قالت الجوهره وعد ضحك سعود اي وعد الجوهره  قالت الجوهرة هلا قال شعلومك : الجووهره : علومي هي نفس علومك ليه تعبان قالت ذوق انك تعبان وجهكك وسكتت ضحك سعود لاتخافين ماعلي اخلاف قولي جديد على الحب وماتحملت هالبعد والكتمان قالت الجوهره : لو عرفت بيصير لك كذا كان بادرت انا اسفه ضحك سعود قال وانتي الي بادرتي هالحين قالت كله من ذوق انا اوريها صبر علي  قال سعود ليه متحسفه قالت الجوهره لا هالحين لا استحت قالت سعود قال سعود لبيه وش فيك قالت الجوهره انتيه لنفسك ودير بالك على حالك ماوصيك ولا تطول علينا نار الشوق شاعله بالروح والسبب تاخيرك قال سعود انا الي نار الشوق احرقته واحرقت الي حوله معه والدليل قدامك تعبان ومهدود الحيل ماحس بعظامي وعاجز حتى ماقوم الي يشوفني يقول مشلول لاتخافين ومابيك اصلن تخافين ولان هدتت الامور بين ابوك وجدي وقتها تنحل قالت اتمنى ي سعود قال سعود فيك حيل تنتظرين سعود لين تنحل ويفرجها ربك ابتسمت الجوهره قالت لو العمر يفني انا انتظرك ي سعود ومن هالناحيه ارتاح الجوهره تتنتظرك  وانت قال سعود الي بقى من عمري بنتظرك فيه  لو يضيع العمر وانا انتظرك تطمني سعود بعد ارتاح قلبه وعرف انه متعلق بمعاليق قلبك بنفس الحب والغلا  ارتاح استحت الجوهره قالت سعود خلاص طولنا يلا  قال سعود لو طول عمري بجلس واسمع هالصوت هالعمر فدى لك لاكن ارحميني صوت بلا صوره تنقص لهفه الحب وويزيد الشوق بالقلب وانا اسمع  انفاسك بالسماعه قاطعته الجوهره قالت مع السلامه ضحك سعود قال مع السلامة يالجوهره بعد ما سمعت صوتك وسوالفت معك وسمعت كلامك الي فيه علاج وشفى لي ولروح واحد حب ومنها محروم من حبيبه الله حسيب السبب قالت الجوهره سعود بسكر قال ماودي والله بس سكري ذوق عند الباب تتسمع 😭 قالت وش فيهم هذولي الي يهبد انا ولا هم هالحين وش الي اسمعه تو تو مامداهم ياربي منهم يخوفون اتخيل بعد هالكلام عرسهم بكره وتضحك بس ان شاءالله والله اتمنى سكر سعود قال ي ملقوفه اشوفك تعالي ضحكت ذوق ودخلت قالت هاه وش الاخبار طمني قال سعود مايحتاج اقول سمعتي كل شي بعرف ليه ملقوفه انتي اعداك العنيد كان ملقوف من صغره نفس القافه ضحكت ذوق قالت وهذي من لقافته بس الله يرده لي سالم بس الا صدق قلي قال سعود اخذي جوالك وروحي يلا قالت ناكر المعروف ماتقول لي قال مانسى وقفتك معي واطلبي الي تبينه وابشري فيه قالت ذوق تتزوجون هذا طلبي قال ماعاد ادري ينكتب لي معها نصيب ولا لا قالت ذوق ابشرك الله لان قدر لك معها وكتب لك فيها نصيب تتزوجها لو مابينك وبينها الا يوم اخيرا خلاص انكسر هالمكابر وانفجر البركان وبدتت التعابير والله مانت بهين قال والله الاهي ماهي بهينه شفتي وش صار فيني من وراها قالت ذوق سعود تدري وش الحلو في الجوهره انها جرئية الا صدق ساعدتتك بعد الي نكبته وسويته سامحني على يوم ضغطتت عليك والله ماكنت حاسبه لهالحساب الي صار فيك وكانت نيتي بس اخليك تحس وتعيش بهالحب لان الحب صدقني حلو ويزيد حلاوه انك تتبادل هالحب مع الي تحبه قال سعود وانا اشهد وانا اخوك ماصار شي وعادي كنتي تحاولين تساعدين لا اكثر ولا اقل وانا مالومك كنت مبالغ بالمكابر على قلبي ومشاعري ضحكت ذوق  قالت تو تدري يلا و رجعت للبيت وهي مبسوطه عند جدتتها وسعود تحسن وصار احسن من قبل وذوق تنتظر فهد فهد خلص الاسبوع واليوم يرجع وهي مبسوطه ومجهزه قهوه له قالت الجده وش صاير  ليه ي ذوق مارحتي يمهم قالت ذوق جده مالي خلق بجلس عندك قالت طيب ي بنيتي اخذت ذوق عشر دقايق تقريبًا الا فهد داخل مع الباب شهقت وضحكت قالت جده فهد وقامت ضحك فهد : سلام عليكم الجده :  يالله انك تحيه هلا ببوي وفهد يحب راس جده قال وشلونك ي جده طمنيني عنك كيف صحتك قالت الجده بخير ي ابوي بعد ما شفناك ناظر فهد بذوق وضحك قال وشلونك ي ذوق ابتسمت ذوق قالت بخير وانت قال بعد شوف الحبايب لا ابشرك بخير ضحكت قالت الجده اجلس بروح اصلي واجيكم وانتي ي ذوق جيبي القهوه الي سويتيها لفهد وقهويه على بال ماجي ذوق ابشري ي جده هالحين ☺️والجده دخلت ذوق اجل انا بجيب القهوه فهد مسكها بيدها وسحبها ويناظر يم غرفه الجده قالت ذوق فهد وش تسوي جده قال فهد معليه راحت تقابل ربها وتصلي انسي مشتاق لك حيل حيل هو لحظه كل هذا لي نعنبو الحظ يبختي والله اجي تعبان وروق على هالوجهه استحت ذوق قالت بجيب القهوه وتتروح مسكها قال خلينا من القهوه وهو كيف بكيف وانا خلاص  كيفت وكيف مزاجي بعد شوفتك انتي مثل القهوه طعمك حلو وريحتك تعدل الكيف والاحساس فيها مثل الشعور والاحساس بقربك ناظرت ذوق يم غرفه الجده قالت فهد ماهو بوقتك قال فهد اجل متى وقتي وقتي مايحلى الا معك وبقربك خليني لاتقتلين متعتي بعد ماشوفت هالوجه الجده وقعت شي داخل التفت ذوق ودفت فهد قالت بجيب القهوه وراحت للمطبخ وجابت القهوه ضحك فهد قال اي وش الاخبار مع مصيبتنا ضحكت ذوق قالت سويت الي قلته ونجحت انت افضل واحد عن جد لاحد يلوم قلبي فيك فهد تخيل سعود والجوهره عرفو انهم يحبون بعض وكذا ارتحنا قال فهد كيف قالت اتصلت في الجوهره ومروغتها بالكلام وطلعت الي بقلبها وكذا فتحت المكبر عند سعود وهو سمع كلامها ومالك بالطويله اندمجو بالكلام مع بعض بس صراحه اخذو جو بسرعه على بعض والمهم ارتحت بعد كل هدا قال فهد قويه والله احمدي ربك ماهي عندك وتمسكك سلخ قالت مايهمني المهم ارتحت وتريح قلبي قال فهد طيب بعد مارتحتي خلينا حنا نرتاح ونتزوج شوفي والله خلاص نفذ صبري وانتي ماشي على راحتك قالت ذوق بعد ماصلحت بين عيالي وعصافير الحب خلاص خلنا نتزوج والله كنت شايله هم بس خلاص ضحك فهد قال يعني قالت فهدد خلاص قال بعرف بس ليه ان جينا عند سالفه الزواج استحيتي الباقي عادي صح سكتت ذوق ضحك جت الجده قالت علامكم سكتو كملو لاتعتبروني بالوجود اخذو راحتكم واذا تبون انسحب اجل بروح قال فهد لا ي جده تعالي حياك جت الجده قال فهد وهو يناظر في ذوق قال جده كنا نتكلم عن العرس وبعد شهرين بنعرس شهقت ذوق وناظرت فيه قالت شهرين وهالشهرين هذي تركض بسرعه مايمدي وتناظر بجدتتها ضحك فهد قال طيب وهذا الي ابيه تركض بسرعه ويجي اليوم الي احتريه قالت الجده مايمدي نجهز يبي له شغل واجد قال فهد انا مجهز كل شي بس هي تاخذ الي يلزمها ونكمل الباقي بعد الزواج عادي سكتت ذوق ومدنكه قال علامك هزت ذوق براسها لا وقامت وهجت ضحك فهد قال هالبنت بعد كل الي صار تستحي مني قالت الجده ليه وش صار قال فهد هاه لا ي جده اجل وين جدي قالت مع جدك ابو ضاحي قال زين اجل بروح لهم قالت الجده زين بحفظ الله وانا بروح يمهم قال وين قالت عند ام مشاري اليوم القهوه عندها والكل عندها قال زين يلا وقامت وراح 🥰