عشقتك وعشقي لك مرجله وعناد وقلبي اسير لك في الحب والشوق

90

وصلو الجماعه ابو ضاحي والي معه سعود مبسوط بس فرحته ناقصه لان كان يبي الجوهره ترجع معه لديرته بس ماحصل المهم بشرو الاهل ان سعود ملك على الجوهره وصارت له اخيراً الكل مبسوط ابو ناصر جاي وبشروه من الفرحه قال اذبحو الذبايح للعريس اليوم هي يوم الافراح بفرحه مبروك ي ولدي بعد عناء طويل وصلت للي تباه ضحك سعود وحضن ابو ناصر قال سعود اي ي عمي مالك الدنيا ومافيها وصدق لاولا الله ثم لاولاك ماصار كل هذه مشكور ي عمي معروفك مانساه ضحك ابو ناصر قال انت واحد من عيالي والي اقدر اسويه سويته مافيه ابو يتحمل الي يشوفه بعياله وساكت  الا يسوي الي يرضيهم ويسعدهم وانت بناخي صاحبي الغالي رفيق دربي ضحك فهد وسطام وباسو راس جدهم ابو ناصر ابو ناصر قال تسلمون ي عيال خلاص فكونا من الجو العاطفي هذا اجلسو ومر الوقت ذوق والبنات ببيت ام ذوق ويسالون ذوق عن الجوهره وش صار وش ماصار ذوق مبسوطه لسعود والجوهره وتسولف لهم عنهم قالت بدريه طيب وينه سطام بلهفه ناظرو فيها قالت اقصد يعني ماشفته لا اقصد ودنكت ماتو عليها ضحك البنات قالو وصل قصدك ي حلوه معليه لاتبررين ضحكت بدريه قالت ماهو بيدي وقامت وهجت لبيت جدتتها ضحكو البنات قالت ذوق لا عاد كلكم عليها وانتم وش نفهم من النظر عنكم وتناظر فيهم سحر توترت قالت بروح مع بدريه باشوف جده مسكتها ورد قالت جده مو فالبيت علامك ي سحر وش فيك انخطف لونك وتغيرت ملامحك وارتبكتي ذوق تمزح والله قالت سحر ادري ذوق تمزح بس الي تقصده ذوق ان فيصل قبل شوي سالني عنك قال لاتقولين لاحد اني سالتك ولا تجيبين طاري وش رايك بهالكلام هاه 😉 وش تتوقعين قلت له ورد رايي اقوم احسن وقامت وهجت ضحكو ذوق وافنان وفجر وسحر قامت افنان وراحت قالت بروح عندي شغل وراحت لبيتهم عند فجر وذوق قالت ذوق سحر وش رايك بنادر لاتصرفيني بنفس الكلام قولي غيره ابي اسمع غيره الواضح والله يحبك هانادر قالت سحر وش قاعدين تقولون عن اي حب تهرجون مابينا شي حتى ومن وين نعرفه حنا ضيف عندنا فقط لاكثر في اي لحظه يرجع لدياره ولا عاد نشوفه فتره وهالطير الي مهاجر دياره يحن ويطير لدياره ضحكت ذوق قالت بس هالضيف الي تقولينه ي سحر يوم جينا من المدينه تدرين وش كان يقول و وقتها واضح من كلامه وعيونه يحب والي يحبها انتي كانو يسولفون وحنا مع الطريق وظن كانت لعبه اسال وتجاوب على السوال مابينهم اسمعي قال فيصل الحب ي نادر هاه ي عيال وشهو الحب  قال نادر ياخوي يشهد الله انه هلاك يذبح بلوه ي كبرها من بلوه الحب قنبله ان قربت منها انفجرت فيك وبلتك وقال له سطام  الشوق ي نادر قال نادر اشهد انه الموت بحد ذاته نار شاعله لو تكابر عليها تحرقكك وانت حي الشوق شين ي عيال جمرته صليلها يحرق الروح قبل الذات قال سعود  العيون ي نادر قال نادر اشهد انها رماح وكن هدبها هدفه يثبت صوابه بين الظلوع وعزالله مارحمو وصابت القلب ياخوي قال سعود و الهدف بهالحياة ي عيال قال نادر سحر وناظرو فيه الشباب باستغراب وقتها بس ضحك نادر انتبه على الي يقوله وقال اقصد سحر عيونها هذه الي قصدتته علامكم وضحك قالت سحر ومن قال انا المقصوده ي ذوق قال لك سحر لا اجل ليش واثقين انه انا وهو ماقال لي شي ولا بين لي هالحب الي تقولونه وقامت ضحكت ذوق ولحقتها قالت ذوق نادر مايقول بس عيون نادر فضحته اخوي واعرفه وانتي عيونك فاضحتك تعلمين ي ي سحر وشهو الشعور الحب وكيف ان شفتيه يحن له قلبك وتذوب له روحك انا ان شفت فهد احس ماقدر اتنفس احس جاء واخذ انفاسي قلبي يخفق بسرعة البرق ماتحمل قالت سحر ابشرك كل هالشعور الي قلتيه ماوصل لقلبي للحين حتى ماحس فيه  ضحكت ذوق قالت والله قالت سحر اي وصدتت بعيونها لذوق قالت ذوق طيب ابي تفسير بس وقتها مالسالتك بس هالحين بسالك ليش غرتي عليه ذيك المره وتقطع قلبك يوم قال لخته غرام حبيبتي وفكرتي ان له حبيبه او خطيبه حتى هالشي ماله تفسير عندك مايغار الا الي يحب ي سحر وانتي واضح وبالحيل نادر نشوفه بعيونك قالت سحر هو غصب تعلقون قلبي فيه ليش تتجرحون قلبي اخاف ي ذوق مايقدر هالقلب ويكسره بكره ويمكن عنده بنات عم وبكره ان اشددت ضروفه يقول بنات عمي اولا منك فيني وقتها وش شعوري وش اسوي الطم بحالي وغيري هو الي فاز فيه وربح بقلبه وفيه سكتت ذوق قالت يعني تتكابرين على مشاعرك لو توجعك وش نفع المكابر لسعود والجوهره وسطام وبدريه وش نفعني انا وفهد فيه ماتقولين لي غير انه اوجعنا واحرقنا قالت سحر ان كان فيه وقتها مشاعر وقتها قولي اكابر عليها  وراحت لبيت ابوها سكتت ذوق ورجعت لفجر قالت فجر وش صار ي ذوق قالت ذوق عنيده ي فجر لمتى تتكابر هالبنت انا مجربه هالشعور والله يوجع احبه ولا اقدر حتى اقول لحد الكتمان يذبح والله يذبح قالت فجر ي ذوق ماتلام سحر تجربتها الاولى بالحب اوجعتها وصارت مصايب فوق راسها ويمكن خايفه تحس بنفس الوجع مره ثانيه خلينا نعذرها سكتت ذوق قالت يارب اجبر قلبها وقلب نادر واجمعهم ببيت واحد وتمنى كلهم يتزوجون ونفرح فيهم ابتسمت فجر ورفعت يديها قالت اللهم امين يارب وفرح قلبي بشوفت سلطان سالم غانم يارب قالت ذوق امين عند بدريه دخلت قالت جده وينك بقولك شي مهم ودخلت الا سطام متكي على المركى بصاله يدخن ويشرب شاهي التفت من سمع صوتها ابتسم قال يالبيه لهالجيه تعالي ي يبعدي كلي وبعد كل من بقى لي وقفت بدريه قالت وين جده بروح لها وتتروح لغرفة جدتتها قام سطام قال على وين وين رايحه جده ماهي فيه راحت لمي تعالي اقعدي معي ذبحني الملل ولا اقول تعالي ابي أشبع عيوني فيك بدريه متوتره وتفرك بصابعها وابتسمت له قالت عندي شغل وتتهج لفها سطام يمه قباله قال كل شغل يتاجل لوقت ثاني بس وقتي معك مايتاجل ومسكها من كتوفها وسحبها يمه وغمض عيونه ويتنفس قربها قال بقربتس اقدر اعيش واتنفس كيف الواحد يعيش بعيد عن روحه بدريه تكفين خلينا نتزوج ماقدر اتحمل اكثر خلاص حني علي وخلينا نعرس يعجبتس الي تسوينه فيني هزت بدريه براسها لا ابتسم قال اسمعي خلاص مو مطولها بس اسمحي لي فيها قالت بدريه وشهو خافت بنظرات برريئه خمها بحضنه بقوه سطام قال مابي اكثر من كذا هالحين اما بعد مانتزوج بحاسبك عند كل لحظه اشتقت لك فيها ولا قدرت اقرب منكك استحت بدريه ورفعت راسها من على صدره قالت سطام خلاص روح لاتجي جده ولا وحده من البنات يشوفونا قال زوجتي خير يطير قالت الي هو يرضيك يقولون عني كلمه قال سطام اذبح من يقول عنتس كلمه وحده ضحكت بدريه قالت اجل روح يلا قال سطام اخخ انا الي اعرفه الي يحب يخلي يحبيبه بحضنه ولا يفارقه بس الي انا اشوفه حبيبي يبعدني عنه ضحكت بدريه وناظرت فيه ماتحملت تشوفه يتكلم كذا وكيف عيونه فيها جاذبيه اذا تكلم بهالطريقه وحاول يفهمها قالت سطام الي جاء من ؟ التفت سطام قال من مافيه احد الا هي بايسته بخذه قريب من اذنه بشوي وهجت سطام ماستوعب تخدر ضحكت انتبه لضحكتها والتفت يمها قال بدريه طفله ماتعرفين وشلون تبوسين قالت اعتبرها هديه على سلامتك ضحك سطام وهز براسه وطلع مبسوط 😩

جار التكمله تابع .........البارت الثاني باذن الله 😔💔بكره انزله