عشقتك وعشقي لك مرجله وعناد وقلبي اسير لك في الحب والشوق

85

فهد نادى ياربع وينكم الجده سمعت منادى بنيخيها فزت لهم قالت ي هلا وقامت تهلي فيهم ضحكو وحضنو جدتتهم بينهم حضن جماعي قالو وشلونتس ي جده ام ناصر بخير بلمتكم حولي طمنوني عنكم وطمنوني وش قالكم جدكم ماسوى لكم شي صح قال فهد ولا يهمتس ي روحي جدي مايقدر يطول زعله علانا بكره تشوفينه راضي علانا المهم انتي ماقالتس شي قالت ام ناصر لا ماجاني حتى ضحكو قالو خلاص بوجودنا ولا يهمتس شي ضحكت الجده ام ناصر قالت روح لغرفتي قال فهد وشوله اروح قالت روح وتلقى الي انت ماترتاح الا تعذبه معك يصلي ضحك فهد فهم ان جدتته تقصد ذوق وراح بسرعه قال سطام افا ماطمع وخلانا ويناظر بجدتته ومسلط ضحكو الجده ومسلط قال مسلط لاتلومه الشوق يعمل عمايله البلا هنيا ويضرب بيده على صدره ناظرت فيه الجده قالت وانت لاتقنعني انك مانت بمشتاق لاحبابك ابتسم مسلط قال اجل وينه قالت الجده عند ورد تلقاهم وحنا بنروح لعمتكم ام مشاري وانتم روحو لهم ببيتكم قال مسلط حلو اجل نرجع عند فهد جلس على طرف السرير ينتظرها تخلص صلاتها ويبتسم خلصت ذوق وسلمت من صلاتها وناظرت في فهد بضحكه فهد فز فهد عندها قال اي ي روح وقلب فهد انتي وخمها بحضنه قال تقبل الله ي يبعد حيي اخخخخ وش كثر مشتاق لك ويبوس فيها ضحكت ذوق وناظرت فيه بنضرات تعب قالت ماكن طولت قال فهد طولت بجسدي لاكن روحي مخليها معتس ماقدرت اخذها معي تعالي طمنيني عنتس جلس وجلسها بحضنه قال هاه ي قلبي ويذوقي طمنيني ليش كل هالتعب على وجهتس من مزعلك بغيابي ويمسح بيده على وجهه قالت ذوق ماحد زعلني بس الشوق حيل اتعبني وانت ولا هميتك 🥺قال فهد لا عاد لاتقولين زعلانه ذوق شافت التعب بعيونه وقلت النوم حطت يدها على وجهه قالت مانمت صح ابتسم فهد قال وشلون انام وملاكي ماهو بمحتويني ضحكت ذوق حضنته قالت فهد مشتاقتلك حيل حيل والله ضحك فهد وبادلها الحضن ♥️🥺قال ماهو بكثري وريحتك ودي انها تنشب فيني وكل ماشتاق اشمها وباسها برقبتها ويشم عطرها بقوه قال فهد اخخخ وخرت راسها ذوق قالت وين جدي قال بالديوان ورجع يبي ي بوسها حاوطتت ذوق وجهه بيدينها قالت ذوق شفت عزام قال اي شفته والله الي يشوفه يقول ماهو بولد عمك رجال وكلمته حاده على الكل حتى ابوه ماقدر يقف بوجهه عجبني هالرجال وتدرين وش الحلو ان عمك ماقدر يقول كلمه وحده من تكلم وكنه بركان من سمعو فيه ماحد جاء له ولا قرب منه وتحمد له بسلامه وبارك له وابشرتس الجوهره تطلقت من زوجها ضحكت ذوق وهي مبسوطه قالت يعني خلاص بنفرح بالجوهره وسعود قال فهد ماظن بس آن شاءالله واضح على وجهه تكدر لفت وجهه ذوق يمها قالت ليش وش صاير قال هالحين بروح وشوي اقولتس كل شي خليت الريجيل هالحين يقولون راح لحرمته ولا جاء مسكته وش ويضحك ناظرت فيه ذوق وفزت من حضنه قالت كل شي براس الحرمه يعني مامسكتك ولا غيره ولفت وجهها عنه ضحك فهد قال افا وقام ومسكها من خصرها وسحبها علاه قال بس ماهو بصح وين الغلط ماقدرت اشبع منتس قلبي ماهو بيدي ماودي اخليتس قالت ذوق روح خلاص قال فهد لا ناظرت فيه ذوق قالت وش يعني لا قال برقد بحضنتس تعبان وحضنها قالت ذوق شوي ابشربي بس روح هالحين ان تاخرت علاهم جدي يجي ويعاتبني انا قال فهد زين زين وباسها من جبينها وخذها بيدها وراح لجدتته وخوانه ضحكت ذوق قالت ي هلا قال سطام وشلونتس قالت ذوق حمدلله وانتم وشلوننكم قالو ابشرتس ان حنا بخير ناظر سطام بفهد قال خلصت نروح قال فهد يلا قدامي وناظر بذوق وغمض عيونه وراح ضحكت ذوق له وراح معهم قال مسلط اجل خلونا نروح لمي مشتاق لها ناظر فيه سطام قال عزتي لها اجل يوجدي عن امي تقول مشتاق لمي اجل قال مسلط اكيد مانتم رايحين معي ويبي يروح لبيتهم قال سطام على ماظن قالت جده ان امي ببيت عمي ابو مشاري وان تبا هذاك هو دربنا الي يودينا امي ماهو هذه ويشر براسه يم بيت عمه ابو مشاري قال مسلط ماظن اكيد امي بالبيت ضحك فهد قال خله يروح دلوع امه ناظر مسلط بفهد قال اعقب ماني بدلوع من الاخر لي صاحب لو ماشفته اليله ماظن برقد قبل اشوفه ضحكو سطام وفهد قالو روح اجل لو قلت من اول كذا قلنا معه حق ويضحكون قال مسلط اوف وراح وقف قال وانت مانت بجاي ويضحك علاه يقصد سطام ناظر سطام فيه وفي فهد قال لا ماني بجاي ماني بانت ولا اخوك ويناظر بفهد على طول واحد راح على طول بحضن حرمته والثاني مايقدر يصبر وراح لها كنه حصيني وسع عيونه مسلط قال احمد ربك انك اخوي الكبير ولا بتشوف وش بسوي فيك ضحك سطام قال بس جرب وشوف وان اوديك قال مسلط هالحين انا ليش اضيع وقتي معكم مامنكم فايده قال فهد لا الفايده عندك اجل ذابحنا البرد واقفين معك وانت تتروح لها وتدفى روح روح ضحك مسلط وراح لبيت امه وفهد وسطام راحو لجدهم بالديوان ورد والبنات يلعبون بنت ولد عجوز وهنا الولد افنان 😭وقف مسلط من شافهم يلعبون وتكى بجنبه على الباب قالت ورد هههه لاصيدك ي ولد يلا عن بناتي لاصيدك وانت تغمز لهم ضحكو البنات قالو اكيد انتي العجوز قالت ورد لا حرام شكلي شكل عجوز ضحك مسلط وهز براسه افنان مع غمزتها لريماس شافت مسلط شهقت وسعت عيونها فيه ورد وش بسم الله ضحكت ريماس قالت غمز لي غصب عنتس ي عجوز النار ضحكت سحر قالت الغمزه مو لتس ولا بالغلط حسبتيها لتس وتشر على الباب صاحبها واقف وراتس الفتو البنات افنان استحت ودنكت بس مبسوطه بشوفته فزت ورد قالت ريحت اهلي يبعد تسبدي وراحت حضنته ضحك مسلط قال اوف اشتقت للسانتس الي مايفصل ضحكت ورد قالت بسكت عنك هالمره بس على شأني مشتاقه لكم وين سطام وفهد قال راحو لجدي كنت جاي ادور امي ويناظر ب افنان ضحكت فجر قالت يشري عن عمتي جاي تدورها قلت اجل وتغمز لفنان قالت دلع سبحان الله مع الغمزه جبتيه وش سحر بعيونك هو هجت افنان ناظر مسلط فيهم قال ماتقدرون تسكتون شوي بس قالت ورد بدال لاتهاوش الحقها ي غبي فرصتك ناظرو فيها فجر ودلع ضحكت ورد قالت اصصص ضحك مسلط وطلع ناداها قال افنان وقفي افنان ماترد راحت لبيت جدتتها على بالها لسى جدتتها موجوده لحقها ومسكها من ذراعها قال مره وحده لاتعانديني اسمعي مني ولا تذبحيني بهالعناد غمضت عيونها افنان ماتبي تناظر فيه زعلانه ناظر فيها مسلط وضربها بخفه بصبعه على خشمها قال وش ماتبين شوفتي هزت افنان راسها اي لا ضحك قال خلاص بلا دلع يبنت الحلال وش فيك طيب انتي حره اذا ماشتقتي بس بنسبه لي عزالله اني مشتاق وحيل مشتاق وانتي لاتقولين لي ماشتقتي لي فتحت عيونها افنان قالت الا بس انت ليش ماترد علي ماتخاف ربك ماتفكر ان هنيا قلب مشغول عليك مشغله جدي اساله عنك وجدي ولا يدريبك ابتسم مسلط قال خفتي علي ولا زاد شوقكك لي وانتي ماتسالين لين يوصل معك الشوق حده ناظرت فيه افنان ببراءه ناظر فيها قال مسلط هاه وش تبين افهم من هالنظرات قالت افنان تصدق ماعمري اشتقت لك كثر ماشتقت لك هالمره مسلط امانه على شان خاطري ان كان لي خاطر بقلبك لاعاد تخليني بدونك ضحك مسلط وتنهد قال هونتس علي كل هذه تقولينه وبالمكان الغلط ناظرت فيه افنان قالت وشلون قال مسلط تعالي معي استغربت افنان خذاها بيدها ودخل فيها بيت جدتته ام ناصر قالت افنان مسلط وين جايبني قال مسلط قولي كل الي بخاطرتس قالت افنان بتوتر مابخاطري شي وتتروح حسبها عليه مسلط ونزل شالها شهقت افنان وناظرت فيه بخوف وباستغراب مسكها مسلط بكتوفها وحسبها عليه ويشم شعرها افنان غمضت عيونها قالت مسلط بصوت به ربكه قالت مسلط لاتسوي كذا قال مسلط ان شفتس ماقدر امسك حالي وش بيدي ماتقولين لي كل شي فيني ملهوف علاتس ودي اضمتس على صدري لين اشبع كل شعور فيني منتس اشتقت لهريحه وراعيتها افنان انفاسها قويه تنسمع واضح عليها لان حست بشده حرارة انفاسه وجتها قشعريرة وكل جسمها تقشعر حطتت يدينها على صدره قالت مسلط بعد عني بقولك شي تبي بس تبعده عنها قرب مسلط ودفن وجهه بخدها قال ايه قولي اسمعتس قالت افنان الي تسويه غلط ي مسلط شدها عليه مسلط قال وين الغلط الي اسويه انتي الي تخليني اشتاق لك وتحركين مشاعر انا عليها مسيطر كل شي فيني يتغير من اشوفك وكلامك عيونك بالاخص هالنظره الي كل مره تنظريني فيها وضحكتك بعد الزعل اخخ وش كثر حلوه وكل شي فيك يغيرني تنهد افنان ومسكت وجهه وحاوطتته بيدينها وبعدتته عندها قالت لاتتسرع خلك صبور وانت الي قلت مانتزوج لين نحقق حلمنا وانا شوفت عينك اسعى ورا هالحلم على شان خاطر هالعيون الي احبهم والي كل ماناظر فيها احس قلبي بيوقف ابتسم بخفه مسلط قال طيب وتلومين قلبي وتلوميني ان جيتس مندفع مافكر بالي حولي كل الي افكر فيه انتي هزت افنان براسها لا وتبتسم له مسلط ماتحمل وقرب وحط شفاته على شفاتها افنان وسعت عيونها ممم وتتبعده عنها غمض مسلط والتهم شفاتها افنان شهقت بقوه مسكها من خصرها وسحبها علاه وكل شوي يسحبها اكثر واكثر لين لزقت فيه افنان حست بشعور غريب حست بكل تفاصيل جسمه مسلط مكمل يبوسها افنان لاارادياً بادلته البوسه ابتسم مسلط وحضنها فجر وذوق جايين بيشوفونها وين راحت لانها من راحت من عندهم زعلانه عصبت فجر مسكتها ذوق قالت اشش تعالي معي ودخلو غرفه الجده فجر فار دمها ماتحملت قالت كيف افنان تسويها هو يستغلها ويستغل حبها له على شان يتقرب منها قالت ذوق وين يستغلها تراه زوجها وانتي ادرى وين الغلط وترا عادي طبيعي تستسلم له ماشفتي وشلون محتويها وكنه محتويها بكل قوته وانتي ادرى بهالمواقف وش يصير كل شي فيها يستسلم له ان قرب منها وهذه الي صار مع افنان وانتي اسكتي لين يروح مسلط وبعدها نتفاهم معها قالت فجر مسلط انا الي بموته مسكتها وحلفتها ذوق ماتروح لهم وسكتت مقهوره فجر على الي صار نرجع لهم بعد وجهه مسلط عنها وضحك افنان مسكره عيونها قرب مسلط ورجع وباسها بجبينها قال احبك والف مره وكل مره احبك فيها اكثر واكثر كل مازاد هالحب يزتاد شوقي لتس وهالكلام اقل من كميه الحب الي بقلبي لتس فتحت عيونها افنان ودفنت وجهه بصدره ضحك بصوت عالي مسلط قال علامتس هالحين هزت راسها وهي حاطه يدينها على وجهها رفع وجهها من على صدره قال ماتقولين لي وش فيتس ناظرت فيه افنان سطام اتصل على مسلط قال مسلط هذه وش يبي هالحين تتهج افنان مسكها بيدها وفتح المكالمه قال هلا قال سطام وينك ي ولد قلت تتسلم وتجي ماقلت تتبات بعد ابتسم مسلط وناظر بافنان قال جاي وسكر قال وين قالت افنان بروح خلاص امانه ابتسم مسلط والتفت الا يشوف وجهه بالمرايه قال افنان الله يصلحك وش ذا شهقت افنان قالت تستاهل قال وش استاهل الله يهديك نضفيه بسرعه يدوروني اشغلوني خلصيني وقفت افنان تضحك عليه قالت لا ماراح انضفه بشوف وش بتسوي مسكها من ذراعها قال افنان لاتطلعيني من طوري يلا قالت زين زين لاتعصب تعال وخذته بيده وقف مسلط على باب غرفت بدريه قال وين تتاخذيني قالت افنان وين تتوقع قال اخاف ماقدر ادخل معك ناظرت فيه افنان قالت وش يخوف مو اكلتك لاتخاف قال اوعديني ناظرت باستغراب فيه قالت وش تقصد قال مسلط ماقصد شي ويضحك سحبته وجلسته على السرير قال اوه هذي اولها اجل وبعدها وين بحضنك ويغمز بعينه لها رفسته برجلها برجله قالت مسلط شيل كل الي تفكر فيه من راسك لان هذه اصلن الي هالحين يدور براسك ضحك قال يدور بس من يوافقني ويغمز لها رفعت وجهه افنان يمها بعصبيه ناظر فيها مسلط بنظره تعجب بحركتها قالت افنان اش ولا حرف هز براسه اي استسلم لها ابتسمت وتمسح على وجهه بمزيل المكياج تنضف الروج من على وجهه قالت هذه لان ماعاد تتهور بحركاتك حاوط خصرها بيدينه وسحبها قال بتهور وعيدها واعيدها المهم انتي قريبه مني ومره ثانيه لاتحطين حمره على شفاتك قالت افنان مايخصك هالشي وتنضف بسرعه مسك يدها قال وشلون مايخصني شوي شوي وش فيتس حاقده علي مزقتي وجهي قالت اسفه وتمسح بخفه ابتسم ويناظر فيها حطتت يدها على عيونه قالت خلاص وتفلتت منه قالت تقدر تروح ضحك قال طرده قالت لا بس خلاص تاخرنا وطلعت ضحك مسلط ولحقها فجر طلعت بوجهه قالت وش الي سويته انصدم بوجودها مسلط وارتبك قال وش سويت يبتسم سوى نفسه طبيعي قالت فجر والله عيوني لاتشوفك حول اختي الا بعد تعرس واذا تبي شي اعرس بالاول ناظر فيها باستغراب مسلط قال روحي بالله عليك ماني برايق لتس وطلع فجر انقهرت من حركته معها قالت اوريك انا وطلعت زعلانه قالت ذوق فجر تراك مكبره الموضوع دامها راضيه وش عليك منهم قالت فجر خايفه على قلب اختي افنان مادنى مايكسرها وش بيضمن لي مايسكر قلبها قالت ذوق فجر والي يهديك مسلط يحبها من وهي نتفه هالقد وش يكسر قلبها رباها على يده وماتحمل يشوفها مع غيره وسوى سوالف وقصص بس على شان يحصل علاها وهاه بعد كل تعب وجهد خذاها ولا تبين اذكرك وش سوى على شانها مسلط يحبها لاتجين بينهم طرف ثالث قالت فجر زين زين فجر بتسكت بس ماسامحه له ان نزل دمعه من عيونها قالت ذوق وانا معك نحاسبه بس خلينا نخلي لهم مجال بحياتهم وش دخلنا حنا هم كبار وبالغين وادرى بمصلحتهم كلهم متعدين مراحل البلوغ مايحتاج اوضح لتس اكثر سكتت فجر قالت خلينا نروح وراحو لبيت ام مشاري والكل متجمع نرجع عند الجد قال ي عيال يقصد عياله لانه زعلان على احفاده جهزو بكره أن شاءالله ولا الي بعده بنروح نكمل طلعتنا الي خربوها عيالكم مجهزين الخيام من سبوع قولو لعيالكم ضحك ابو سلطان وناظر بالعيال قال سمعتو قال نادر جدي انا برجع لديرتي فز ابو ناصر قال وشلون قال نادر اي من مده ماشفتهم وحنيت لها تكدر ابو ناصر قال ي ولدي لازم تجي معنا واذا تبي تجيب اهلك جبهم قال نادر اشوف أن شاءالله ماطول الحقكم فرحو العيال قالو ابشر ي جدي يبون جدهم يتكلم معهم غمز فيصل لهم قال عمي مارد ابو ناصر علاه قال مشاري مافيه امل لاتحاولون ويضحك ومر الوقت قال الجد لمسلط رحت للبنيه الي منشغل بالها علاك شوف ي مسلط افنان عندي غير و ان زعلتها بزعلك ارتبك مسلط قال لا ماشفتها رحت بسلم على امي بس مالقيتها ناظرو فيه فهد وسطام قالو وشلون ليش مالقيتها قال مسلط لا ومالكم شغل ناظر فيه فهد قال حط يعينك بعيني ويبتسم صد مسلط عن فهد ضحك فهد قال وتقول مالقيتها مايكون علي بحق ان مالقيتها و قاطعه مسلط قال قلت مالقيت احد حتى ضحك فهد قال اي اي مالقيت احد اجل قال سطام وش عرفك غمز فهد لسطام قال خبره للحين ماتعرفها ان تزوجت تعرفها وسع عيونه سطام بمسلط قال سليط وش مسوي اذبحك قال مسلط اهدى وش تسمع لكلامه ماعنده سالفه ضحك فهد قال اي قلت ماعندي سالفه زين اجل وانت بكيفك صدقت ولا لا ويضحك قال سطام وشلون ماقصدك وهو جاي الضحكه شاقه وجهه قام مسلط عنهم ضحك فهد ومر الوقت وتعشو وسرو لبيوتهم عند البنات ضحك وسوالف ولا حسو بالوقت الامهات وذوق وفجر سرو بعد تعشو لبيتهم نرجع عند سعود منسدح وناظر بعزام راقد قال اخخ ي عزام وش عندك وليش جيت لتزيدها علي فوق ماهي زايده فوق راسي حرك رجله نادر برجل سعود نادر منسدح من عند رجول سعود ورجوله يم رجول سعود ناظر سعود بنادر قال بصوت خافت وش ضحك نادر وقام تكى على يده قال وش فيك ابتسم سعود قال افكر بهالدينا وين تتوصل معي وعساء نهايتها خير ضحك نادر قال خير ياخوي ولا يهمك بس وكل امرك لله وخلني اقولك اسمعه متعني على شانك يقصد عزام قال سعود خير أن شاءالله ورجع انسدح المهم نامو واصبح الصبح الكل يجهز جاء نادر وفهد يشيل العفش بالسيارات قال نادر فهد التفت فهد قال مارحت قلت تتروح قال نادر وان اروح جاني اتصال مايطمن ي فهد نزل فهد الاغراض من يده قال وش عساء خير قال نادر من وين يجي الخير وابو عزام ماحنا بخالصين منه قال فهد شوف يالله يالله اتحمله على شان خاطر ذوق وعياله وجدي ولا ماراح اتحمله وش مسوي قال اسمع ابو عزام عرف بسالفت سلطان وبيمسكنا ابها قال فهد سالفت سلطان قال نادر اي يوم شهر العسل حقكك سلطان مزور اوراق وموقف معاملات ابو عزام ابشرك عرف فهد انصدم قال وش الحل سلطان عندي خط احمر ماحد يقربه كل شي من تخطيطي ولا سلطان له شغل تنهد نادر قال نتجمع ونشوف حل قال فهد زين وفيصل ومسلط وسطام عند جيب الجد وراحو لهم قال سطام وش خلصتو وانت وراك هنيا قال نادر انتم علامكم علي تتمنون روحتي ضحك مسلط قال لا بس انت قلت ومستغربين قال نادر خلونا بالمهم وقال كل شي لهم قال نادر سلطان لازم يسافر يتعالج ناظر فهد بنادر قال موافق بس من بيروح معه انا مشغول هالفتره قال سطام مسلط وناظر بمسلط قال مسلط وتشاورني اكيد المهم عندنا سلطان ضحكو قالو طيب نادر قال انا بروح وبكلم واحد بجهز تذاكر لكم وانت ي فهد قل لسلطان قال فهد ازهل وسكت ومشى نادر لديرته وفهد والعيال يفكرون وشلون يقولون لسلطان المهم مر الوقت ومشو وكان الكل مبسوط ♥️🥺بروحه سعود جلس ماراح معهم بس بيلحقهم جاه عزام قال ان كان عندك وقت اسمع الي عندي وبعدها برجع تاخرت على الجوهره التفت سعود وناظر بعزام وتكى بظهره على السياره من قدام ورفع رجل وقف على رجل وشبك يدينه ببعض يسمع له قال قل وش عندك وقف بجنبه عزام قال تدري ي سعود الجوهره ليش حست بشعور الامان والحب معك ناظر سعود بعزام قال وش تقصد قال عزام الجوهره شافت فيك شي ماشافته ببوي ولا يمكن مو عندنا بعد يمكن معطانها الي يكفيها من الحب والاهتمام يمكن لقت عندك الحب والاهتمام انت الي حسستها انها مهمه و تنحب الجوهره من وهي صغيره حتى بحضن ابوي ماجت ليومك هذه ضحك سعود بخفه قال وشلون وش تقصد مستحيل تراك قلت ابوها قال عزام اول ماولدت الجوهره كان بيوم طلوع البدر طلبو ولي الامر اب الطفله ورفض ابوي يروح ورفضو تسليم الطفله الا بوجود ولي الامر وخالتي دخلها عمي ابو عمر بسم زوجته ويضحك عزام بفرحه قال اول من خذيت بحضني هي الجوهره كانت صغيره بالحيل وكانت كالبدر فعلًا وطلبو اسم لها وقلت لاارادياً الجوهره لانها وهي بيدي شفتها جوهره فعلًا ثمينه وانها جوهره وكانت ماتسكت الا بحضني يمكن حست بالابوه بحضني كنت اسهر اليل علاها ومن كبرت بعمر ١٠ او حولها كنت جاي مع عمي معاذ من عند البل لقيت ابوي يضربها بس على شان لقاها بفراشه وماراح انكر هالشي ان الشي الي الجوهره ماحسسها فيه ابوي وفاقدتته لقته عندك انا يوم جيت ماهو اني افرض اختي علاك ابد لاتفكر حتى فيها شفت قهرها ودموعها يومك مشيت بذاك اليوم وكيف تسولف لي عنك بحب ولهفه وكان انت الوحيد الي موجود ويبي يروح وقف عزام قال وخلني اقولك وش سبب وقفت الجوهره وموافقتها على كلام ابوي على شانك وافقت بس شفت ماتستاهل انها تضحي على شانك ناظر سعود باستغراب وقف قال وشلون على شاني قال اسالها ان كان يهمك الجواب وان كان صدق تباها انتظرها وانا علي احاول لكم وحط يده على كتف سعود وراح عزام وركب سيارته ومشى سعود بحاله استغراب قال وشلون تقول لي نص هالسالفه وتخلي المهم ماقلته ونقهر سعود من سكوت عزام وماقال له السبب ومسح على وجهه وركب سيارته ولحقهم 🥺