عشقتك وعشقي لك مرجله وعناد وقلبي اسير لك في الحب والشوق

92

قام سطام وجلس بنجب فهد وحط يده على كتف فهد قال وش فيك ي عضيدي هاه قال فهد ولا شي ي اخوي ابتسم سطام قال ي فهد اخبرك من صغرك اسمعني دامي اخوك وسندك لاتوجع نفسك ياخوي طلع وجعك على كتف اخوك ويشر بيده على كتفه و بعيونه على كتفه لفهد فهد صد بوجهه وتنهد ولف بوجهه صوب سطام قال وش حال الذوق بدوني ي اخوي سطام غمض عيونه قال حالها مايعلم فيه الا الله بس خلك قوي تعرف الذوق تاخذ قوتها من قوتك وان ضعفت اكيد الذوق تتضعف ي فهد ذوق اكيد تنتظرك بس اصبر لين الله يفرجها مابقى شي اصبر خلنا نتقاسم هالصبر ونصبر وان نفذ صبرك روحي فدا لك ي اخوي ولا اقولك اخذ صبري كله فدالك ي روح اخوك بس ماتحمل اشوف اخوي بهالحاله وانا مكتف الايدين فهد بوجع خم سطام وحضنه بقوه قال اخخخ ماكسرني الا اسمع انها بحاجه لي وانا عاجز هنيا بين هالجدران والحديد الضيقه خنقتني ي اخوي اءءهه حضنه سطام قال سلامتك من الا اءءه وياليت بيدي شي ولا اني معك مسجون كان جبتها لك اليله بس ماباليد حيله اصبر ي روحي جاء ماجد قال فهد فهد فز فهد قال وش عندك قال ماجد اسمعني زين جايك بموضوع واسمعه تبي تروح لذوق ي فهد ناظر فيه فهد بصدمه قال وشلون اقدر اروح لها قال ماجد اخذك لها بس هاه توعدني ماتسوي اي شي ان اخذتك مجنون ناظر فهد بسطام وبنادر وسعود قال سعود ي ماجد ماهو خطر على وظيفتك ماتخسرها يعني فهد مسجون وممنوع يطلع مافيه امر بهالشي اصلن قال سطام اي ي ماجد مانبي نسبب لك مشكله قال ماجد اعتبروه دين سواه فهد لي واليوم الرد هالدين حمله صعب ي عيال مانسى وقفت فهد معي اسمع ي فهد فكر قال فهد لا ي ماجد ماني بناني اروح اشوف حرمتي  وانت تلقمها بسببي وتخسر شغلك بجلس لين ربي يفرجها والذوق قويه اعرفها حبيبت قلبي ماتنكسر بسهوله بغيابي تعطيني القوه لو ماهي جنبي طاريها يكفي عن وجودها ويتقوى قدامهم ولا هو مكسور من داخله ضحك ماجد قال اسمع مصر تراني ناخذك بنص الليل ونردك قبل الفجر وماحد بداري احلف لك قال فهد لا ي ماجد قال نادر فرصه ي العشير لاتفرط فيها روح شوف الذوق واروي عطش عيونك بشوفها وريح قلبك يا فهد روح ياخوي وحاط نادر يده على قلب فهد سكت فهد وناظر في ماجد ومنها خايف ان يسبب لماجد مشكله بسببه جاء عبدالله قال هاه وش صار ي العنيد تتروح ناظر فيهم فهد قال طيب ومن ياخذ مكاني قال عبدالله عندي انا اخذ مكانك  المهم تروح مع ماجد اسمع منا ي العنيد روح الذوق اكيد بحاجه لك روح وانا اخوك تتذكر يوم كنت مسجون هنيا على شانها لذوق اليوم نطلعك من هنيا على شانها لذوق بعد روح انطلق ي العنيد برضانا شرطه حنا ونسمح لك بالسر تروح وترجع وكن ماصار شي سكت فهد قال زين زين يلا وهو متلهف لشوفة الذوق قال ماجد انتظر اشاره منا سامع قال سعود معليك ننتظرك يلا وراحو ماجد وعبدالله يرتبون فكره كيف يطلعون فهد لان فهد قيد ساعدهم واليوم جاء اليوم الي يسددون له دينه معهم فيه نادر خلاص ي اخوي وهذي هي جاء الوقت الي تروح لذوق فيه ابتسم فهد وهو مو مرتاح خايف على ماجد وعبدالله عند معاذ حصه زعلانه منه وجالسه على طرف السرير وتناظر فيه بحقد وقهر قال معاذ وش فيك يأمراه وقتها الزعل اهون عليك لفت وجهها حصه عنه قالت اي وقته كل مره تزعلني وكل مره تبي تراضيني فيها قام معاذ ومسك يدها وسحبها عليه قال ماهو بيدي انتي تعصبيني ودمحيها غلطتت وابن ادام ماهو معصوب عن الغلط ناظرت حصه فيه قالت بس انت تقهرني مو حرام عليك تغلط بسمي بسم زوجتك المرحومه طيب ماتت راحت لربها ليه مانسيتها للحين قال معاذ اسمعي ي حصه ام سامي راحت لربها ماله داعي تغارين منها لفت يمه حصه وعيونها دموع قالت راحت لربها لاكن ماراحت من هني وتشر بصبعها على قلبه تنهد معاذ قال والله مافي هالقلب غيرك ضحكت بستهزاء حصه قالت اي بقلبك بس بمكان الثانيه ولسى تحبها وتشتاق لها ولفت وجهها وقامت من حضنه ورجعت انسدحت مكانها وهي تبكي قال معاذ لاحول ولاقوة الا بالله يارب صبرني  مايذبحني الا هالغيره وحضنها قال سامحيني واوعدك ماجيب لها طاري بس لاتزعلين ماراح اخليك لين تقولين سامحتك يلا ويمسح على شعرها مابي ننام وانتي زعلانه مني لاتوجعين قلبي لفت يمه حصه قالت لو كنت متزوجه قبلك واحد وناديتك بسمه وش بيكون شعورك وش بتحس فيه وقتها قال معاذ بعصبيه اذبحك ولا اعد الله خلقك قالت حصه شفت حتى انت مارضيتها وشلون تبي ارضاها انا وقامت واخذت مخدتتها وراحت تنام مع سامي تنهد معاذ وانسدح ومر الوقت تقريبًا خمس ساعات عند ذوق مخنوقه ومنها زعلانه على فهد ماجاء لها ولا سال حتى جت ورد الذوق ي روحي وش بلاك من ساعتين وانتي تفكرين ومانتي بيمي ذوق بوجع نزلت دموعها لا إراديًا افكر بفهد وافكر بوليدي الي خسرته كله من غبائي ي ورد انا غبيه وش الي بقوله لفهد اني انا وحده ماتستاهل ان اكون ام لولدك الي كنت تحلم فيه بس والله ماكان لي ذنب دخل فهد اششش ولا تقولين لي شي ماني محتري شي منك ولا تبرير حتى ويناظر فيها معقد حواجبه ومسوي زعلان التفت ذوق وموسعه عيونها بفهد وتهل عيونها دموع قالت فهد قال فهد ايه فهد ي روح فهد انتي شعلتي قلبي يبنت الناس ذوق بكت قالت زعلان ابتسم بخفهه فهد وجاءها يمشي بهدو وكن بعيونه عتاب صاحت ورد فهد وفزت تضمه فهد حضن ورد وعيونه على ذوق ذوق بكت ودنكت فهمت من فهد زعلان عليها لانها خسرت قطعه من روحه بعدتت ورد عن فهد والتفت بذوق قالت خلوني اروح شوي انكتمت هنيا اصلن وطلعت وسكرت الباب قرب فهد من ذوق قال وشلونتس رفعت راسها ذوق وعيونها متورمه من البكي ومحمره قالت والله ماهو بيدي سامحني لاتزعل مني والله ان قلبي متقطع ومنشلع من قهري على وليدي بعد مدري القاها من غيابك ولا من خسارتي لوليدي تايهه مابين غياب زوجي وبنفس الوقت خسارتي وليدي غمض فهد عيونه وهو ماسك العبره بصدره وخمها بحضنه قال ماتنزل دموعتس وانا حي هالصوت الناعم ماينبح من البكي والحصره وانا حي وش بح صوتس ي يبعد كل حيي انهارت ذوق بحضن فهد وشدتته عليها بحصره وقهر وجع قالت ضناي راح ي فهد شدها فهد على صدره ويهديها لو فيه خير كان بقى الله يعوضنا بالي اخير منه راح هذه بس نجيب غيره عشره ولا تقهرين قلبتس وتقهرين روحي عليتس اهدي ويحاول يقويها بلعت ريقها ذوق وبعدتت عن فهد شوي قالت يعني مانت زعلان مني يعني تتحبني مثل قبل ماراح تكرهني ضحك فهد قال احبك وانا متى ماحبك كل يوم هالحب يزيد اكثر واكثر ماهو بهالسهوله ينتهي بهالسرعه ولاني  بزعلان على شي مالك فيه ذنب شي كاتبه لنا الله وحنا لازم نرضى فيه لعل يعوضنا الله وتعالي وسحبها صوبه ومسح دموعها بيدينه قال ولا عاد اشوف هالدموع سامعه خلاص انتهى بكره تشوفين نجيب غيره عاد انا كنت ابي  بنت ابيها مثل امها ويبتسم يبي يضحكها ضحكت ذوق ومسحت عيونها قالت والله اني احبك وحضنته ضحك فهد قال وانا ماحبك وبس ناظرت فيه ذوق 🥺قال لا لا اكثر من الحب  يعني مجنون فيك اعشقك اعشقكك فاهمه روحي تضيق بدونتس احس بدونتس تتنفجر هالروح من الوله عليتس هزت راسها ذوق اي فاهمه ضحك فهد وتكى بظهره على السرير وسحبها بحظنه قال ذوق ابيك بغيابي قويه لاتكسريني وانا بعيد عنك انا قوتي وشجاعتي اخذها منك لاتخلين ينشغل بالي عليك زين حبيبتي مسكت يده ذوق قالت انت مرضي  وانت دواي بحضنك اتعافى ي العنيد كذا الذوق ابتسم فهد وباسها من جبينها قال الله لايحرمني منتس ي ذوقي انتي يلا نامي وارتاحي وقام يبي يروح خايف يصير مشاكل لماجد شهقت ذوق ومسكت يده وشدتتها يمها قالت وين جلس جنبها فهد قال ي ذوقي انا طالع بدون اذن ماجد الي جابني وخايف يتضرر بسببنا لاتخلينا انانين ونخسره شغله على شان نبقى مع بعض اوعدك ارجع لك باقرب وقت بس خليك قويه اوعديني سكتت ذوق قالت وعد قام فهد يبي يقوم مسكته ذوق ناظر فيها فهد وجلس قال ذوق وش اتفقنا عليه هاه ابتسمت ذوق وقربت وباسته بخده ونزلت لرقبته وشمت ريحته بقوه تتشبع منه قبل يروح   قال فهد ذوق لاتسوين كذا خلاص وبعد عنها قال فوق اني ومشتاق لك ولكل تفاصيل فيك ماراح اقاوم ان سويتي كذا  يلا قالت ذوق ببتسامه استودعتك الله فهد لاتشغل بالي عليك واسمع انا قويه وراح اكون قويه واصبر على غيابك هالفتره بس ان جيت تتحملني راح افزغ كل وجعي والي احس فيه  بغيابك بحضنك اوعدني ضحك فهد وهز براسه وحضنها قال ان جيت كلي فدا لك بس بغيابي مابيك تنكسرين ابي ان قالو يقولون قويه مو ضعيفه بغياب زوجها ذوق مسكت بكوتها على شان اوعدتت فهد ولا تبي تشغل باله شافت التعب والحزن بعيونه قالت زين وماودها فهد يروح ويخليها وقف فهد على الباب ويناظر فيها وتكى بظهره على الباب وابتسم قال اخ لو اقدر اخذك معي ابتسمت ذوق قال ياليت بس لا روح انت مابقى شي عن الفجر يلا فهد تراك وعدتتني ان ترجع لحضني قريب قال فهد ولا زلت على وعدي ويتاملها من بعيد فهد خايف ينكسر قدامها ولا يقدر يفارقها بس منا قلبه الي مايبي يفارقها ومنا صاحبه الي ضحى على شانه جاء ماجد قال هاه فهد خلصت نروح قال فهد طيب اي يلا وتنهد وراح هو وماجد ورد فهد تتروح فهد اي ي روح اخوتس ورد طيب لاتطول علينا ابتسم فهد وباسها قال ابشري كم عندي ورد انا وماوصيك عليها خليها بعيونك لين اجي داريها مثل ماتدارين خالتي ورد بعيوني لاتشيل هم وراحو عند ذوق تنهد ذوق وانسدحت وتتكلم مع حالها ذوق لازم تكونين قويه على شان فهد لاتكسرين وعدك معه ان ماكنت لك القوه ي فهد ماكون لك الضعف جت ورد هاه ي حلوه وش صار ابتسمت ذوق قالت ماصار شي احس لسى مشتاقه له ماشبعت منه ولا من ريحته احس لسى ابيه ضحكت ورد احمم اصبري ي حرمه وش فيك على الرجال بثلاث ساعات تبين كل شي ولا توك مسقطه وسعت عيونها ذوق قالت ورد عيب ي وسخه وش تفكرين فيه ماهو ذا الي قصدتته ودنكت خجلت من ورد ورد ميته ضحك عليها اجل وش كنتي تفكرين فيه انتي هاه 😉قالت ذوق مافكر الا يكون معي بس ولا يبعد عني ثانيه وحده ورد تبي تغير مود ذوق قالت لو غيري فهم مثل مافهمت بس اصبري شوي بس ي بنت الحماس ماهو بزين يضرتس 😭 ذوق اخذت علبه المويه ورمتها على ورد انتي وتفكريك ماموديك بداهيه الا هو فارقي ضحكت ورد وجت وجلست بجنبها وتمسح على وجهها لذوق وتخشن صوتها مثل صوت فهد  قالت حلو ماهو بس انا حتى انتي مشتاقه لي اصبري شوي وهو حتى انا ماعندي صبر بس وش بيدينا ي بنت 😭ذوق مصدومه منها قالت ورد انتي مانتي صاحيه بعدي عني وتدفها عنها ورد ميته ضحك قالت امزح معك ضحكت ذوق قالت الله يعين هالفيصل عليك اي والله بلوه ماحد يتمناها الا هو بدعي له مسكين ضحكت ورد قالت يتحمل عاد هذي انا مثل مانا اذا يبي اهلن وسهلًا واذا مايبي براحته يدور غيري قالت ذوق ورد من قلبك هالكلام قامت ورد قالت ابي مويه ابتسمت ذوق قالت اوف منك اوف ورد تناظر فيها ببتسامه خبيثه ذوق للحين ماخلصتي ورد لا عجبني الدور 😭 ذوق لاتخليني اقوم عليك واعلمك وشلون يعجبك الدور ورد خلاص امزح معك اجلسي تريحي نرجع عند فهد والعيال قال ماجد امان امان وصفر مرتين فهم و فز عبدالله من مكان فهد قال وش صار قال ولا شي  مثل ماخذناه رجعناه ماصار شي هاه ي العنيد عساك مرتاح ابتسم فهد قال وشلون مارتاح ي ماجد ماتقول لي ضحك ماجد قال اليوم وجهك احسن من قبل اعوذ بالله من نار الحب ويضحك ناظر فيه فهد قال تبا العنك والعلمك وشلون تكون نار الحب قال ماجد لا والله لاتعلمين ولا غيره مابيه سالم منه ضحك نادر قال ليت لي قسمه بشوف حبيبي بصوت خافت قال اسمع ي ماجد قال ماجد اسمع لاتقول لك حبيب وتبا تشوفه خلاص روحي طلعت لين جبت فهد تجي تكملها انت قال نادر لا لا بس بكره كلم ابوي وقله اني موجود هنيا قال سطام طاح الي براسك قال نادر الله الله طاح واعرف وش بيجيني منه بس عوافي ضحكو قال ماجد آن شاءالله وراحو وهم جلسو قال سعود وهذي هي مر سبوع وش بقى عن عرسي وانا منبطح لكم هنيا بدال ماجهز لعرسي ضحك فهد قال آن شاءالله تطلع قبل عرسك اصبر تنهد سعود قال وش بقى ماصبرت عليه عاد الا هذي شكل ماعندي فيها صبر تغامزو بعيونهم لبعض الشباب ناظر فيهم سعود بستغراب قال وش تفكرون فيه ويغمز لهم قال سطام نفكر وشلون عمك ابو حرمتك سجنك وش بتسوي فيه حرمتك عند رجلها بعد ماتعرف ان ابوها سجن رجالها والله فضول ان جاء وقت عرسك بيكون فيك حيل على العرس ولا ويضحكون عليه  قال سعود اقول خلاص للمخك بوحده انت وياه على شان تضحك  زين يعني على الاقل تلقون شي يضحكمم قال سطام لا خلك مكانك بس امركم غريب ويضحك .........
مر الوقت واصبح الصبح عند الجد ابو ضاحي والجد ابو ناصر قال ابو ضاحي لازم نطلع العيال منها ي ابو ناصر قال ابوناصر فيه حل أن شاءالله بنشوف مافيه مشكله الا ولها حل جاء ابو سلطان وابو محمد قال ابو محمد صبحكم الله بالخير قالو الشياب هلا صبحكم الله بالنور اقعدو تقهوو جلسو قال ابو محمد ي ييبه لازم نروح نكفلهم او نسوي اي شي قال ابو سلطان لازم يتنازل ابو عزام خلونا نجرب قال ابو محمد اجل انا بكلمه ناظر فيه ابو ناصر نظرات غريبه قال ابو محمد علامك يبه قال ابو ناصر لحالك قال ابو محمد ايه لحالي من بيكون معي ضحك ابو ناصر قال ماعجبني كلامك إنك تروح لحالك قال ابو محمد ليه يبه قال ابو ناصر بدال لانشغل ببنيخيك بنشغل فيك وادور وشلون اطلعك من السجن بعد ماتروح لحالك يروح معك ابو سلطان اخذه ولا ابو مشاري اخذ واحد من خوانك ماتروح لحالك قال ابو محمد لا يبه ماني بورع اخذ معي احد ولا  اقولك فيصل يروح معي جاء فيصل قال خير أن شاءالله على وين اروح معك قال ابو محمد لبو عزام قال فيصل كذا جاهز اروح معك ليه لا غمز ابو محمد لفيصل قال ابو ناصر قلت لكم لا يروح معكم ابو مشاري ولا ابو سلطان قال ابو محمد زين ناخذ ابو مشاري ناظر فيهم ابو سلطان قال ليه ماني مالي عينكم قال فيصل مانبي واحد عاقل وهادي نبي الي على جونا كذا ندور  ناظرو في فيصل باستغراب ابو محمد وده يذبح فيصل لان يعرف ابوه يبي يقول لبو سلطان يخاويهم غمز فيصل لبو محمد وش فيك اشر له بعيونه ابو محمد في ابو سلطان قال ابو ناصر تروح معهم يقصد ابو سلطان قال ابو محمد هاه خذ قال ابو سلطان خلاص يبه بخاويهم اجل 😭 ناظرو في بعض فيصل وابو محمد قال ابو محمد زين سويت بصوت خافت لفيصل ورجع ببتسامه عادي تروح معنا ماعندنا مانع وحاقد على فيصل لان ابو محمد عصبي ومايتفاهم الا 👊🏻 قال ابو ناصر تروحون تتفاهمون معه مثل الريجيل مابي هوشات وغيره مثل ماتروحون تجون قال ابو سلطان ابشر يبه لاتوصي ضحكو فيصل وابو محمد ضحك ابو ضاحي منهم عرف الي يقصده ابو محمد وانه مقهور من فيصل ضحك ابو سلطان ويناظر فيهم واشر لهم علامكم ابتسمو ومن نظراتهم فهم مثل الي يقول لاتعب نفسك اجلس 😭 قال ابو سلطان لو قلتو ناخذ ابو سلطان كان قلت عندي شغل بس عاندتم وانا عاندتت اروح معكم قال فيصل اجل اجلس وسو شغلك وحنا نروح ونجي قال ابو ناصر قلت لكم قراري خلاص سكتو ابو محمد نظراته بفصيل وده يلمخه ببوكس ضحك فيصل من ابو محمد قال صب لي قهوه قال ابو محمد صب لروحك ناظر فيه فيصل قال افا وهذه انا جاي اقول بشرب القهوه مع عيال عمي قال ابو سلطان اصب لك تقهو اخذ الفنجال فيصل من ابو سلطان قال ماتقهوى قبلك تقهو ويمدها على ابو محمد قال ابو سلطان انا ولد ابوي تقهويه وهو ماقهواك ضحك ابو محمد ومد يده يبي ياخذ الفنجال من فيصل ويضحك ويناظر ببو سلطان عناد ببو سلطان قال فيصل اقول سوقها وشربها وسع عيونه ابو محمد قال علي بالحرام للعنك ضحكو ابو ضاحي وابو ناصر وابو سلطان قالو كفو رديتها له فز فيصل بفنجاله وهج عن ابو محمد قال اقول لك صب لي وتقول صب لروحك وبعدها بارده مبرده تتشرب قهوتي تبطي والله مسك ابو ناصر ابو محمد قال والله انك تستاهل اجلس والله ماتلمسه 😭قال ابو محمد علاجك بكره مانت تتروح معي اوريك فيصل يضحك على ابو محمد وكان جوهم حلو يعني نص ونص 😞.....
جار الكتابه تابعع