عشقتك وعشقي لك مرجله وعناد وقلبي اسير لك في الحب والشوق

75

اصبح الصبح وسعود لازال ماجاء والكل صحى وعلى قهوتهم وفطورهم وهب عليهم البرد ابو ناصر هب البرد ي عيال شبو ناركم لاتجمدون سطام ي جدي اي والله يبي لها شبه نار وحنا خلاص دخلنا الشتاء ابو ضاحي وانت صادق جهزو جاكم البرد والكل مبسوط بالشتاء انه هب عليهم جاء فهد قال يوه برد وش صاير ماعاد حتى عند البرد به مزح ضحك جده ابو ناصر قال باقي مادخلنا البرد الي يجمد عظامك هذه بدايه الشتاء تدفو لايذبحكم البرد تلفت فهد قال وينه ناظرو فيه قال سلطان من قام فهد قال سعود وينه قال جده آبو ضاحي مالي به خبر وسالت عنه ولا احد يدري ابه فهد نغزه قلبه وطلع يدور على سعود قامو سطام ومسلط وراحو مع فهد يدورون سعود عند الاهل الجده وبناتخيها حريم عيالها وبنات عيالها وسوالف ويخططون لكشتات الشتاء دامه جاء وكيف المود وذوق قلبها على سعود وفهد ماهي مرتاحه تنهدتت وقامت قالت جدتتها ام ناصر علامك ي الذوق وين تتروحين قالت ذوق جده قلبي به ضيقه ذوق تذكرت ضيقتها على فهد يوم كانت محبوسه عند اعمامها واخذت الجوال واتصلت بفهد فهد مارد من اول مكالمه والثانيه رد عليها قال هلا بعين ابوي ابتسمت ذوق قالت وينك ي ابوي فهد هنا حس بشعور حلو واستغرب بس وش فيها الذوق وليش نادتته ببوي قال علامك ي عين ابوك هاه ي ابوي انتي وش فيك ذوق بتنهيده وينك ضحك فهد قال رايح لسعود مامدى تشتاقين لي مالي عنك الا ساعه قالت ذوق فهد وينه سعود قال فهد مدري ي عين ابوي قالت ذوق تكفى فهد روحك امانه عندك استغرب فهد قال ذوق فيه شي قالت ذوق لا انا ان سمعت صوتك بخير وتزيد عافيتي بشوفتك لاتتاخر علي وتدف زين اليوم فيه برد ضحك فهد قال صوتك دفىء وتدرين وش بخاطري بخاطري اتفدى بين يديك قالت ذوق فهد اتكلم جد قال زين وانا اتكلم جد قالت ذوق انت هالحين تعال وبعدها ابشربي كلي ضحك فهد قال ي روح فهد ابشري شوي اكلمك قالت زين وسكرت وهي لسى ضيقتها بصدرها عند سعود خلص كبتين دخان جاه ابو نجمه وهاوشه قال مضر بصحتك وش تسوي انت قال سعود الضيقه خنقتني ي عمي وقام وراح هز راسه ابو نجمه ورجع لبنته يفطر سعود رجع لديره قال كيف اتطمن عليك ي روح سعود وشلون نامت عيونك وانا عيوني عيت تنام وش بلاك ي قلبي خلاص راحت ليش تعذبني وياك وشوله تتعذب وتعذبني انساه خلاص ماعاد فيني لك حيله هو اختار دربه ماهو لازم تختار لك درب والبلا ان دربك يمه جاه فهد وقف سعود قال فهد وين كنت وليش ماترد على اتصالاتنا وشفيك اشغلت بالي ناظر فيه سعود قال مادريت عن الجوال وليش جايين قال سطام حسبناك ميت وقلنا لو جثه نجيبك ضحك سعود قال ماوصلت للموت تعالو خلونا نرجع جدي وان قال مسلط عند جدي ومشغول باله عليك ومشى سعود وكلهم رجعو لديره عند ابو ضاحي مشغول باله على سعود ماهو عاجبه حالت سعود سعود حيل تغير جاء سعود ضحك ابو ضاحي قال هلا يابوك وين كنت واشغلت بالنا عليك ابتسم سعود وباس راس جده ابو ضاحي وجلس عند جده قال سامحني ي الغالي والله ماكنت اقصد اشغل بالكم علي ويبوس يد جده ويكح قال ابو ناصر علامك ي سعود هز سعود راسه وقام برا منكتم عن جده مايبي يشغل باله اكثر عليه جاه فهد وجلس معه قال ياخوي وش فيك تنهد سعود قال ولا شي قال فهد علي تربيه يمناي لاتكذب علي تنهد سعود قال ضايق ي اخوي احس صدري يبي ينفجر ويضرب بيده على صدره ناظر فيه فهد وقرب من سعود قال يويلك مني رجعت لسواتك التعب الي اشوفه هالحين عليك نفسه ضحك سعود قال كنت معصب وحطيت حرتي فيه عصب فهد قال ليش ي سعود تذبح روحك قال سعود روحي مذبوحه من قبلي بس كبتين بس ماكثرت ضحك فهد بستهزاء قال كثر الله خيرك اجل وش خليت تقول كبتين تتذبنحي انت قال سعود لاتشغل بالك مايضر ناظر فيه فهد قال لاشغل بالي وانت من جيت تكح وصوت صدرك مسموع وجهك مصوفر  قم معي للمستشفى قال سعود فهد مانبي مشغل بال جدي قال فهد بالي انا هالحين مشغول قم معي رفض سعود سكت فهد ونقهر منه قال يارب وش هالبلوه الي بليتني فيها ضحك سعود وسكت عند الجده ام ناصر طالعه برا تتمشى على شان رجولها شافت نادر رايح لديوان نادتته تحسبه سطام التفت نادر وراح لها قال هلا ي خاله ليش طالعه مع هالبرد بدون لاحاف قالت الجده ام ناصر بطلق رجولي توجعني وين سطام قال نادر ارجعي ي خاله ونزل جيكيته ولحفها ابه سطام عند جدي وعمي ام ناصر جتها غصه بعد شافت الوحمه الي برقبته وناظرت فيه نادر استغرب وضحك بخفه قال علامك ي خاله وبعد عنها قالت ام ناصر هالوحمه من متى فيك ضحك نادر قال من وانا صغير ي خاله ليش تسالين بكت ام ناصر قالت ورني ساقكك اليمنى وسع عيونه نادر فيها قال وش تقولين ي خاله وخاف ام ناصر تبكي جت سحر من بيت ابوها ومسكتها جدتتها وناظرت فيه قالت وش فيها جده وتناظر بنادر جده علامك ام ناصر تبكي ذكرت بنتها مزون في نادر نادر ناظر بسحر قال مدري عنها وهج جت ورد قالت وش فيها جده وتناظر في سحر قالت سحر مدري ورد : بس هذه ماهو نادر قالت ام ناصر اي ورد ناظرت بنادر وهو رايح صوب الديوان وفي جدتتها قالت ليش جده من شافت هالنادر تلخبطت مشاعرها وتبكي وليش هالنادر طلع حنون مع جده وخاف عليها وش سالفه الوحمه الي جده قالتها وتفكر سمعتها سحر قالت لاتشغلين بالك الانسانيه خزتها ورد قالت من يسكت فضولي هالحين وراحت صوب بيت ابوها وسحر اخذت جدتتها ودخلت فيها البيت جلست سحر قالت جده قولي لي من هالنادر تعرفينه سكتت الجده قالت ام محمد علامها عمتي هزت سحر بكتوفها مدري وقامت سحر وقفت على الباب وتناظر يم الديوان من انت ي نادر وشهي قصتك كل هلي يتاثرون فيك وشهو هالاحساس الي ان شفتك يلم بصدري جتها فجر قالت علامك ي حلو وين خذاك عقلك ضحكت سحر قالت عقوبه هالعقل ومدري ليش منشغل فيه وسعت عيونها فجر قالت بمن منشغل هزت براسها سحر ماحد وعيونها يم الديوان ضحكت فجر قالت منهو هالمحظوظ الي اشغلك ي بنيه قالت سحر فجر خلاص قلت لك مافيه احد ورجعت داخل عند  ورد قالت يمه ام سلطان هلا قالت ورد بسالك من نادر وش سالفته التفت لها امها قالت وش مشغل بالك فيه عيب لايسمعونك خوانك قالت ورد اوف يمه بس بعرف منهو وليش جده عيونها دمعو بعد شافته وش سالفه الوحمه الي برقبته استغربت امها قالت مدري وش تهذرين فيه ومالك بسوالف اكبر منك سكتت ورد وطلعت راحت صوب بيت جدها عند الجوهره قالت لزوجها بروح لهلي ناظر فيها زوجها قال مسرع تشتاقين لهم مامداك وممنوع وطلع من عندها قالت حادث يذبحك يع غثيث وجلست على جوالها عند اهل الجوهره اميره تساعد ام الجوهره بعد ماتزوجت بنيتها الوحيده جاء احمد قال يمه ناظرت فيه اميره قالت امك مو فيه وخجلت تتطلع قال احمد لحظه وين امي قالت اميره بغرفتها ابتسم احمد قال تعالي آبيك بموضوع وسعت عيونها اميره فيه قالت موضوع وش قال تعالي وبس ودخل فيها الصاله اميره تتموت من توترها وخوفها قال احمد الجوهره وتزوجت وامي محتاجه وحده حلوه تساعدها على امور البيت وانا محتاج وحده تبقى معي وراعيه بيتي مافكرتي خجلت اميره قالت بروح ضحك احمد قال خليني اوضح الي بخاطري ماقلتي لي ماهو جاء دورنا نتزوج قالت اميره مدري خلاص بروح وقرب منها قال اميره عاد انا الوحيد الي ابيك معي جرئية شوفي غيري ماني مهتم بس انا مهتم آنك معي تكونين قريبه ابيك اقرب لي من العين ورمشها دنقت اميره ابتسم سمع صوت امه ومسك يدها بقوه وتركها وطلع اميره تتنهد وحاطه يدها على صدرها قالت اوف الله يرزقني جرئتك اي والله ام الجوهره تضحك قالت وش تسوين هنيا قالت اميره اكلم سكتت ام الجوهره وهي عارفه ان احمد كان معها وسامعه الي صار بينهم ومبسوطه قالت تعالي حصه تعزمنا على القهوه خلينا نروح لها قالت اميره زين وراحو لبيت حصه عند ذوق اتصلت بعمها معاذ لانها مطوله ماتصلت عليه رد معاذ قال هلا بعين عمها وينك وين الغيبه تزوجتي ونسيتي عمك ضحكت ذوق قالت مانسيتك وهو فيه احد ينسى صندوق اسراره وينسى ابوه بعد ضحك عمها قال وش محتاجه يعمي قالت ذوق اشتقت لكم وقلت انشد عنكم وين خالتي قال معاذ خالتك موجوده ضحكت ذوق قالت مبسوط معها ضحك عمها قال والي خالتك معه مايكون مبسوط قالت ذوق اوه اعرف فيه ريحه نكهه حلوه خلنا نقول حب وتضحك قال معاذ وش اقولك ي عمي خالتك لمست القلب بطيبتها وحنانها ضحكت ذوق قالت حبيتها معاذ بيغير السالفه شاف حصه قال بعيدين بعدين ونادى حصه قال هذي الذوق ي حصه تسال عنك ضحكت حصه واخذت الجوال من معاذ تضحك قالت ذوق ماقلت لي قولي حبيتها وش شعورك معها اعجبتك ناظرت حصه بمعاذ قالت من حب ومن هي الي اعجبته شهقت ذوق قالت خالتي قالت حصه اي خالتك من الي هو حبها واعجبته وسع عيونه فيها معاذ قال حب قصدها صوره  مرسلتها لي وغمض يبي يرقعها وخربها خزته حصه قالت ذوق طمنيني عن الاهل وشلونهم وشلون امي وابو وقطعت كلمتها قالت ذوق جده وجدي بخير ابشرك سكتت حصه قالت ي قلبي اكلمك بعدين هالحين مشغوله وعطتت الجوال معاذ وقامت معاذ اوف ورد على ذوق قال خالتك وقتها تزعل وتتغلى ضحكت ذوق قالت رقعها معها وش تتفكر فيك هالحين انك من وراها وتضحك قال معاذ وهذه الي خايف منه اوريك امسكك بعدين باي بروح اشوفها واضح فهمت غلط واخذت بخاطرها وسكر وراح لها المطبخ قال حصه علامك حصه ساكته وتشتغل جاها ومسكها بكتوفها قال اتكلم معك هرجيني وش صار لك غمضت حصه قالت وش يهمني اصلن حياتك وانت حر فيها من انا اصلن مربيه لولدك وفلتت منه وتتروح مسكها بيدها قال لاتشغلين بالك بالموضوع خليني اقولك انا وذوق كنا نتكلم عنك انتي ناظرت فيه حصه قالت انا وانا وش دخلني قال معاذ اي كانت سالفتنا عنك قالت حصه وش دخلني في الي تحبها اعرفها يعني ذوق قالت حبيتها واعجبتك وتقلد صوت ذوق قال معاذ اي كإن نسولف عنك تسالني حبيتك ولا ناظرت فيه حصه قال اي قالت حصه وش كان جوابك لو ماجيت وقطعت مكالمتكم ضحك معاذ قال تبين تعرفين وش كان جوابي على سوالها ارتبكت حصه قالت لا خلاص وتتهرب منه ضحك معاذ قال لا اسمعي جوابي هو اي ماقدرت اتحكم بمشاعري تجاهك ماشفت منك الا كل خير ومالوم قلبي عاد وش ماشاف منك وحبه استحت حصه قال معاذ ان كان عندك لي نفس المشاعر والاحساس ابشريبي لك اهل وزوج  وسند واوعد لخليك اسعد انسانه على وجهه هالارض سكتت حصه قالت معاذ دخلت ام الجوهره واميره قالت ام الجوهره احمم يوم انكم مشغولين ليش تنادونا دفته حصه قالت هلا والله حياكم الله وتناظر في معاذ معاذ عصب لانهم قاطعو حديثهم كان بيعرف جوابها وطلع ضحكت حصه قالت تعالو حياكم ام الجوهره لايكون قاطعناكم استحت حصه قالت لا والله جيتو بالوقت الصح وكملو سوالف وقهوه عند الجد ابو ضاحي قال سعود جدي برجع لديره قال ابو ناصر ليش يابوك قال سعود اشتقت لديره جدي ارخص لي بكره بمشي سكت ابو ناصر قال سلطان تروح مده وترجع ماتطول قال سعود اشوف مر الوقت على سوالفهم العصر قام سعود واخذ مفاتيح السياره قال سطام وين قال زمانا ي سطام حان وقته ضحكو قالو كلنا معك دام هذه الي يريحك وراحو كلهم سعود وفهد ومسلط وسطام بسياره وسلطان ونادر وفيصل بسياره وتفاحيط وكان منظرهم مرعب ويخوف ورجعو فعلًا لزمانهم وهم اشتاقو للماضي وزمانه ومبسوطين ويضحكون فهد والله يبي لها من زمان سطام ابك جدي لايشوفنا ولا يدري ويضحكون ذوق اتصلت بفهد فهد اهدو ولا حرف اص ذوق تدق سكتو ورد على ذوق قال قلبي انا مشغول شوي اكلمك قالت ذوق زين حبيبي ضحك فهد قال اوه منك ابك جعلني فداك ي شيخه ضحكت ذوق قالت انتبه لروحك وسكرت ضحك فهد قال سطام يع يع ضحك فهد قال نشوفك بكره ان تزوجت ضحك سطام قال اذا بدريه غير وتستاهل روحي بعد وضحك وسوالف عند سعود انكتم صدره وماقدر يتحكم بسياره وتركها على ربه وهي تتقلب فيهم فهد يسعود انتبه ومسك خوانه بيد واليد الثانيه حطها على صدر سعود وسلطان ونادر وفيصل وقفو السياره انصدمو ومايقدرون يوقفون السياره ولا يتحكمون بشي بس يناظرون بيشوفون وين النهايه مصيرهم صاح نادر لا ياربي انا وكلتك امرهم سلطان انهار خوانه راحو قدام عيونه ولا بيده يسوي شي وعاجز لارجوله تشيله ولا بيده شي ولا يوقف الي صار قال انزل لنادر وهو معصب وعيونه حمر قال نادر وين انزل قال خلني اوقف السياره ولا وقفها انت وشلع كتف نادر قال فيصل وشلون قال  سلطان بوقفها بسياره الي هي خواني ي فيصل بيروحون من يديني وقدام عيوني منعهو فيصل ونادر وهو كان بيوقف سيارتهم بسيارته صاح وحاط يدينه على راسه ويمسح وجهه سلطان خلاص قطع الامل بخوانه شاف السياره بمنظر مستحيل يعيشون فيه مره منعدمه سيارتهم المهم السياره مقلوبه وفهد وسعود وسطام ومسلط فيها جاهم نادر وفيصل يركضون وسلطان يزحف لهم على يدينه يبي يشوفهم بس قال طلعهم لي ميتين حيين المهم اشوفهم بعيوني يالله يجلاب الارزاق ودعتكيهم ومقهور فيصل ونادر طلعوهم من السياره قبل تحترق واتصلو وقدرو يساعدونهم وكان حادث شنيع ومرعب 💔😪