عشقتك وعشقي لك مرجله وعناد وقلبي اسير لك في الحب والشوق

71

بدريه قلبها نار مانامت تنتظر الوقت يخلص بس تبي تتاكد سطام صادق بيتزوج غيرها يعني هذي نهايت قصتنا وتلوم روحها بعد كل شي تفكر بعدها بدريه قالت ماراح الومك ان سويتها الي المفروض الومها انا الوم نفسي ماعبرته ولا عطيت حبه لي فرصه صحت امها جت قالت بدريـه للحين مانمتي جلست بدريه قالت يمه الا نمت بس تو صحيت كنت بروح اشرب مويه وقامت على عين امها ودخلت المطبخ امها رجعت لغرفتها وبدريه شربت ماء شافت مع الشباك نور سياره فتحت الشباك شافته سطام قالت وين كنت للحين نزل سطام ودخل الديوانه بدريه سكرت الشباك ورجعت انسدحت مكانها وغطتت خواتها معها وتتلقب ماجاها نوم فتحت جوالها وجلست تدردش فيه عند سطام جالس على الباب يدخن جاء سعود قال وش تسوي عطني عطاه سطام زقاره وتنهد ورجع يكمل زقارته قال سعود وش علومك وين كنت وليه رحت متضايق وش الي مضايقكك صارت هالايام عتمه وضيقه قال سطام البلا ي سعود توهمت وكنت احسبه هو وطلع لي سرابه حلمت فيه وتحطم  لي حلمي بقساه فزيت له وخيب ضني بصدتته قلت اصد عنه عسى انه يحس بعد صداته ويرجع لي التفت له سعود قال بدريه ان ماخاب ضني هز سطام براسه اي لاكن ماعاد فيها بدريه بدريه اختارت طريقها عكس طريقي وانا مابيدي شي اسويه ولا حتى اشرح لها اكثر عن طعونها الي في صدري ومدى حملي لها ضلوع صدري تلفت وصابها من صده حطام وصارت حطب لنيرانه وناره شاعله بصدري كل مره اقول تزين مع الايام والايام راحت وزاد عناي وزود اشواقي معه حط سعود يده على كتف سطام قال هالنار مست قلبي زي مامست قلبك وشلعت روحي احمد ربك حبيبك قدام عيونك لاكن انا وين وهو وين ولا حتى ادري ابه انقطعت كل مواصيله عني عاني شوفت عينك عايش على الامل انه يجيني ولا يجيبه لي الشوق والبلا ان الشوق جمره بين الحنايا نيرانه موجعه لو جبل مكاني كان انهدم على قو ماجرى له ناظر فيه سطام قال نفس النار صرنا لها حطب الحب لو مانبيه يجينا غصب عن المراد مرادك شي وهو شي والبلا ان قلبك مايتعلق الا في الي بينك وبينه حاجز وهالحاجز كنه انخلق قسى علاك وبصدرك لو مابغيته عذاب والمصيبه الي ماكتب لك فيه ربك للقاء ولا نصيب تبتلي فيه بس انت وشعلوم الي خبري خبرك تنهد سعود قال حاولت اجيب اخباره لاكن ماحصلت له اخبار قام سطام قال قم معي قال سعود وين قال للمدينه تشوف معذبك قال سعود لاتنهبل اجلس بس العيون علانا وانا رحت قبل سبوع بس ماستفدتت شي قال سطام بس هالمره تفرق عن غيرها ارواح ابتسم سعود قال اجل يلا ومشو للمدينه بدريه سمعت السياره قامت شافت سعود وسطام راحو ارسلت لورد تسالها ورد نايمه ماردتت تنهدتت قالت يارب سترك وين سارين بتالي اليل المهم مر الوقت اصبح الصبح بدريه سرحت لبيت جدتتها والكل صحى والجمعه ببيت الجد الفطور مثل كل عاده حتى ام بدر وبناتها راحو للبيت الكبير عند سطام وسعود وصلو المدينه الضحى وكانت نيتهم يشوفون الجوهره بس الجوهره خافت و وسوت نفسها ماتعرفهم وهي موجوعه ودموعها شلاله من قو وجعها واخيرا شافت سعود وتبي تروي شوفها منه لاكن ماعندها هالقوه الي تحط عينها بعينه ودخلت بالبيت قال سطام هذي الجوهره صح هز سعود بخيبه راسه اي علامها كنها ماتعرفني على الاقل تعرف صوتي خلنا نروح ماعاد فيها قعده سكت سطام قال اسلم على عمتي واجيك وبعدها نتسهل قال سعود الي تشوفه انتظرك سعود مستغرب من ردتت فعلها بعد شافته وشلون سوت نفسها ماتعرفني ولا حتى ردتت علي السلام حتى سطام ناداها بس صدتت انسدتت نفسه عن كل شي عند حصه فرحت بشوفت سطام قال هلا بريحت هلي وخلاني هلا بالي نسوني وانا معذبني علاهم الشوق والله اشتقت لكم وشتقت لريحتكم وكل شي اشتقت له ضحك سطام وحضنها قال سامحينا ي عمه ماهو بيدينا جيناتس بدون حتى احد يدري جينا بدون علم اهلنا وقلنا نسلم علاك ونمشي قالت حصه من معك وتتلفت تدور اهلها امها ابوها كلهم تبيهم قال سعود قالت حصه وينه ليه مانزل معك قال سطام جيتك لثانيه وقلبي شاعل نار اسمعي بسالك ناظرت فيه حصه قالت وش قال سطام الجوهره قالت حصه علامها تو راحت من عندي وتعال كيف تعرفها سكت سطام وده يسال بس ماقدر يسال حصه عنها قال عمه وشلونك معهم وين رجلك قالت حصه راح قبل شوي بس ماجاوبتني كيف تعرف الجوهره قال سطام سلمنا علاها بس ماردتت علانا وسوت روحها ماتعرفنا قالت حصه مسكينه الجوهره متغيره رايحه سكوتيه ماعاد هي الي قبل كله بسبب الحقير الي مايخاف الله قال سطام من قالت حصه ابو عزام اجبرها على الزواج وسع عيونه سطام بعمته حصه ومسكها بكتوفها قال من متى هالكلام بصوت عصبي وخافت حصه خافت قالت اهدى مالها سبوع زواجها بعد ثلاث شهور بس الجوهره ماتبيه ومجبوره علاه هو لو تشوفه وحش منظره يقرف بعد ضرب وعذاب من ابوها رضت فيه على شان امها غمض سطام وباس راس عمته حصه وطلع معصب حصه بسم الله هذه علامه ماجلس حتى ورجعت تشيل الاغراض طلع سطام وركب السياره قال سعود علامك وش غير مودك ناظر فيه سطام بكسر وخيبه وقرف بيقوله وسكتت خاف يكسر قلب سعود بهالخبر فوق وجعه مايبي يوجعه ذكر حالت سعود اول ماحبها كيف تعب وسكت الجوهره مع الشباك ودموعها سياله على خدها وعيونها على سعود ودها تخمه بلهفه وشوق بس دفنوها ودفنو قلبها معها قالت مالي وجهه احط عيوني بعيونك بعد كسرت الوعد الي بينا شافها سطام وتفل بالارض ناظر فيه سعود والفت شاف الجوهره ابتسم بس وده يشوفها لو من بعيد لبعيد اشر لها بيده مع السلامه سطام قلبه ياكله على صاحبه وده يقول له بس خايف يجرحه بهالاخبار الشينه تنهد قال سعود لو حبيبك خان الوعد الي بينك وبينه وش بتكون ردتت فعلك ضحك سعود قال تسالني وش بتكون ردتت فعلي لاتسال وانت خابر ويضحك قال سطام بخاطره تضحك وانت ماتدرى عن خيانتها لك يخوفي لو تدري عن سواتها تختفي هاضحكه بسببها ماهي بغريبه عنها بنت ابو عزام ومر الوقت العصر وصلو لديره سطام فيه غمته بصدره بالجمعه عند ام سلطان دخل قال يمه يمه جت ام سلطان قالت هلا ي ابوي علامك قال وين خالتي قالت داخل جت ورد قالت وش تبي الي تبيها ماهي فيه ببيت جده ناظر فيها سطام قال خليك ساكته ولا اسمع منك ولا حرف سكتت ورد ورجعت خافت قالت خالتي اخوي سطام يباك قامت ام بدر وراحت لسطام وسلم علاها وقاوها وشلونتس ومن هالكلام وردتت ام بدر جت شجون قالت وشلونك ي ولد خالتي غض سطام نظره قال هلا هلا حمدلله عن اذنك ي خاله قالت ام بدر اذنك معك وطلع ريم مو مهتمه لهم ولا طقت لهم خبر عكس اختها قالت ام سلطان وين رايح قال وين ذوق يمه قالت مع بدريـه وفجر ببيت جدتتك قال زين وراح لبيت جدتته عند البنات ضحك وسوالف قالت ذوق بنات نفسي بشي قالت فجر وشو قالت ابي طرب ضحكت بدريـه قالت اغني لتس عاد صوتي غير قالت فجر صح مره سمعتك تغنين  تتذكرين يوم تهاوشنا وحلفتي ماتغنين ضحكت بدريه قالت اذكر يوم ابوي فرق بينا ويضحكون على هوشاتهم قالت ذوق اجل غني لي قالت بدريـه وش تبين وش ودتس تسمعين بصوت بدريـه ضحكو قالو ياليل ماطولك صدق اي شي وبدتت تغني بدريه :؟!