عشقتك وعشقي لك مرجله وعناد وقلبي اسير لك في الحب والشوق

الرابع والثلاثون

عند ابو ضاحي كلم ريجيل لهم واسطات ولهم كلمه واتفقو معه يطلعون عياله قال ابو ناصر اذا مافاددت مجبور امشي بسلطتي ي ابو ضاحي قال ابو ضاحي لاتتهور ي ابو ناصر لك سلطه وخابرينها بس ماهو تتهور كذا ترا يبا يلقى ابو عزام علينا شي ويمسكنا ابه ويفوت الاوان ولان فات الفوت ماعاد ينفع الصوت ولا تنسى عيالنا خمسه تحت سلطته وحكمه فبالعقل وانا اخوك سكت ابو ناصر وهو مقهور وده بسلطته يدمر ابو عزام بس ابو ضاحي واقف له خوف على عيالهم نرجع عند مشاري قال فهد هاه ي مشاري وش صار معك قال الوضع نفسه وانا اخوك قال فهد وش رايك نخطفه ونهدده ونعلن خيره بعد ناظر فيه مشاري قال تعرف وين نهايه صبري ي فهد هو ان اذبحك  ابك نعنبوك انا شرطي وتباني اجرم معك ابك انت ماتتوب وتهدده بعد بعد ماصار معك ماخذت درس ماعاد انك تهدد قال فهد هي من الاخر يبك ولا بدونك ومشى فهد تنهد مشاري قال ياربي وش هالبلوه اول فهد وهالحين سلطان والعيال ولحق فهد خايف يسوي شي بابو عزام عند ذوق اتصلت بعمها ابو عزام من جوال عمتها ام الجوهره ورد ابو عزام قال هلا وش عندك قالت انا ذوق ي عمي قال ابو عزام ماني بعمك قالت ذوق ماني منتظره منك شي ومايهم ان جيت عمي ولا غيره المهم اسمع الي عندي وهو انا برفع عليك قضيه عنف اسري انصدم عمها قال كيف قالت اي ومن حقي ارفع عليك قضيه تحت تهديد اخذتني راهنه عندك واستخدمت معي العنف والكل شاهد قال عمها ابو عزام مستحيل تسوينها قالت ذوق وليه واثق انت احرمتني من كل شي امي وحياتي ماخليت شي تعذبت من وراك ورا عنادك على شان ترضي غرورك فعلى اساس ابي اشفع لك بعد ماسويته فيني قال عمها ابو عزام جدك هو الي ملى راسك علي ولا حبيب القلب قالت ذوق لا لاجدي ولا حبيب القلب بس هذا من ابسط حقوقي بعد  سكت عمها ابو عزام قال هين ي ذوق اذا السالفه عناد فانا الي يبي يفوز فيه قالت ذوق عمي خلال يومين اذا ماطلعو مذطره والسموحه اسمك الي انت شايف حالك فيه يبي يتدمر وانت فاهم وتعرف مصلحتك وين والخيار الاخير الك وسكرت ذوق خايفه من فهد انه يعرف وهو مانعها خوف عليها لان يعرف ابو عزام مايهمه احد سوى بنت اخوه ولا اخوه بنفسه المهم يرضي غروره ويمشي سلطتته نرجع عند ابو عزام قال هالعنيده اسمي الي رفعته بين ربعي وسلطتي الي ماحد يقدر يقف قدامها تجي هالعنيده وتدمر كل شي هين ي ذوق الوعد قدام وماهو بس هالوسليه للانتقام فيه مليون طريقه ونشوف والايام تثبت لك ان مادمرت جدك ماطلع ابو عزام المهم مرت يومين وذوق خايفه ان عمها ماينفع معه تهديدها وتفشل عند عمها ابو عزام راح لمركز الشرطه وتنازل عنهم وهو مقهور ومغبون وكان يبي يدمرهم ويحرقهم ويكسر فيهم ابو ناصر وابو ضاحي بس فشل بهالانتقام وتوعد لانتقام اقوى من ذوق وجدانها قال الشرطي زين تنازلت ولا لك حقوق عندهم قال ابو عزام طيب موافق المهم تنازل وطلع مقهورعند العيال متكين يسولفون عن جدانهم قال سعود جدي غاضب علينا قال مسلط وش السواه وش سوينا حنا هذا الي هم ربونا عليه نعيش يد وحده والي يصير على واحد يصير علينا كلنا همالهم الحق هالحين يزعلون علينا وينقدون قال سلطان ماعليكم ان طلعنا نطلب رضاهم هالحين مالازم ينكسرون فينا قالو هذي ازهلها ضحك سطام قال اخ بس يابو عزام جاء الشرطي قال تم الافراج عنكم اطلعو انصدمو قال سلطان كيف نطلع قال الشرطي المدعي تنازل عنكم وتنازل عن حقوقه يلا ولا اعجبتكم الجلسه هنيا ضحك فيصل قال اي والله عجبتنا وراحه بال وش نبي غيرها ضحك الشرطي قال تعالو وقعو على خروجكم المهم وقعو وطلعو قال سلطان ي عيال يزين الحريه طير وانفرج عنه من سجن سجانه ومن تحط سلطته ضحكو خوانه قالو اي والله بس يلا خلونا نروح ونفاجأهم قال سعود وزين ماننجلد وضحك وطقطقه ومبسوطين عند الجدان قال ابو ضاحي هاه ي ابو ناصر وش تفكر فيه قال ابو ناصر اسمعو العصر تروحون وتشوفون عيالكم وش ناقصهم لاتخلون يقصرهم شي سامعين قال ابو سلطان ابشر يبه قال ابو سعود ابشرو بس وش السواه مع ابو عزام قال ابو ناصر هذا يبي له علم ضحك ابو ضاحي قال لاتقول الي افكر فيه ضحك ابو ناصر قال بعدين ويضحكون جت ذوق قالت جدي قال جدها ابو ناصر هلا بالمزيونه تعالي ي عين جدك قالت وش محتاجين قالو سلامتك ي المزيونه ضحكت قال خالها ابو سلطان علامك ي المزيونه مبسوطه قالت فرحانه ي خالي مدري احس يبي يصير شي حلو اليوم قالو آن شاءالله مير تعبنا مع المشاكل الي ماتخلص قالت اصبر ي خالي تتخلص وتنتهي بعد بس اصبر وربك ي حلها قالو ونعم بالله دخلو الشباب قالو سلام ومسو عليهم بالخير انصدمو الاهل قام ابو ناصر قال وش السالفه وليه اشوفكم هنيا قال سطام ي حيف هذي وحنا طالعين من السجن لاهلا ولا مرحبا واستقبال لا ماتوقعناها منكم ضحكت ذوق قالت يالله انك تحيهم حمدلله على السلامه ضحكو قالو الله يحييك ي المزيونه هاه نقول مبروك ضحكت قالت آي حمدلله قالو مبروك قالت ذوق الله يبارك فيكم وعقبالكم يارب قال ابو ضاحي ماقلتو لنا وشلون طلعتو قال سلطان ي عمي ابو عزام تنازل عن حقوقه وعن الشكوه يعني مايطلب منا شي وطلعنا ضحكت ذوق قالت حمدلله قال ابو ناصر هذي ماتصدق ي ابو ضاحي ابو عزام بشحمه ولحمه يتنازل ويضيع هالفرصه من يده وماينتقم منا صدقت قال ابو ضاحي لاوالله مادخلت راسي حتى بس وش يفكر فيه وش خططته الجديده ياخوفي هالبنيه قال ابو ناصر مايطولها وانا خشمي يشم الهوى قال فيصل ي عمي عاد حنا طلعنا ولله الحمد واذا عنده شي حنا جاهزين له ماعاد بالكيف سكوت قال ابو ناصر تهدد انت بعد وش اعداك ولد عمك قال سعود عمي حنا مانهدد لا والله هالمره بنفعل وتشوف ضربهم ابو ضاحي بالعصاء برجلهم وهجو وقفو عند موقد النار والدلال قال ابو ضاحي لاعاد اسمع منكم هالكلام حنا اكبر منكم ونحل هالمواضيع سكتو قال سطام ذوق ي خيتي لاهنتي نبي ناكل ميتين جوع قالت ذوق افا يخسى الجوع ابشرو بعزكم خمس دقايق بس قالو تسلمين ي الاميره ضحكت وراحت قال ابو ناصر اجلسو وجلسو جاء فهد ومشاري انصدمو ضحكو قالو هلا وشلونكم قال فهد هذا السوال الي المفروض حنا نساله انتم وش تسوون هنيا وكيف طلعتو وضحكو قالو فهد ومشاري جدي الله يطول بعمركم قامو وسلمو عليهم قال مسلط لا الفضل ماهو لجدك ولا عمي هذولا ولا هان عليهم يجونا بالسجن ولا يجيبونا حتى قال مشاري اجل لازم ترجعون اذا منحاشين ترا بيزيد الحكم عليكم ضحكو قال مشاري طيب كيف انتم هنيا قال فيصل ابو عزام تنازل عنا وحمدلله بفضل ربي قالو النعم بالله وجلسو سعود قام عنهم برا يدخن وجلس على عتبه الباب عند ذوق خلصت الاكل وتجهزه بالصنايا جتها الجوهره قالت وش فيه الحلو مبسوط قالت ذوق اكيد مبسوطه سلطان والعيال طلعو وهم هالحين عند جدي وباخذ لهم الاكل ميتين جوع ي قلبي عليهم قالت الجوهره حمدلله على سلامتهم ضحكت الجوهره قالت علامك قالت الجوهره لا قالت ذوق سعود هنيا بعد قالت الجوهره ذوق كم مره قلت لك ماتفهمين انتي شي مستحيل خلاص ي ختي سكتت ذوق قالت يلا شيلي معي ماقدر اشيلهم لحالي قالت الجوهره مستحيل ابوي ان شافني يذبحني رايحه لبيت عدوه ولا اخذه لهم اكل لا لا قالت ذوق عمي ماهو فيه وماعندك عذر ساعديني حرام عليك اهون عليك اشيل ذا كله سكتت الجوهره قالت الجوهره ذوق قالت ذوق طيب لعند الباب وانا اخذهم منك قالت الجوهره وعد قالت ذوق وعد واخذت مع ذوق الصينيه حقت الاكل وراحو صوب بيت الجد عند سعود خلص كبت دخان وهو يفكر جته ذوق قالت سعود مارد عليها رفسته برجله قالت اناديك ليه تسفهني ولا تسمعني قال سعود والله ماسمعتك وانا اخوك اعذريني امري وش عندك ضحكت الجوهره ناظر في الجوهره ولفت عنه قالت ذوق اخذ الصينيه من الجوهره وجبها قال سعود ابشري ونزل وقرب سعود قال عطينيها عنك عطته الجوهره قالت لحظه ناظر فيها سعود قال وشلونك ي النشميه ناظرت فيه الجوهره قالت الحمدلله وانت قال هالحين تقدرين تقولين بخير قالت الجوهره دوم يارب وصح حمدلله على السلامه قال الله يسلمك ونظراته فيها غريبه توترت الجوهره من نظراته قالت ا مسكه ترا بخليه مسك سعود الصينيه قال الجوهره وقفت ولفت يمه قالت الجوهره لبيه سم وش تبا تنهد سعود قال خلاص سلامتك روحي قبل احد من اهلك يشوفونك هنيا ضحكت الجوهره قالت طيب وذوق قال معليه تلحقك شوي انتي هالحين روحي يمكن ابوك ولا اخوك يجون ويمرون صدفه ويشوفونك هنيا وتتورطين ضحكت الجوهره قالت مشكور وهجت ضحك سعود وهز براسه قال وش فيك ي سعود شلها من راسك وانت عارف مصيرك ومصيرها وشلون ووبعد انت عارف الي بينكم وبين ابوها وبعد كل هذا تفكر فيها صدق اني مهبول وسكتت عند ذوق مساكه فهد لايطلع قال فهد وش بلاك بطلع قالت ذوق مستحيل قال فهد انا ولد ابوي وغصب يبي يطلع قالت ذوق فهد ياخي لاتقتل المتعه خلك شوي بس ناظر فيها فهد وابتسم قال اي متعه قالت ذوق فهد خلاص لاتصير فضولي اصبر بس شوي وماسكته على الجدار ومايتحرك قال فهد ذوق جدي ولا احد من العيال ان شافنا بالوضع وش يبي يقول ولا يفكر عيب لاتستعجلينين ترا انا خايف ضربته ذوق بيدها على صدره قالت مايهمني المهم عيالي ياخذون راحتهم يارب اجمع بين قلوبهم قال فهد هاه عيالك وان وانا ورا مادريت فيهم وشلون ابوهم ولا درى عنهم ومتى جاء لنا عيال والساعه كم صار فيه ويضحك وحطتت ذوق يدها على فمه قالت فهد انت قليل ادب وش شطح تفكيرك يالوسخ ضحك فهد وشال يدها عن فمه قال وش دراني عنك قلتي عيالنا ومستحيل لو غيري فهم مثل مافهمت ويضحك ذوق وسعت عيونها فيه قالت لا بس تفكيرك انت جاء سعود وغض عنهم قال حمدلله والشكر ماعندكم صبر ياخي اصبرو لبعد تتزوجون اما هنيا بعد قالت ذوق سعود وين الجوهره قال سعود راحت قالت ذوق فهد هذا هو واحد من عيالي وبروح اشوف الثاني وسعود اجلده تكفى وهجت ضحك فهد قال سعود انا واحد من عيالها وشلون قال فهد كنت طالع ومسكتني وماخلتني اطلع وسالتها وقالت المهم عيالي ياخذون راحتهم وانت واحد من عيالها وش السالفه ترا انا بحسبه ابوك ويضحك ضحك سعود فهم قصد ذوق انها تعنيه هو والجوهره قال خلاص فهمت وتعقب تصير ابوي قال فهد فهمني طيب قال مالك دخل بينا ويضحك ودخلو نرجع عند الجوهره متوتره قالت اوف وهو من قريب غير عنه وهو عن بعيد والله عنده وسامه دخلت ذوق وسكتت قالت ذوق من الي عنده وسامه وتضحك شهقت الجوهره قالت ماحد وجلست جلست جنبها ذوق قالت الجوهره وش قال سعود لك قالت الجوهره ماقال شي قالت ذوق واضح دخل وهو يضحك وش قلتي له طيب قالت ماقلت شي تحمدتت له بالسلامه بس قالت طيب وش شفتيه قالت الجوهره ذوق ملامحه حاده وحلو ضحكت ذوق قالت يعني وش يعني هالكلام دفتها الجوهره قالت ولا شي عادي عطيت رايي ضحكت ذوق قالت احلفي ان قلبك ماخفق له للمره الثانيه قالت لا ماحلف وعلى وش احلف مافيه شي مستاهل قالت ذوق يعني افهم خفق له قالت الجوهره لا ضحكت ذوق قالت مع الايام تتقولين لي ماني مستعجله سكتت الجوهره قالت ذوق ليه حظي كذا قالت ذوق ي قلبي وش فيه حظك وش زينه قالت الجوهره لا جت اميره قالت هيه وش صاير قالت ذوق سعود وتضحك قالت اميره علامه قالت طلع والاخت تحمدتت له علو السلامه بعد 😉 صاحت اميره وسكرو فمها قالو لعنه لاحد يسمعك قالت فاتني وربي اخ يالقهر قولو لي التفاصيل ناظرت ذوق فيها قالت رفضت تقول لي وانا الي غامرت على شانها وهبدتت بالكلام عند فهد على شانها شهقت الجوهره قالت وش هبدتتي سكتت ذوق قالت شي خاص خلاص  كان طالع وخفت يقاطعكم ومسكته وصاار الي صار بس معليه عوافي على شانكم ناظرو فيها قالو من اي نوع هبدتتي وش سويتي من متى صرتي جريئة هبدتتهم ذوق قالت ماتوصل للي فكرتو فيه قالو اجل انتي تقولين هبدتت وصار الي صار اجل بعد هالكلام كيف تبين تصفى النيه قالت اقصد بالكلام انتن منحرفات ومسكوها ضحك وطقطقه 😭